Ads by Google X

القائمة الرئيسية

الصفحات

رواية في عشق ليلي الفصل السادس 6 بقلم فاطمه الزهراء علي

 رواية في عشق ليلي الفصل السادس 6 بقلم فاطمه الزهراء علي

 رواية في عشق ليلي الفصل السادس

" مشيت ليلي ودموعها بتنزل زى الشلال وسابت حسن في صدمته حتى انو ممنعهاش تمشي".

" وصلت بيتها حتي متعرفش وصلت ازاى دخلت اوضتها ورمت نفسها علي السرير وفضلت تعيط لحد ما استسلمت لسلطان النوم".

" عند حسن".

" معتز وصل".

-" معتز بأستغراب": اومال فين ليلي يا حسن؟
-" حسن ": ها؟
-" معتز بقلق": ها اية .. بقولك فين ليلي؟
-" حسن": روحت .. مع السلامه.

" ولم حاجته وخد عربيته ومشي".

"معتز": روحت؟.. ازاى .. هو في اية بالظبط؟

" معتز خد عربيته وراح لليلي يعرف منها اية الحكاية".

" طرق علي اوضة ليلي".

-" معتز بقلق": ليلي .. ليلي.. فيكي اية ؟ ... ردى عليا .
-" ليلي صحيت من النوم وبتفتح الباب": في اية يا معتز؟
-" معتز": معرفش انا روحت المطعم زى ما قولتلك لقيتك مشيتي بسأل حسن عنك قالي روحتي وسابني ومشي .." وبقلق":هو في اي؟
-" ليلي بدموع": ادخل وانا هفهمك.
-" معتز وهو بيدخل وبيغلق الباب وراه": في اية بقا؟
-" ليلي بعياط وايديها علي وشها": رفضني .. رفضني زى ما غيره عمل يا معتز... حبيته وهو سابني ومشي.. ليه بس كدا ياربي عملت اية عشان يحصل معاي كدا؟
-" معتز بيشيل ايديها من علي وشها": ممكن تهدى وتفهميني في اية ؟.. انا مش فاهم اية حاجه رفضك ازاى ؟
-" ليلي": اللي حصل انو ايجي خدني من الشغل و.........حكت ليه اللي حصل.
-" معتز بصدمه": معقول .. معقول يكون مش بيحبك... ازاى ... انا هتجنن انا متاكد ان في حاجه غلط.. انا متاكد انو بيحبك متظلمهوش يا ليلي.. اسمعي منه الاول وبعدين احكمي.
-" ليلي بصراخ":بطل تدافع عنه بقا وانا مش هسمع حاجه تانية من حد كلام نهائي.. لو كان بيحبني زى ما بتقول مكنش خلاني امشي وانا دموعي علي خدى.
-" معتز": معرفش.. معرفش حصل اية..والله ما بدافع عنه .. بس انا متاكد انو في حاجه غلط.
-" ليلي": معتز لو سمحت سبني في حالي.. واطلع برة عاوزة ابقي لوحدى.
-" معتز بلطف": تمام بس تأكدى انو في حاجه غلط وانا مش هسيبه هفضل وراه لحد معرف ايه سبب رد فعله الغريب دا.
-" ليلي بحزم": انت تعرف او متعرفش دا شئ ميخصنيش انا خلاص مش عاوزة اسمع عنه حاجه.
-" معتز": هسيبك تهدى وهرجعلك تاني .

" وطلع معتز".

-" ليلي بدموع": ليه .. ليه بس يا ربي يعمل فيا كدا.. لية يارب علقتني بيه لما هو مش من نصيبي .. ليه.

" عند معتز فضل يتصل كتير ب حسن لكن موبايله مقفول".

" طرق علي باب شقة حسن".

-" امل من الداخل ": حاضر جاية اهو " وبتفتح".
-" معتز غاضض بصره": السلام عليكم.
-" امل وعيونها في الارض وبكسوف": وعليكم السلام ورحمه الله وبركاته.. خير في حاجه؟
-" معتز ومازال غاضض بصره": خير .. هو بس حسن موجود؟
-" امل ": لا هو وصلني وقالي انو عازم ليلي علي الغدا ومن ساعتها مشفتوش.. هو في حاجه؟
-" معتز ": لا مفيش .. بعد اذنك.

" وسابها ومشي".

-" امل ": هو في اية؟

" ودخلت تاني".

" بعد ٥ ايام ".

" مازال حسن مختفي ومفيش اي اخبار عنه ".
" ليلي بطلت تروح شغلها وعلي طول في اوضتها مبتطلعش منها".
" معتز بيحاول يخفف عن ليلي بس مفيش فايدة".

" طرق علي غرفة باب ليلي".

-" ليلي بحزن": اتفضل.
-" معتز": وبعدين معاكي يا ليلي هتفضلي رافضة الاكل معانا كتير أما بقولك تعالي ناكل برة بتقولي لا هاكل لوحدى وماما ابتسام بتجبلك الاكل مبترضيش تأكلي برضوا .. مينفعش كدا حرام عليكي نفسك.
-" ليلي بأبتسامه حزن": متخافش عليا انا كويسه ويلا هطلع وناكل سوا.
-" معتز بمرح للتخفيف عنها": يلا بينا يا لولا.
-" ليلي ": يلا.
-" معتر": ليلي .
-" ليلي التفتت": نعم.
-" معتز بجدية": مفيش اخبار عن حسن موبايله مقفول ومحدش من اهله يعرف عنه حاجه.
-" ليلي": ميخصنيش وانا معرفش حد اسمه حسن ويلا عشان نأكل ولا ادخل اوضتي تأني؟
-" معتز باستسلام": يلا .

" وبعد الغدا ليلي رجعت اوضتها تاني".

" صوت طرق جامد علي الباب".

-" معتز": ايوا ايوا جاي اهو في اية بس؟

" وبيفتح".

-" حسن بمرح": سنه عشان تفتح اخلص واوعي من وشي كدا" وبيزقه جامد". "
-" حسن": اتفضل يا شيخنا.

" وبيدخل رجل مسن".

" وبيقعد حسن والشيخ ومعتز مازال مصدوم".

-" معتز بصدمه": هو في اية.. مش دا الولا حسن؟
-" معتز بصياح": ولاا قوم فز من مكانك بتعمل ايه هنا اصلا؟
-" حسن بغرور": ملكش فيه انا جاي اقابل حمايا العزيز وواخد منه الآذن .. " واكمل بلامبالاة مصطنعه": واه صحيح انا جاي اكتب مش هتقدم لسه .
-" معتز": تتقدم ايه ومين انت بتقول اية ؟
-" حسن بصراخ عشان يسمع ليلي": جاي عشان اكتب علي اختك وواخد اذن ابوها وهو موافق .

" ليلي من الداخل ": دا صوت حسن.

" لبست بسرعه وطلعت".

-" ليلي بصدمه ودموع": حسن؟
-" حسن بلطف": عيونه.
-" ليلي ": هو في اية؟
-" حسن ": ولا اية حاجه مش عارف انا انتوا مكبرين الحوار ليه واحد وجاي يكتب كتابه علي حبيبته فين المشكله يا جماعه ؟
-" ليلي ومازالت في صدمتها": حبيبت مين؟
-" حسن": حببتي انا .. ومراتي انا.

" مدحت من خلفهم": اهدى يا وحش لسه مبقتش مراتك.
-" حسن": عشر دقائق وتبقي مراتي ولا تزعل نفسك.
-" ليلي بعد ما فاقت للي حواليها": مرات مين .. ومين بيتجوز .. هو انتوا مين قالكوا اني موافقة اصلا؟

يتبع الفصل التالي اضغط هنا 

 الفهرس يحتوي على جميع فصول الرواية كاملة: " في عشق ليلي" اضغط على أسم الرواية

reaction:

تعليقات