رواية بداية حياة الفصل الخامس 5 بقلم سلمى اشرف
رواية بداية حياة الفصل الخامس 5 بقلم سلمى اشرف
صحيت زينه لقت نفسها في اوضتها و عمر قاعد علي كرسي جنبها ونايم وماسك أيدها ♥️
زينه : عمر ... عمر
عمر بخضة وقلق : في أي ؟ انتي تعبانه ؟
زينة : اهدي اهدي أنا كويسة هو اي اللي حصل
عمر : انتي دوختي وتعبتي وحرارتك كانت عالية نزلت جبتلك دوا من الصيدلية وعملتلك كمادات ونمت وانا قاعد
زينه : يمكن خدت برد .. طب حاول ترتاح شكلك منمتش كويس وانا هقوم اعمل اكل
عمر : لا لا أنا عملت .. هقوم اسخن الاكل وناكل سوا
زينه : هي الساعة كام
عمر بص في ساعته : خمس المغرب
زينه : أنا نمت كل ده ؟
عمر بابتسامة : ولا يهمك ارتاحي لحد ما اجي ♥️
..
عمر خبط علي أوضة زينه وهو شايل صنيه الاكل
عمر : زينه .. ادخل ؟
زينه : اه ي عمر تعالي
عمر : يلا عشان تأكلي بصي عملت شربة خضار ورز وفراخ أنا مبعرفش اعمل أكل اوي بس اهو عملت اللي قدرت عليه
زينه بابتسامه : كفاية انك تعبتك نفسك
وبدأو ياكلو سوا وعمر أداها الدوا بعد ما خلصو وراح يعمل حاجة يشربوها ♥️
زينه في أوضتها قاعدة علي السرير ومبسوطة من اهتمام عمر بيها وخوفه وقلقه عليها .. وفي وسط سرحانها فونها رن لقت خالد بيكلمها ..
زينه باستغراب : وده عايز اي ؟ .. الو ..
خالد : زينه عاملة اي
زينه : الحمد لله وانت
خالد : بخير الحمد لله المهم انتي تكوني كويسة عرفت أن عمر استأذنلك النهاردة تاخدي إجازة من الشغل فقولت اطمن عليكي ..
زينه : اه تعبت شويه فمقدرتش اجي
خالد : الف سلامه عليكي طب محتاجة حاجة ؟
زينه : لا شكرا لو احتجت حاجة هطلبها من عمر
خالد باستغراب : ماشي يلا سلام
زينه ارتبكت لما لقت عمر دخل في اخر كلامها مع خالد
عمر بجدية : مين كان بيكلمك
زينه : ده .. ده خالد
عمر : كان عايز اي
زينه بتوتر : كان بيطمن عليا عشان مجتش الشغل
عمر : اممم طب ممكن تحاول متتكلميش معاه كتير ؟ خالد صحبي وانا واثق فيه بس هو ميعرفش أننا هنتجوز ولا يعرف حاجة عن اللي بينا .. فهماني؟
زينه : أيوة .. اصلا مفيش كلام اوي بيني وبينه .
عمر : عارف .
زينه : مالك ؟
عمر بابتسامه : مفيش حاجة خدي اشربي النسكافيه بتاعك لحد ما أجي .
زينه : هتروح فين ؟
عمر : نازل الشغل هخلص حاجة وجاي مش هتأخر
عمر قام وبياخد حاجته من اوضته ونازل لقي زينه بتنادي عليه .
زينه : عمر .. ي عمر استني لحظة
عمر طلع لقاها واقفة سانده علي باب اوضتها راح سندها
عمر : متقفيش ي زينه الأدوية تقيلة ومحتاجة ترتاحي تعالي معايا
سندها لحد السرير وخلاها نامت
عمر : ارتاحي لحد ما اجي
زينه بنوم : خليك معايا شويه بس لحد ما انام
عمر بابتسامه وتنهيدة : عيوني حاضر
فضل جنبها فعلا لحد ما اتاكد أنها نامت غطاها كويس وطفي النور وطلع خد حاجته ونزل ♥️
..
عدي اسبوع وزينه خفت ورجعت شغلها وعمر كان بيوصلها وعرف خالد أنه هيخطبها عشان ميحاولش أنه يقرب منها .. وجه يوم الجمعة اللي عيلة عمر وزينه يتقابلو فيه .
زينه : عمر أنا خايفة
عمر : اهدي بس انا معاكي رني علي خالتك عرفيها آننا قربنا نوصل
زينه : حاضر
خالة زينة : فينكم ي بنتي ؟
زينه : قربنا اهو ي خالتي
..
حمزة ( خال زينه ) : نورتونا ي جماعة والله
ابو عمر : بنورك الله يخليك .. ندخل في الموضوع علي طول احنا طالبين ايد المهندسة زينة
حمزة : طيب بالنسبة لأبن حضرتك بيشتغل اي
عمر : اسمحلي اتكلم ي بابا بعد اذنك .. أنا اسمي عمر مهندس مدني وعندي شقة ومجهز فيها كل حاجة وتقدرو تيجو تشوفوها في أي وقت وتحت امرك في اي طلبات .
حمزة بإعجاب : حلو وبالنسبة للشبكة والمهر وغيره
ابو عمر : مش هنختلف بالنسبة للشبكة فأبني جاب الشبكة معاه عشان نتمم الخطوبة النهاردة
حمزة باستغراب : ولي الاستعجال ؟
ابو عمر : معلش بقي انت عارف اننا مش من هنا وكمان احنا حبينا زينه واعتبرناها بنتنا اول ما شوفناها وملوش داعي نطول الخطوبة مادام العرسان متفقين والا اي ؟
حمزة : اممم مفيش مشكلة أنا موافق بس ناخد راي زينه
زينه بصتلهم واتكسفت وهي بتبتسم
حمزة بضحك : أنا بقول نقرأ الفاتحة
قرو الفاتحة وعمر راح ل زينه وفتح علبة فيها شبكتها
عمر : شبكتك ♥️
زينه بانبهار : جميلة اوي ♥️
حمزة : ده احنا كده نبل الشربات علي بركه الله
ابو عمر : طب نحدد معاد كتب الكتاب والفرح
حمزة : زينه اي رأيك بعد شهرين ؟
زينه بصتله بخوف وتوتر وبصت ل عمر اللي فهم هي عايزة تقول اي وبصلها بابتسامه تطمنها
عمر بجدية : أنا ليا طلب عندك ممكن ؟
يتبع الفصل السادس اضغط هنا
الفهرس يحتوي على جميع فصول الرواية"رواية بداية حياة "اضغط على اسم الرواية
تعليقات
إرسال تعليق