رواية في عشق ليلي الفصل الرابع 4 بقلم فاطمه الزهراء علي
رواية في عشق ليلي الفصل الرابع
-" حسن بصدمه": اخوكي؟
-"
ليلي بدموع وحدة وهي بتقوم معتز معاها من علي الارض": اه يا محترم اخويا
.. وبعد اذنك كدا عديني ومعنتش عاوزة اشوف وشك تاني ولا المحك صدفة حتي .
-" ليلي موجهه كلامها لمعتز": يلا يا معتز يلا يا حبيبي نمشي اتأخرنا.
-" حسن بعد ما فاق من صدمته": متقوليش حبيبي دى .. ويلا وانا هوصلكم في طريقي.
-" ليلي بحزم": مش قولتلك ملكش دعوة بيا اية مبتفهمش.. وبعدين هتركب واحدة مش محترمة في عربيتك لية يا محترم.. ها رد عليا.
-" حسن ": والله ما كنت اعرف التعبير خاني مش اكتر ومعرفش حتي قولت كدا ازاى.!
-" ليلي": ولا قولت ولا عدت ابعد عن طريقي انا مش شايفة قدامي دلوقتي.
" كل دا ومعتز متابع الموقف وعلي وشه ابتسامة خبيثة".
-"
معتز بحزم الي ليلي": ليلي مينفعش اسلوبك دا واتفضلي يلا مفيش اصلا
مواصلات الظهر وانا عربيتي في التوكيل يعني هنركب مع البشمهندس اتفضلي
قدامي عاوز الاستاذ في كلمتين.
" ليلي مكانها ومكتفة ايديها امام صدرها ": مش رايحه.
-" معتز بغضب وبيمسك ايديها جامد": سمعتي قولت اية ولا تحبي اعيد؟
-" ليلي بدموع ": سمعت.. عن اذنكوا.
" بعد ما مشيت اذا بحسن بيضرب معتز تاني لكمة في وشه".
-" حسن": اياكي تشخط فيها تاني انت سامع؟
-" معتز بصدمه": انت عيل والله في اية يالا وانت مال اهلك اصلا بزعق في اختي مالك انت؟
-" حسن بحرج وتوتر": مليش انت تسمع الكلام وبس " واكمل بتهديد": اياك المحك بتحضنها ولا بتقرب منها بس هعمل منك كفته.
-" معتز بمرح وبيحط ايده علي كتف حسن": اه يا قاسي كفته حته واحدة انما انك عيل .. بس يا استاذ يا محترم انت دخلك اية بأختي اساسا .
-" حسن ": اا ا دخل اية مفيش.. هو بس كل الحكاية ان والدتها مأمناني عليها وانا بحاول اصون الامانة مش اكتر.
-" معتز بخبث": بتصون الامانة اه .. حنين انت يا ... ال صحيح انت اسمك اية؟
-" حسن": حسن ياخويا .. حسن اللي اتسببت في ان القمر يزعل منه.. داهية في شكلك.
-" معتز": ولاا اظبط قمر مين دى اختي يلا والله هزعلك مني.
-" حسن": متقدرش اصلا.
-" معتز": اصلا؟
-" حسن وبيضربه في كتفه": اصلا يا خفيف .. مش عارف انا العيله دى هتوديني علي فين.
-" معتز وهو بيمشي وساحب حسن وراه": هتوديك في داهية ان شاء الله .. يلا بقا أتأخرنا البت زمانها هتموت من العياط.
-" حسن وبينتر ايده من ايد معتز": بس متقولش بت بت في عينك يا حيوان انت.
-" معتز بغضب مصطنع": لا دا انت اخدت عليا اوى .
-" حسن بمرح": اصلا؟
-" معتز": يلا يالاا من قدامي.. هي ناقصه.
" وصلوا عند العربية لقيوا امل وليلي ركبين ورا وامل واخدة ليلي في حضنها وبتهديها عشان تبطل بكا".
-" حسن وهو بيركب ": السلام عليكم.
-" معتز": السلام عليكم.
-" امل عليكم السلام ورحمه الله وبركاته.
-" معتز اول ما سمع صوتها لف بسرعه عشان يشوف صاحبة الصوت".
-" معتز بتوهان": يا مساء العسل.
-" امل بخجل": مساء النور.
-" حسن وبيضربه علي قفاه": لم نفسك يالا دى اختي.
-" معتز بيوطي علي حسن وبيهمسله": ما انا سايبك تشقط في اختي من الصبح ومتكلمتش .
-" حسن بنفس الهمس": اولا مش بيشقوطها في حيوان .. انا بصراحه.. احم بحبها.. " واكمل بحدة": ثانيا ملكش دعوه بأختي بدل ما اقل منك.
-" معتز": طب ليه تقطيع الارزاق دا .. بص انا هعمل معاك اتفاق.. انت تظبط اختي.. وانا هظبط اختك .. ها اية رايك؟
-" حسن ": هفكر وارد عليك.
-" معتز": اشطا يا باشا.
" وبعد مدة وصلوا قدام العمارة وليلي جريت علي فوق من غير ولا كلمه وامل طلعت كمان متبقاش الا معتز وحسن".
-" حسن بجدية": فكك من الهزار دا .. ليلي اكيد مش طيقاني دلوقتي .. مش عارف اودى وشي منها فين بصراحة.
-" معتز بلامبلاه": انت اللي عكيت الدنيا اشرب بقا.
-" حسن": انت مفيش منك منفعة ليه.. بصراحة انا كنت غيران عليها.
-" معتز": انت اهبل يالا ولا عبيط تغير عليها بتاع اية وتغير من مين اصلا انا اخوها اية البعيد مبيفهمش؟
-"حسن":
بغير عليها ليه لاني بحبها.. امتي وازاى انا نفسي معرفش انا مشوفتهاش كام
مرة علي بعض بس من اول ما شوفتها .. وهي خطفتي بعيونها ولا نقابها
واحتشامها.. واكتر ما بيميزها في عيوني كسوفها.. عمرى ما شوفت في رقتها ولا
خجلها ولا اخلقها" واكمل بغيرة": انما بقا بغار من مين فانا بغار من اي حد
يقرب منها ايه صنف راجل يقرب منها فانا بغار ملهاش حق تقرب من حد غيري.
-"
معتز بجدية لاول مره": بص يا وحش انت حاليا ملكش اي حق فيها هي ملك
نفسها.. كمان .. انا بصراحه حاسس انك فعلا بتحبها.. انا هساعدك تحسن موقفك
معاها.
-" حسن وبيحضنه": يخليك ليا يا رب.. تعيش ونجاملك.
-" معتز وقد عاد لمرحه": ما انا بقا عاوزك تجامل.
-" حسن متصنعا عدم الفهم": اجاملك ازاى وانا مش هتاخر؟
-" معتز": ايوا ايوا اعمل نفسك مش فاهم.. ما هو بص بقا انا مش هساعدك في حوار ليلي الا لما انت تظبطني مع اختك.
-"
حسن بغضب": اظبط مين يا واطي انت بقولك اختي ثم انا بحب ليلي واول ما
موقفي يتحسن معاها هطلب ايديها من عمي مدحت مش بشقطها زى ما انت عاوز تعمل
مع امل.
-" معتز": هي اسمها امل؟
-" حسن وبيمسكه من هدومه ": ولاا اظبط كدا بدل ما ازعلك.
-"
معتز بيبعد ايد حسن عنه وبيظبط هدومه": ياعم ولا تزعلني ولا ازعلك..
وبعدين يا حيوان دا منظر واحد ليه في الشقط" وبيشاور علي نفسه": انا ان شاء
الله كنت نازل مصر ناوى اتجوز وكدا وبصراحة اعجبت بأختك .. " وبيضربه في
كتفه": فمهت يا بغل؟
-" حسن ": فهمت يا اخويا بس برضوا لازم اتأكد الاول واسئل عنك كويس.
-" معتز بغرور": اسئل يا باشا براحتك صفحتي ابيض يا ورد.
-" حسن": هههههههه.. دا انت مسخرة .. انزل بقا .. وروح اتكلم مع ليلي.
-" معتز ولسه هيزل رجع تاني": متقولي رقمك يا وحش عشان لو في اخبار عن البت ليلي!" وبيغمز"
-" حسن ": ولاا مسمهاش بت هزعلك.. وخد رقمي اهو ٠١٠********.
" وسيفوا ارقام بعض وكل واحد راح شقته".
-" معتز بيخبط علي باب شقه ليلي".
-" ابتسام ": اتقضل يا بني.
-" معتز بأدب ": شكرا يا ماما ابتسام .. اومال لولا فين؟
-" ابتسام": جوا يا حبيبي من ساعه ما جت من برة وهي قافله علي نفسها.. ادخل شوفها والنبي يا معتز.. علي ما احضرلكم الغدا.
-" معتز بمرح وبيلف ايده حولين ابتسام": فكك بلا لولا بلا بتاع هتغدينا ايه يا قمر؟
-" ابتسام": هههههه.. همك علي كرشك يا واد .. عموما عملالك الاكل اللي بتحبه .. وعامله بسله .
-" معتز بصياح": اهو دا الكلام بقا طب اسيبك انا مع طشاتك وحاجاتك واروح اشوف البت لولا.
-" ابتسام": ماشي يا حبيبي.
" معتز بيخبط علي باب اوضه ليلي": لولا افتحي بقا.
-" ليلي بغضب من داخل الاوضة": مش فاتحة ولما اشوف هتعمل اية بقا .. اية هتزعقلي تاني يا معتز باشا؟
-"
معتز بلطف": مقدرش يا روح معتز باشا .. افتحي بقا اصلا ملحقتش اشبع منك
متبقيش كدا .. " واكمل بضيق مصطنع وخبث": كلها كام يوم واسافر واريحك مني.
-" ليلي فتحت الباب وقالت بدموع": هتسافر امتي؟
-" معتز وبيحضنها": كمان تلت شهور.
-" ليلي بغضب وبتبعده عنها": ابو شكلك تلت شهور وعامل مناحه.. دا انا مش طايقك من دلوقتي.
-" معتز وبيدخل الاوضه وبيقعد علي السرير": كدابة في اصل وشك يا لولا.. دا انت هتموتي ومتخلنيش اسافر تاني صح؟
-" ليلي ويتقعد جمبه": صح.
-" معتز بجدية وبيخدها في حضنه وبيمسد علي ظهرها": مالك يا لولا فيكي اية؟
-" ليلي": مفيش.
-" معتز": عليا برضوا يابت دا انا عارفك اكتر من نفسك.. قولي بقا مالك؟
-" ليلي بدموع": مش عارفه.. ليه الدنيا بتعمل كدا معايا.. طب عارف انا مزعلتش من حسن علي اللي قاله.. انا عارفة انو مكنش يقصد .
-" معتز بخبث": اومال عملتي كدا ليه؟
-" ليلي بصدق": هتصدقني لو قلتلي مش عارفة .. معرفش عملت كدا ليه .. خايفة .. خايفة اوى يا معتز.
-" معتز وبيطبطب عليها بحنان اخوي": خايفة من اية يا روح معتز.. في اية فهميني.. ليلي انتي خايفة تكوني بتحبيه؟
-" ليلي بشهقات": اه خايفة اكون كدا انا معجبة بيه منكرش كدا ب ب بس مينفعش مينفعش يا معتز.
-" معتز بيحاول يهديها": ليه بس يا روحي اللي مش نفعه؟
-" ليلي": يعني انت مش عارف.. انا مش هستحمل اني احبه وبعدين يرجع هو يرفضني زى اللي قبله عشان عشان.. انا مشوهه.
-" معتز": ليلي ممكن تخرسي شويه مشوهه ايه دا انتي مفكيش حاجه يا حببتي ودى ارادة ربنا ولت هنعترض علي دى كمان؟
-"
ليلي": ونعم بالله وانا عمر الموضوع دا ما زعلني علي قد ما زعلت علي تعامل
الناس معاي بسببه ..يا معتز انا محستش بطعم الحياه غير لما انتقبت لما
اختفيت عن عيون الناس.. لما بطلوا تريقه عليا.. " واكملت بحزن ودموع
شديدة": بس مش هستحمل مش هستحملها منه بعد ما حبيته لا.
-" معتز": ليلي اللي بيحب مبيدورش علي عيوب اللي بيحبه بالعكس بيدور علي احسن ما فيه .. متخليش الموضوع دا يدمرلك حياتك.
-" ليلي": انت قولت اللي بيحب.. انما انا ايه عرفني انو بيحبني اصلا؟
-" معتز بخبث": لا من الناحية دى اطمني هو بيحبك.. " واكمل بلامبالاة مصطنعه": اه اه وكمان كان طالب ايدك صح.
-" ليلي بصدمه": نعم
يتبع الفصل التالي اضغط هنا
الفهرس يحتوي على جميع فصول الرواية كاملة: " في عشق ليلي" اضغط على أسم الرواية
تعليقات
إرسال تعليق