رواية ويشاء القدر الفصل الرابع 4 بقلم اية محمد

 رواية ويشاء القدر الفصل الرابع 4 بقلم اية محمد

 رواية ويشاء القدر الفصل الرابع

 تأتي ياسمين في تمام الساعة الثامنة مساء ، تاليا و هاجر يكونوا في انتظار ياسمين .
ياسمين هتدخل من الباب هتلاقي تاليا و هاجر قاعدين برا في الصاله
ياسمين : مساء النور .
هاجر : مساء الخير يحبيبتي .
ياسمين بقلق : فيه حاجه و لا اي؟
هاجر : ساجدة ، العميد طردها و قالها مفيش محاضرات ليكي لمدة أسبوعين .
ياسمين : طب هي فين دلوقتي .
هاجر : جوا و مش راضية تتكلم مع حد فينا غير لما انتي تيجي .
تدخل ياسمين الاوضه لـ ساجدة و معاها هاجر و تاليا .
ياسمين هتقعد قصاد ساجدة علي السرير و تقولها : اي يحبيبتي مالك .
ساجدة : مفيش العميد طردني .
ياسمين : اي السبب طيب .
ساجدة : بت ملزقة لسه محولة السنة دي في الجامعة فضلت تغلط فيا روحت متخانقة معاها العميد دخل و زعق و حصل اللي حصل يلا الحمدلله .
ياسمين : برضو مش فاهمه البنت دي قالت لك اي ؟
و تحكي ساجدة اللي حصل بالتفصيل .
تاليا : اسمها اي البنت القذرة دي؟
ساجدة : سمعت العميد بيقولها يارا مش عارفه بنت دكتور اسمه عبد الله باين و لا...
تاليا : عبد الرحمن؟
ساجدة : ايوا تقريبا ، انتي تعرفيها ؟
تاليا : و فيه حد يتوه عن الأشكال دي ، سبيها عليا هجيبلك حقك منها و بالمرة اعرفها قيمتها كويس .
ياسمين : تاليا احنا مش عايزين مشاكل مع حد مش كفاية المشاكل اللي حصلت في أولى جامعه كمان ناوية السنه دي برضو ، انا هحل المشكله دي و إياك حد يتهور و يعمل حاجة انتو فاهمين ؟
تاليا : حاضر .
ياسمين : روقي و اهدي و متشغليش بالك ببنت زي دي و العميد دا انا هشوف حل معاه و هتروحي الجامعة من بكرا و تجهزي نفسك و المحاضرات بتاعت انهارده اللي ضاعت مش مهم اتفقنا..
ساجدة : اتفقنا .
تأخدها ياسمين في حضنها و تطبطب عليها و تراضيها .
ياسمين : نستيني انا ورايا اي بنكدك دا ، امسحي دموعك يلا و انا هقوم اعملكوا حاجه تاكلوها ، حد فيكوا فاضي و لا مشغولين ؟
هاجر :و لو مشغولين نفضي نفسنا عشانك يـياسمينا.
ياسمين : ماشي يقمر ، بصوا طبعا زي ما انتو عارفين اني بنظم رحلة للقاهرة و الرحلة لسه فاضل عليها ١٠ ايام و لقيت على الجروب ناس كتير بتسأل على السعر و انا مكنش عندي وقت اني اشوف الأماكن كلها و معرفش الأماكن اللي المفروض بيدفع فيها فلوس فـلو حد فيكوا يقدر يساعدني و يعمل سيرش على الأماكن الموجوده و يعرف التفاصيل؟
هاجر : اي دا انتي بتنظمي رحلات ؟
ياسمين : ايوا بقالي سنه اهو الحمدلله.
هاجر : انا بحب السفر جدا و بحب استكشف أماكن جديدة و مختلفة ، انا اول واحدة جايه معاكي بدون اي مقدمات اتفقنا.
ياسمين : يستي الأول بس اعرف مين هيساعدني و بعدين نتفق على كل حاجه براحتنا .
هاجر بحماس : انا هساعدك.
ياسمين : طيب ، بما انك متحمسة جدا فـانا هعتمد عليكي و يارب تبهريني .
هاجر : دا انا هبهرك يلا اقوم انا بقي
ياسمين : تسلميلي يعمري تعبتك معايا.
هاجر : تعب اي بس ، دا انتي تؤمري.
ياسمين : حبيبتي.
و تدخل هاجر الاوضه و تروح تاليا وراها.
____________________
ياسمين هتفضل قاعده شويه من غير ما تتكلم و بعدين هتبص لساجدة و تقولها : هحللك الموضوع متقلقيش و امسحي دموعك دي بق، اعتبريني انا اللي غلطت و انا اسفه حقك عليا
و تبوس رأسها و تحضنها .
ياسمين : خلاص بقي قومي يلا اغسلي وشك .
تقوم ساجدة تغسل وشها و بعدين ترجع
و ياسمين هتقوم تجيب الموبايل بتاعها و تتصل بالدكتور محمد .
دكتور محمد : ما احنا كنا مع بعض من شويه و لا هو فتح المواضيع مش بيحلي غير في التليفون و يضحك.
ياسمين : لا متقلقش مش هتكلم في حاجه تخص الجامعة خالص .
دكتور محمد بقلق : فيه اي قلقتيني البنات كويسين ؟
ياسمين : كويسين الحمدلله.
الدكتور محمد : اومال فيه اي؟
ياسمين : ساجدة ، فيه دكتور في الجامعه طردها و قالها مفيش محاضرات لمدة أسبوعين .
دكتور محمد : اي السبب طيب دي ابهرتني بالمقال اللي كتبته عني انهارده بصراحه انا فخور بيها جدا و مش عارف ارد جمايلها دي و الله.
ياسمين : جمايل اي بس ي دكتور دا احنا نشيلك فوق دماغنا.
االدكتور محمد : تتسلميلي ي بنتي و الله المهم و بعدين . ياسمين : اتخانقت مع بنت لسه محولة الجامعة السنة دي و العميد لقاها بنت دكتور في الجامعه تقريبا فـ قال لساجدة انتي اللي غلطانة و طردها و مطردش البنت التانيه .
الدكتور محمد : اسمه اي العميد دا و البنت دي اسمها اي ؟
ياسمين : دكتور عادل النجار و البنت يارا عبد الرحمن بس دا كل اللي اعرفه؟
دكتور محمد : طيب تيجي لي بدري بكرا و معاكي ساجدة و انا هعتذر للدكاترة عن غيابك و هتصل على ناس معارف ليا و هشوف الموضوع دا و متقلقيش محدش فيهم هيرفضلي طلب .
ياسمين : اسفه ي دكتور لو تعبت حضرتك معانا بس حقيقي مكنش قدامي حد غيرك عشان أحل المشكله بهدوء و انا مش عايزه مشاكل.
دكتور محمد : انتو زي ولادي و اكتر ي بنتي و انتي عارفه دا كويس ، هخلي هديل تيجي بكرا بدري قبل ما تنزلوا تحضر لكم الغدا و الفطار و متشليش هم حاجه و مش عايز رفض منك لأن انا لما اقول حاجه تتنفذ ماشي. ؟
ياسمين : حاضر ي دكتور شكرا جدا ، يلا انا هنام تصبح على خير يارب.
دكتور محمد : و انتي من أهل الخير يـياسمينا ، اه متنسيش تعرفيني على البنت الجديدة اللي انتي حكتيلي عنها انهارده ماشي ؟
تضحك ياسمين : حاضر ي دكتور يلا باي .
تقفل ياسمين المكالمه مع الدكتور و تغير هدومها و تنام جمب ساجدة و تأخدها في حضنها.
ياسمين : اطمني المشكله لما بتتحل في هدوء احسن مليون مره من أنها تتحل بخناق و اوعي تتهوري زي البت المجنونة اللي جوا دي و تعملي حاجه كدا و لا كدا ، و بعدين يعم فيه قمر بيعيط برضو ، و حاجه كمان لازم تعرفيها بمناسبة الكلام اللي هي قالته على الحجاب فـانتي ملكه بحجابك و هي الخسرانه مش انتي و الله.
ساجدة : وجودك في حياتي هو اللي بيطمني على كل حاجه ربنا ما يحرمني من وجودك ابدا يارب .
ياسمين : و لا يحرمني منك ابدا يارب و افرح بيكي بقي عشان زهقت منك بصراحة .
ساجدة : قولتلك قبل كدا مش هتجوز قبلك انتي فاهمه؟
ياسمين : هتعنسي يعني
____________________
و يضحكوا الأتنين ، في الوقت دا هاجر هتكون واقفه برا و بالفعل هيجي في بالها كلام تاليا عن ياسمين و انها فعلا اكتر من ام بالنسبه لهم .
تدخل هاجر و تقول : اسفين على الازعاج يجماعه .
ياسمين : ازعاج اي بس تعالي .
هاجر : خلصت كل اللي قولتيلي عليه اهو و جمعت أماكن كتير بالتفاصيل بتاعتها المدة اللي المفروض نقضيها في المكان دا و الفلوس اللي بتدفع لو فيه أماكن هندخلها بفلوس
ياسمن تمسك الورقه و تقرا اللي موجود فيها.
ياسمين : لا بصراحه ابهرتيني فعلا ، بإذن الله هحجز معظم الأماكن دي عشان ميحصلش مشكلة ، و كمان كدا عرفت ازاي هحدد سعر الاشتراك ، اقوم انا بق اكتب البوست عشان الناس اللي عايزه تشترك، شكرا ي جوجو لمجهودك الكبير دا.
و تبوسها و بعدين تقوم على الكمبيوتر و تكتب : تم تحديد سعر الاشتراك سيكون....
لكن هتقف هنا لأنها لسه متعرفش سعر المواصلات .
ياسمين : ايي دا انا نسيت خالص اكلم السواق اللي هيطلع معانا.
هتمسك الموبايل و ترن على السواق اللي كل مره بتطلع معاه
ياسمين : الو اسفه جدا لو برن في وقت متأخر بس انا لازم اكتب سعر الاشتراك عشان الناس اللي سالتني .
السواق محسن : و لا يهمك ي دكتوره ، طبعا انتي عايزه كل حاجه تبقى على أعلى حاجه
ياسمين : اكيد حضرتك بتشرفني كل مره قدام الناس اللي طالعه معانا و الرحلة دي مش مطوله اوي متقلقش يومين بس.
السواق محسن : ١٣٠ للفرد بإذن الله .
ياسمين : بس لازم تكون عارف ان احنا مش هنقعد في فندق استراحه احنا هنفضل اليومين متواصلين و هنقعد وقت كبير في الاتوبيس
السواق محسن : تمام ي دكتوره زي ما قولتلك ١٣٠ للفرد عشان خاطر عيونك طبعا زي كل رحله .
ياسمين : ربنا يخليك ، شكرا جدا ياستاذ محسن حقيقي مش عارفه ارد جمايلك دي كلها ازاي .
السواق محسن : علي اي بس انتي زي بنتي
ياسمين : تسلملي يارب ، يلا مع السلامه
السواق محسن : سلام يدكتوره.
ياسمين هتقفل المكالمه و بعدين تقعد على المكتب و تكمل كتابة البوست :..
400 جنيه ( الأتوبيس + بعض الأماكن اللي هنزورها )
يارب اقدر اوفرلكوا كل حاجه بإذن الله و ان شاء الله كل حاجه هتكون جاهزه .
نتقابل ان شاء الله يوم الخميس القادم .
استودعكم الله .
___________________
بعدين هتقفل اللاب توب و تقوم من علي المكتب
ياسمين : انا كدا خلصت اللي عليا الحمدلله .
هاجر : الحمدلله ، يلا تصبحوا على خير.
ياسمين : و انتي من أهل الخير يجوجو.
و تخرج هاجر و تذهب لغرفتها
ياسمين : يلا يساجدة نامي ، تصبحي على خير يارب.
ساجدة : و انتي من أهل الخير يحبيبتي.
ياسمين هتنام على سريرها و ساجدة هتنام بعدها علي طول .
و ينتهي اليوم 

يتبع الفصل التالي اضغط هنا

 الفهرس يحتوي علي جميع فصول الرواية '' ويشاء القدر'' اضغط علي اسم الرواية