رواية بداية حياة الفصل الثالث 3 بقلم سلمي اشرف
رواية بداية حياة الفصل الثالث
صباح يوم جديد 
عمر : صباح الخير ي زينه
زينه بنوم : صباح النور هقوم البس عشان الشغل بس معلش اتعب واعملي قهوة معاك بدل النسكافيه عشان افوق
عمر بضحك : شغل اي النهاردة الجمعة روحي اغسلي وشك وفوقي كده وتعالي عايزك في موضوع
زينه وهي بتضرب جبهتها بإيدها : أنا نسيت صح النهاردة إجازة .. ماشي هروح اتوضا واصلي الفجر عشان مقدرتش اقوم اصلي وراحت عليا نومه .
عمر : ماشي
..
زينه في أوضتها خلصت صلاة وفكرت تكلم خالتها تطمنها عليها لأن مهما كان دول قرايبها برضو .. كانت خايفة بس قررت تعمل كده .
زينه بتوتر : الو .. أنا زينه ي خالتي عاملة اي
خالتها بغضب : عايزة اي مش سبتينا ومشيتي!!
زينه : أنا مش عايزة حاجة أنا كنت بتطمن عليكم و..
خالتها : تمام احنا كويسين
زينه بدموع : حد سال عليا طيب ؟
خالتها : اي حد بيسألنا عنك بنقول جالها عقد عمل وسافرت تشتغل .. وزي ما انتي قولتي دي حياتك وانتي عايزة تعيشيها براحتك فمترجعيش تعيطيلنا .. وكمان أنا عرفت قرايبنا كلهم انك سافرتي فجأة ملحقتيش تقولي لحد غيري عشان تلحقي تستلمي شغلك .. هما مقتنعوش اوي بس فهمتهم اني بطمن عليكي كل يوم وكده
زينه : شكرا ي خالتي سلام
زينه عيطت من كلامها هي يعني غلطت أنها عايزة تبدأ حياتها من جديد في مدينه هي بتحبها ؟ .. طب ما هي لو معملتش كده ومفكرتش في مستقبلها كانو هيجوزوها تحت مسمي " يبقي ليها راجل يحميها " يعني هي من غير راجل مثلا مش هتعرف تعيش حياتها ؟ هي لسه قدامها احلام كتير محققتهاش .. بعد تفكير كتير اقتنعت أنها عملت الصح مادام هي مرتاحة كده .
عمر بقلق : زينه انتي كويسة ؟
زينه قامت بسرعة ومسحت دموعها وفتحت الباب : أيوة
عمر : مالك معيطة لي ؟
زينه بصتله ودمعت
عمر بقلق : اهدي كده وفهميني مالك انتي تعبانه
زينه مش قادرة ترد بصتله وشاورت برأسها يمين وشمال بمعني " لأ "
عمر سحبها من ايديها وقعدها علي الكنبه : خليكي هنا هجيب حاجة نشربها ونتكلم سوا
..
زينة حكت لعمر علي كل حاجة حصلت ..
عمر : طيب انا عندي الحل اللي يخلي علاقتك بأهل والدتك ترجع كويسة وفي نفس الوقت حل كمان اننا عايشين في شقة وحدة وشكلنا مطولين .
زينه باستغراب : مش فاهمة حاجة تقصد اي ؟
عمر بتنهيدة وتوتر : زينه تتجوزيني ؟
زينه بصدمه : عمر أنت بتقول اي ؟
عمر : اسمعيني بس يعني اي رأيك نتخطب ونكتب الكتاب علي طول والفرح هسيبك تحددي معاده براحتك اولا مش حابب حد من سكان العمارة أو المنطقة حوالينا يقول ازاي عايشين في بيت واحد ومفيش حاجة تربطهم وانا مش هسمح أن حد يقول كلمه وحشة في حقك .. ثانيا قرايبك كانو عايزين يجوزوكي عشان يتطمنو عليكي فجوازنا وأنك هتبقي في عصمه راجل ده هيخليهم ميقلقوش عليكي وانتي عايشة في بلد تانية بعيد عنهم .. ويا ستي اديني فرصة أكون في حياتك
زينه بتفكير وهي سرحانه بتحاول توزن الكلام اللي قاله .. هو عنده حق بس المشكلة أنها متعلقة بيه وبدا يبقي فيه مشاعر من ناحيتها لي لكن هي متعرفش مشاعره من ناحيتها ازاي وخايفة يسببها بعد كده ..
زينه : طيب ولو متفقناش ؟
عمر بابتسامه : هنتفق ي زينه ومش هسيبك متخافيش
زينه بتوتر وكسوف من كلامه أنه قدر يفهم قصدها من غير ما توضحله أنها خايفة يسيبها بعد ما تتعلق بيه اكتر .
زينه : وانا موافقة
عمر بارتياح : ماشي كلمي خالتك وخديلي معاد مع قرايبك وانا شايف انك متسافريش وحدك ليهم أنا هجيب أهلي ونسافر كلنا سوا بحجة تعرفينا الطريق وكمان عشان محدش يدايقك بكلمه .
زينه بابتسامه ودموع : شكرا ي عمر انك جنبي وبجد مش عارفة اقولك اي
عمر بابتسامه : امسحي دموعك وبطلي عياط واشربي النسكافيه يلا عشان هاخدك مشوار
زينه : فين ؟
عمر. : هزور أهلي وهاخدك تتعرفي عليهم
زينه : هما أهلك عايشين هنا في اسكندرية ؟
عمر : أيوة بس البيت بعيد شويه يعني المسافة من البيت للشركة اللي بشتغل فيها ساعتين .. لكن من الشقة هنا للشغل تلت ساعة .. عشان كده خدت الشقة دي ولما مش بيبقي عندي ضغط شغل بروح اقضي اسبوع او اتنين مع اهلي .. لكن في العادة بروحلهم كل جمعة أقضي اليوم معاهم وارجع السبت .. ده طبعا بشكل مؤقت لمده كام شهر لأن مدير الشركة هينقلني فرع تاني قريب من بيتي ووقتها هرجع اعيش مع اهلي عادي .
زينه : اها فهمتك
عمر : يلا قومي البسي عشان نروح
زينه : عمر أنا متوترة وكده فخايفة يعني أهلك مي..
عمر : اهدي متخافيش أنا متأكد أنهم هيحبوكي يلا البسي عشان منتأخرش ومتنسيش تكلمي خالتك تاخدي معاها معاد .
زينه بتوتر : ماشي
عمر مسك ايدها : اهدي ومتوتريش نفسك متقلقيش كل حاجة هتبقي كويسة
زينه ابتسمت وسحبت أيدها بكسوف وقامت تلبس.
..
ابو عمر : خلصتي الغدا ي حجة ؟
ام عمر : أيوة ي حاج فاضل السلطة بنتك بتعملها
ابو عمر بفرحة : الواد عمر وحشني اوي
ام عمر : ومين سمعك .. اول مرة يغيب كل ده
ابو عمر : هانت كلها شهر والا اتنين ويرجع يعيش معانا تاني
الجرس رن
ابو عمر : تلاقيه عمر
ام عمر بفرحة : هروح افتح خليك انت
عمر : أن أن اااان 
ام عمر بفرحة : عمر حبيبي تعالي في حضني بولا
عمر بضحك : وحشتني ي امي
ابو عمر : وانا موحشتكش
عمر : وده برده كلام ي حج تعالي هات حضن
نها : مين ي ماما
ام عمر : اخوكي عمر ي حبيبتي جه
عمر بضحك : تعالي في حضني ي اوزعة
ابو عمر بخبث : انت جاي وحدك والا اي
عمر بتوتر : احم لا لحظة تعالي ي زينه
زينه بتوتر : السلام عليكم
ام عمر ونها في صوت واحد : مين دي ؟
يتبع الفصل التالي اضغط هنا
الفهرس يحتوي علي فصول الرواية كاملة '' بداية حياة '' اضغط علي اسم الرواية
تعليقات
إرسال تعليق