القائمة الرئيسية

الصفحات

رواية ويشاء القدر الفصل الثالث 3 بقلم اية محمد

 رواية ويشاء القدر الفصل الثالث 3 بقلم اية محمد

رواية ويشاء القدر الفصل الاول 1 بقلم اية محمد

 رواية ويشاء القدر الفصل الثالث

 يأتي صباح يوم جديد، يهتف منبه ياسمين ، تستيقظ في تمام الساعة الخامسة .
تقوم ياسمين و تصحى البنات و بعدين تدخل تتوضي و تصلي و تحضر الفطار ليهم و بعدين تدخل تجهز نفسها و يفطروا سوا .
_______________________________
تدخل ساجدة علي ياسمين في المطبخ .
ياسمين : صباح الخير يساجدة .
ساجدة : صباح النور يقمر .
تدخل تاليا و معاها هاجر بعد ساجدة للمطبخ.
تاليا : صباح النور يحلوين ، اي الفطار الجماعي القمر دا .
ساجدة : لا و اي زيدنا قمر .
هاجر : تسلميلي و الله.
ياسمين : يلا بق اقعدوا افطروا ، كدا هنتاخر .
ساجدة : حاضر يلا بسم الله.
و يتناولوا الفطار و بعدين كل واحدة تبدأ تحضر نفسها و تروح جامعتها .
_____________________________
تاليا و هاجر نازلين على السلم
هاجر : بقولك اي لما تخلصي محاضراتك رني عليا علشان خايفه اتوه و معرفش ارجع تاني و خصوصا أن لسه معرفش المكان اوي .
تاليا : خلاص يستي اتفقنا.
هاجر : طب ممكن طلب اخير.
تاليا : عيوني ليكي يست جوجو.
هاجر : انا هشوف أيه صحبتي انهارده فـممكن اتأخر فـ لو كدا تيجي معايا لما اروحلها و بالمره اعرفك عليها هاا قولتي اي .
تاليا : موافقه يستي بس منتاخرش كتير عشان ياسمينا متعلقناش على البوابه بتاعت العماره اللي هناك دي.
و تشاور علي البوابه .
تضحك هاجر على كلامها و ينزلوا.
تاليا هتلاقي عم سعيد قاعد جمب البوابه هتصبح عليه
تاليا : صباح الخير يعم سعيد.
عم سعيد : صباح النور يبنتي ، هي مين دي؟
تاليا : دي هاجر هتبقى معانا علي طول بإذن الله .
عم سعيد : اهلا و سهلا ي بنتي العمارة نورت.
هاجر : دا نورك يعم سعيد.
تاليا : يلا نستاذن احنا بق هنتاخر يلا سلام.
عم سعيد : في رعاية الله يـبنات
___________________________
كل واحدة هتروح جامعتها .
دا اول يوم في الجامعة بالنسبة لـساجدة و من اول يوم هتتخانق.
ساجدة قاعدة في المدرج هتيجي واحدة من وراها و تقول لها : اي دا هو مش انتي برضو اللي بتكتبي مقالات ملهاش لازمه عن شخصيات ملهاش لازمه برضو و لا انا بتهيألي .
ساجدة هتقوم من مكانها و بتصلها و تقول بصوت عالي : اولا انا مسمحلكيش انك تتكلمي عني بالطريقة دي و بعدين بدل ما انتي مقهورة مني اوي بالشكل دا نافسيني و شوفي مين فينا هينجح انا و لا انتي.
يارا هتقوم و تقف قصادها و تزعقلها : لا معلش، اتكلمي عن نفسك بس انا مش هنافس واحدة شبهك اي القرف اللي انتي عملاه في نفسك دا هتتكبري علينا في الجامعة عشان الشخصيات اللي بتكتبي عنها و الكل بيقرا لك و محدش يعرفك على حقيقتك اصلا و بعدين يحبيبتي مش لايق عليكي الشغلانة دي بالحجاب و انتي وحشة جدا بيه فـ متشوفيش نفسك علينا .
ساجدة تقوم و تضربها : دا انتي مشفتيش ربع ساعة تربية و الله.
تتخانق معاها جامد لدرجة ان صحاب البنت دي هيمشوا و يسبوها و محدش هيشيلها غير عميد الجامعة.
عميد الجامعة " دكتور عادل " : اي الهبل اللي بيحصل دا اوعوا كدا عن بعض و يزعق لهم جامد لحد ما ساجدة تبعد.
دكتور عادل : اي اللي بيحصل دا كدا من اول يوم يلا قدامي على المكتب .
_______________________
و يروحوا معاه على المكتب.
دكتور عادل : ممكن افهم اي اللي حصل من شوية دا؟ اي يساجدة انتي متعرفيش أن الجامعة ليها احترامها و لا هو اي كلام ؟
ساجدة : انا مغلطتش في حد هي اللي جات..
و يقطعها الدكتور و يزعقلها و يقول : بس انا مش عايز اسمع صوتك و انتي هتتعاقبي على دا، و انتي يـانسه أظن انتي يارا بنت الدكتور عبد الرحمن صح؟
يارا بكبرياء : ايوا انا.
دكتور عادل : طب اتفضلي على محاضرتك و الموضوع دا ميتكررش تاني انتي فاهمه.؟
يارا : اوك بس انا..
دكتور عادل : اتفضلي روحي محاضرتك بدون رغي كتير لو سمحتي يلا.
تمشي يارا و ساجدة بدأت تعيط.
دكتور عادل : و ماله عيطي مفكرة انك هتصعبي عليا مثلا مفيش جامعة لمدة أسبوعين اتفضلي برا .
ساجدة : لولا انك عميد الجامعة كان زماني خلصت عليك بس و مالوا الايام اللي جايه كتير
تمشي ساجدة.
دكتور عادل : يلا في داهية.
_________________________
ساجدة هتروح و هي منهارة من العياط و بعدين تغير هدومها و تقعد على السرير تعيط .
ياسمين في جامعتها و اول ما تخلص هتروح على طول .
تاليا و هاجر خلصوا جامعتهم و هيروحوا يقابلوا صديقة هاجر " أيه ".
_____________________________
تاليا و هاجر على باب الكافيه
تاليا : هي فين صحبتك دي ي بنتي ؟
هاجر هتشاور علي طربيزه في اخر الكافيه و قاعد عليها بنت محجبة .
هاجر : شكلها هي اللي هناك دي ايوا هي تعالى يلا.
و يروحوا على الطربيزه اللي أيه قاعدة عندها .
______________________________
أيه أحمد : عندها ٢٠ سنه بتدرس في كليه آلسن عايشة لواحدها أهلها سافروا دبي لكن هي قررت تعيش و تدرس في بلدها شاطرة جدا في الترجمه من ايام الثانوي ، صديقة هاجر ، رغم المسافات اللي بينهم الا ان علاقتهم ببعض كويسه جدا ، و هيحصلها مشاكل في العمارة اللي ساكنه فيها و هتضطر انها تلجأ لهاجر صاحبتها و بالفعل هتروح تقعد مع البنات و هيكونوا كدا الخمسة اكتملوا ، بتحب الورد جدا ، و مع الوقت هتفتح مشتل ورد و كلهم هيساعدوها
مواصفاتها : طويله و رفيعه ، محجبة ، عيونها لونها بني فاتح ، بشرتها قمحية ، شعرها طويل و اسود .
_____________________________
هاجر و تاليا هيروحوا لـ أيه و هيسلموا عليها .
هاجر : يويو عامله اي وحشتيني.
أيه : و انتي وحشتيني اوي عامله اي.
أيه : انا كويسه و الله الحمدلله .
بعدين هتبص لـ تاليا و تسأل هاجر : مين القمر دا ؟
هاجر : اعرفك يستي دي تاليا صحبتي ، انا سيبت المكان اللي كنت ساكنه فيه امبارح و هقعد مع بنات و دي واحده منهم و ارتحت معاهم جدا من اول يوم اهو بدل ما اقعد لواحدي.
أيه : كويس ليكي برضو و الله، اهلا وسهلا يتاليا اتشرفت بمعرفتك.
تاليا : انا اكتر يحبيبتي ، اي يجوجو الناس القمر دي.
هاجر : شوفتي بق قمر ازاي.
أيه : تسلميلي يحبيبتي و الله دا من ذوقك و بعدين مين اللي قمر فينا بس انا و لا انتي برضو.
تاليا : يستي بتكسف الله.
يضحكوا و بعدين يقعدوا ، هاجر و أيه يتكلموا سوا و تاليا قاعدة على الفون بتاعها .
_____________________
تاليا أول ما تفتح الموبايل تستغرب لأنها هتلاقي ساجدة نزلت شخصية الدكتور محمد عبد الغفار في وقت زي دا و المفروض إنها تكون في جامعتها دلوقتي .
ترن على ساجدة .
تاليا : الو ي بنتي هو انتي مروحتيش جامعتك و ضحكتي علينا و لا اي؟
ساجدة : لا عميد الجامعة طردني و قالي مفيش محاضرات لمدة أسبوعين.
تاليا بتقلق : ليه اي اللي حصل طيب؟
ساجدة : لما تيجي هبقي احكيلك يلا سلام دلوقتي عشان فيه حاجات على البيدج عايزة اعملها.
تاليا : اوك تمام يلا باي.
ساجدة : باي .
هاجر : فيه اي ؟
تاليا : عميد ساجدة في الجامعة طردها و قالها مفيش محاضرات ليكي غير بعد اسبوعين..
هاجر : اي اللي حصل طيب ؟
تاليا : مش عارفه يهاجر ممكن تكون اتخانقت مع حد .
هاجر : ربنا يستر .
أيه : يلا بق انا همشي عشان متأخرش اكتر من كدا ، مبسوطه جدا اني شوفتك يـتاليا .
تاليا : انا اكتر يحبيبتي طبعا مش اول و لا آخر مره نشوف بعض بإذن الله لازم نشوفك ديما .
أيه : أن شاء الله يحبيبتي يلا مع السلامه .
هاجر : باي .
أيه هتمشي و بعدين هاجر و تاليا هيمشوا بعدها
تاليا : يلا نروح احنا كمان عشان ساجدة لواحدها و اكيد محتجانا.
هاجر : اوك يلا .
_____________________________
يروحوا البيت و هتكون ياسمين لسه في الجامعة لأن محاضرتها كتير اليوم دا و هتتأخر .
تاليا و هاجر يوصلوا العمارة و يطلعوا يجروا عشان ساجدة.
اول ما يدخلوا هيروحوا لـ ساجدة علي طول
تاليا : انتي كويسه يساجدة؟
ساجدة : انا كويسه متقلقيش.
تاليا : طب اي اللي حصل طيب فهميني و اي الجرح اللي في وشك دا، اتخانقتي مع حد صح؟ مين؟
ساجدة : كفاية اسئله يـتاليا لحد ما ياسمين تيجي عشان احكي مره واحدة سيبوني دلوقتي و قوموا انتو اكيد مرهقين و انا هخلص شغلي لحد ما ياسمين ترجع .
تاليا : مش هسيبك غير لما تحكي و انا قاعده اهو .
ساجدة : هاجر لو سمحتي خدي تاليا ارجوكي و سيبوني .
هاجر : حاضر قومي يـتاليا سبيها دلوقتي و هنفهم الموضوع لما ياسمينا تيجي أن شاء الله.
تاليا : ماشي .
و بعدين تحضن ساجدة .
تاليا : مهما كان اللي زعلك و مهما كان مين الشخص دا حقك عليا .
ساجدة : ربنا يخليكي ليا يارب .
تاليا : و يخليكي ليا يارب .
و بعدين تاليا هتقوم هي و هاجر و يدخلوا اوضتهم 

يتبع الفصل التالي اضغط هنا

 الفهرس يحتوي علي جميع فصول الرواية '' ويشاء القدر'' اضغط علي اسم الرواية

 

reaction:

تعليقات