Ads by Google X

القائمة الرئيسية

الصفحات

رواية الملتزمة الصغيرة الفصل الثاني 2 بقلم سمر ابراهيم

رواية الملتزمة الصغيرة الفصل الثاني 2 بقلم سمر ابراهيم

رواية الملتزمه الصغيرة الفصل الثلاثون 30 بقلم سمر ابراهيم

رواية الملتزمة الفصل الثاني

وقفنا لما نفس رجعت وكان فيه صوت صراخ
أبوها كان بـ يضرب أمها بوحشية واخد منها الفلوس نفس جريت على مامتها وحضنتها وابوها مستمر في ضربهم بالحزام وأميرة بتحاول تاخد الضرب عن بنتها وبعد فترة سابهم وطلع يشرب بالفلوس اللي اخدها
أميرة:- ليه يا نفس كل مرة أقولك خليكي بعيده أنا بعمل كل دا ليكي يا حبيبتي بلاش توجعي قلبي عليكي
نفس ساكته حاسه بألم في جسمها ونامت في حضن مامتها من الخوف والوجع
بعد كل دا خرج خالد أخو نفس من اوضته عشرين سنه عاطل عن العمل ذي أبوه بيكلم في بنات :- اف كل يوم الموضوع دا الواحد مش عارف يكلم صحابه من مشاكلكم دي عيشة قرف
نفس صحيت على صوته وحضنت مامتها ويبكوا بصمت :- خلاص يا مامتي بلاش عياط لما أكبر مهندسة كبيرة اشتري بيت كبير نعيش فيه أنا وأنتي وبس
«إياك تفكر أن الظروف هي اللي بتتحكم فينا الظروف الصعبة زي ما بتطلع بلطجية وشمامين بتطلع عظماء ونصيحة لكل أب ضربك لبنتك بـ يكسرها وسط الناس حتى لما تتجوز منتظر جوزها يعاملها بلطف وأحترم تبقى غلطان»

كانت نايمة في اوضتها الصغيرة شعرها الأسود الطويل مفرود على السرير حاست بدفء على حضن مامتها فتحت عيونها على همسها
أميرة:- قوم ي كسول
نفس:- خليني أنام حبه كمان في حضنك ي ماما هنا بحس بالأمان اوي الشتاء دا برد اوي ممكن بكرة تمطر
أميرة:- طيب نكمل نوم وبلاش صلاة الفجر بقى
نفس:- لا ميصحش إحنا نصلي جماعة وبعدها احكيلي عن السيدة عائشة رضي الله عنه
بعد الصلاة
نفس:- هو بابا لسه بره
أميرة:- لا رجع ونام متخافيش إيدك بتوجعك
نفس:- مش قوي يلا بقى احكيلي عن السيدة عائشة
أميرة:- السيدة عائشة بنت أبي بكر صاحب النبي اتجوزها النبي وهي عندها ست سنين كتب الكتاب وبعد تلت سنين عمل الفرح كان عندها تسع سنين وفي أقوال غير كدا المهم كانت صغيرة بس النبي كان بيحبها اوي أول ما الصحابة سأله من أحب الناس إليك توقعي قال ايه
نفس:- عائشة صح
أميرة:- صح ي قلبي ولما كانت بـ تخبز كانت تنام والطيور تيجي تأكل من الخبيز النبي يفضل يضحك عليها وعلى طفولتها ومن المواقف الحلوة بينهم كانت في يوم العقد بتاع السيدة عائشة انقطع النبي فضل طول الليل في الضامة يحسس على حبات العقد وجمعهم و صلحه ليها
نفس:- ياااه رسول الله يصلح ليها العقد بنفسه
أميرة:- وكان بـ يتسابق معاها في الجري ويخليها تسبقه كمان شفتي كدا نبي أمة بيلعب مع مراته ويسابقها ومره رجع الجيش كله يدور على عقد السيدة عائشة لما ضاع منها وهي معاه في الحرب
نفس:- الله حاجة حلوة اوي اااااااااه لو أنا وجوزي نسابق بعض ذي كدا ايه الجمال دا
أميرة:- بس ي اروبه بعد تعليمك الكلام دا آخر موقف بقى عن السيدة عائشة هو موقف العسل وحدة من زوجات النبي قدمت ليه طبق فيه عسل السيدة عائشة مكنش عندها عسل وحست بالغيرة قامت مسكة طبق العسل وكسرته قولي النبي عمل فيها ايه لما عملت كدا وكان في ناس من الصحابة معاه
نفس:- 😲ضربها قدام الناس
أميرة:- لا النبي لما كان يعاقب زوجاته كان الضرب بالسواك يعني زي القلم الرصاص كدا بس هو في الموقف دا أبتسم وقال غارة أمكم ولا كسفها قدام الناس لأنها مراته
نفس:- هو في رجالة زي النبي كدا ي ماما
أميرة:- زيه لا لأنه نبي اما فيه رجالة قدوتها النبي صلى الله عليه وسلم وتعمل زيه لأنها بتحبه
عدت الأيام نفس بتخبي علامات الضرب بالحجاب واللبس من المدرسة للفيلا للمسجد للبيت هكذا دورة حياتها أما أويس والبقية من الكلية للشغل ومفيش اي احتكاك بين أويس ونفس
الشباب متجمعين في اوضة كبيرة وكل واحد ليه مكتبه
فهد:- أنا مليت من الشغل
مصطفى:- جدي ساب الشغل علينا وقاعد مع ست نفس و كبار العيلة بيصيفوا في شرم واحنا لينا الجنة
أويس:- اشتغلوا من غير صوت ياض أنت وهو دا أنا سنه أولي وفهمت الشغل اكتر منكم
أسد:- ايه رأيكم نجيب نفس نتسلى بيها شويه
أويس:- ايه تتسلي بيها دي هي كيس لب 😠
أسد:- يا عم فكك الواحد مخنوق و البت دي نكته
فهد:- جدك مستحيل يسمحلها تيجي عندنا دا بيخاف على مراته المستقبلية هههههههه
أويس:- دا معاد خروجها من عنده مين الشاطر يقدر يجيبها هنا
مصطفى:- أنا 😎 دي لعبتي شوفوا الإقناع
نفس:- سلام بقى ي راجل يا عجوز أروح اذاكر في الجنينة شويه قبل ماما متخلص شغلها
مصطفى:- نفس ممكن لحظة عايز أتكلم معاكي في موضوع
نفس:- معايا أنا اوك ماشي
دخلت نفس المكتب وقعدت على الكنبة الكبيرة بكل فخر مع أنها فضلت ساعة تحاول تطلع على الكنبة ورفضت أن مصطفى يرفعها
نفس:- كنت عايز ايه بقى
مصطفى:- آممممم هو أنتي ليه لابسة الحجاب مع أنك يعني صغيرة وقصيرة اوي 😄
نفس بكبرياء:- صغيرة نعديها دا سني لكن قصيرة اه معاك حق بس لساني طويل اوي يا كابتن اوعي تغلط
الكل:- اوبااااااااااااا 🤙🤙
مصطفى خاف:- احم احم هو أنا قولت حاجة ي آنسه نفس 🤐 جاوبي على سؤالي
نفس نفخت بغضب:- آممممم أنت بتصلي يا مصطفى
مصطفى:- ايوه بصلي بس ساعات بتأخر يعني لكن بصلي ايوه
نفس:- أنت بتصلي ليه
مصطفى:- لأني مسلم ولازم أصلي غريب السؤال دا
نفس:- فعلاً سؤال غبي مش بس غريب يعني من الغباء أنك تسأل مسلم بتصلي ليه؟ أو بتصوم ليه ولما تسأل محجبة لابسه الحجاب ليه؟ والمتنقلة في كل حته يسألوها لابسه النقاب ليه؟ لأنها مسلمة يا اخ مسلمااااااااه بس محدش بيسأل اللي عاملة عروض للركب بالبنطلون إلهي يتقطع يا شيخة لابسه البنطلون ليه؟ أو مش ملتزمة بدينك ليه؟ بتسال اللي بيعمل الصح عملت الصح ليه عالم غريب اوي 😤😠😤
الكل أعجب بكلامها الصح بقى مش طبيعي والغلط بقى هو المألوف في زمنا
أويس:- ضبطي الحجاب بتاعك شعرك طالع منه ي مسلمة
نفس:- شكراً صحيح أخبار الكلب بتاعك ايه ههههههههه
الكل:- اوباااااااااااا🤙🤙
أويس:- السكوتة هو أنتي متعرفيش مش طلع بيحب الشيطان ولعبوا مع بعض هههههههه
الكل:- اوباااااااااااا 🤙🤙
نفس:- اااااه وأنا بقول عشان كدا الحمار كان واقف بعيد ليه اتاريه شاف الشيطان
الكل:- اوبااااااااااااا 🤙🤙
فهد:- الشيطان الصغير لسانه طويل اوي
أسد:- دا غلب الحمار ذات نفسه هههههههه
نفس:- أنتم اسمكم ايه أنت وهو
أسد:- أنا أسد باش مهندس أسد سنجل
فهد:- معاكي باش مهندس فهد النديم
نفس:- وايه جابكم هنا حديقة الحيوان في الجيزة مش هنا قال أسد وفهد قال هههههههه
أويس ومصطفى :- اوباااااااااااا 🤙🤙
نفس:- يا نهار ابيض 😲
أويس:- في ايه
نفس:- العصر أذن يلا يا رجالة على المسجد الحريم هي اللي بتصلي في البيت
كلهم انكسفوا من نفسهم وقاموا صلوا حتى الجد قام معاهم
أويس:- ايه يا كبير أنت كمان جاي تصلي
الجد:- اه قال ايه مفيش عندنا رجالة تصلي في البيت جبارة اوي البت دي
أويس:- ههههه المشكلة متديش الواحد فرصة يعترض
فهد:- تقريباً قصفت جبهاتنا كلنا إحنا لازم نتحد ضدها عشان نكسبها هههههههه
أما نفس هي ومامتها والخدم صلوا جماعة وكملوا شغل
«فين الشاطر أو الشطورة اللي في أي مجلس يقوم الكل يصلي يبص لنفسه بفخر 😎ويقول أنا»
****************
مر كام يوم ونفس كانت بتذاكر في الجنينة جات ليها بنت نفس سنها تفاؤل أخت أويس فكرينها
تفاؤل:- بقولك يا قمر تيجي نلعب باللعب بتاعتي
نفس:- اوك فكرة حلوة
تفاؤل:- جاهزون يا اطفال ...
نفس:- هاي هاي كابتن
تفاؤل:- لا اسمعكم ...
نفس:- هاي هاي كابتن
فضلوا يغنوا أغنية سبونج بوب
ووووووووووووووووووو........... ..
من يسكن البحر و يحبه الناس ... سبونج بوب سكوير بانتس
لونه اصفر مربع حساس ... سبونج بوب سكوير بانتس
لو كنت تبحث عن مرح البحار ... سبونج بوب سكوير بانتس
فهيا للسطح و فك المحار ... سبونج بوب سكوير بانتس
سبونج بوب سكوير بانتس ... سبونج بوب سكوير بانتس
نفس:- هههههه بحب سبونج بوب اوي
تفاؤل:- وأنا كمان ايه رأيك تتعرفي على العرايس بتاعتي كتار اوي
نفس:- ليا الشرف طبعاً
تفاؤل:- دي حورية هانم الشريرة
ودي الأميرة شفق
ودا الأمير جاك بيني وبينك كدا بيحب الأميرة شفق
نفس:- مش بيحبها دا بيضحك عليها ذي خالد أخويا بيضحك على البنات الهبلة مفيش حب ي بنتي
تفاؤل:- أنت ايه عرفك باللعب بتوعي أنا أعرف اكتر منك هو بيحبها بجد
مبيحبهاش بيحبها مبيحبهاش بيحبها مبيحبهاش
فضلوا يتخانقوا تفاؤل ضربت نفس على رأسها بالعروسة وجريت على أويس في اوضته
نفس جريت وراها عشان تضربها
أويس:- في ايه يا حبيبتي خايفة ليه
تفاؤل:- البت دي عايزه تضربني
أويس زعق لنفس:- أنت يا بت عايزة تضربيها في بيتها أمشي من هنا
وفضل يلعب مع تفاؤل ويضحك فيها ونفس شافتهم وحست بالغيرة منها لما عندها اخ يلعبها ويدافع عنها بس هي أخوها وأبوها ويضربوها لكن بسرعة انتبهت لنفسها
نفس:- ايه دا أنا كدا بحسدها تبارك الله ربنا يحفظهم ويخليهم ليها
أويس شاف نظرتها وحس أنه غلط عليها
أويس:- أنتي عملتي ليها ايه يا تفاؤل
تفاؤل:- ضربتها لأنها قالت على الأمير جاك مش بيحب الأميرة شفق مش أنت قولت أنهم بيحبو بعض هي بتقول بيضحك عليها زي أخوها ما بيضحك على البنات الهبلة وهي تصدقه ومفيش حاجة أسمها حب أساساً
أويس:- طيب يلا اعتذاري منها لأنك غلطانه وبعدين هي مش مصدقه أنه بيحبها أقنعها مش تضربيها
تفاؤل:- ماشي طيب سلام أروح أكمل لعب معاها
نفس:- أنتي جيتي ليه تاني يا جبانه روحي اتخبي في حضن أخوي يا حبيبت قلب اخوكي نينينينيني عيوطه صغيرة جبانه 🤪🤪
تفاؤل:- طيب خلاص هاتي صلاحك ونكمل لعب وأنا آسفه ي ستي
نفس:- ماشي سامحتك بس آخر مرة وبلاش نتكلم عن الأمير والأميرة تعالي نلعب استغمايه
«وفضلوا يلعبوا مع بعض بقلوب أطفال نقية زي قلبي⁦❤️😂😂 ايه بتقولوا ايه كدابه ماشي ربنا يسامحكم»
أسد ومصطفى وفهد رجعوا الفيلا نفس بتلعب مع تفاؤل ومش منتبهه لدخولهم
فهد شال تفاؤل مرة وحدة وفضل يدور بيها:- توتو وحشتيني ي جزمة
تفاؤل:- بجد أنت مش بـ تسأل عليا
فهد:- حصل
نفس وايدها في وسطها :- أنت ي محترم نزل صحبتي عيب كدا
فهد:- هي بت عمي وصحبتي قبل منك
نفس:- يسلام مش عيب ولد يصاحب بنت وأنت ي اخ مصطفى ينفع حد يشيل أختك قدامك كدا
مصطفى:- لا عيب على رجولتي فهد هات توتو حبيبتي
فهد:- امسك
فضلوا يلقحوها لبعض وهي بتضحك نفس كانت مبسوطة وبتضحك بس كان في نظرة حزن نفسها تكون مكانها شافها أويس لما جه
أويس:- ايه دا أنتم بتلعبوا بأختي يلا نزلها بسرعة
يلا ي توتو العبي مع نفس شباب عندنا شغل
الكل:- فصيل يلا بينا
في الليل نفس لوحدها في الجنينة المطرة نزلت عليها
نفس:- الله مطرة هههههههه يااااهواااااا
فجأة حد رفعها من الارض وفضل يدوخها
نفس:- عاااااااا هههههههههه ايه دا نزلني
أويس:- لا أنا حابب كدا وفضل يدور بيها في المطرة بس وقف لما نزل على خده كف صغير من أيدها
نفس:- قولت نزلني كدا عيب
أويس نزلها ونزل لمستوها وهمس :- بس أنتي بتاعتي
نفس:- هاا أنت بتقول ايه
أويس:- بقول يلا اتاخرتي مامتك جات
قلع الجاكت بتاعة ولبسه ليها
أميرة:- ليه كدا يا أويس بيه الدنيا برد اوي
أويس:- مفيش مواصلات في المطرة دي تعالوا اوصلكم
أميرة:- لا توصلنا ايه البيت قريب شكراً
أويس:- نفس شكل عقلها اتجمد من البرد ايه السكوت دا كله
نفس:- يلا ي ماما نمشي من هنا
أويس:- سبقكم على العربية بلاش تكسفيني ي مدام أميرة
بعد وقت أميرة ونفس نزلوا:- تعبتك معايا شكراً هو دا بيتنا
أويس:- ولا يهمك يلا مع السلامة
~~~~~~~~~~~~
مرت الأيام نفس نسيت كلام أويس خالص وفي يوم كانت منتظره والدتها في الجنينة طبعاً هي مش بتروح البيت غير مع والدتها عشان بتخاف من أبوها أو أخوها يكونوا سكرانين
وهي بتلعب شبشبها اتقطع ورجلها دخل فيها المسمار اللي كانت شابكه بيه الشبشب لما اتقطع من يومين
نفس:- اااااااااه رجلي يا رب ايه دا الدم نزل منها لازم اغسلها
أويس دخل وكان وشافها بتبكي :- مالك ايه دا رجلك بـ تنزف دم
نفس:- لا دي صلصة يا ربي مش وقت ذكاء ي أخ هوينا
أويس دخل وسابها
نفس:- ايه قلت الزوق دي مش مفروض يطمن عليا ويحاول يعالج رجلي
«يعني لا دا عاجب ولا دا عاجب»
أويس رجع بعلبة الاسعافات الأولية :- وريني رجلك
نفس بخوف 🥺:- بتوجعني براحة ااااه
أويس نظف الجرح:- ايه اللي جرحك كدا وجاب الشبشب بتاعها شاف فيه مسمار
هو دا اللي قطع رجلك كدا أنتي غبية في وحدة تحط مسمار في الشبشب
نفس:- بطل تشتم هو انقطع اجي حافيه يعني صلحته بـ المسمار
أويس:- لا جيبي واحد جديد ي أم الفهم
نفس بهدوء:- لسه معاد القبض بتاع ماما وهي مش معاها فلوس دلوقتي يا أبو الذكاء
أويس زعل أوي وجاب من تفاؤل شبشب ليها :- اتفضلي
نفس:- لا شكراً مش عايزه حاجة من حد
أويس فضل يتحايل عليها بس هي رفضت وعجبه عزت نفسها وكارمتها:- طيب ايه رأيك لما تجيبي واحد جديد رجعيه لتفاؤل تاني وبعدين ينفع تروحي كدا يعني
نفس🤔:- طيب خلاص شكراً
أويس دخل المطبخ:- مدام أميرة ممكن لحظة
أميرة:- ايوه يا أويس بيه
أويس:- اتفضلي الفلوس دي
أميرة:- بتاعت ايه دي ي بيه أنا مش شحاته مستورة والحمد لله
أويس:- أعتبريها سلفه بمناسبة عيد الأم ع مرتبك وجيبي لنفس شبشب جديد لأن بتاعها انقطع
أميرة:- شكراً ي بيه أول ما أخد القبض أرجعهم ليك
،،،،،،،،،،،،،،،،،،،،،،،سمر إبراهيم
في كلية الهندسة
أويس:- شباب ايه رأيكم بلاش المحاضرة دي الشغل كتير انهاردة
بنت جات عليهم وكان هو ومصطفى وأسد هما اكبر منه بس نفس الكلية وفهد خلص دراسة
البت:- أويس ممكن لحظة لو سمحت
مصطفى:- اشطا ي جامد
أويس:- على أساس مكسوفه تتكلمي قدام شباب يعني عايزة تقولي حاجة قوليها هنا لتهوينا ي أخت
ميرا:- بس الموضوع خاص اوي
أويس:- هههههههه خاص اذاي مش فاهم هو أنا أعرفك ي بت
مروة:- أنا ميرا معاك في الدفعة الأولى وأخت دكتور إسلام
أويس:- أمشي ي ماما و بلاش ترخصي نفسك اكتر من كدا
البت مشيت وهي تتوعد لأويس
مصطفى:- ي عم أحرجت البت
أسد:- ممكن تكون عيزاك في مشكلة أو حاجة مهمه
أويس:- فكك أنا فاهم البت دي مش محترمه
مصطفى:- دكتور إسلام أخوها محترم جداً
أسد:- ايه رأيكم نرجع البيت
أويس:- لا عندنا شغل امتى بابا وعمي يرجعوا نرتاح شوية بدل التعبه دي
مصطفى:- ماما ومرات عمي مقضينها خناق ومشاكل هناك
أويس:- هههههه مش عارف امتى يكبروا على المشاكل دي
أسد:- ايوه الواحد يرجع من الكلية يرتاح إحنا نرجع ع الشغل والتعب
،،،،،،،،،،،،،،،،،,سمر إبراهيم
بعد يوم طويل رجعوا الفيلا
أسد:- شباب أنا تعبان اوي
نفس مدت الجاكت لأويس:- اتفضل أنا خليت ماما غسلته وكاويته عند عم محمد
أويس:- دا تقريباً ليه اسبوع عندك قولت طمعانه فيه
نفس:- ليه حد قالك سراقه
أسد:- هي ايه الحكاية ي أويس 😉
أويس:- أنت مالك روح نام يلا
مصطفى:- أعصابك ي عم دا سؤال
نفس:- أنتم فاضين بقى وعايزين ترغوا وأنا مش فاضيه ليكم سلام
مشيت بفخر طفولي وهو مش منتبهه لطوبة وهوب وقعت والكل فضل يضحك عليها
نفس:- هه عادي لا يقع سوى العظماء
أسد:- اشطا ي جامد
،،،،،،،،،،،،،،،،،،،،،،،،ء
داخل فندق فاخر تجلس الدكتورة منال النديم مرات عامر النديم وبت عمه دكتورة جراحة كبيرة ٤٥ سنه بس رشيقة وحلوه وبتهتم ببشرتها
عامر:- ها يا نفس مين حابب ينزل البحر
أحمد:- أنا ومريم معاك
منال:- لا لا أنا دكتورة وليا اسمي لازم احافظ على بشرتي
مريم:- أنا بحب أستمتع بحياتي اكتر من رأي الناس في شكلي
منال:- هههههه هو أنت مين منتبه لوجودك من الأساس
مريم:- كفاية إني حلوه في عيون جوزي مش مهم الناس تعجب بيا
منال:- مش عارفه هو متحمل وحده أخرها تانية ثانوية اذاي
مريم:- زي ما عامر أخوه متحمل دكتورة بس عقلها صغير زيك كدا وتعاملها صفر
منال:- سامع ي عامر
عامر وأحمد أول ما بدأ الخناق هربوا للبحر
،،،،،،،
عامر:- نسوان نكد
أحمد:- الغريب أنهم طول اليوم خناق مفيش استراحة
عامر:- واحلى حاجة أن رغم كل دا والمشاكل أنا وأنت في ظهر بعض وأولادنا أخوات مش ولاد عم
أحمد:- ربنا يديم المحبة بينا
،،،،،،،،،،،،،،،،،،،،،،،،،،،
في كلية الهندسة أسد كان بيحكي مع صحابة وجات عليه بت
ميرا:- لو سمحت ممكن لحظة
أسد:- ايوه يا آنسه اتفضلي
ميرا:- أنا في مشكلة كبيرة ممكن تساعدني 
 
يتبع الفصل التالي اضغط هنا
 
الفهرس يحتوي علي جميع فصول الرواية '' الملتزمة الصغيرة '' اضغط علي اسم الرواية

 

reaction:

تعليقات