رواية في عشق ليلي الفصل الثاني 2 بقلم فاطمه الزهراء علي
رواية في عشق ليلي الفصل الثاني
" فجر يوم الخميس".
-" ليلي بصياح": يلا بقا يا بابا .. ويلا انتي كمان يا ماما مش معقول هنتاخر كدة.
-" ابتسام وهي خارجه من الاوضة بتظبط حجابها": خلاص اهو اهو اية مالك متسربعه كدا ليه مستعجله اوى عشان تسيبي البلد ليه؟
-" ليلي بنفاذ صبر": ولا مستعجلة ولا حاجه عادى يعني بس احنا فعلا اتاخرنا جدا... ما يلا بقا انت كمان يا بابا الله.
-" مدحت بيخرج لهم": خلاص انا جهزت يلا بينا.
-" ابتسام - ليلي ": يلا.
-" مدحت ": توكلنا علي الله.
" وبعد عدة ساعااااات وصلوا العمارة اللي هيسكونوا فيها".
" لقيوا الحج مصطفي ومراته وامل في استقبالهم".
-" مصطفي"':اتفضلوا اتفضلوا والله العمارة نورت بيكم.
-" مدحت يربت علي كتفه بود": تسلم يا حج مصطفي والله ما عارف من غيركم كنا عملنا اية ولا رحنا فين؟
-"
مصطفي بأبتسامه": احنا اهل وان شاء الله يبقي لينا عيش وملح مع بعض.. "
واكمل بمزاح": انا هسيبك ترتاح بس عشان السفر وبعدين هتلاعبني دور شطرنج
ولا مش ليك فيه؟
-" مدحت بحماس": الا ليه فيه دا انا لعيب قديم اوووى واعجبك.
-" مصطفي بضحك": هههههههه.. عموما محدش بيغلبني .. هنشوف هتعمل ايه.
" واتعرفت مديحه علي ابتسام وليلي وكمان ليلي اتعرفت علي امل وتبادلوا الارقام وليلي حابتها جداا".
" دخلوا صلوا ودخلوا يرتاحوا".
" بعد ساعات حضرت ابتسام الغداء".
" بعد الغداء".
" بيشربوا الشاي".
-" ليلي": ها يا جماعة ايه رأيكوا في الشقة .
-" ابتسام ": حلوة جدا وكمان الناس اصحابها ناس زوق وطيبين جدا ربنا يباركلهم.
-" مدحت": فعلا والله والحج مصطفي عامل اعلي واجب معانا بجد .. اه صحيح عاوزني انزل معاه علي القهوة تحت العب معاه دور شطرنج.
-" ليلي": براحتك يا حبيبي اعمل اللي نفسك فيه.. المهم انتم تكونوا مبسوطين.
-" ابتسام ": ربنا يحمكي لشبابك يا بنتي ويوقفلك ولاد الحلال ويرزقكك....
-" قاطعتها ليلي": ويرزقكك بابن الحلال اللي يستاهلك.. صح؟
-" ابتسام بضجر": اه صح يا جذمه انا غلطانه اني بدعيلك اصلا.
-" ليلي بضحك": هههههههه.." وبتروح تحضنها": انتي تعملي اللي نفسك فيه يا ست الكل هو انا اقدر اعترض" وبتبوسها".
-" مدحت بغيرة مصطنعه": الله الله احضان وبوس من غيرى عادى ؟
-" ليلي وبتروح عليه": الله وهو انا اقدر برضوا دا انت حبيبي" وبتحضنه".
-" مدحت": اه يا بكاشة .. " اتنهد": ربنا يخليكوا ليا وميحرمناش من لمتنا دى ابدا.
-" ابتسام": اللهم امين.
-" ليلي ": اللهم امين.
" وعدى اليوم عادى من غير احداث تذكر".
" في صباح يوم الجمعه".
" طرق علي باب بيت مدحت نفادى".
-" ابتسام": ايوا جاية اهو.. اية دا ام حسن اتفضلي اتفضلي.. يادى النور.
-"
مديحه بحرج": يزيد فضلك يا حببتي بصي انا عارفة النهاردة الجمعه وانتي مش
فاضية واكيد بتظبطي شنطكوا وكدا فأنا مش هعطلك هم كلمتين بس وهمشي؟
-" ابتسام": كلام اية دة انتي تيجي في اي وقت وكمان انا فاضية ومظبطه كل حاجه من امبارح وانتي مش هتمشي غير لما تشربي حاجه.
" ولسة هتمشي مسكت مديحه فيها".
-" مديحه ": حببتي انا مش جاية اتضايف هم كلمتين علي الماشي.
-" ابتسام": تشربي حاجة الاول وبعدين تقولي الكلمتين اللي عندك.
" وعملت لها عصير مانجا وراحت قعدت قدامها".
-" ابتسام": خير بقا يا حببتي.
-"
مديحه": خير يا حببتي ان شاء الله.. الموضوع وما فيه ان احنا متعودين كل
جمعه بنعمل قاعدة فوق السطوح بيتجمع فيها كل سكان العمارة الرجاله بتقعد في
مكان وقصادهم الستات والعيال بيلعبوا سوا... وانتوا خلاص بقيتوا من اهلنا
وناسنا فأية رأيك لو تجيبي ليلي معاكي وتيجيوا بعد صلاة المغرب والاستاذ
مدحت يقعد مع مصطفي وكمان رضوى بنتي هنا هي وجوزها وابنها بالمرة اعرفكم
عليهم وحسن ابني هيحضر كمان.
-" ابتسام بتنهيدة": انا والله معنديش مانع
ولا مدحت كمان عندو مشكلة بس المشكلة في ليلي بنتي هي انطوائية شوية فمش
عارفة اية هيكون ردها علي الموضوع دا بصراحه.
-" مديحه بتقوم ومتجهه الي الباب": عرفيها وردى عليا يا حببتي وان شاء الله توافق .
-" ابتسام مودعة إياها": ان شاء الله شرفتي ونورتي يا حببتي.
-" مديحه ": بنورك يا حببتي.
" دخلت ابتسام وقفلت الباب وراها".
" دخلت اوضة ليلي عشان تقولها".
-" ابتسام بأستغراب": اية دا يا ليلي انتي لابسة كدا ورايحة علي فين يا بنتي مش النهاردة اجازة وهتستلمي شغلك بكرة.
-
" ليلي بأبتسامه": اه يا ماما بس رايحه اودى ورق النقل ليهم كلموني
وقالولي اني لازم ابعته انهاردة مسافة السكه وراجعه مش هتأخر بأذن الله.
-" ابتسام ": طيب يا حببتي خدى بالك من نفسك.
-" ليلي ": حاضر يا ست الكل.
-" ابتسام": اه بالحق يا ليلي كنت عاوزاكي في موضوع.
-" ليلي بأستعجال": بعدين يا ماما عاوزة الحق اروح وارجع قبل صلاة الجمعة.
-" ابتسام ": طيب يا حببتي مع السلامه.
-" ليلي": مع السلامه.. لا اله الا الله.
-" ابتسام": محمد رسول الله.
"
نزلت ليلي وبينما هي مستعجلة اوقفها صوت تحت بير السلم صوت انين وعياط
فقربت من الصوت سمعت صوت طفل بيقول" ما خلاص بقا يا خالوا كل مرة تسمع
الكارتون دا تعيط انا زهقت بقا".
-" ليلي وهي واقفة قدامهم": اية دا حضرتك بتعيط لية؟
-" حسن وعيونه كلها دموع وبيدور لها شاشة الموبايل": شوفي موفاسا مات.. ومين اللي قتله سكار اخوه من غير رحمه.
-" ليلي بصدمه": نعم.. مين مات بتقولي مين مات وبتعيط عليه بالمنظر دا؟
-" حسن ببراءة": موسافا مات 
.
-" ليلي": انت اهبل يا جدع انت .. انت انت مستوعب بتعيط علي ايه؟
-" يوسف بأنتصار طفولي": شوفت شوفت .. طلع مش بس انا اللي بقول عليك عبيط.
-" حسن بيضربه علي قفاه": اسكت يا عديم المشاعر انت .
-" ليلي": انا همشي قبل ما اتشل منك.
-" حسن بيبربش بعيونه ببراءة مزيفة": هو انا عملت اية بس؟
-" ليلي ": لا ابدا يا عم البريئ انا اللي عملت .
" وفجأة بتصرخ في حسن".
-" ليلي بصراخ": يخربيتك يخربيتك اتأخرت كدا مش هلحق.
-" حسن بيمسح وشه": مش تلحقي علي اية يا آنسة انتي مين اصلا انا اول مرة اشوفك.
" ليلي بتتجاهله وتشوحله بأديها وتسيبه وتمشي" .
-"
حسن بيبص في آثرها بصدمه": اي دا البت حلقتلي دى سبتني بكلمها وشوحت
بأيدها ومشيت .. " اتنهد ": بس يخربيت عيونها اي دا يجدعان سما صافية ماشية
علي الارض.. يخربيت حلاوة اهلك يا شيخه.
يتبع الفصل التالي اضغط هنا
الفهرس يحتوي على جميع فصول الرواية كاملة: " في عشق ليلي" اضغط على أسم الرواية
تعليقات
إرسال تعليق