القائمة الرئيسية

الصفحات

رواية بداية حياة الفصل الثاني 2 بقلم سلمي اشرف

رواية بداية حياة الفصل الثاني 2  بقلم سلمي اشرف

رواية بداية حياة الفصل الاول 1 بقلم سلمي اشرف

 رواية بداية حياة الفصل الثاني

الوقت أتأخر وعدي نص الليل وزينه لسه في اوضتها منامتش .. المكان غريب عليها ولسه مش متعودة ولا متطمنه أوي قامت لفت شال عليها عشان الجو برد ولبست قطقوط وطلعت المطبخ تعمل حاجة سخنه تشربها ..
عمر كان لسه في اوضته بيخلص شغل علي اللاب وخد باله أن زينه فتحت نور اوضتها بعد ما طفته فخمن انها مش عارفة تنام طلع من اوضته لقاها في المطبخ ..
عمر : احم منمتيش لي ؟
زينه بخضة : عمر .. خضتني
عمر بابتسامه وصوت واطي : ده انا هخضك كل شويه عشان اسمع اسمي كده ♥️
زينه باستغراب : بتقول حاجة ؟
عمر : احم لا متاخديش في بالك بتعملي اي بقي
زينه : مجاليش نوم قولت اعمل حاجة اشربها ..
عمر : اممم طب ممكن قهوة ؟
زينه : حاضر ي هندسة مع اني كنت هعمل حسابك
عمر : اي هندسة دي اسمي عمر .. عمر وبس وتسمحيلي اقولك زينه كده لو ميدايقكيش
زينه بتوتر : لا عادي مفيش مشكلة
عمر : أنا هقف في البلكونه لحد ما تخلصي القهوة وطبعا انتي عارفة اني بشربها سادة أنا قولتلك الصبح
زينه بغيظ : عارفة علي فكرة منستش
عمر بضحك : ماشي .
..
زينه : القهوة ♥️
عمر : تسلم ايدك ♥️
فضلو ساكتين شويه وعمر لقاها حاطة الهاندفري ومندمجة وهي باصة للسما خد باله أنه علي الرغم انها مش علي قدر عالي من الجمال .. الا ان بساطتها وملامحها الهادية تقدر تخطف قلب اي حد ♥️
عمر : زينه
زينه بصتله : اممم
عمر : احكيلي عن حياتك شويه
زينه بتوتر : لي
عمر : عادي حابب اعرف ازاي أهلك واقفو تسافري وتيجي تعيشي هنا لوحدك
زينه بدموع : بس أنا مليش أهل
عمر بصدمه : أاا .. أنا آسف .. ممكن تهدي طيب وتفهميني
زينه وهي بتمسح دموعها زي الاطفال : بابا وماما متوفيين وعيلة بابا علاقتنا بيهم كانت مقطوعة من زمان وعيلة ماما أنا كنت قاعدة معاهم لحد ما لقيتهم بيفكرو يجوزوني حسيت انهم عايزين يخلصو مني فمشيت وسبتلهم ورقة ان محدش فيهم يدور عليا واني لقيت مكان هعيش فيه واشتغل واصرف علي نفسي وجيت علي اسكندرية هنا عشان كان نفسي اعيش فيها من زمان وقولت هدور علي شغل واقعد ف سكن مؤقتا لحد ما ربنا يكرمني واشتري شقة .
عمر بحزن علي حالها : متخافيش ي زينه انتي مش لوحدك وربنا هيعوضك خير وانا موجود اي حاجة تعوزيها اطلبيها مني ومتتكسفيش .. وبالنسبة للشغل فانا لقيتلك شغل في شركة كويس صحبي بيشتغل فيها وهوديكي بكره عشان متوهيش وامسحي دموعك بقي ومتزعليش نفسك
زينه : شكرا ي عمر انت بجد انسان محترم وتستاهل كل الخير
عمر : طب يلا حاولي تنامي عشان هنصحي بدري شويه .
زينه بابتسامه : تصبح علي خير
عمر : وانتي من اهل الخير
دخلت زينه اوضتها تنام وعمر فضل واقف في البلكونه بيفكر فيها وفي الظروف الصعبة اللي هي مرت بيها .
قطع تفكيره رن تليفونه بص فيه لقاه والده
عمر بابتسامه : عامل اي ي بابا واحشني والله
ابو عمر : ي بكاش يعني ومكلمتنيش لي بقي
عمر بضحك : اسف والله انشغلت شويه وضغط شغل وكده
ابو عمر : طب ي حبيبي المهم انت كويس ؟
عمر : اه الحمد لله طمني عليكم عاملين اي ؟
ابو عمر : كلنا كويسين ومامتك بتسلم عليك وبتقولك هتيجي الجمعة دي ؟
عمر : أيوة هعدي عليكم عشان عايزكم في حوار
ابو عمر بخبث : حوار اي
عمر : هقولك لما اجي
ابو عمر بخبث : عموما الحاج محمد حكالي علي موضوع البنت اللي قاعدة معاك
عمر بغيظ : مبيتبقش في بقه فوله
ابو عمر بضحك : عيب ي واد احترم نفسك الراجل مش قصده حاجة هو بيعرفني بس عشان لو جينالك يوم منتفاجئش أو تحصل مشكلة يعني .
عمر : عليا أنا برضو .. ماشي ي حاج .
ابو عمر : طيب ي حبيبي هنستناك الجمعه دي بإذن الله .
..
صباح يوم جديد الساعة 9 بالظبط
عمر خبط علي أوضة زينه لقاها صاحية وبتلبس
عمر : طب هحضر أنا الفطار لحد ما تخلصي
زينه : أنا جيت اهو عملت أي
عمر : خلصت الفطار يلا نفطر عشان نلحق ننزل اوديكي الشركة وأروح شغلي ولما اخلص هعدي عليكي اخدك واه معلش رقمك بس
زينه بتوتر : اهو رن وانا هسجل رقمك
عمر : ماشي اشربي النسكافيه لحد ما اجيب اللاب وحاجتي من جوا
زينه بابتسامه : ماشي
..
خالد : اهلا ي عمر تعالي
عمر : دي زينه اللي قولتلك أنها مهندسة ديكور وكانت بتدور علي شغل
خالد : اهلا ي بشمهندسة زينه اتفضلي صاحب الشركة هيعمل معاكي انترفيو وان شاء الله تتقبلي في الوظيفة هنا .
زينه بتوتر : ماشي ده السي في بتاعي
خالد : طيب اتفضلي معايا
عمر : متخافيش روحي أنا مش همشي هستناكي هنا .
..
عمر : ها عملتي اي ؟
زينه بفرحة وهي ماسكه ايد عمر : اتقبلت الحمد لله ♥️
عمر بابتسامه : مبروك ي زينه ♥️
زينه خدت بالها أنها ماسكه أيده : احم اسفة مقصدش
عمر بغمزة : ولا يهمك ي قمر
زينه بتوتر : يلا روحني عشان شغلك
عمر بضحك : مشوفتش وحدة بتتوتر كده
زينه بكسوف : احم هستناك في العربية
عمر بضحك : يلا بدل ما تتوهي
زينه كانت مبسوطة باهتمام عمر بيها ودي اول مرة حد يهتم بيها كده هي بقت تتطمن في وجوده رغم أنهم مكملوش يومين تلاته مع بعض بس هي مطمناله
 
يتبع الفصل التالي اضغط هنا
 
الفهرس يحتوي علي فصول الرواية كاملة '' بداية حياة '' اضغط علي اسم الرواية
 
reaction:

تعليقات