رواية الملتزمة الصغيرة الفصل التاسع والعشرون 29 بقلم سمر ابراهيم

 رواية الملتزمة الصغيرة الفصل التاسع والعشرون 29 بقلم سمر ابراهيم

رواية الملتزمة الفصل التاسع والعشرون

نفس كانت في سهرانة سمعت خطوات بره الاوضة وخرجت شافت حد خرج من الباب الخلفي

نفس:- مين دا دي أكيد فرح بس ليه خرجت زي الحرامية ي ربي أعمل ايه أقول لأويس لا لازم أتأكد الأول ممكن تكون تهيأت زي ما قلت

دخلت اوضة فرح مش موجودة

نفس انتظرت كتير الوقت بيعدي نفس بتنام وتقوم على البلكونة وبعد الساعة اتنين فرح جات وشكلها مدمر

نفس:- ايه دا أنتي كنتي فين بالشكل دا

فرح مش قادره تتكلم من العياط أنا أدمرت أنا تعبانة ي نفس هو ضيعني اخوكي السبب وأنتي

نفس:- خالد أخويا أنتي كنتي فين و اذاي تخرجي ي بت

فرح:- خالد ضيعني ي نفس اخوكي السبب

نفس أنصدمت معقول خالد يعمل كدا من شكل فرح وهدومها وحالتها فهمت أن خالد ضيعها

نفس:- معقول خالد أخويا كدا يرتكب حاجة زي دي ليه ي خالد ليه حرام عليك دا أنت معاك أخت تخاف عليها

فرح وقعت أغمي عليها نفس فضلت تحاول توصلها لأوضتها من غير ما حد يعرف بالطول والعرض والجر والشد أخيراً وصلت بالسلامة

نفس:- مش عارفة ايه اللي خرجك ومين جبرك تضيعي نفسك بالشكل دا بس أنا مش ممكن أسمح سمعة العيلة تدمر لو حد من الشباب عرف ممكن يقتل خالد ويدخل السجن ليه كدا ي فرح تدمري نفسك وعيلتك كان ناقصك ايه دا أنتي عندك كل حاجة عيلة فلوس جمال ليه ترخصي نفسك وتضيعيها بالشكل دا بس لازم أتصرف

نفس أتصلت على خالد

خالد بعصبية:- عايزه ايه

نفس:- بكرة العصر تجيب مأذون في بيت بابا وتنين شهود وتنتظر أنا وفرح

خالد:- مش متجوزها دي وحده رخيصة

نفس:- وأنت وأحد كلب زانـ'ي قسماً بالله ي خالد لو ما نفذت كلامي لقول لأويس هو مش متسرع وفي خلال يوم يكون باعت وأحد يقتلك ولا ياخد فيك ساعة حبس

خالد:- المفروض أخاف على كدا

نفس:- ايوه

خالد:- ماشي خمس دقايق وأرد عليكي

نفس:- ماشي فكر بعقل

،،،،،،،،،،،#إبتسامةعابرة

مجهول:- ها نفذت

خالد:- ايوه وهي رجعت البيت بس في مشكلة. نفس عرفت كل حاجة وقالت أما أتجوزها وإلا تقول لأويس يقتلني

مجهول:- كدا نغير الخطة من أول وجديد إحنا نخلص من الاتنين مع بعض

خالد:- لا نفس خط أحمر هي عايزه تسافر بره وتبعد عنكم يبقى تسيبها في حالها

مجهول:- أهدى كدا أنت تتجوز فرح من غير ما حد من العيلة يعرف غير نفس وكمان تسجل ليها أنها هي اللي بتقولك تتجوزها ولما العيلة تعرف تطرد نفس وفرح وكدا نخلص من فرح ونفس تسافر بره

خالد:- أويس ممكن يسكت

مجهول:- أويس أنا عارف نقطة ضعفه بس نفذ أنت من غير اي غلط

خالد:- ماشي يعني أقول لنفس موافق

مجهول:- اه بس خليها هي اللي تتكلم الأول وبلاش تجيب سيرة اللي عملته

خالد:- ماشي

،،،،،،سمر إبراهيم #إبتسامةعابرة

نفس:- ها ي خالد قولت ايه

خالد:- أنتي عايزة ايه

نفس:- تتجوز فرح

خالد:- ممكن ترفض

نفس:- غصب عنها توافق

خالد:- طيب بكرة أجي أتقدم ليها

نفس:- لا طبعاً تتقدم ايه أكيد عمو أحمد يرفضك أنت تاخدها عند المأذون وتحط العيلة كلها تحت الأمر الواقع

خالد:- ممكن يقتلونا لو عملت كدا

نفس:- لا هما آخرهم يجوزكم عشان يخبوا الموضوع أهم حاجة شرف العيلة لو خبر ذي دا أتعرف الشركة تقع واسم العيلة يدمر

خالد:- يعني أنتي متاكدة أننا في أمان

نفس:- سيب الموضوع دا عليا المهم بكرة تجيب المأذون وسيب جيبت فرح عليا

خالد:- ماشي موافق ي نفس

وقفل الخط

،،،،،،،،،،،،،،،،،،،،،،،،#إبتسامةعابرة

الأحداث مشيت ذي ما نفس خططت ليها فرح لما فاقت وفقت تتجوز خالد وراحت ليه ورفضت أن نفس تروح معاها بناء

العيلة كلها اتجمعت نفس منتظرة فرح ترجع وبتدعي ربنا يستر

أويس:- غريب أننا كلنا متجمعين في يوم غير الجمعة والأغرب أن نفس مش بتتكلم

نفس:- ها أنت قولت حاجة ي أويس

أويس:- لا سلمتك

مسك التلفون بتاعة وفضل يبعت لنفس على الوتس بس بيبعت الأموجي من غير كلام

أويس:-

نفس:-

أويس:-⁦ ⁦⁩

نفس:-

أويس +⁦⁦⁩=

نفس:-

مريم بصوت عالي:- أويس

أويس بخضه:- ها في ايه مين

الكل ضحك عليه أما نفس خايفة من اللي جاي ممكن محادثتها الهبلة مع أويس خلتها تنسى شوية الإنتظار صعب

نفس:- أنا اذاي كلمته لا وبيقولي بحبك كمان ماشي ي أويس بس نخلص من المشكلة دي أنا ليه دخلت نفسي في حوارات كبيرة ذي دي بس لازم أستر عليها ومستحيل أفضحها مش لأنها تستاهل بس جدو لو عرف ممكن تحصل ليه حاجة بسببها هي تستحق وأحد ندل ذي خالد

فرح دخلت هي وخالد عيونها كلها دموع من رده فعل والدها لما يعرف أنها اتجوزت من غير ما حد يعرف

خالد:- السلام عليكم ورحمه الله وبركاته

الكل:- وعليكم السلام

أحمد:- فرح أنتي كنتي فين وليه جاية مع دا مش نفس قالت أنك في اوضتك

فرح:- دا يبقى جوزي ي بابا

الكل مصدوم

الجد:- جوزك اذاي يعني ي قليلة التربية

فرح:- أنا وخالد اتجوزنا

أحمد رفع أيده يضرب فرح بالقلم خالد مسك أيده وتكلم:- آسف بس محدش يرفع أيده على مراتي

أسد:- أنت أتجننت وربنا لقتلك

أسد وفهد وأويس هجموا على خالد بس مع أول ضربة من أويس خالد وقع على الأرض نفس جريت عليه وحضنته

أويس:- نفس أبعدي عنه

نفس:- لا أبعد عنه وخلينا نتكلم بالعقل أنا مش بدافع عنه بس العصبية مش حل خلينا نفهم الأول عملوا كدا ليه

خالد:- أبعدي ي نفس متخافيش عليا

نفس بكره:- مش خايفة عليك ي رب تولع أو تموت أو تنرجم في ستين داهية أنا خائفة عليهم هما مش عايزه أيدهم تتلوث بدم وأحد ندل زيك

أويس مسك نفس من هدومها وبعدها غصب عنها وهي مش راضية تتحرك وحاضنه خالد جامد

نفس:- جدو بالله عليك فكر في العيلة فرح كلبة تستاهل وأحد زي دا بس لو الخبر دا أتعرف ممكن سمعت العيلة تتشوه

الجد:- ولا عاش ولا كان اللي يشوه سمعت عيلة النديم شباب محدش يرفع أيده عليه وخلينا نتكلم بهدوء

أحمد:- انطقي ي بت عملتي كدا ليه

فرح اتكلمت زي ما نفس حفظتها:- لأني خلاص كبرت في العمر ي بابا مفيش ولا عريس متقدم ليا حتى أويس رفض يتجوزني ومصطفى اللي كان بيجري ورايا أتجوز وبيحب مراته مع أنها سابته ومشيت خالد شافني من فترة وهو أتقدم ليا بس أنا رفضت لأني متأكدة أنك مستحيل توافق على وأحد زيه بس هو فضل يلح عليا لأني مش كلمته ولا حتى رفعت عيني فيه وأنا شفت أنه شخص مناسب ليا وتجوزنا

مريم:- معقول الندل دا يعرف الحب ولا هو موضوع نصب زي كل مرة أنتي تستاهلي وأحد معفن ذي دا بس حلمك أنتي وهو تاخدوا قرش من فلوس العيلة

أحمد:- أنتي همك الفلوس ومش همك اللي عملته

مريم بتحاول تدافع عنها بس بطريقه تانية:- يعني نعمل ايه نقتلها يلا بره مش عايزين نشوف وشك تاني اشبعي بيه يختي

عامر:- لا كدا الكل يتكلم علينا لازم نعمل فرح صورة قدام الناس عشان الموضوع يبقى طبيعي وبعد الفرح حسابك أنتي وهو

أحمد:- الفرح بعد أسبوع مع فرح فهد وتفاؤل

تفاؤل:- اف لا أنا عايزة أكون عروسة لوحدي مش عايزة أتجوز مع حد

فهد:- أسكتي ي مجنونة مسمعش صوتك

تفاؤل:- طيب ايه رأيك مش متجوزة أن كان عاجبك

نفس:- سيبكم من المجنونة دي إحنا في ايه ولا ايه أنت قولت ايه ي جدو

الجد:- كلام عامر صح شباب أمسكوا أعصابك خلوا الأسبوع دا يتم على خير بعدها اللي عايزين تعملوا فيه براحتكم

نفس:- جدو خالد يفضل هنا الأسبوع دا ممكن يهرب ندل ويعملها

الجد:- اه طبعاً شباب دخلوه المخزن هو و الكلبة دي

،،،،،،،،،،،،،،سمر إبراهيم #إبتسامةعابرة

الكل بيحضر للفرح اللي كان في حديقة الفيلا الواسعة

فهد بيحاول يقنع تفاؤل ويفهمها المشكلة بس هي رافضة وكل ما يكلمها تستخدم ضده سلاحها القوي الـ

نفس بتفكر في الوقت اللي بيمر وهي لازم تحضر للسفر قبل ما الوقت يخلص وقررت تطلب الفلوس من أويس زي ما مريم نصحتها تعمل

نفس:- احم أويس ممكن لحظة

أويس:- مش فاضي ي نفس ناوليني عقد النور اللي تحتك

نفس:- ممكن تسيب العمال يشتغلوا وتيجي نتكلم تلت دقايق بس

أويس نزل من على السلم:- قولي

نفس:- ممكن تيجي معايا

أويس:- فين

نفس:- عند الدكتور

أويس:- لا خلي خالد ينفعك

نفس:- ماشي شكراً عن أذنك

أويس:- طيب أستني عندك لحظة أخد شور سريع واجي بس طلعي العربية بتاعتك مش قادر أسوق

نفس بفرح:- بجد يعني أنا أسوق وأنت تركب وراء وفضل أقول بطل تتكلم بطل لعب في الكراسي بطل تفتح وتقفل في الشباك دخل إيدك جوه العربية بطل ترمي الزبالة في العربية

أويس:- أنتي كنتي تعملي كل دا في عربيتي وجه دوري أنتقم بقى

نفس:- طيب لحظة أكلم طنط مريم تيجي معانا

أويس:- ماشي بسرعة خليها تجهز

،،،،،،،،،،،،سمر إبراهيم #إبتسامةعابرة

مريم:- لا الفستان دا قصير ي فرح

فرح:- ماما خليني أختار دا حلم حياتي البس الفستان دا

مريم:- لو باباكي شافك كدا يقتلك أنتي نسيتي عملتي ايه دا منتظر يخلص منك وأنا بصعوبة قدرت أقنع جدك تخرجي من المخزن

فرح:- ماما دا آخر يوم ممكن أشوفك فيه وأشوف العيلة عايزه أكون سعيدة فيه

مريم:- طيب ماشي أمرنا لله

نفس:- مريومة بتعمل ايه هنا ايه دا فرح أنتي خرجتي اذاي

مريم:- عايزه ايه ي نفس

نفس:- ممكن تيجي معايا مشوار مهم

مريم:- لا والله عيزاني اجي معاكي وفرح بنتي مش مهم

نفس همست ليها:- أنتي الوحيدة اللي تعرفي إني بتعالج عشان كدا

مريم:- لا مش فاضية ليكي

نفس:- ماشي شكراً

،،،،،،،،،،

أويس خرج شاف نفس منتظره

نفس:- مريم مش راضية تيجي معايا

أويس:- و تفاؤل فرحها قرب بتجهز ليه ممكن نقول لماما

نفس:- منال لا دي تقول للكل ست لسانها قالت منها

أويس:- اكتر وحده تأثرت بيكي دي بقت تقول اشطا و يسطا

نفس:- طيب ايه مش مهم

أويس:- تعالي ي نفس أنا مش خايف على نفسي منك ومش هجيب محرم ممكن اعتبرك السواق ونفتح الباب

نفس:- ماشي أنا السوق شوف السواقة على أصولها أركب ي معلم

أويس:- ربنا يستر منكِ

نفس مشيت براحة كانت خايفة بس أويس طمنها راحت للدكتور أويس كان مدايق لأنها رفضت يدخل معاها وبعد ما الجلسة خلصت

الدكتور:- في تحسن كبير في موضوع الثقة دي تلت جلسة ليكي

نفس:- ايوه أنا بعيد عن أنه حرام يعني بس أنا لما أكون في اي مكان لوحدي مع راجل كنت أفضل خايفة حتى لما كان خالد معايا كنت خايفه من حضرتك بس دلوقتي عادي وكمان أويس أول مرة نخرج لوحدنا ديماً تكون أخته معانا

الدكتور:- طيب كدا تلت جلسات فاضل سته

نفس:- أنا حاسة بتقدم كبير بس حابة أخلص الموضوع في أقرب وقت لأني ممكن أسافر

الدكتور:- ممكن تيجي كل يوم ويوم

نفس:- ماشي هو في فرح عندنا بعد أسبوع بس أرتب وقتي مفيش مشاكل

الدكتور:- يلا من غير مطرود قبل ما أويس يولع في العيادة واللي فيها

نفس:- على فكرة سمعك دا بيسمع دبه النملة عنده عشر ودان

أويس:- لا عندي عشرين مش كفاية مرقعة ويلا بينا ولا ايه ي هانم

الدكتور:- طبعاً اتفضلوا المدام والأولاد يسلموا عليكي ي نفس

أويس:- هههههههه متخفش كدا أويس ي عم مش بأكل دكاترة صح أنت عندك كام سنه

الدكتور:- أنا ي عم دكتور أمير عندي أربعين سنة متجوز وعندي أربع أولاد اكبر وأحد عنده خمستاشر سنة يعني قريب من سن نفس كدا

أويس:- ربنا يحفظهم ليك يلا ي نفس

نفس:- ماشي

في العربية بتاعت نفس

أويس:- قولي عايزة ايه

نفس:- وأنت ايه عرفك إني محتاجة حاجة

أويس:- بلاش توتر ي نفس وتأكل في ضوافرك اتكلمي عايزه ايه

نفس:- عايزة فلوس سلف

أويس:- معاكي الفيزا كارت اصرفي براحتك

نفس:- لا مش كدا أنا محتاجة مية ألف جنية ومن غير ما تسأل ليه

أويس:- بس المبلغ دا كبير ومش متوفر معايا خصوصاً إني اشتريت عربية قريب دا غير أني بجهز مكان أتجوز فيه

نفس:- ايه أنت ناوي تتجوز

أويس:- اه طبعاً

نفس:- طيب ممكن تبيع العربية وتدبر ليا المبلغ دا

أويس:- محتاجة الفلوس ليه طيب

نفس:- أنت بـ تثق فيا بلاش أسئلة بقى

أويس:- ماشي بس بشرط

نفس:- موفقة

أويس:- طيب اسمعي الشرط الأول هو أنك تمضي على ورق يثبت أني ليا عندك الفلوس دي ممكن تنسي أو النفس تتغير لما تبقي دكتورة مشهورة تنسي فلوسي

نفس:- موافقة هات الورق وأنا أمضي عليه

أويس خرج الورق:- اتفضلي أمضي

نفس:- ايه دا أنت كنت عارف أني ممكن أطلب منك فلوس في الوقت دا

أويس:- لا طبعاً بس أنا ليا عندك فلوس كتير من زمان صح كفاية بس نص مرتبي طايع على الشكولاتة وكنت ناوي أخليكي تمضي عشان أضمن حقي واهو زودت علي الرقم ١٠٠ ألف كدا بقوة متين ألف بدل ميه

نفس مش مقتنعة بكلامه معقول أويس بيفكر كدا

أويس:- حافظة سورة البقرة أية الدين أولها

«يـٰأيها الذين ءامنوا إذا تداينتم بدينٍ إلي أجلٍ مسمى فكتبوهُ»

نفس:- صح هات أمضي ومسكت الورقة تقرأها

أويس:- أنتي بـ تثقي فيا بلاش تقرأي بقى

نفس:- أيوه ومضت من غير ما تقرأ مكتوب ايه

،،،،،،،،،سمر إبراهيم #إبتسامةعابرة

العيلة كلها مستعده للفرح بس الفرحة غابت بعملت فرح الكل مكسور خصوصاً تفاؤل كانت منتظرة اليوم دا من زمان

بعد يوم تحضير وتجهيز في الليل الكل متجمع في القعدة بس البنات مشيوا بعيد آخر الجنينة وفضل يحكوا مع بعض

نفس:- تقى مش ناوية تنجزي وتولدي في سنتك

تقى:- أنتي مستعجلة ليه

نفس:- بصي من الآخر كدا الفراخ بالنص ي تقى لو أكلتيهم لوحدك ايه يعني

تفاؤل:- لا تتقسم على تلاته

تقى:- ليه أن شاء الله أنا اللي بولد مش أنتم تأكلوا ليه

تفاؤل:- مليش فيه أنا عروسة أهتموا بيا

نفس:- وأنا مسافره ودي أخر أيام ليا معاكم وليا في التركة دي التلت بلاش طمع ي تقى بس الولدي قبل ما أسافر نفسي أشوف صهيب

تفاؤل:- نفس خليكي ومش هتجوز وأفضل سنجل زيك ونرجع صغيرين تاني مش عايزة أكبر وأتجوز والكلام دا ونلعب مع بعض بالعاريس بدل ما يتلعب بينا أحنا وايه رأيك جاك مش بيحب الأميرة شفق زي ما أنتي قولتي بيضحك عليها ي ستي اي خدمة

نفس:- لا هو بيحبها وتقدم ليها ووفى بعهدة بس هي بتحب الحرية وقررت تبعد عنه لأنه عايز يسجنها

تفاؤل:- ناوية تسافري فين يعني بلد أحسن من مصر

نفس بفخر:- روسيا بلد المزز

تقى:- ومين يربي صهيب معايا

نفس:- يربيه الزمن

تفاؤل:- وأنا رحت فين

نفس:- أنتي ربي نفسك الأول

تقى:- اوباااااااااااا

تقى:- القعده ناقصة سالي

نفس:- لا سالي بس دي ناقصة شلت المنتقبات كلها ونفجر المكان للصبح

تفاؤل:- يعني دا أخر كلام نتصل بيهم

نفس:- لا خليهم بكرة من أول الصبح

تفاؤل:- الصبح أسد قالي خلي البنات صحابك يفرشوا الفيلا هو كل حاجة حاجزة فيها بس محتاجة بعض اللمسات الأخيرة

نفس:- ليه مش أخد ليكي فندق مش كفاية أن الجواز في الفيلا هنا مش في قاعة إسلامية كنت عايزة أخد راحتي في الرقص زي فرح البت صفاء كان تحفة

تفاؤل:- أنا طلبت منه كدا تعرفي الفيلا بتاعتي قريبة من هنا بس مش شفتها وأكيد أجمل فرحة لما أدخل كدا أشوف كل حاجة بتاعتي والمطبخ بتاعي والجهاز بابا أشترى أجمل حاجة مبسوطة اوي خلاص عايزة أتجوز

تقى:- يااااا أنا كمان حنيت الفيلا بتاعتي وكل حاجة فيها مش حابة أحرق عليكم المفاجأة بس الأربع فيلات بتوعنا في نفس المكان وفي حديقة وحمام سباحة في كل فيلا وحديقة مشتركة بين الأربع فيلات شكلهم تحفة تصميم أويس

نفس:- بتوعنا وفيلات ايه الكلام دا

تقى:- ها هو أسد قالي سر مفيش حاجة صح دي تهيأت حمل

تفاؤل:- يعني الفيلا بتاعتي جمب منك

نفس:- ومين الاتنين التنين مصطفى وأويس صح

تقى:- اه يعني كلنا جمب بعض

نفس:- قصدك كلكم يلا بقى ننام من بكرة نتجمع كلنا ونهيص وخلى الفرش يوم الحنة الصبح

تفاؤل:- اشطا اتفقنا

تقى:- بس سالي لازم تحضر الفرح معانا

نفس:- أنا أكلم عمو كريم مستحيل يرفض ليا طلب بس عايزين باقي الشلة نسرين

تفاؤل:- نور وسهام بنات خالتي جاين بكره الصبح

نفس:- كدا فاضل مروة ونيرا واسراء ونكلم الشلة

تفاؤل:- اتفقت معهم يجوا الصبح ويمشوا بالليل أهلهم رافضين يباتوا

نفس:- جبت ليكم حبه أغاني من جدو إنما ايه تحفة

تقى:- أكيد أحلى من سكسك اللي طول فرحي تغني فيها

تفاؤل:- المشكلة مش حافظة غير كلمة سكسك والبنات تقول وراها عادت الكلمة مليون مرة

نفس:- دي أول وحده طبعاً بس البت نور خليها تجيب الدف معاها وأنا معايا حبه أغاني إسلامية قد كدا. وفتحت اديها على الأخر

،،،،،،،،،،،،،،،،،، سمر إبراهيم إبتسامة عابرة

مصطفى:- هما نفس وتفاؤل وتقى فين

أويس:- هناك آخر الجنينة بس بتسأل ليه

أسد:- أكيد الخطة الجديدة نزلت ربنا يستر

أويس:- خليهم يفرحوا مش بعملوا حاجة حرام

أسد:- فاكر ي مصطفى سالي في الفرح بتاعي انخطبت تلت مرات

مصطفى:- طبعاً فاكر دا غير أن الفرح كان إسلامي ما بلك أن الفرح المرة دي مش في القاعة دا هنا والجنينة مفتوحة اه الستات بعيد بس برضو لو كان زي فرحي أحلى

فهد:- تفاؤل حابة يكون هنا تخرج من بيتها لبيتها التاني المشكلة إني عارفها بتموت في العياط موهبة عندها من وهي صغيرة النكد والعياط بتتاثر وتتعلق بكل حاجة تخصها

أويس:- مش عارف أنت ليه تاخد أختي على ودي أقول مفيش جواز

مصطفى:- أختي دي قمر محدش يستحقها

أسد:- بس ي شباب بلاش عياط زي أختكم دي خلاص بقت أقرب لينا بنت عمي ومرات أخويا

فهد:- جر واطي لما نخدها نبقى نتكلم

أويس:- بقى كدا بت ي توتو تعالي هنا

نفس:- اخوكي بينادي عليكي

تفاؤل:- بعد وجريت على أويس

تفاؤل:- نعم ي حبيبي

أويس قعدها على رجله ونامت على كتفه:- أنا ولا فهد

تفاؤل:- أنت طبعاً

فهد:- طيب تعالي كدا وشدها ليه وقهدها نفس القعده أنا ولا أويس

تفاؤل بابتسامة ممزوجة بخجل:- أنت طبعاً

أسد:- يلا دوري أنا

تقى:- نعم يخويا دورك في ايه بالضبط

أسد:- دوري أشيل مراتي ها ي قلبي أنا ولا العيال دول كلهم

أويس:- عيال ي جبان خايف

تقى:- دا سؤال برضو

أسد بفخر:- عارف مفيش مقارنة

تقى:- صهيب طبعاً

الكل ضحك على كسفتن

أسد:- بقى كدا ي تقى هانم طيب ايه رأيك لما تيجي أخت صهيب أحبها اكتر منك

الكل بيضحك ومبسوط نكد هانم وقفة بعيد شويه بتبكي

نفس:- ياااه اذاي أعيش لوحدي من غيرهم أنا مش عايزة أسافر وأبعد عنهم بس أويس يقول عني عيلة صغيرة ويومين وأرجع في كلامي

أويس من وراها:- اه عيلة صغيرة بترجعي في كلامك وخليكي فاكرة ي نفس بكرة يجي يوم وقولك أنا ولا الكون كله تقولي أنت

نفس:- ماشي أفضل أحلم كدا لما يجي اليوم دا أبقى قابلني

أويس:- ماشي خليكي فاكرة كلامك يلا امسحي دموعك مفيش حاجة تزعل كلنا مبسوطة تعالي أقعدي معانا

نفس:- ماشي بس نادي على فرح تيجي معانا هي عروسة كمان

أويس:- سيبك منها بعد اللي عملته ملهاش مكان وسطنا

نفس:- طيب يلا بينا

،،،،،،،،،،سمر إبراهيم إبتسامة عابرة

عند خالد وفرح قاعدين قريب منهم وشايفين كل حاجة فرح عيونها عليهم طول الوقت

خالد:- جمعت العيلة حلوة اوي ي بختك بعيلتك أنا العيلة بتاعتي منعرفش بعض غير في الفرح الكل يحضر مش محبة لا في أكل ببلاش

فرح:- ليه عملت فيا كدا أنا مش عايزة أتجوز عايزه أرجع لعيلتي عرفت قيمتهم دلوقتي وأنا بعيده مقدرش أقرب منهم

خالد:- بطلي عياط ي بت مين قالك تيجي لواحد شقته

فرح:- بس مجهول كان عارف صح هو اللي قالك تعمل فيا كدا

خالد:- ها لا طبعاً أنا اللي عملت كدا وهو أجبرني اتجوزك

فرح:- ونفس عملت ايه ليه سكتت ومش قالت للعيلة

خالد:- مصلحة زي ما وجودها مدايقك وجودك مدايقها

فرح:- بجد الندله ما صدقت تخلص مني

خالد:- عندي ليكي عرض حلو كدا أنا معايا تسجيل لنفس وهي بتتفق معايا اتجوزتك وتخلص منك دا كفيل يخلي العيلة تطرد نفس

فرح:- والمقابل

خالد:- أنتي عارفه مامتك قلبها حنين ولو طلبتي منها فلوس مستحيل ترفض صح

فرح:- أنت كلب فلوس

خالد:- ماشي ي قطة بكرة تندمي على كلامك دا وتترجيني ارحمك

فرح خافت بس عامله نفسها قوية:- مش خايفه ولا تقدر تعمل حاجة

،،،،،،،،،سمر إبراهيم إبتسامة عابرة

أويس:- ايه رأيكم نلعب لعبة

الكل:- اشطا

أويس:- لعبة سؤال وجواب كلو ينزل على الأرض يلا انزلوا كلنا

الكل نزل من الكراسي وقعدوا على الأرض

نفس:- نلف قزازة الميه واللي تيجي علي الناحية اللي فيها الغطاء سأل والتاني يتسأل

لفت القزازة وجه أويس يسأل تقى

أويس:- من هي زوجة النبي التي كانت تغار منها السيدة عائشة رضي الله عنه؟

تقى:- السيدة خديجة بنت خويلد مع أنها كانت ميته بس كانت بتغير منها

السؤال جه نفس تسأل أويس يجاوب

نفس:- آممممم وقعت تحت أيدي ولا حد سمى عليك السؤال يقول ربنا خلق سبع سماوات وسبع أراضي بدليل وخلقنا من الأرض مثلهم طيب في معظم القرآن يذكر السماوات والأرض ليه هنا السماوات جمع والأرض مفرد مع أن دول سبعة ودول سبعة

أويس:- طيب هو في تفسير محتمل بس مش أكيد للنقطة دي لو نظرنا للأرض مخلوقه من ايه من تراب وكل الأراضي كدا يعني من جنس وأحد هو التراب عشان كدا مفرد

أما السماوات المواد المخلوقة منها في علم الغيب بس مخلوقين من أجناس مختلفة كل وحده من جنس غير التانية عشان كدا ذكرت جمع سماوات مش سماء

نفس:- برافوووووووو مصطفى يسأل فهد

مصطفى:- السورة التي يطلق عليها قلب القرآن؟

فهد:- سورة يس «كل شيء له قلب وقلب القرآن يس»

مصطفى:- أنا أسأل نفس من هو الصحابي الجليل الذي ذكر أسمه صريح في القرآن؟

نفس:- زيد بن الحارث

تفاؤل:- وأخيراً السؤال لأويس ما هي أول صلاة أدها النبي صلى الله عليه وسلم؟

أويس:- صلاة الظهر

أسد:- أنا أسأل مراتي الميتة التي تقع من مكان مرتفع ؟

تقى:- امممم ممكن في الآية اللي فيها تحريم اه المتردية

نفس:- أنا أسأل أسد ما هي السورة التي تسمى القتال؟

أسد:- مش عارف

تقى:- سورة محمد عرفها شكلك مش مذاكر ي أسد

أسد:- أسكتي أنتي طول اليوم في البيت مش بتعملي حاجة غير النوم والأكل

مصطفى:- اوبااا كبيرة ي تقى مش أنتي تعبانه وعلى وش ولادة المفروض يقد

أسد:- أسكت أنت وربنا حلال فيك اللي سالي بتعمله فيك في الشغل دي تقريباً أخدت مكانك في الشركة وبقت اشطر منك غير أنها وجد اوي في الشغل دا حتى بابا بيسمع كلامها

مصطفى:- أنت مالك بمراتي

أسد:- مش أنت طلقتها

مصطفى:- ورجعتها بس هي رفضت ترجع هنا تقريباً شهر كل يوم عندهم لعلنا نكسب رضا الحكومة

نفس:- تستاهل فرحانه فيك

مصطفى:- طيب ي رب تنجحي ي شيخة خليها تيجي الفرح وحشتني اوي ليها أسبوع مش بتيجي الشركة ولما أروح عندهم تعمل نفسها نايمة ومش بتقابلني

نفس:- ماشي سيب الموضوع عليا بس مش تاخدها مننا احنا مش كل يوم عندنا فرح

فرح جات عليهم:- جايبين في سيرتي يعني

أسد:& عن اذنكم يلا ي تقى ننام

أويس:- نفس تعالي عايزك في موضوع

الكل قام وساب فرح وقفة خالد جه عليها

خالد:- تعالي ننام ي فرح الوقت أتأخر

فرح:- أصلي الفجر الأول

خالد:- ايه دا أنتي بتصلي بجد

فرح:- اه بس مش بعرف اوي نفسي حد يعلمني الصلاة صح من أول وجديد

خالد:- طيب ممكن أصلي معاكي

فرح:- المفروض نعلم الأول تيجي نبحث على جوجل

خالد:- ماشي وفعلاً صلوا بس كان في أخطأ مش انتبهوا ليها

،،،،،،،،،سمر إبراهيم إبتسامة عابرة

أويس:- نفس مش عايزك تعملي زي كل فرح بلاش جنان المرة دي غير المرة دي لو صوتك طلع او غنيتي قدام جدو وشباب العيلة ايه يعني

نفس:- فعلاً المرة دي حفظت حوالي تلاتة وخمسين أغنية من جدو كلهم حلوين دا غير الاغاني البلدي مش زي أغاني اليومين دول

أويس:- لو سمعت صوتك بيغني أقتلك فاهمة

نفس:- لا أنا مش بس هغني دا أنا هغني ورقص وضرب على الدف دا أنا ناوية اخربها هو في فرح كل يوم يعني

أويس:- لو حد أتقدم ليكي ذي فرح أسد هقتله

نفس:- هو أنا ليه واقفه أحكي معاك ها مش حرام كدا أنا بحكيلك ليه أصلاً بتكلم معاك ليه؟

أويس:- لأنك هبلة ي قلبي

نفس:- نعم أنت قولت ايه سمعني كدا تاني عيد كلامك

أويس:- قصدك على قلبي ولا هبلة

نفس:- أنت مش محترم أويس أنا نفس مش تفاؤل متنساش نفسك

أويس:- أن كان عاجبك أصل في ناس هنا مش بتيجي بالذوق

نفس مشيت وهي متعصبة في حاجة مش مفهومة هو أمتى أويس بقى كدا بيتكلم معاها ويضحك ويبصلها مش ذي الأول كان يحترمها وعمره ما جات عيونه في عينيها ذي انهاردة

 يتبع الفصل التالي اضغط هنا

 

الفهرس يحتوي علي جميع فصول الرواية '' الملتزمة الصغيرة '' اضغط علي اسم الرواية