رواية الملتزمة الصغيرة الفصل الواحد والعشرون 21 بقلم سمر ابراهيم

 رواية الملتزمة الصغيرة الفصل الواحد والعشرون 21 بقلم سمر ابراهيم

رواية الملتزمة الفصل الواحد والعشرون

تفاؤل:- يلا أحكي بالتفصيل التفصيل الممل اوي

نفس:- أحكي ايه

تفاؤل:- أول حاجة المكان

نفس:- مكان تحفه الشمس لسه طالعة والبحر منظر رهيب الجو هادي تغريد العصافير مع صوت موج البحر وهدووووووء

تفاؤل:- الله أخلي فهودي يخدني هنا في يوم زي دا المهم حسيتي بأيه

نفس:- حسيت بأيه اذاي يعني

تفاؤل:- مشاعر ي نفس في الجو الرومانسي دا

حج

نفس:- اه مشاعر قولي كدا حسيت احساسين الأول الجوع كان نفس أكل والتاني النوم كان نفسي أنام اوي في الجو دا

تفاؤل:- الصبر من عندك ي رب طيب النوم كان نفسك تنامي على ايه

نفس:- دا سؤال أكمل طيب هجاوب على سرير في وسط البحر أو على مرجحة متعلقة في السماء وكل ما أنزل ألمس الميه واناااااام

تفاؤل:- طيب خلينا في السرير مش نفسك حد يكون معاكي كدا ولا كدا ها ي بت

نفس:- ما أنتي عارفه اللي فيها

تفاؤل:- اللي في بالي هو صح

نفس:- بالي ايه أنتي عارفه إني بقوم ادي شلاليت في الليل اي حد ينام جمبي يقع في الميه يغرق

تفاؤل:- تصدقي بالله أنك وحده تلاجه وشعورك العاطفي منعدم

نفس:- يلا تصبحي أو تمسي على خير

نفس مشيت وبتفكر:- هاها مفكرني غبيه أقع في الكلام وقول أن كانت أتمنى أن ماما تكون جمبي وانام في حضنها وحشتني ي ماما اوي ربنا يرحمك نسيت أطلع صدقة الأسبوع دا

نفس دخلت اوضتها ودار حوار بين أعضائها

المعده:- جعاااان ارحمي أمي عايزه مم

نفس:- اتخمدي مش وقتك ها يا أبو العقول قول رأيك

العقل:- كله غلط وجودك هنا غلط أنت مكانك في بيت أهلك كفاية كدا دلع مصيرك يوم ترجعي للبيئة بتاعتك أمشي بكرامتك قبل ما تنطردي

القلب:- دي عيلتك الكل بيحبك بلاش تخلي أوهام تخدعك

نفس:- مش أوهام ي حنين أنت شوفت الكل قلب عليا لما مصطفى تعب حتى محدش سأل كلهم اخدوا كلام تفاؤل وبدأت وصلت اللوم والتهديد

العقل:- اهو شوفي

المعده:- جعاااانه

نفس حطت عليها المخدة:- أسكتي أنتي خالص

القلب:- أويس أول ما دخل سأل عليكي

العقل:- ههه بجد لو هو بجد مهتم كان أهتم طول الفترة دي ليها اكتر من سبع سنين كل شهر تزور باباها وهو ولا مهتم ولا يعرف عنها حاجه ولما عرف ههه ضربها قلم حمش اوي

القلب:- مش كفاية أنه طول سبع سنين بيصرف عليها ومش مانع عنها حاجه وفي الآخر خانت ثقته وخرجت من غير ما يعرف

العقل:- ما أنت عارف اللي فيها علماء الاقتصاد بيقولوا "أن لم يطالبك البائع بثمن السلعة فعلم أنك أنت السعلة" وهو شاركي بفلوسه

نفس:- وأنت ي أبو الضمائر مش حابب تضيف حاجة أنت كمان

الضمير:- كله غلط في غلط ما بني على باطل فهو باطل وأنتي بدأتي غلط وجودك في بيت غير بيتك غلط

نفس:- أنا قررت ....

قاطعتها المعده:- أنك جعانه صح في تلاجة المطبخ الكبير حبه دجاج كنتاكي يختي عليهم

نفس:- أسكتي بقى خليني أعرف أتكلم أنا قررت أخلص ثانوية ولو أن شاء الله جبت مجموع طب أخد من أويس سلفة كبيرة أسافر بيها بلاد بره واشتغل خلال الدراسة ولما أتخرج وأتعين أرجع ليه كل فلوسه

العقل:- نعم الرأي

الضمير:- اشطا هو دا الكلام

المعده جعان جعان جعان

القلب:- وأويس ي جدعان الواد بيموت فيها وشريها

نفس:- اتلم ي حنين أنت مفيش حد جايبني وراء غيرك يلا تصبحوا على خير

المعده:- طـ ......

نفس :- أنتي أتخمدي مسمعش صوتك تاني وأنت ي أبو العقول فكري بعد ما أصحى أكلم البت سالي أحل المشكلة دي واتصل بمحمد اطمن على بابا واعتذر من طنط منال وقول لأسد إني استخدمته سلم عشان مصطفى يغير على سالي وأقول لجدو إني زعلانه منه وأخدت على خاطري اوي ونراجع سوى سورة الكهف ومريم ونعمل مسابقة صوت و....

العقل:- بااااااااس ارحمي أمي دا أنا نسيت

نفس:- خلاص اتخمد أنت كمان أعضاء أخر زمن هه

المعده:- جعـ

نفس:- بااااس اسكتي

،،،،،،،،،،،،،،،،،،،،،سمر إبراهيم إبتسامة عابرة

في أوضة أويس بيتكلم على الفون

أويس:- أيوه ي علي قول اسم المصحة اللي أنتقل فيها

علي:- ............

أويس:- أسمع هو لو خف يرجع السجن تاني ولا خلاص كدا

على:- الدكتور قال يبقى حر وكمان محتاج حد من عيلته يكون قريب منه دا يساعد اوي في العلاج

أويس:- أسمع ي على مش عايز اي حد من القسم يوصل لأي معلومة عنه خصوصاً اللي أسمه محمد الدمنهوري دا ومراد صاحبه ولو الدكاترة قصروا معاه في العلاج ننقله مستشفى تاني المهم عقلة يرجع خلال خمس شهور سليم مفهوم

على:- أنا متابع حالته بنفسي ي دكتور أويس دا غير التقنيات الحديثة اللي بنستخدها مع المرضى بتنشط العقل في وقت مضعف عن أي مكان

أويس:- أهم حاجة الوقت خمس شهور ي على وبعدين أنا عارفك قد ايه أنت دكتور شاطر وسمعتك سبقاك المهم السرية والسرعة في العلاج

على:- أن شاء الله تأمر باي خدمة كمان يلا السلام عليكم ورحمه الله وبركاته

أويس:- وعليكم السلام ورحمه الله

وكمل بحزن:- لما نشوف ي نفس تيجي ليا ولا زي كل مرة تهربي زي الحرامية مع إني عمري ما حرمتك من حاجة بكره تندمي على كل الكدب طول السنين دي

،،،،،،،،،،،،،،،،،سمر إبراهيم إبتسامة عابرة

في صباح يوم جديد تشرق الشمس على فيلا عائلة النديم

في أوضة الچيم بعد الفجر نفس عمالة تدرب الساعة جات خمسة

نفس:- دي مواعيد شغل محمد أتصل بيه قبل ما يروح الشغل الحمدلله إني مسجلة كل الأرقام في النوتة

نفس:- السلام عليكم

أويس:- وعليكم السلام ورحمة الله وبركاتة

نفس:- أنت اذاي

أويس:- هههه كمان حافظة الرقم بتاعه

نفس:- طيب اذاي رقمه معاك

أويس:- سرقت تلفونه مش مكسوفة ي نفس أنتي امتى بقيتي كدا سهل تتصلي بواحد وش الفجر وتهربي معاه من البيت نص الليل

نفس:- أنت عارف أني مش كدا غصب عني

أويس:- مين ضربك على إيدك

نفس:- سلام ي أويس "وقفلت الفون"

أويس:- ماشي ي نفس الكلب بس تيجي تحت أيدي وأعيد تربيتك من جديد

،،،،،،،،،،،،سمر إبراهيم

نفس:- المجنون سرق التلفون من ضابط ههههه ي عيب الشوم عليك ي محمد أتعلم عليك

منال:- احم صباح الخير ايه صاحية بدري اوي

نفس:- صباح النور دا الطبيعي بتاع كل يوم أنتي اللي بقيتي كسوله

منال:- فعلاً التلميذ غلب الأستاذ طيب ايه

نفس:- ايه

منال:- مفيش حاجة كدا ولا كدا

نفس:- هههه أسفه ي منوله أنت عارفه إني لما بتعصب بخرب الدنيا

منال:- صافي ي لبن بس بشرط

نفس:- هو البيت دا مفيش حاجة لله كدا كله بتمن

منال:- أنتي معلم وأحنا منك نتعلم

نفس:- أغاني ي منال أغاني

منال:- هههههههه تصدقي سمعتها انهاردة في توكتوك قدام المستشفى البركة في حضرتك كلنا بطلنا اي حاجة فيها موسيقي

نفس:- طيب مش صوتي أحلى من مليون مرة

منال:- أنا معاكي صح فكرتني الطلب بتاعي تخلي أويس يكسب انهاردة مش كل شهر أنتي تكسبي

نفس:- نعمل ايه في حب الناس والشعبية بتاعتي بس اشطا صوتي ليه بس لو خصر مليش فيه

منال:- اشطاا وكمان طلب مصطفى رافض يجيب ممرضه

نفس:- لا مفيش ستات تدخل البيت دا أنا أتصل بسالي وأعرف موعيد العلاج بتاعته

منال:- بس كدا تتعبي وممكن تأثر على الدراسة بتاعتك

نفس:- لا أنا بعرف أقسم وقتي كويس بس حضري نفسك انهاردة في اسئلة وجوائز

منال:- أنا مذاكرة كويس بس تسميع سورة ايه

نفس:- سورة مريم حلوه اوي بس مسابقة الصوت في كل القرآن زي ما نحب

مريم جات:- صباح الفل ي أهل الدار

نفس:- عيب كدا ي منال تقولي مريم بكرش وشكلها حامل الشقية

مريم:- نعم هي قالت كدا

منال:- كدابة أنتي ملاحظة لوحدك أنها بكرش وزاده عشرة كيلو

نفس:- اهو بتقولي في نفسك اهو شوفتي ي مريم

مريم:- عادي تخينة بس عاجبه جوزي مش طول اليوم بره البيت دا أحمد ما بيصدق يرجع البيت

نفس:- اشطا ي واثق من نفسك أنت ي جامد

منال:- إحنا كدا مش فاضين بعيد عنك شغل وأعمال وكدا حاجات مش ليكي فيها

مريم:- خلي الشغل ينفعك دا انتي ابنك تعبان مش هاين عليكي تفضلي معاه

منال:- أنا في اليوم بعالج اكتر من خمسين شخص حياة الناس زي حياة ابني عندي

نفس:- لا وجهة نظر حلوه استمروا كدا بعد اذنكم أنا أعمل موبيل بسرعة وراجعة

نفس طلعت للجنينة مريم ومنال مستمرين في الخناق

أويس كان واقف في البلكونة شاف نفس بتتصل بحد وبتضحك

نفس:- ي سالي حرام عليكي طيب في وحده عاقلة ترجع تاني يوم آمال لو مش ضربك

سالي:- نفس حاسه مصطفى تعبان أتصل بيا على الفجر

نفس:- بجد وأنتي فتحتي ليه. قال ايه

سالي:- ولا حاجة كان ساكت

[١٨/‏٩ ٩:٢٠ م] إبتسامة عابرة: فضلنا ساكتين وقت طويل المشكلة أن بابا لما حكيت ليه كل حاجة أقسم ما أرجع ليه تاني

نفس:- تعرفي كدا أفضل عمو كريم مستحيل يخرب بيتك وفي نفس الوقت يربي مصطفى على الهادي ويطلع عينه

سالي:- أعمل ايه ي نفس قلبي وأجعني عليه هو تعبان صح

نفس:- هو كويس بس لما عرف موضوع مراد تعب شوية

سالي:- ايه تعرفي الكلب دا لما عرف إني في بيت بابا أتصل بيه وعايز يطلب أيدي بس بابا بهدله

نفس:- تعرفي مع أنه صاحب محمد بس رخم كدا

سالي:- المهم انهاردة المسابقة خلي مصطفى يشترك ويكسب هههه

نفس:- لا أويس ناوي يكسب المهم بكره ننفذ الخطة بس قولي لعمو كريم يهدي شوية عشان صحة مصطفى

سالي:- طيب أنتي عندك مدرسة دلوقتي

نفس:- اه ي خبر الساعة سبعة اتاخرت

سالي:- سلام بس تهتمي ودواء مصطفى الأول

نفس:- طيب يلا سلام

،،،،،،،،،،سمر إبراهيم إبتسامة عابرة

أويس نزل وكان بيشوفها وهي بتتكلم

أويس:- صباح الخير أنتي ايه ي بنتي عصفورة تصحى الفجر تصحي الناس كلها

نفس:- جبت الرقم اذاي ي أويس

أويس:- وأحد حرامي سرق تلفونه ورجع التلفون من غير خط أنت مش قادرة تستغني عنه يومين

نفس:- عن أذنك

أويس:- يلا أجهزي اوصلك أنتي وتفاؤل

نفس:- شكراً مش عايزه السواق موجود

أويس:- ما أنا طردته

نفس:- ليه تقطع عيشه أنا السبب هو ماله

أويس:- من انهاردة في حارس اي حركة بعيد عن المدرسة والدروس ي نفس حسابك يكبر

نفس:- المفروض أخاف دلوقتي صح

أويس بص ليها وسكت

أسد جه عليهم:- صباح الفل

نفس:- صباح الخير أنت رايح الشغل

أويس:- لسه بدري

أسد نفس خلي بالك من تقى

أويس:- هي مفيش غيرها مش عندها دراسة دي تالته ثانوي

نفس:- عادي أنا مرتاحة ايه تاعبك أنت

أويس:- طيب جيبي أقل من كلية طب وأنا أنفخك

نفس:- أنت خلي بالك من أختك بس بلاش تركز معايا

أسد:- ي ستار أنتم كدا مفيش تفاهم خالص

نفس:- أسد ممكن توصلنا المدرسة

أويس:- ماشي ي نفس ومشي

أسد:- أنتم متخانقين ي نفس

نفس:- عادي مفيش حاجة هو زعلان من أنه ضربه

أسد:- مش ناوية تقولي ضربك ليه

نفس بتوتر:- ها ليه يعني ما هو قال عشان الأستاذ

أسد:- على بابا ي بت دا أويس عمره ما يعمل كدا

نفس:- يعني أنا اللي غلط وهو صح

نفس:- لحظة البس بسرعة أوعى تمشي ي أسد

أسد:- اهو منتظرك هنا بس بسرعة

،،،،،،،،،،،،،سمر إبراهيم إبتسامة عابرة

أويس كان بيسوق للكلية بسرعة:- بقى كدا ي نفس تخلى أسد يوصلك حسابك لما أرجع

وصل الكلية وشرح المحاضرات اللي عليه ورجع على شركة النديم

أما نفس راحت المدرسة وبعدها الدروس ورجعت البيت

،،،،،،،،،،،،سمر إبراهيم إبتسامة عابرة

عند مصطفى كان زهقان من قعدت البيت

نفس دخلت وهو كان سرحان:- بخ بتعمل ايه

مصطفى:- أتصلتي بسالي

نفس:- ههههه طيب قولي عامله ايه

مصطفى:- مين مراد دا ي نفس

نفس:- ضابط كدا رخم طول الوقت مع عمو كريم في البنك اللي شغال فيه وعايز يخطب سالي مع أنه عارف أنها متجوزه حتى امبارح طلبها في التلفون

مصطفى:- وهو عارف اذاي أن بينا مشاكل دي حتى أم سالي متعرفش أننا زعلانين

نفس:- آممممم بقى كدا يعني أنت كلمتها

مصطفى:- حماتي الغالية أتصلت بيا تعزمني على الغداء

نفس:- ليه مرحتش دي سالي نفسها تطمن عليك

مصطفى:- بجد هي قالت كدا

نفس:- لا قالت إن عمو كريم ناوي يجوزها وأقسم أنها مش ممكن ترجع ليك

مصطفى:- نعم يجوز مراتي على جثتي وربنا اقلتها

نفس:- هي حابه ترجع ليك بس باباها أقسم وعمو كريم مستحيل يرجع سالي كدا بسهولة غير لو أنت حاربت عشانها أو تطلقها وتتجوز وتعيش حياتها بعيد عنك مع راجل يسعدها

مصطفى:- وأنا مش راجل ولا ايه ورأي الأخت سالي ايه في الموضوع دا

نفس:- رأيها لو أنت سبتها واتخليت عنها وباباها قرر يحوزها تموت نفسها وترتاح منكم

مصطفى:- ايه طيب أنا رايح اجيبها مش ممكن اخليها هناك

نفس:- بسرعة ي مصطفى قبل الليل تكون هنا

،،،،،،،،،،،،،،،،،،،،،سمر إبراهيم إبتسامة عابرة

سالي:- ها ي نفس عملتي ايه

نفس:- خمس دقايق ويكون عندك اوعي تيجي معاه واتصلي على باباكي من دلوقتي

سالي:- اشطا يلا ننفذ دا برا بيكلم ماما

،،،،،،،

فيروز أم سالي:- أتفضل ي مصطفى كدا تيجي متأخر العصر أذن

مصطفى:- معلش أنا بس كنت جاي لسالي خمس دقايق خليها تجهز نفسها

نسرين:- أهلا وسهلا ي باش مهندس مصطفى خير هو في حاجة

فيروز:- بت بتتكلمي كدا ليه مع جوز أختك

نسرين:- ههه جوز أختي بجد كنت ناسية

في الوقت دا سمعوا ضحكة عاليه من جوه

سالي:- هيهيهيهيههيهيهيهيهي لا ي حج مش كدا الله

نفس:- يلهوي دا أنتي عندك قدرات في الضحك

سالي:- هيهيهيهيهيهيهي لا دا أنا أعجبك

مصطفى دخل:- وحياة أمك

سالي:- أنت ايه جابك هنا

مصطفى:- جاي أشوف مرقعتك ي شيخة سالي وقال ايه مش مبطله عياط ماشي ي نفس

سالي:- أطلع بره ولا أقولك ورق الطلاق فين الأول

مصطفى:- طلاق مين ي بت ما أنتي مقضيها كدا كدا هاتي التلفون دا

سالي:- وأنت مالك بتلفوني أطلع بره

مصطفى أخد التلفون لقى أخر حاجة رقم غريب جرب يرن عليه مغلق

مصطفى:- مين دا اللي بتتكلمي معاه كدا

سالي:- أنت بتشك فيا كمان

مصطفى:- أمك واختك شاهدين

كريم:- أنت ليك عين تيجي هنا بعد اللي عملته

سالي:- دا رقم نفس جابت رقم جديد وكانت بتقول أنه قرب يفصل شحن وأنا كنت بهزر معاها

كريم:- سالي بلاش تبرير مش محتاجة وأنت ي باش مهندس فين ورق طلاق بنتي

مصطفى:- مش مطلق مراتي ي عمي

كريم:- هههه بجد وهي مراتك برضو اللي ضربتها ومن يوم ما دخلت بيتك كل يوم تبات تبكي

مصطفى:- أنا هي ....

كريم:- بنتي مش وحشة ولا قليلة والعرسان جاية عليها قبل ما تطلق

مصطفى:- مراد الزفت وربنا لخلي يندم عايز يتجوز مراتي وأنتي يختي مبسوطة بتضحكي

كريم:- صوتك ميعلاش على بنتي في بيتها ولو رجعتها ليك يبقى من حقك أمشي أطلع بره بيتي وورق طلاقها يوصل خلال يومين وإلا كلامي مع حد كبير في عيلتك مش مع عيل ذيك

مصطفى كان ذي العيل اللي بيتعلم الكلام جديد مش قادر يتكلم عشان ميخصرش سالي اللي عرف قيمتها لما مشيت بس مش قابل الإهانة:- سالي أنت عايزة تفضلي ولا تيجي معايا

كريم:- ههههه عملت ليها ايه تخليها تختارك في موقف ذي دا

مصطفى:- ولا حاجة غير أني بوعدك وعد راجل مش عيل إني أخليكي ملكة وكل طلباتك تتنفذ

سالي:- أنا واثقة أنك قد الوعد دا بس أنا مقدرش اكسر كلمة لبابا

مصطفى:- يعني ايه

سالي:- يعني لو هخرج من هنا يبقى برضا بابا غير كدا لا

مصطفى:- من حقك ما أنتي مبسوطة وجايه على هنا عن اذنكم

كريم:- أذنك معاك ي خويا

،،،،،،،،،،،،،،،،،سمر إبراهيم إبتسامة عابرة

نفس:- ها ي سالي عملتي ايه

سالي:- بابا نفخة كان عامل زي الفار المبلول "وكملت بدموع" حقيقي الأب سند ي نفس أنا كنت خلاص ضاق بيا لدرجة أني اتمنيت الموت بس لما شوفت وقفت بابا ليا حسيت إني رجعت قوية تاني وإني حاجة غالية اوي لدرجة أن مصطفى كان ماسك اعصابة خايف يقول كلمة غلط يخصرني ي ريت كل أب يغلي بنته كدا عن جوزها مش يجي عليها ولا على خراب بيتها بس يجيب ليها حقاها مش يفرض فيها بالساهل أنا مبسوطة اوي

نفس:- مصطفى عمل ايه بعدها

سالي:- وعدني لو رجعت ليه إني أكون ملكة بس أنا قولت زي ما أنتي قولتي أنا واثقة فيك بس مقدرش اكسر كلمة لبابا

نفس:- اشطا هو دلوقتي يجي يخلص زعله فيا أنا وقول ليه اذاي يكسب رضا حماه

سالي:- شكراً ي نفس صح أنا قررت أرجع ادي دروس في المسجد تاني زي قبل الجواز وقررت أشتغل

نفس:- حلو بس مش ينفع تشتغلي بره مصطفى صبره ليه حدود عندي فكرة أنا أقوله أنك عايزه تشتغلي وباباكي موافق وطبعاً هو يكسر الدنيا ويرفض وأنا أطلع البطلة اللي تحل المشكلة وتعرض عليه أنك تشتغلي في شركته وأنه كدا تكوني قريبة منه ويقدر يصالحك

سالي:- ي عقلك الجامد ي حج بس صحيح مصطفى أخد تلفوني لما يرن ردي عليه وقفلي بسرعة بلاش لوكلوك كتير فاهمة

نفس:- عيب عليكي ي بت أنا مليش في خرج بيت عايزة وأحد جديد بالكرتونه ههههه

سالي:- أنت انحرفتي كدا امتى

نفس:- أنا منحرفه من زمان بس بخبي قدراتي عشان الحسد هههههههه البس الأخ مصطفى جه

،،،،،،،،،،،،،سمر إبراهيم إبتسامة عابرة

مصطفى:- أنتي ي بت فينك

نفس:- لحظة ي مصطفى البس النقاب

مصطفى:- ما تخلصي ي بت

نفس:- حاضر اهو نعم

مصطفى:- أنتي أتصلتي بسالي

نفس:- اه كانت بتكلمني والفون فصل شحن ليه

مصطفى:- وأنتي بقى الحج ورقمك مختلف

نفس:- أنت سمعت دي ايوه اهو رقمي المهم أنت عملت ايه مش رجعتها

مصطفى:- دي سالي ماشي بس ترجع البت عامله فيها الغلبانه قال ايه «ومثل صوت سالي» ” أنا واثقة فيك بس مقدرش اكسر كلمة لبابا “

نفس:- ما طبعاً لازم تقول كدا وكمان أنت تعتبر طردتها من البيت صح هي كانت ناوية ترجع تدي دروس في المسجد

مصطفى:- براحتها هي لو طلبت مني كنت وافقت عادي مقدرش أحرمها من القرآن والعلم

نفس:- وحابه تشتغل

مصطفى:- نعم تشتغل لا قولي ليها لو باباها مش قادر يصرف عليها أبعت ليها مصروف

نفس:- دا أنت عايز تخصرها للأبد بقى تاني عايز تعايرها ما تقى بتشتغل وأنا وتفاؤل لما نتخرج نشتغل

مصطفى:- بتشتغل مع جوزها ي نفس

نفس:- خلاص الشركة محتاجة سكرتيرة مكان تقى وهي مخلصة تجارة يبقى نقول مبروك

مصطفى:- تشتغل معايا والبت نوران تشتغل مع أسد

نفس:- يلا بسرعة بقى المسابقة قربت تبدأ جاهز

مصطفى:- طبعاً الشهر دا ناوي أكسب في الصوت والثقافية

نفس:- حلمك أنا صوتي أحلى والشعبية بتاعتي كبيرة

مصطفى:- دا ظلم جدو كل مرة يجبر الكل يصوت ليكي بس المرة دي لا وألف لا 

 

يتبع الفصل التالي اضغط هنا

 

الفهرس يحتوي علي جميع فصول الرواية '' الملتزمة الصغيرة '' اضغط علي اسم الرواية