القائمة الرئيسية

الصفحات

رواية زواج خارج ارادتي الفصل السادس عشر 16 بقلم رحمه نجاح

رواية زواج خارج ارادتي الفصل السادس عشر 16 بقلم رحمه نجاح

رواية زواج خارج ارادتي الفصل الاول 1 بقلم رحمه نجاح

رواية زواج خارج ارادتي الفصل السادس عشر

_بابا رائد وحشتني اوي ...
ليقوم رائد ويحتضنها بشده ويقول .. يا قلب بابا انتي عامله ايه ..
_تاليا بعدم فهم. لا ثانيه كده عشان مش فاهمه حاجه وليلتك مش هتفوت يا رائد ...
_رائد بخبث. مش فاهمه اي يا تاليا بتقولي يا بابا ..
_تاليا وهي تنظر له بغضب. بابا مين يا عنيا اومال انا بعمل اي هنا بلمع كراسي ..
_اهدي يا تاليا في أي ..
_بت جايه تقولك يا بابا وانتا حنين اوي وبتقولها يا قلب بابا انا اي موقفي في الموضوع ...
_ما انتي لو تفهمي الاول، لكن زي الج*موس وخلاص ..
_تاليا بغيظ وهي تض*ربه في صدره. انا جم*وس يا رائد طب ماشي انا ماشيه وابقا شوف الفستان علي ام الصغنونه اللي معاك دي ...
كادت أن تمشي ولكن منعها رائد من الخروج ..
_قولت اهدي بقا شويه ..
_لتنظر له بغضب... عايز اي يا رائد هااا ..
_عايزك تتهدي وتفهمي بقا ...
_اروي حبيبتي ينفع تسيبي مامي وتمشي كده، اي ده استاذ رائد حضرتك عامل اي ..
_الحمد لله مدام مايان ..
_مين دي يا رائد .. قالتها تاليا بغيظ
_مدام مايان مرات صحبي مراد يا تاليا، ودي تاليا مراتي ..
_اتشرفت بمعرفتك مدام تاليا ..
_حبيبتي تسلمي .. قالتها تاليا بابتسامه لم تصل إلي شفتيها
_عن اذنكم بقا، اتشرفت بالصدفه اللطيفه دي ..
_سلام بابا رائد ...
_رائد فهمني دلوقتي حالا ليه البنت دي بتقولك يا بابا طالما انتا صاحب ابوها ..
_هي متعوده تقولي كده يا تاليا اعمل اي طفله ..
_لا والله ..
_اه والله ..
_مستفز ..
_علي فكره بقا انتي اللي غلطانه مفيش ثقه ..
_لا في ثقه بس بنوته صغيره بتقولك يا بابا المفروض انا اعمل اي هااا ..
_تهدي لحد ما تفهمي مني ..
_تمام يالا نمشي ..
_والفستان ..
_مش عايزاه .. قالتها بلا مبالاة ..
_احسن بردو يالا ...
لياخذها رائد ويتوجه بها إلي ڤيلتهم ..
في الڤيله ...
_وانتي عايزه اي دلوقتي يا تاليا ..
_مش عايزه ..
_والله ..
_اه ..
_يا صبر ايوب يا بنتي بطلي النكد اللي بيجري في دمك دا بقا، مش كنتي عايزه فرح وتبقي عروسه وفستان ..
_كنت، حاليا مش عايزه حاجه ..
_ لينظر لها رائد بغضب علي تصرفاتها معه ...تااااليا ..
_عايز اي يا رائد ..
_مش عايز حاجه يا تاليا، انا مش عارف اي النكد ده بصراحه طفله مالهاش في الشغل اللي في دماغك ده قالتلي يا بابا، انتي تسكتي لا طبعا مينفعش لازم تعملي حوار وتقلبيها نكد عليا وعليكي ولا اشترينا فستان ولا زفت انا خارج احسن ...
ليخرج رائد من الغرفه ويقفل الباب خلفه بقوه ...
_اي يا عم ما براحه شويه هتكسر الڤيلا علي دماغي، اووف بقا انا حاليًا كده اعمل اي، ولا معملش واسكت، ما بت متجبش ست سنين بصراحه هل انا اڤورت ونكدت عليه ولا لا مش عارفه طب اصالحه ..
وما انتشالها من اسالتها طرقات الباب ..
_ خش ..
_مدام تاليا عائلة حضرتك تحت ..
_ تمام هنزلهم ..
لتنزل تاليا الي الأسفل ..
_تاليا حبيبتي وحشتيني ..
_وانتا اكتر يا بابا ..
لتتقدم منه تاليا وتحتضنه بقوه ..
_اسف يا بنتي ..
_قررت انسي الماضي يا بابا خلاص احنا ولاد انهارده ..
_لا والله يا ست تاليا وانا وحشه يعني متحضنش ..
_دا انتي تاخدي حضني وقلبي وكل حاجه حلوه ليكي يا عيوني ..
الام. يا سيدي ياسيدي كده رائد هيغير ..
رائد. لا واغير ليه هي بنتك سيبالي حاجه غير النكد بيحصل في البيت ده ..
تاليا بغيظ. انا رائد ..
رائد ببرود. معرفش ..
الاب. خلاص يا ولاد انتو هتنكدوا علي بعض قدمنا ..
تاليا.انا سكت اهو ..
الام. طب يالا نمشي احنا بقا ..
تاليا. اي يا ماما انتي لسه جايه لحقتوا ..
رائد. علي اتفقنا احنا بقا ..
الاب. طبعًا يا رائد ..
تاليا بفضول. اتفاق ايه ..
رائد. ملكيش دعوه ..
تاليا بستفزاز. شكراً ..
اليوم التالي ...
_رائد انت يا جدع بقا ..
_يا نعم ..
_انتا بتكلمني انا ببرود دا انا حتا عيني زيتوني وقمر في نفسي كده ..
_مش عايز وجع دماغ ..
_انتا لسه زعلان من امبارح يا راجل هو في حد يزعل مني، وبعدين انا بحسبك اتعودت ..
_عايزه اي ..
_الفستان ننزل نشتريه والقاعه نشوفها ..قالتها ببلاهه ..
ليجيبها رائد ببرود ... اتلغي ..
_هو اي ده اللي اتلغي يا عنيا ..
_القاعه والفستان ..
_رائد متهزرش ..
_مش بهزر مش انتي عند الفستان وقولتي مش عايزه خلاص مش علي مزاجكك كل حاجه والفرحه اتلغي اصلا ..
_رائد انتا بتتكلم جد ..
_انا مسافر بكره يا تاليا عايزه تيجي معايا تمام مش عايزه هوديكي عند اهلك ..
ليقول رائد جملته ويخرج من الغرفه ويتوجه الي حمام السباحه ...
_لا انتا متقولش كلامك وتمشي انا من حقي افهم اي اللي غيرك كده اكيد مش بسبب اللي حصل في الاتيليه يا رائد ..
_لا هو بسبب الاتيليه يا تاليا ..
_انتا بتقلع ليه مش كل ما اكلمك تنزلي في المايه انا مش عايشه مع سمكه بلطيه ..
_ ليجيبها ببرود ..لما بتخنق بنزل المايه ..
قالها وهو يغطس ..
_لا والله وانا خانقه اوي كده ولا شوفت واحده تانيه اه ما انتا خدت اللي عايزه مني وخلاص بقا مبقتش هماك ..
كانت تقف تاليا علي قرب من المسبح ليمسكها رائد ويوقعها في الماء ..
_انتا بتوقعني في المائه الدنيا ساقعه انا مش زيك ..
_هو انا لمستك اصلا عشان تقولي خدت اللي عايزه منك انتي هبله يا بت ..
لتنظر له تاليا بخجل... علفكره بقا انتا ق*ليل الاد*ب ..
_جدا حتا شوفي ..
قالها ثم قبلها بشغف حاولت تاليا أن تبعده عنها ولكن بعد فتره تشبتت به ..
_حلوه ق*لة الأ*دب معايا صح ..قالها بغمزه وهو يشاهد احمرار وجهها ..
_مش قولتلك انك قلي*ل الا*دب وانا غلطانه اني جيت وراك اصلا مش عايزه فرح ولا فستان وهاجي معاك السفريه يا رائد، مش مأمنه ليك بصراحه ..
_هتجوز عليكي .. قالها بخبث ..
نظرت له بزهول.... نهار اسوح تعملها يا رائد عشان ادب*حك واحطك في كياس زي ستات اليومين دول ..
_اممم مبخفش سبحان الله ..
_كائن مستفز انا همشي احسن ..
لتخرج تاليا من المسبح وهي غاضبه بشده من رائد وبروده معها ...
يمر اليوم بسلام ويأتي يوم سفر رائد وتاليا ...
_انت وخدني فين يا سياده الرائد ..
_انتي عايزه تروحي فين ..
_انا مش عايزه اروح في حتا والله بس مش واثقه فيك ..
_مش واثقه فيا انا دا انا غلبان ..
_اوي بصراحه ..
ليجيبها رائد بصرامه...تمام الشغل في دهب هنسافر بطياره عشان يبقا اسرع لينا ..
_تمام يالا ..
في الطائره كانت تجلس تاليا شارده الذهن تفكر إن اليوم كان من المفترض أنها ترتدي ثوب الزفاف الخاص بها وترقص في احدي القاعات وهي سعيده بشده لا تعلم ما حدث مع رائد ليغير هذه الفكره من راسه، ولكنها أظهرت عدم الاهتمام له لكي لا يشعر أنها كسرت مره اخري في شئ كان هو السبب به أظهرت لا مبالاة خارجيه وهي بداخلها براكين تشتعل من الغضب ...
_سرحانه ليه ..
_هاا لا مفيش حاجه ..
_زعلانه ..
_علي اي هو حصل حاجه تزعل ..
_الفرح فستان كل ده مزعلكيش ..
_لا خلاص اتعودت ..
رائد بغموض. تمام ...
المضيفه. مدام تاليا ممكن حضرتك تيجي معايا ..
_ليه ؟!
_هتغيري لبس حضرتك وفي فستان جوه هتلبسيه ..
_رائد هو في اي مش فاهمه ..
_خشي البسي الفستان اللي هي جيبهولك يا تاليا في حفله مهمه هانروحها اول ما نوصل دهب واكيد مش هتروحي بالسلوبته اللي انتي لبساها دي ..
_تمام فهمت ..
لتقوم تاليا بهدوء وتتوجه مع المضيفه ..
بعد فتره كانت تخرج تاليا وهي ترتدي فستان من اللون الابيض يتناسق بشده مع جسدها يجعلها انثي في غاية الجمال وعليه heelsوتفرد شعرها ليتدلي الي اخر خصرها بتناغم ....
_ينهار جمال اي ده .. جمله قالها رائد بدهشه من جمالها ..
_اي في أي فستان انتا جايبه ..
_هو انا جايبه فعلاً بس اي ده ..
_نظرت له تاليا بخجل وضحك علي هيئته... خلاص بقا يا عم ..
بعد مرور عدة ساعات واخيرا وصل رائد وتاليا إلي مدينة دهب ..
_الحفله امتي ..
_هانروحها دلوقتي يالا العربيه جت اهي ...
تقف السياره أمام ڤيله في غاية الجمال ..
تاليا بانهيار.. الله يا رائد اي الجمال ده ..
رائد بابتسامه... يالا نخش ...
لتتقدم تاليا الي الڤيلا وبرفقتها رائد وما أن دلفوا حتا تسلطت الاضواء نحوهم ..
تاليا بتوتر... رائد هو في اي ..
_تفتكري انا ممكن اكسر فرحتك يا تاليا ..
تاليا بتوتر.. مش فاهمه ..
ليمسك رائد كف يديها ويضعه نحو قلبه وهو يقول ..
_مش فاهمه اي بس انتي هنا وهتفضلي هنا لاخر نفس في حياتي بحبك يا عشقي الاول والاخير ..
لتنظر له تاليا بتوتر ...رائد ده بجد ..
_مش فاهمه اني بحبك يعني ارزعك بوسه دلوقتي قدام ابوكي وامك والناس المهمه دي ...
تاليا بضحك. مش بحبك من فراغ والله ..
الام. ياريت تكون المفاجاه دي عجبتك ..
تاليا.. ه*موت من الفرحه ..
الاب. رائد هو اللي عمل كل ده يا تاليا ..
لتنظر له تاليا بحب وعشق شديد أحبته عذراً بل عشقته ...
بعد مرور ساعه كانت وسط تهاني الجميع الي ذالك العاشقان ....
_انتا واخدني فين يا رائد ..
_اسكتي مش عايز دوشه ..
_يابني امي وابويا جوه والناس اللي تبعك دي كده قلة ذوق ..
_اركبي بس بسرعه وسيبك منهم ...
_نهار اسوح عليا مش فاهمه حاجه ..
لتركب تاليا السياره وهي لا تعلم الي اين سوف تذهب، بعد فترة تقف السياره أمام يخت كبير ويوجد به كثير من الزينه والأضواء ...
تاليا بانبهار.. اي اليخت ده يا رائد ينهار جمال ...
رائد. اركبي يالا ..
لتصعد تاليا علي اليخت الذي كان أكثر من رائع حقا بهذا البلالين الموجوده بقا ...
_بالله عليكي مش هنا احسن من هناك ..
تاليا بضحك. بصراحه اه ..
_طب خشي البسي الفستان اللي جوه عشان نقضي يومنا ..
_انت كل شويه تقولي خشي البسي انا زهقت ..
_اخلصي .. قالها بضحك ..
لتدلف تاليا وتنصدم بشده فهذا هو الفستان الذي شاهدته علي أحد المواقع وجعلت رائد يراه لكي تثير غيرته وأنها سوف ترتديه في حفل زفافهم ولكن غضب عليها بسبب قصره المبالغ فيه فهو من النوع الكب عارياً الذراع ويكاد يصل إلى فخذها ..
_ينهاري عليا هو انا كنت عايزه اجيبه ازاي، انا كنت عايزه اغيظه بس والله مش البسه خالص ...
_بقولك اي الفستان هو اللي قليل الادب انا ماليش دعوه والله ..
لينظر لها رائد بزهول ولكن اردف بخبث... هو ده المطلوب اصلا ..
_اه يا قليل الادب انتا ..
_تعالي بس ..
ليشتغل اغنيه هادئه ويبدأ الاثنان الرقص عليها بطريقه رائعه وجذابه .....
_فرحانه ..
_اوي، مكنتش متوقعه انك هتعمل كل ده ..
ليه ؟!
_معرفش بس متخيلتش انك تعمل كل ده عشان تفرحني ..
_انا اعمل اي حاجه ليكي عشان تفرحك يا تاليا ..
_ لتنظر له بعشق شديد وهي تقول ...بحبك يا رائد ...
رائد.. يبقا استعنا علي الشقا بالله ..
قالها وهو يحملها ويتجه بها إلي احد الغرف المتواجده داخل اليخت الخاص بهذا الرائد ...
تاليا بخضه.. انتا ناوي علي ايه نهار اسوح ..
ليسكتها رائد بقبلته لها لتصبح زوجته قولًا و فعلًا، وها هو امتلكها ذالك الرائد لتصبح عشقه الاول والاخير هي الذي فتحت قلبه لتجعله متيمًا بها ....
صباح يوم جديد كانت تقف تاليا علي اليخت من فوق تنظر إلي السماء الصافيه وهي تنعكس علي البحر تعطي مظهر جذاب بشده، رآها رائد شارده هكذا ليحتضنها من ظهرها ...
_ايه اللي شاغل بالك ..
_مفيش حاجه لقيتك نايم قولت اطلع أقف شويه الجو حلو اوي ..
_رائد وهو يطبع قبله علي عنقها.. مبسوطه ..
_مبسوطه معاك يا رائد مكنتش متخيله اني احبك كده ..
_انا اتحب اصلا .. قالها بغورو مصطنع ...
لتنظر له تاليا بغيظ....لا والله ..
_اه والله ..
_طب طلقني بقا ...
قالتها وهو ترمي نفسها اتجاه البحر ..
_اه يا بنت المجانين ..
لينزل رائد خلفها سريعا ..
_اي اللي انتي عاملتيه ده ..
لتنظر له تاليا بضحك وعشق معًا...مش هيجي حاجه جنب جنانك والله ..
_يخربيت رائد اللي مجنناه في ام الروايه دي المفروض كان يبقا اسمها طلقني مش زواج خارج إرادتي .. قالها بطريقه جعلته تضحك عليه بشده ..
_فرحانه ياختي ..
_بحبك والله .. قالتها بضحك شديد ..
ليطبع قبلة علي شفتيها وهو يقول بعشق ..
_ بسببك اوي مره اقع في الحب، بحبك ..
"لقد كان مجيئك مجيئ السلام إلى قلبي"
- دوستويفسكي
 
تمت رواية كاملة عبر مدونة كوكب الروايات
 
الفهرس يحتوي علي جميع فصول الرواية '' زواج خارج ارادتي '' اضغط علي اسم الرواية

reaction:

تعليقات