القائمة الرئيسية

الصفحات

رواية مثلث برمودا الفصل السابع 7 بقلم إيزيس

 رواية مثلث برمودا الفصل السابع 7 بقلم إيزيس

رواية مثلث برمودا الفصل السابع 7 بقلم إيزيس


(لا تسلكي ذاك الطريق المتعرج فليس كل الطرق تؤدي إلي قلبي )Bermuda Triangle 👿⛵🌊

أصالة اخدت نفس عميق وغمضت عينيها وقالت ... عمر بصراحة أنا بحب ياسين وهاعمل اي حاجة عشان يخرج من حالة الحزن اللي هو فيها ، لازم يرجع يمارس حياته بشكل طبيعي يعني بحب ويتحب انت فاهمني يا عمر 

عمر بيحاول يبان طبيعي ويخفي حزنه كان نفسه أصالة تقوله أنها بتحبه هو بس مع الاسف تأتي الرياح بما لا تشتهي السفن 

أصالة قطعت شروده .. ها يا عمر قلت ايه هتساعدني 

عمر ببرود.. وهتعملي ايه بقي ، انتي عارفة اصلا كنز بالنسبة لياسين ايه ، ما اظنش هيقدر ينساها بالسرعة دي 

أصالة رجعت ضهرها لوار ع الكنبة .. وانا مش مستعجلة ابدااا 

عمر ... هتعملي ايه ؟؟ 

أصالة .. احكيلي انت بس عن كنز 

عمر ... كنت باسمع ياسين ديما يقول إنه لما يتجوز كنز مش هيكون بس حبيبها هيكون ابوها واهلها كلهم لأنها انحرمت من حنان ابوها وتقريبا كده عيلتها كلها كانت قاسية عليها ..
كانت زي الاطفال تعيط علي اتفه الأسباب وتراضيها بسرعة ، واكتر حاجة كان يعشقها ياسين في كن... ما كملش كلمته لانه شاف ياسين نازل ع السلم

أصالة .. كمل سكت ليه 

عمر شاور لأصالة علي ياسين ففهمت وسكتت هي كمان 

ياسين كان حاطط ابديه في جيوبه ومتجه ناحيتهم .. اتمني ما اكونش قطعت حديثكم 

أصالة ردت بسرعة .. لا ابدا احنا مبسوطين انك نزلت 

ياسين قعد .. عمر احكيلي كل اللي حصل انهاردة في الشركة 

عمر... تمام يا بوص

*************
كنز لسة هتدخل الأوضة اللي جمب المطبخ اللي بتنام فيها كل يوم فجأة اتخضت لما باب الأوضة انفتح .. 
كنز التفتت بشهقة وقالت بعصبية .. انت .. انت ازاي تدخل من غير ما تخبط 

جان بخبث .. هل تنامين هنا 

كنز ... بغباء اومال بنام في الشارع 

جان ضيق عينيه .. واين ينام يامان 

كنز أدركت خطأها وقالت بتوتر... هيكون فين يعني اكيد هنا كان بيخلص شوية شغل في المطبخ وهايجي اكيد 

جان مسك كنز من دراعها .. قلت لكي هذا المهرج لا يليق بك اتركيه ولن تندمي 

كنز كانت خايفة من جان وفي نفس الوقت نفسها تشوف أحوال ياسين بعد اختفائها كانت قلقانة عليه فحبت تساير جان في الكلام وما تتحدهوش .. ح حاضر هافكر

جان ابتسم لها وطبطب علي خدها وخرج 
كنز رمت نفسها ع السرير كأنها بتحاول ترتاح من الضغط النفسي بسبب مراقبة جان وقوة ملاحظته 

يامان خلص شغله في المطبخ ولسة هايروح اوضته لقي نوريس في وشه 

يامان نزل وشه في الأرض احتراما لنوريس وقال .. تحتاجين شيئا يا مولاتي ؟؟ 

نوريس قربت منه وقالت بنبرة عتاب .. هل تزوجت تلك الفتاة الغريبة يامان 

يامان بيحب نوريس عارف أنها بتبادله نفس المشاعر من وهما اطفال صغيرين 

يامان رفع وشه .. وهز راسه بلا .. وبعدين تابع كلامه .. ولكن هذا لم يغير شيئا من الحقيقة .. فانتي ستظلين مولاتي وانا خادمك 

نوريس مسكت ايد يامان .. اسمي نوريس وليس مولاتي ، هل نسيت كم كنا مقربين في صغرنا هل نسيت حبنا لبعضنا ، لما تقول إن تلك الفتاة زوجتك هل تريدني ان انساك 

يامان رد بسرعة .. لا مولاتي 
قاطعته هي .. نوريس 

يامان .. لا نوريس وارجو أن يظل هذا سر بيني وبينك لأنها تخشي من اخيكي الأمير جان فانتي تعرفين كم يعشق الجميلات وهذه الفتاة لديها حبيب تحبه أكثر من روحها لذا عديني أن يظل هذا الكلام سر 

نوريس .. عدني انت اولا أنك ستتمسك بي لنواجه مصيرنا سويا 

يامان اتنهد ... اعدك 

**************
تاني يوم الصبح في فيلا ياسين 

أصالة راحت الصبح بدري رغم أنه كان يوم الاحد يعني إجازة في امريكا 
طلعت اوضة ياسين وكالعادة فتحت الستاير وصحته كان عايز يقوم يولع فيه لانه طول الليل يفتكر زكرياته مع كنز ومانامش الا وش الصبح 

ياسين رمي الغطا وقام مسك أصالة من دراعها وقال بغضب .. انتي متخلفة .. ما عندكيش احساس أنا نايم بالعافية الساعة خمسة الصبح تصحيني سبعة دانتي وقعتك سودة 

أصالة بدل ما تخاف ابتسمت خلت ياسين يتجنن اكتر .. بتبقي زي القمر لما تتعصب 

ياسين أنصدم من رد فعلها تنح شوية وبعدين ساب أيدها و جري دخل اوضة تانية وقفل الباب وكمل نوم 

بعد ساعتين 

أصالة وعمر بيفطروا 
أصالة .. عمر اطلع انت صحيه ويلا نطلع ع البحر الجو تحفة 

عمر .. يا بنتي بيقولك نايم خمسة الصبح فكك من حوار البحر انهاردة خليه مرة تانية 

أصالة فضلت تهز في رجلها بضيق لانه خطتها ما ميشيتش زي ما هي عايزة 

************
كنز كانت في المطبخ سرحانة بتفكر في حاجة ويامان بيتكلم معاها علي نوريس وهي مش مركزة 

يامان هزها من كتفها .. كنز اين انتي لما لا تردي 

كنز بصتله وفي عينيها نظرة أمل .. يامان أنا عايزة ارجع لنفس البحيرة اللي اتقابلنا فيها اول مرة 

يامان بقلق .. فيما تفكري انا اقلق دائما من شرودك .. لما تريدين العودة لذاك المكان الخطير 

كنز .. اكيد هناك هلاقي طريق للعودة مش دا المكان اللي السفينة رمتني فيه .. أنا عايزة ارجع مش عايزة أفضل طول عمري هنا 

يامان .. اتركيني لافكر لاني كما قلت لك أنه خطر للغاية 

كنز اتنهدت .. طب فكر بسرعة من فضلك يا يامان 
دخلت واحدة اول مرة تشوفها كنز 

البنت .. مولاي الأمير جان يريدك حالا 

كنز بصت ليامان .. يا تري عايز ايه دا كمان 

يامان .. اذهبي وستعرفين 

كنز مشيت ورا البنت وصلوا لاوضة جان . كان ساند علي السرير فستان اميرات جميل جدا 
كنز بضيق .. نعم ؟؟ عايز ايه 

جان ... لدي حفل الليلة واريدك أن تكوني برفقتي فيها 

كنز بتردد .. يامان مش .. قاطعها قبل ما تكمل كلامها 
..يامان لا يستطيع أن يعترض 

كنز اتنهدت .. بشرط 

جان بغضب .. ماذا شرط هل جننتي يا فتاة 

كنز خافت بس كملت .. شرطي انك توريني حد من اهلي زي ما قولتلي 

جان .. موافق .. هيا لتستعدي للحفل 

كنز اتنهدت .. تمام اخدت الفستان وراحت علي أوضتها 

*********** 
*في المساء عند ياسين 

كانوا قاعدين في جنينة الفيلا 

أصالة مسكت ازازة مية فاضية .. يلا هنلعب لعبة الصراحة 

عمر ... اوك يلا يا ياسين 

ياسين بلا مبالاة .. مش عارف امتي هتبطلوا حركات المراهقين دي وقعد جمبهم بملل 
أصالة لفت الأزازة وقفت عند عمر .. 
أصالة .. عمر انت عمرك حبيت 

عمر بص لها شوية من غير ما يتكلم وبعدين قال بدعابة .. لا أنا لسة صغير ع الحب

لف عمر الأزازة وجات علي ياسين لسة هيسألوا عمر بس أصالة بسرعة اتكلمت .. أنا مش هسأل ياسين انا هاقوله نصيحة .. 
ياسين بملل .. ارغي 

أصالة .. من الجميل انك تكون وافي لحبك الاول ومانتسهوش ويفضل في قلبك طول العمر .. بس من الظلم لنفسك انك تفضل بتعذب قلبك بالحب دا وتقفل عليه وترفض انك تديه فرصة تانية أنه يحب تاني بص حواليك يا ياسين هتلاقي في ناس تتمني بس ابتسامة منك 

ياسين اتنهد بضيق .. أنا أعرف أنه اللعبة دي أسئلة وطلبات بس اول مرة اعرف أن كمان بقي فيها مواعظ
أصالة بصت لعمر اللي رفع كتافه يعني بيقولها مش قلتلك 
وقف ياسين ومشي بعيد عنهم وهو مضايق لانه مش حابب يعامل أصالة بالقسوة دي هي لطيفة جدا بس مش عايزها تدخل في مشاعره 
أصالة قامت وراحت مشيت وراه 
**********
بدأت الحفلة عند كنز وكانت زي الاميرات في الفستان وطول الحفلة وجان حاطط أيدها في دراعه وبيلفوا في الحفلة 
كنز همست لجان .. مش هتوريني اللي اتفقنا عليه 

جان .. هي بنا واخدها وخرجوا من القلعة راحوا مكان غريب جدا فيه هرم كبير دخلوا جوه الهرم ومشيوا كتير كان مكان علي اد مهو مخيف بس مزهل من جوه وفيه صور معلقة علي جدرانه لناس اشكالها غريبة واخيرا وصلوا للبلورة السحرية 

جان .. ما اسم الشخص الذي تودين رؤيته 

كنز بفرحة .. ياسين 

جان بدأ يقول طلاسم و ... 

*عند ياسين 

أصالة لقيت ياسين قاعد وبيبص لنجمة كان ضوءها ظاهر بشدة وبتشع اكتر من كل النجوم 

مسكت أيده وقالت ممكن اقعد معاك 

ياسين عشان ما يبقاش سخيف اكتر معاها هز راسه بمعني اقعدي 

قعدت جمبه وسندت راسها علي كتفه .. وشاورت ع النجمة وقالت 
.. ياسين عارف النجمة دي اسمها ايه ..... 
**********
اخيرا خلص جان كل الطلاسم الخاصة بالبلؤرة وبدأت تظهر صورة ياسين بوضوح وهو قاعد في جنينة فيلته وجمبه بنت جميلة ساندة راسها علي كتفه وهو بيبص للنجوم 

كنز .....

جان .....
يتبع الفصل الثامن اضغط هنا
الفهرس يحتوي على جميع فصول الرواية "مثلث برمودا"اضغط على اسم الرواية


reaction:

تعليقات