القائمة الرئيسية

الصفحات

رواية في حب الياسمين الفصل الرابع 4 بقلم نورهان محمد رفعت

 رواية في حب الياسمين الفصل الرابع 4 بقلم نورهان محمد رفعت

رواية في حب الياسمين الفصل الاول 1 بقلم نورهان محمد رفعت

رواية في حب الياسمين الفصل الرابع

 كريم:انتي ي بت

ياسمين:انا بت !

كريم ببرود:اومال ولد
ياسمين:وجه نظر برضو ،اخلص عايز اي
كريم:ف رحلة طالعه القاهره ب ٨٠٠ جنيه تيجي !
ياسمين:فين و بكام
كريم:متجيش خلاص لغيتها
حمزة:كريم حبيبي انت غبي اوي ، ملقيتش غير دي و تجي تكلمها
ياسمين:شكرا لحضرتك
.......ف الكلية
ياسمين:حمزة
حمزة بصرامة:اسمي دكتور حمزة
ياسمين:اي دا مالك ، انت سخنت تاني و لا اي
حمزة:اتفضلي مكانك ي انسه
ياسمين بصوت واطي:اهبل ، أو عنده خال اهبل ،لا دا انا اللي هبلة عشان خاله دا يبقي الحاج بابا ،دا العيلة كلها دماغها ف الهوا
حمزة: الصوت يا اما هتطلعي برا ، انهاردة هنشرح ....
ف الكافيتريا :
حمزة:-الواحد محتاج خريطه و هو معاكي
ياسمين:عشان بتوه في عيني صح؟
حمزة:لا، عشان مش سالكه.
ياسمين:طااب ي سيدي شكرا ، خمسة هدوء بقا عشان اللي الكلية حاطه عليه مخنوق
حمزة:عايز اخد رايك في حاجه
ياسمين:يا زين ما اخترت و الله اتفضل المايك مع حضرتك
حمزة:في واحده كانت صحبتي ف المانيا و هي بتحبني و كانت بتبين دا كتير بس انا مكنش فيه ف دماغي اي تفكير وقتها عشان كنت لسا طالع من صدمة وفاة والدي و كمان ماما مش بتحب البنت دي و عايزة اللي اتجوزها هي اللي تختارها
ياسمين بهدوء شديد: بتحبها!
حمزة:مش عارف
ياسمين بنفس الهدوء:مافيش حاجه اسمها مش عارف يا اه ي لا
حمزة:يمكن اه
ياسمين بحزن و نبرة يغلبها البكاء :يبقي علي بركة الله أتقدم لها
حمزة:ما دا اللي انا عايز اقولهولك ،كل اللي عليكي تقنعي ماما بالموضوع دا
ياسمين بتماسك و شبح ابتسامه مرسومة:اعتبره حصل ، بس انا هستأذنك عشان ورايا مشوار مهم و اسراء مستنياني
حمزة:استني اوصلك طيب
ياسمين بمقاطعة:لا مش مهم سلام
"سيبته و مشيت علي المكان اللي بلاقي راحتي فيه و انا قاعده ع البحر و الموج بيزق ف بعضه و كل اللي شاغل تفكيري أنه طلع بيحب واحده تانية
العقل:هو مش غلطان ف حاجه هو معشمكيش و لا حتي قال إنه بيحبك انتي اللي علقتي نفسك بحبال دايبة
القلب:بس هو قال يارب يتجوزني
العقل:كان بيضحك
القلب:بس انا بحبه
العقل:امتي
القلب:احنا مبقالناش مع بعض شهرين بس انا اتعلقت بيه
العقل:اعتبريه اخوكي و بعدين انتي وعدتيه انك هتقنعي عمتك بالجوازة
ياسمين:باااس ،اسكتوا بقا انا مش هضحي بحمزة و لا هسيبه لواحده غيري الا لو هو عايز دا و هنفذ وعدي ليه و هقنع مامته بس مش هسيبه
و أكملت ببكاء:مش هسيبه ياربي ساعدني
.....في البيت
ياسمين:ماما انا جيت
سعاد:كنت فين يا ياسمين حمزة سال عليكي كتير
ياسمين:كنت بتمشي شوية
سعاد:طيب يا حبيبتي يلا غيري هدومك و صلي عشان معزومين عند عمتك
ياسمين:بمناسبة اي
سعاد:عمتك عايزة تاخد رأينا ف موضوع
ياسمين باستغراب:تمام هروح اجهز
ياسمين ف نفسها:هي لحقت توافق علي العروسة ،كويس اهي وفرت عليا اني أقنعها ، يلا اهي كل البيبان بتقفل ف وشي
ف منزل حمزة:
حمزة:كنتي فين ي بنتي
ياسمين:ف البيت
حمزة:لا كنت فين بعد ماسيبتيني
ياسمين:بتمشي
حمزة:و مأخدتنيش معاكي لي
ياسمين بجدية: دي مساحتي الشخصية ي دكتور
حمزة:دكتور ، مالك ي ياسمين انتي زعلانه
ياسمين:ا
حمزة بمقاطعة:اه صحيح الاهتمام مبيطلبش ، استني ممكن تكوني زعلتي عشان لا مافيش انا معملتش حاجه تزعلك اصلا زعلانه لي ي بنتي
ياسمين:ك
حمزة:طيب الحمد لله انك مش زعلانه
ياسمين بزعيق :ااااي مافيش فرصه اتكلم
حمزة بضحك:اه انتي كدا كويسة
زينب:يلا ي ولاد عشان نتغدي
ياسمين:الله علي الاكل القمر دا تسلم ايدك ي زوزا
زينب:بالهنا ع قلبك
والد ياسمين:اي بقا سبب التجمع دا
زينب:دا ي جماعه احتفالا بخطوبة حمزة اللي هتكون كمان كام يوم
ياسمين بحزن: مبارك ي حمزة
حمزة بفرحة:ي ماما ي روح قلبي من جوا دا احلي خبر و الله اخيرا بقا وافقتي ، و الله يا بت يا ياسمين انا مش بحبك من فراغ
زينب بفرحه:شوفت بقا اختيارات ماما عامله ازاي مش زي البومة اللي انت كنت متمسك بيها اللي اسمها دبانة
حمزة باستغراب: اختيارات اي ، هي مين العروسة
:اكيد انا ي زومي
ياسمين بصدمه:اهي كملت 
 
يتبع الفصل التالي اضغط هنا
 
الفهرس يحتوي علي جميع فصول الرواية ''رواية في حب الياسمسن'' اضغط علي اسم الرواية
reaction:

تعليقات