رواية الضائعة الفصل الاول 1 بقلم عمرو علي
رواية الضائعة الفصل الاول 1 بقلم عمرو علي
افتحي الكاميرا بقا نفسي اشوفك اوي
= لأ مينفعش ، مش دلوقتي يا زين
طب ابعتي اي صورة ليكي
= لأ برضو ، اصبر شوية
انا صابر بقالي شهر يا فريدة
= وفيها ايه ، مش انت بتحبني
اكيد طبعا بحبك♥️
= يبقا تستحمل
خلاص هستحمل ، علشان خاطرك يا فريدة
= بحبك اوي يا زين ♥️
" عارف لما تبقا تايه بقالك فترة ، و يظهر شخص من العدم ويكون هو الدنيا بالنسبالك ، شخص بيرتبلك حياتك و افكارك ويخلي شكلها اجمل و الطف بكتير ، اهو هو دا زين ، شخص مش خايفة من حاجة وانا معاه
فريدة .. يا فريدة
= سليم حبيبي .. انت رجعت
ايوا رجعت
= حمدالله على سلامتك .. هحضرلك العشا
استني .. محضرلك مفاجأه
= ايه
ايه رأيك في الخاتم دا
= حلو اوي يا سليم
مبروك عليكي يا حبيبتي .. دا بتاعك
= الله بجد .. بس دا بمناسبة ايه
انتي ناسية ولا ايه .. النهاردة عيد جوازنا
= ايوا طبعا فاكرة
هو انا ليه حاسس ، انك مش فرحانة
= دا انا طايرة من الفرح
تعرفي اني اول زوج مصري افتكر عيد جوازنا
= ومين قالك اني مش فاكرة ، انا بختبرك بس
ايه رأيك لو خدت أسبوع وسافرنا
= موافقة طبعا من غير ما افكر
بحبك يا فايدة
= وانا كمان ، يلا بقا عشان الاكل هيبرد
" منظري ايه قدام نفسي وانا بكدب ، شكلي رخيص اوي مش كدا ، انا مش عارفة بعمل كدا ليه ، بحب واحد وانا متجوزة ، بس اعمل ايه في قلبي اللي مش عارفة اسيطر عليه ، كل دا غصب عني وسليم هو السبب ، سليم اللي مش محسسني ب أنوثتي ، اهم حاجة في حياته هي الفلوس ، بيشتري ليا اغلى الهدايا وانا مش عايزة ، بنسافر في كل مكان وبرضو مش عايزة ، انا عايزة وجوده جنبي ، إنما زين محسسني اني ست بجد و هيموت عليا ، اي واحدة لازم تحس ب دا من الراجل ، يمكن لو كنت اتجوزت زين كانت كل مشاكلي اتحلت ، في وسط خنقتي ، كلمته..
الو
= وحشتني يا زين
دي اول مرة تكلميني بليل ، هو سليم نزل
= لأ نايم ، بس انت وحشتني ، وحشني صوتك
وانتي كمان وحشتيني .. عايز اطلب منك طلب بس توافقي
= اطلب
ايه رأيك نتقابل
= لأ طبعا مينفعش
علشان خاطري يا فريدة ، هتبقا اخر مرة
= لأ
طيب خلاص ، انا هقفل ومش هتسمعي صوتي تاني
= خلاص استنى ، موافقة
يتبع الفصل الثاني اضغط هنا
الفهرس يحتوي على جميع فصول الرواية"رواية الضائعة "اضغط على اسم الرواية
تعليقات
إرسال تعليق