رواية احببته صدفه الفصل الثاني عشر بقلم جودي اسامه
رواية احببته صدفه الفصل الثاني عشر
ببص لقيته طول بعرض ولابس شيك اووي
نور: اوبااا ايه الجمدان دا
ياسمين: يا بنتي اهدي بقي
فضلنا قاعدين والعريس مجاش سلم عليا حتي شكله متجوز غصب عنه هو كمان…. لحد ما المأذون وصل
بابا: يلا يا نور المأذون جيه
نور بتوتر: حاضر يا بابا جيه اهو
روحت وانا قلبي بيدق جامد اووي
المأذون : يلا يا عروسه…. يلا يا عريس
نور: هو ممكن منقعدش علي طربيزة واحده يعني انا همضي الأول وبعدين هوا
المأذون : ليه خير في حاجه
روحت بصيت لبابا لقيته متعصب
نور: لالا عادي احنا بس مكسوفين شويه
المأذون : براحتك يا بنتي
روحت مضيت وبعدين قعدت علي جنب لوحدي…. لحد ما كمان العريس مضي والمأذون مشي
ماما: يلا يا نور أنتوا هتفضلوا بعاد كده كتير يلا يا عريس تعالي خد مراتك
العريس جيه وراح مسكني من ايدي
العريس بصوت واطي وهو باصص في الارض : بصي انا اصلا مش بحبك ومتجوزك غصب عني ف مش عايز دلع ونبي
نور: ولا انا كمان بس لازم نعمل كده قدامهم
بابا: انتوا هتفضلوا باصين للارض انتوا الاتنين يلا يا عريس بوس مراتك من دماغها
راح رفع وشي
نور بصدمه : نععععععم
العريس : في ايه انتوا مجوزني واحده هبله
نور: ارفع رشك كدا وبصلي
العريس : ااااايه ازاااي
نور: يوسف انت ايه اللي جابك هنا
يوسف :.....
نور: ممكن حد يفهمني ايه بيحصل
ماما : مالك يا نو…. ايه دا ايه اللي جاب يوسف هنا
بابا: في ايه….. دا الولد اللي قولتلك هتتجوزيه
نور: يعني انت عايز تفهمني ان يوسف بقي جوزي
بابا:ايوه يا نور في ايه
يوسف: استني يا نور هتكلم انا…. انا ونور اتقبلنا مره صدفه في الشارع وبعدين طلعت معايا في نفس الجامعه وابتدينا نتكلم مع بعض لحد ما حبينا بعض وكل واحد بعد عن التاني علشان الجوازة دي…. وفي الاخر البنت اللي انا كنت بحبها طلعت هيا هيا اللي بابا عايز يجوزهالي
ماما: انا مش مصدقه
ياسمين بغيظ : دا ازاي ان شاء الله يعني كده انتوا خلاص اتجوزتوا
نور: ايوه
بدل ما الجو كان حزن وهدوء تحول كل دا لفرح واغاني عاليه اوي وبدل ما انا ويوسف كنا زعلانين اوووي بقينا هنموت من الفرحه وفضلنا نرقص كتير اوي
يوسف: انا مش مصدق انك بقيتي مراتي
نور: ولا انا كمان… انا بحبك اووي
يوسف: وانا بموت فيكي
فضلنا كده لحد ما الفرح خلص
نور: ماما انا مش مصدقه اني اتجوزت اللي بحبه صدفه
ماما: يا بنتي ربنا بيعوضك عن اللي شوفتيه وربنا عالم اني مكنتش قادره اسعدك
نور: الحمدلله يا رب
غيرت هدومي وانا لسه في بيت بابا طبعا لان مفيش شقه نقعد فيها انا ويوسف….. قعدت سرحانه في اللي حصل انهارده وبعدين يوسف رن
نور: الو
يوسف: الو يا روح قلبي
نور: انا مش مصدقه اللي حصل انهارده
يوسف : ولا انا…. اناااا لحد دلوقتي مصدوم
نور: تخيل بقي لو كنا وقفنا ضد اهلنا ومتجوزناش
يوسف: ربنا عالم اني بحبك قد الدنيا
نور: وانا كمان يا يوسف
يوسف : مبلاش يوسف دي بقي انت خلاص مراتي… قوليلي يا حبيبي
نور: حاضر يا حبيبي…. بس عايزة اقولك علي حاجه
يوسف : قولي
نور: بما انك خلاص زوجي قره عيني.. انا جعااااانه
يوسف : لا انا كده ممكن اطلقك عادي….. طيب نفسك في ايه
نور: عايزة بيتزا وشيبسي وكولا وبطاطس
يوسف : عايزة كل دا دلوقتي
نور: ايوه
يوسف : طيب بصي ثواني هكلم بابا وارجعلك باي
نور: باي
فضلت قاعده في الاوضه بملل رهيب… لقيت يوسف رن عليا
نور: يا عم كل دا انت مليت
يوسف : انا اسف… بصي كده من الشباك
نور: ليه يعني
يوسف: بصي بس
ببص من الشباك
نور: ياااالهوي
يتبع الفصل التالي: اضغط هنا
الفهرس يحتوي على جميع فصول الرواية كاملة: "احببته صدفه" اضغط على أسم الرواية
تعليقات
إرسال تعليق