رواية سجينة قصر الأمير الفصل الثاني بقلم حبيبة محمد
رواية سجينة قصر الأمير الفصل الثاني بقلم حبيبة محمد
#سجينه_قصر_الامير #الفصل_الثاني
و قال ل عمار بعدم رحمه: يلا؟
جاسر بحقد: يلا
ليلي فضلت تصوت وهي بتعيط وبتقولهم: هتعملوا اي ؟
عمار ب شر: هنرميكي و مش هنشوف وشك دا تاني
ليلي بفرحه : بجد طب يلا ارموني انا عايزه اترمي
عمار بحقد: هه الحق يا برنس دي فكراني هرميها في الشارع متعرفش انها هتترمي في البحر عشان نخلص منها
ليلي بخوف : ت..ترموني في البحر؟ ليييه؟ انا عملتلكم اييي؟
جاسر بصلها بأعجاب : انا عن نفسي بقول خساره نرمي الفرصه دي في البحر بس عمار بيغير من أمير طول عمره عشان كدا عايز يضيعك من ايد امير
عمار بغيظ:
انت بتقول اي اكتم ياض ..
ليلي بدموع: طب انا ذنبي اي انك بتغير من الحيوان دا
عمار بفرحه وابتسامه شر:
طب تصدقي عشان قولتي عليه حيوان انا مش هعملك حاجه
فكها يا جاسر
ليلي في سرها: دا مريض نفسي
دخل امير وهو بيحط سلاح في جيبه وبيقول لعمار وجاسر: اركبو عربيتكم واسبقوني علي القصر
عمار بأستسلام: حاضر يا أمير باشا
ليلي بصت لعمار باستغراب وقالت في سرها: دا انت كنت لسه بتشتمه وبتغير منه
جاسر مشي مع عمار
امير بص ل ليلي وهو بيلف حوالين الكرسي ال هي قاعده عليه وهي عماله تلف معاه بوشها
امير بحده قرب من ودانها وحاوطها من ضهرها:
احنا هنروح القصر دلوقتي ؛ صوتك مسمعهوش في الفتره ال هسوق فيها
ليلي قامت بعصبيه: انت مجنون انت خاطفني وبتقولي مسمعش صوتك؟ انا عايزه اروح دلوقتي حالا
امير ب شر: اي الجايبك الصعيد باين عليكي مش من هنا من لبسك ؛ لمس شعرها وهي بتبعد عن ايده بشمأزاز بعد كدا مسك شنطتها وهو بيقول: وشكلك وطريقه كلامك متقولش انك من الصعيد ..
ليلي بقرف: جيت رحله انا وصحابي كنا بنعمل مغامره ايه دراني انك هتخطفني
امير افأف بقرف: خلصيني بقا وامشي قدامي
ليلي حطت أيدها في وسطها برخامه: مش جايه و مش ماشيه
امير ببرود: حلو دا ؛ خليكي انتي هنا بقا
خرج وكان لسه هيقفل الباب ليلي وقفته وخرجت
امير بصلها من تحت طرف عينه وهو بيقولها: مبتجيش غير بالعين الحمره
ليلي عملت نفسها منكسره وكيوته لحد ما زقته وطلعت تجري
امير شدها من ايدها قبل ما تجري وقالها: فكراني عبيط؟
ليلي عيطت بطفوله وهي بتقوله: يوووووه سيبني اغور بقا
امير نزل تحت عند وسطها وشالها علي كتفه وهي فضلت ترفص وتقوله: نزلني نزلني بقولك
امير دخلها العربيه وحط بلاستر علي بوقها ومشي وهو مرتاح
***
في( القصر تحديدا)
بنت الداده:
اومال فين امير يا ماما مشوفتيهوش مش باين من الصبح؟
الداده ( سماح) : بتسألي عن امير ليه ؟
ريهام بتوتر: ها ؟ لأ مفيش اصل هو كان محتاج مني اساعده الصبح وانا كنت نايمه وكنت عايزه اعتذرله
سماح بخبث: اممم طب يلا يختي علي شغلك
**
مريم قعدت وهي بتتنفس بصعوبه: حاسه بالذنب اني سيبت ليلي لوحدها
ورد بخبث: سيبيها هي كانت من بقيت عيلتنا
مريم بتعب: طب هنروح فين؟
ورد ريحت رأسها علي التراب وهي بتقول:
معرفش هنستني شويه هنا في الحته المقطوعه دي عقبال ما الصبح يطلع علينا ؛ ولو صاحبه ليلي سألت عليها هنقولها منعرفش ومشوفناش امين سامعه
مريم : سامعه
****
امير اول ما وصل للقصر نزل ليلي من العربيه وفكلها البلاستر
واول ما فك البلاستر قالتله بعصبيه وهي بتحاول تاخد نفسها: ك..ككنت هموت
امير شدها من أيدها بحده وهو بيقولها: مش عاوز دلع بنات انجزي
ليلي بصت للسما وهي بتقول: يارب لو دا بلاء ابعده عني
امير بصلها بقرف: شش متبرطميش
ريهام اول ما شافت امير داخل و معاه ليلي اضايقت وقربت منه وهي بتقول بأبتسامه ودلع : امير باشا .. صباح الخير
امير بعدم اهتمام: صباح النور
شد ليلي وراه وهي باين اوي عليها انها مش عايزه تمشي معاه
ريهام بغيظ: مين البت المتدلعه دي شكلها غنيه ومرتاحه
بس كويس اصلا امير مبيحبش البنت المايصه
**
ليلي زقته وهي بتقول: انت خدتني من مكان مهجور لحد هنا انت مين وعايز اي مني واي السلاح ال في جيبك دا !
انت مجنون؟
امير خرج السلاح ال في جيبه ووجه السلاح علي ضهرها ودخلها بيه الأوضه ودخل وقفل الباب وراه
ليلي بخوف: ا انت... هتضربني..؟
امير لفها ليه ونزل السلاح وهو بيقول بسخريه: خوفتي؟
ليلي مسحت علي وشها بعصبيه وهي بتقول: اه خوفت انت بتجرب صبري ولا اي؟
امير اداها ضهره وفتح الدرج وحط فيه السلاح
قالتله وهي بتعيط بطفوله: مليش دعوه انا عايزه امشي من هنا
زعق فيها وهو بيقولها:
بطلي دلع مرئ
ليلي سكتت بخوف من زعيقه فيها و بعدين قالتله: فين الدلع دا
امير طلع لبس من دولابه وهو بيقولها: خدي شوفي هيناسبك ولا لأ
ليلي بعصبيه: هو اي دا اليناسبني انت فاكرني هبات معاك؟ أو هقعد هنا ثانيه واحده
كانت لسه هتمشي امير خبطها بكتفه في كتفها وزقها علي السرير وهو بيقول:
مفيش خروج اعتبري نفسك سجينه هنا
ليلي بصتله وهي بتبرق :
يعني اي؛ بقولك خرجني وديني بيتييي
امير ببرود: التيشرت دا هيكون واسع عليكي خدي الابيض عبقال ما اشتريلك لبس بنات
ليلي قعدت علي السرير بأستسلام: البنطلون دا هيكون واسع اوي علي وسطي
امير خرجلها بنطلون تاني وهو بيقول: خدي دا هيكون واسع عليكي برضو بس دبري نفسك بيه عقبال ما اجيبلك لبس
ليلي خدتهم وهي بتقوله:
أخرج عشان اغير
امير ببرود : بحب البيسمع الكلام
ليلي بصت الناحيه التانيه بقرف
امير كان لسه هيخرج بس كان فيه سبب خلاه يشد ليلي من علي السرير
وقفت قدامه وهي بتقوله: انت بتشدني ليه.
امير حضنها ولمس شعرها وبعدين بعدها عنه
ليلي بعصبيه: ينف.
كانت لسه هتكمل كلامها
امير حط صباعه علي شفتها عشان يخليها توقف كلام
اي السبب الغريب ال خلي امير يحضن ليلي وهو اصلا مبيطقهاش؟
و مريم و ورد هيهربوا ولا هيتقفشوا؟
و ريهام اي علاقتها ب امير ؟
و اي السبب ال يخلي امير يخطف ليلي ؟
لقراءة ومتابعة القصص والروايات كاملة انضم الينا عبر التلجرام اضغط هنا
تعليقات
إرسال تعليق