القائمة الرئيسية

الصفحات

رواية فرعون الجزء الثالث الفصل الثالث عشر بقلم ريناد رينوو

 رواية فرعون الجزء الثالث الفصل الثالث عشر بقلم ريناد رينوو

رواية فرعون الجزء الثالث الفصل الثالث عشر بقلم ريناد رينوو


فرعون 3

البارت الثالث عشر 13

غريب همس بصوت بيرجف :(نجمه) 

فتحى بصوت عالى :ايوه ايوه نجمه ...صوح اتفكرت قالتلها نجمه ..براوه عليك يابيه جبتها على الغيابى ...باشا صوح والله ..

غريب وقف على حيله وبعدها قعد مكانه تانى ورجع وقف وبيلف حوالين نفسه ويرجع يبص للصوره ..

غريب لنفسه:بنتى والله العظيم كنت متأكد وكان قلبي حاسس ..نجمتى وبنت ليلى وحته من روحى ...رجع اتكلم مع فتحى بصوت مش قادر يسيطر على رعشته الواضحه ...غبى يافتحى غبى ...متصلتش بيا ليه اول ماشفتهم ...مكلمتنيش ليه وقولتلى عليهم ؟ 

فتحى :وه ؟ وابلغ جنابك ليه بناس غريبه جاية تزور ملناش صالح بيهم !
جنابك قولتلى لو شفت ليييل ...وانى مشفتش ليل ؟ 

غريب :متأكد ليل مكانتش معاهم يافتحى ؟ 
فتحى : امال يعنى يابيه هتكون معاهم ومهشوفهاشى ..وبعدين يعنى انى هتوه عن ليل بت طاهر ...دانى اطلعها من وسط الف وحده ووحده ...هما مفيش غير اللى قولتلك عليهم دول بس ومفيش صنف مخلوق تانى كان معاهم ..

غريب اتنهد بقلة حيله :طيب كانو جايين راكبين ايه ..مشفتش العربيه اللى جم بيها ...مشفتش رقم العربيه نمرتها اى حاجه ؟ 

فتحى :له هما كانوشى جايين فعربيه هما جم فكوتكوت .

غريب :فأيه؟ 
فتحى :كوتكوت الاسود الصغير اللى طالع جديد ديه اللى عيشيل نفرين والتالت يبقى قاعد بجنبه ..

غريب نفخ لما فهم ان فتحى بيتكلم عن التوكتوك وطبعا دول اغلبهم لا بيكونو مرخصين ولاليهم نمر وخصوصا فالصعيد ..

غريب :طيب تعرف صاحب التوكتوك دا يعنى تعرفه لو شفته ؟
فتحى :له يابيه ماخدش بالى ليه والله ..

غريب :طيب روح انتا يافتحى ربنا يسامحك ...وفتح عينك واى حد ييجى القرافه غريب عن اهل البلد تدخله القرافه وتقفل عليه وتكلمنى فورا وانا هبعتلك حد يتولى مسئوليته ...وخصوصا لو البنت الصغيره جات عندك مره تانيه اوعى تسيبها من ايدك لو على قطع رقابتك وانا هديك اللى مكنتش تحلم بيه يافتحى ..

فتحى بفرحه :ولو عكشتلك ليل والبت تدينى مرتين يابيه ؟ 
غريب :عشر مرات لو عايز بس هاتلى وحده منهم بس ..

وقفل السكه مع فتحى وهو حاسس انه زى مايكون حد ضربه على دماغه ومش قادر يفكر او يركز فاى حاجه ...كل اللى عمله انه قعد قدام الصوره وهو بيتمعن فملامحها وبيتمنى لو تحصل معجزه وتطع نجمته من الصوره وتتجسد قدامه من لحم ودم ويقدر ياخدها فحضنه ..ومستعد فى سبيل اللحظه دى انه يضحى بكل مايملك ....

ميعرفش يومها قعد اد ايه قدام الصوره لكنه قام فالاخر وراح على اوضته واخد حمام وفضل تحت الميه كتييير اووى كانه مستنيها تشيل من على كتافه تعب السنين ..

خرج بعدها وراح على مكانه المعتاد ونام وهو باصص للسما وغمض عين وفتح التانيه وابتسم وهو بيمد ايده قدام عنيه على السما ويديق صباعين ايده السبابه والابهام لغاية مالنجمه اللى فالسما بقت بين صوابعه واتكلم بنبره كلها اصرار ...هجيبك ومش همسكك فأيدى ...هحطك جوا قلبي ومش هخلى مخلوق على وش الارض يبعدك عنى مره تانيه ...

ضم ايده كانه مسك النجمه بيها وباسها وبعدها اتعدل فقعدته وطلع تليفونه بعد مافكر هيبدا ازاى ..بس لسه مش عارف هيبدأ منين .....

اتصل بواحد فالقاهره وطلب منه انه يدورله على شهاده بأسم نجمه غريب ماهر الدمنهورى ...واسم الام ليل طاهر ...ولو ملقاش البنت متسجله باسم غريب ودا المتوقع طبعا ..فالحاله دى يدور على اسم نجمه واسم الام ليل طاهر ....

غريب اكد على اللى كلمه ان اللى طلبه منه دا يتنفذ على وجه السرعه واداله ساعه وحده عشان يرد عليه ومش مهم الطريقه اهم حاجه عنده التنفيذ. وقفل معاه وفضل مستنى على نار وحاسس بقلق كانه مستنى نتيجة امتحان هيقرر مصيره .

معدتش ساعه وتليفونه رن برقم الراجل اللى كلمه ...
غريب :اتكلم علطول عملت ايه ؟ 

تمام سعادتك لقينا فعلا بنت بالاسم دا ومطابق لاسم الام والاب ...الاسم نجمه غريب ماهر الدمنهورى واسم الام ليل طاهر ...والبنت مولوده بتاربخ **/*/**** 

غريب مش عارف ينطق من الفرحه لكنه تمالك نفسه ورد عليه :تمام ابعتلى صورة الشهاده على الواتس على الرقم دا بسرعه ...

وبالفعل غريب قفل وتليفونه اعلن عن وصول رساله فتحها وشاف شهادة ميلاد بنته والغريبه انها مكتوبه بأسمه ...طب ازاى وهو لازم يكون موجود عشان دا يحصل ؟ طب ازاى وليل مكنش معاها اى اوراق تثبت ان البنت دى بنته ولا قسيمة جواز ولا بطاقه منه ؟ 

عنيه برقت ونفسه علي بمجرد ماخطرت فدماغه فكرة ان حد ساعدها من اللى حواليه ومن وراه،

 وحلف بينه وبين نفسه انه لو فعلا حد طلع عمل كده وكان كل يوم شايفه بيموت من بعد ليل عنه ومقالهوش على مكانها هيخرجه برا حياته نهائيا مهما كان مين وهو ايه بالنسباله ...ومش بعيد يخرجه برا الدنيا كلها ..

فكر لو ان البنت كبيره شويه كان عرف يلاقيها اسرع من كده بأنه يسأل عنها بالاسم والسن فكل مدرسه فبر مصر كله من اسكندريه لاسوان لغاية مايلاقيها ..

.لكن للاسف البنت صغيره ومش هتكون متسجله فأى مدرسه ودا اصابه بأحباط وخيبة امل وهو مش عارف يبتدى يدور عليها من فين ...

غريب حس انه عايز يتكلم مع حد ..فكر وملقيش نفسه غير بيطلع التليفون ويتصل بقاسم ..

قاسم بفرحه :فرعون باشا بيتصل بيا بنفسه مره وحده ؟ لا دنا اكيد بحلم 

غريب :مش قولتلك بنتى ياقاسم ..والله بنتى ...نجمه طلعت بنتى ياقاسم ...

قاسم :يادى نجمه اللى جننتك دى ...ياغريب ياحبيبي طلع الموضوع دا من دماغك شويه هتتعب كده .

غريب :اطلعه من دماغى ! اطلع بنتى من دماغى ازاى ياقاسم ؟ يعنى لما كانت شك رفضت اتخلى عنها ولا اكدب احساسى بيها ولما بقت حقيقه كامله قدامى عايزنى اطلعها من دماغى !
تقدر انتا تطلع حد من عيالك بره دماغك ؟ 

قاسم بعصبيه :اديك قولتها بنفسك عيالى ...عياااالى ...
وهنا غريب نهى المكالمه مع قاسم وقاسم شاف رساله فالتليفون بتاعه على الواتس من غريب فتحها واتفاجا باللى فيها ...

شهادة ميلاد باسم نجمه غريب ماهر ؟ نفس الاسم اللى قاله عليه ؟ والتاريخ كمان متوافق مع التاريخ اللى ليل اختفت فيه ....يعنى ليل عايشه فعلا وهى اللى اختفت من حياة غريب بمزاجها ؟ ...طب ليه ؟ ايه اللى حصل يخلى ليل تعمل كده ...ياترى ايه حل اللغز بتاعك دا ياغريب ؟ 

رجع اتصل على غريب واستفسر وفهم منه كل حاجه واتفاجأ بان البنت اللى فالصوره هى نفسها بنته وصدق كل حاجه كان غريب يقولهاله وهو كدبها وكان فاكر ان غريب لسع وبيقول اى حاجه فأى حاجه من زعله على ليل واختفائها ...

قاسم قفل من غريب وهو حاسس بحيره زى اللى حاسس بيها غريب وهو بيفكر فنفس تفكير غريب وانهم يبتدو منين عشان يعرفو يلاقو مراته وبنته ...
************
اميره راحت الشركه اللى قدملها ابوها فيها، واهى النهارده ليها كام يوم بتشتغل، 
وفعلا الشغل والناس قدرو يطلعوها من حالة القهر اللى كانت فيها ...اميره كانت فوسط الموظفات اللى كلهم بلا استثناء كانو متجوزين واللى حامل واللى عندها كذا طفل ..كانت وسطهم عامله زى الورده المفتحه ومحط انظار كل الموظفين ...وخصوصا لانها مطلقه كل رجالة الشركه عيونهم كانت عليها ...
لكن اللى لفت نظرها من بينهم كلهم شاب تلاتينى كان شريك مكتب معاها اسمه احمد ...الشاب دا كان دايما يبصلها من تحت لتحت ولا مره حاول انه يكلمها او يتعرضلها بكلمه زى باقى الموظفين اللى كانو بيتلككو ويوميا يخلقو اعذار عشان يكلمو اميره ..

الشاب دا معروف وسط الشركه وبين الناس كلهم باخلاقه وتدينه ومواظبته على الصلاه ...ودا اللى خلى اميره ترتاح لنظراته البريئه ليها ومتدايقهاش زى نظرات الباقيين الشهوانيه القذره....

دايما لما الانسان يركز مع انسان اوى ويشوف كل حركاته من قريب ..كل كلمه كل همسه كل مره بيضحك فيها كل افيه بيقوله كل جمله بتخرج من بين شفايفه الانسان المُراقٍب دا غصب عنه بيبص يلاقى نفسه تعلق بالشخص دا ودا اللى حصل مع اميره لتانى مره وهى حاطه احمد طول الوقت تحت ميكروسكوب عنيها ...

كانت فرحانه بنظراته ليها اللى كل يوم بتزيد وتكون اجراء عن اليوم اللى قبله، وخصوصا وهى مكانش بيصدر منها اى حركه تصد بيها النظرات دى وتفهمه انها مش قابلاها زى مابتعمل مع الكل ..ويمكن دا اللى شجعه وهو شايفها بتتعامل معاه باللين فى حين انها ناشفه اوى فالكلام مع الكل ....

اميره استغربت نفسها جدا وهى حاسه انها بتنجذب ناحية الولد دا وسئلت نفسها امال احساسها اللى كانت بتحسه ناحية غريب دا وخلاها ضيعت سنين عمرها وكانت بتقول لنفسها ياما غريب يأما لا دا كان ايه ؟

ازاى قدر قلبها وعقلها يتعلقو بحد بالسرعه دى بعد ماكانو مجانين غريب وليلهم ونهارهم موراهمش غير هدف واحد وهو استقطاب غريب باى شكل وكل طريقه ..

اتأكدت وقتها انه مكنش حب ابدا زى مادايما مامتها مريم كانت بتقولها لكن غبائها كان رافض انها تشوف او تصدق حاجه زى دى.....
وبرغم كده برضو محستش بأى ذنب ناحيته ولا ناحية ليل بعد اللى عملته فيهم ، وبرضو لسه حاسه النار اللى اللى جواها من ناحية غريب منطفتش ..
************
جواهر قاعده فشقتها بعد ماقاسم مشى على شغله وشايله حلا وبترضع فيها وسمعت صوت تليفونها بيرن وابتسمت وهى شايفه رقم ناديه ..

جواهر :كنت متوقعه الاتصال دا هههههههه

ناديه :جواهر وحياة عيالك ياشيخه متضحكيش من اولها عشان متوترنيش وخصوصا وانا مكلماكى النهارده عشان استشيرك فموضوع مصيرى .

جواهر :مع انى تقريبا عارفاه بس اتكلمى وهاتى ما عندك انا سامعاكى .

ناديه :فيه ظابط متقدملى ..اسمه يمان وزميل جوزك فالشغل وقدملى كل المعلومات عنه وبصراحه الواد مز وفتى احلام اى بنت وانا من ضمنهم بس خايفه ...

جواهر :اولا يمان دا انا عارفاه يعتبر معرفه شخصيه من كتر ماقاسم بيحكيلى طول الوقت عنه وعن شطارته وذكائه وطول ماقاسم هنا بيبقى مع يمان على التليفون ...ثانيا بقا انتى اكيد قبل ماتتصلى تاخدى رأيى استفتيتى قلبك ...وسيبك من فتى احلام وبتاع ...قلبك لما سئلتيه قلك اييييه ...بلاش دى طيب لما بتشوفيه قلبك بيفضل طبيعى ولا احواله بتتلخبط ودقاته بتصوت كده بصوت عالى ؟ 

ناديه :بصراحه بتصوت .
جواهر :يبقا هو ده ...اتكلى على الله يانودى ودوسى والواد بصراحه لقطه ولو فلت من ايدك مش هيستنى هتبصى تلاقيه اتشقط فثانيه ...

ناديه :طيب بالنسبه لشغله ..دا بيأثر؟ يعنى زى مابنسمع عن حياة الظباط انهم طول الوقت بره وبيهملو ستاتهم وكده ؟ 

جواهر :والله مكدبش عليكى هما فعلا اغلب وقتهم بره ..لكن بالنسبه للاهمال بصراحه ولا يوم حسيت بيه مع قاسم ..بالعكس دا كل يوم بيخترعلى طريقه جديده فالاهتمام ...وبالنسبه للوقت اللى بيقضيه بره انا قبل مااخلف كنت فعلا بدايق من الحته دى لكن دلوقتى معنديش وقت انى افكر فيها حتى ...

وبالنسبالك انتى فأنتى بتشتغلى يعنى مش هتعانى منها من اول يوم وطول ماهو بره انتى هتكونى مشغوله فامش هتحسى بالوقت ..

وكملت جواهر :وخصوصا بقا لو طلع حظك زى حظى وطلع مجنون الا ربع زى قاسم كدا وكل مايطول فالقعده معاكى جنانه يطلع هتبقى انتى اللى عايزاه يحل عنك ويخرج يفضى مخزون جنانه بره وبعد كده يرجعلك انسان عاقل طبيعى ...

ناديه :لا فالحته دى اطمنك هو قاسم فنفسه اووى ..ربنا يطمنك زى ماطمنتينى من اولها ياحبيبتى ...

جواهر اتكلمت بصوت حنون :بس خلى بالك النوع دا بيبقو كلهم حنيه وطيبه ياناديه وهتشكرى ربنا ليل نهار عشان حط واحد زيه فطريقك وخلاه دخل حياتك ...

ناديه ابتسمت ابتسامة رضى وبعدها ردت على جواهر :ريحتى قلبي ياجوجو ..طيب سلام هرد عليه واقوله انى موافقه .

جواهر :سلام ياقلب جوجو ...والله وكبرتى يازئرده وهتتخطبى وتتجوزى ...ياااه دى الايام بتجرى جرى والله .

جواهر قفلت مع ناديه ولفت مره وحده هتنيم البنت من على حجرها واتفاجأت بقاسم واقف وراها اتخضت جامد واتكلمت بعصبيه :قاسم ؟ انتا بتعمل ايه هنا ؟ 

قاسم :مش دى ياهبله اللى بتتقال هنا التانيه اسمها انتا جيت امتا دنا محستش بيك ...انما انتا بتعمل ايه هنا متتقالش لراجل جوا بيته ياحوله .

جواهر :اه صحيح انا ايه اللى بقوله دا ...طيب ايه اللى جابك بدرى عن ميعادك النهارده ؟ 

قاسم :ربنا سبحانه وتعالى اراد انى اسمع بودنى كلام مراتى وقرة عينى عنى من ورايا فغيابي ...جيت لما ملقتش حته افضى فيها مخزون الجنان بتاعى جيت افضيه هنا عندك ياهانم !

جواهر :ايوه ايوه امسكلى فالكلمه وسيب باقى الكلام ..يعنى مسمعتنيش وانا بقول عليك كلك حنيه وطيبه ؟ مسمعتش غير مجنون بس !

قاسم :بقولك ايه مهو انتى مش هتاخدينى فدوكر وتغلوشى عليا بكلمتين ...بلا كلى حنيه بلا ناعمه وقويه مش بتكلمى منديل هاندى ...انتى قولتى عليا مجنون وانا طالبه معايا اطلع جنانى عليكى دلوقتى حالا ...

جواهر حطت ايديها فوسطها ..وهتطلع جنانك عليا اللى هو ازاى ده سيادتك ؟ 

قاسم قعد على الكرسى بعد مافك زرار بدلته وحط رجل على رجل وشاور لجواهر على الحيطه وراها :
اطلعى عالحيطه دى وامشيلى على السقف لفى لفتين وانزلى ...

جواهر :نعم ياخويه ؟ 
قاسم :لا دا ولافيه اخويا ولا ابويا انتى فاللحظه دى بتتعاملى مع واحد مجنون لا بيفهم ولا بيتفاهم ودا قانون المجانين المتعارف عليه بقا ...يلا ياروحى اطلعى ..عايزك تقلبيلى برص عالحيطه ..

جواهر هزت ايديها واتحركت من قدامه راحت على المطبخ تحضر الغدا وقاسم فضل ينادى عليها مردتش عليه ..وهمس لنفسه وهو بيراقبها بتمشى ...بقا انا مجنون ياجواهر ؟ طااايب ان ماربيتك ووريتك جنان قاسم اللى بحق وحقيق مبقاش انا البرق باشا 
*************

ليل :اكفايه اكده يديكى العافيه يابيبو تعبتى قوى النهارده ..تقريبا عملتى اغلب الاوردرات لحالك ..

رحاب :بس برغم التعب بحس بمتعه مش طبيعيه بعد مااخلص اوردر والاقيه طلع بالشكل والطعم اللى يرضى الزبون ويكلل تعبى .

ليل :ديه عشان حبيتى اللى عتعمليه عشان اكده عمر ماهتطلع من تحت يدك حاجه عفشه واصل ..

جالهم صوت فريال وهما فالمطبخ بتنادى عليهم :يابنات نجمه هتنام قبل ماتتعشى شهلو وحده فيكم تجيبلها اى حاجه بدال مالبنت تنام بالجوع كده ...

الاتنين فنفس واحد :ايوه حالا اهو 
ورحاب زعقت بعلو صوتها :اوعى تنامى يا نوجا من غير عشا ازعل منك ...
وبسرعه بسرعه حضروا العشا واتعشو سوا ورحاب اكلت نجمه بأديها ونامت على رجلها وهى بتاكل ورحاب باستها قبل ماتديها لليل عشان تدخل تنيمها جوا فالاوضه ..

خرجت ليل بعد شويه وماسكه فأيدها شوية فلوس لفاهم على بعض بطريقه دائريه وحطتهم فحجر رحاب .

رحاب :ايدا ايدا اخدتى فلوس حجوزات سنه لقدام ولا ايه ؟ 

ليل :له دول فلوسك كنت بعينهملك على جمب لكليتكك لما تفتح عشان مصاريف السنه الجديده والكتب والمزكرات وكمانى عشان تتدلى تجيبيلك طقم ولا طقمين حلوين بدال ماصحباتك يشوفوكى سنتين بنفس الهدوم ..

رحاب بفرحه :بس دا كتير عليا اوى ياليل دا جبتيهم منين ياحبيبتى كل الفلوس دول !

ليل :من حدا ربنا تسأليش كتير انتى تلبسي وتتشيكى فآخر سنه ليكى عشان بعد اكده مفيش فلوس تانى واصل...
 كله هحوشلك بيه جهاز عشان جوازك عشان ربنا لما يكرمك بولد الحلال يقل علطول ميستناشى ونرتاحو منك فغمضة عين اكده ونقعدو عاد انى وخاله فريال فالرواق ...ياسلااااام .

فريال عنيها دمعت ورفعت طرف طرحتها مسحت عنيها وهى بتقول لليل : طيب اقولك ايه انا دلوقتى ياليل ..مش كفايه يابنتى بتصرفى على البيت وعلينا كلنا وعلى كلية رحاب كمان عايزه تجهزيها ؟ 
اللى بتعمليه دا كتير اوى يابنتى والله 

ليل :كتير ايه وكتير على مين ياخاله ...كتير عليكى انتى ؟ ولا على رحاب ! كتير على اللى لمتنى من الشارع وفتحتلى بيتها وحضنها من غير ماتعرفنى ؟ ولا كتير على اللى عمالتنى كيف اختها وربت بتى كيف متكون بتها ...كتير عاللى واقفين فضهرى سنين ساندينى ومقويينى ...له ياخاله مش كتير ..مش كتير عليكم روحى لو تحتاجوها الله فسماه ماعزها عنيكم ...وبعدين دى فلوسكم وتعبكم 

رحاب :لا ياليل دى فلوسك انتى وتعبك انتى عشان احنا تعبنا بتديهولنا اول باول ...عموما انا كلها السنادى واخلص واشوفلى شغلانه واساعد فمصروف البيت والدنيا هتظبط معانا عالاخر ..

فريال :يارب يابنتى ربنا يطلعك منها مجبورة الخاطر ويديكى تعبك وتعبنا ...وانتى ياليل يابنتى معاكى بنت دلوقتى فرقابتك وهى اولى بكل قرش تشيليهولها عشان بكره محدش عارف شايل ايه فعبه ...

ليل :رب بكره موجود ياخاله وهو اللى خلق بتى ومش هيعوفها ...

يلا عاد بلا كتر حديت خلصو وكل عشان نحضرو لطلبية بكره الا دى عزومه كبيره قوى وصاحبتها مواعيدها مظبوطه بالدقيقه ...لو الاوردر اتاخر نص ساعه احنا اللى هنلبسه ...

رحاب :ليل على فكره احنا محتاجين بوتجاز تانى عشان بوتجاز واحد مبقاش بيشهل معانا ...

ليل :فكرت اجيب واحد مسطح نمشو بيه حالنا دلوكيت عشان الميزانيه فالوكت الحالى متسمحش ومش عايزه اجيبه اى كلام عايزاه بوتجاز العمر بحاله ..

فريال :مسطح مسطح حاجه توفى الغرض وخلاص ...حتى حطوهولى عالارض وانا اعمل عليه الخفايف وانا قاعده عشان مبقدرش اقف على رجلى زيكم ..

رحاب :ايوه ونجمه بقا تقعد تطبخ معاكى عالارض وتولع فيكى وفنفسها وفينا كلنا ...لا ياستى متشكرين انتى تجهزى الخضار وانتى قاعده وشكرا على كده ...
******************
قاسم :نهار ابوك اسود يااركان ...يعنى مش كفايه اللى ضربتك وعلمت عليك بنت... وكمان تطلع اصغر منك بسنه ؟ يادى الفضيحه ام جلاجل يادى الجرسه ام حناجل ...يبنى ممرمطتش بيها الارض ليه يبنى ؟!

اركان :يابابا بتضرب ضررب جامد وقالتى هتكثر ثنانى كلهم لو كلمتها تانى وقولت عليها ثوده .

قاسم :انتا متتكلمش معاها انتا اول ماتشوفها تديها سوبلكس علطول ...وبعدين ليه تقولها سوده متقولهاش سوده حرام دى خلقة ربنا ..تضربها اه ، تعيب عليها لأ ..

جميله جايه من جوه بصينيه عليها ٣ كبايات عصير وحطتهم على الطربيزه ووجهت كلامها لقاسم :
لا صاحب مبدأ ياجوز بنتى ...تعيب لا تضرب اه ...طيب ايه الفرق بين الاتنين مادى زى دى ...وبعدين الاسلوب اللى بتعلمه للولد دا غلط ياقاسم الولد هيطلع معقد كده .

قاسم :بس والنبى ياطنط سيبينى اربى ابنى على مزاجى عايزه يطلع عيل خشن كده ...عاجبك يعنى منظره دا حتة بت مفعوصه تخرشمه ؟ دا راجل دا على كده بذمتك ؟!

جميله :ابنك اللى غلط فيها الاول وكان بيدايقها طول الوقت وهو اللى وصلها انها تعمل فيه كده ...

قاسم :انا كل دا ميهمنيش انا اللى يهمنى ازااااى قدرت عليه ازااااى ...ازااااى ...

اركان :زى الثكر فالثاى هههههه وضحك بين سنته المكسوره لقاسم وقاسم اتجنن اكتر وهو بيميل عشان يبص فبوق اركان اللى اتشوه منظره ولسه فيه زراق من اثر الضرب .....

بمجرد ماموده دخلت من بره بماجده ودياب اركان لاول مره يجرى عليهم ويضربهم من بعد ماجميله خلته اتخلى عن اسلوب الضرب دا وليها اسبوع تعلم وتفهم فيه وفرحت جدا انه ابتدا يهدى لكن كل تعب الاسبوع دا ضيعه قاسم فساعه وحده بس قعدها مع الولد .

قاسم ابتسم بفخر وهو شايف اركان ابنه بيجرى ورا عيال ماهر وهما بيستخبو منه فامهم وموده مش قادره تدافع عن عيالها من اركان اللى هاجم عليهم زى الفك المفترس وجميله هزت دماغها بقلة حيله وهى شايفه اركان رجع لنقطة الصفر من اول وجديد ورجع تانى لنفس اسلوبه القديم ....
*************

يمان قاعد بالليل فأوضته وحاطط التليفون قدامه وباصص عليه وجمبه على الكوميدينو يجى عشرين كباية شاى وكلهم فاضضين غير فناجين القهوه وكل دا شربه من التوتر وهو مستنى التليفون يرن برقم ناديه وتتصل بيه زى ماوعدته ....

واخيرا وبعد طول انتظار التليفون اعلن عن رقم ناديه اللى يمان حفظه عن ظهر قلب بيتصل ...يمان اترمى على السرير ونام على بطنه ومسك التليفون وفتح السماعه ورد بهيام وهو رافع رجليه فالهوا وبيحركهم ذهابا وايابا ..

يمان :اتأخرتى عليا اوى على فكره ...

ماهر :معلش كان ورايا شغل .
يمان سمع صوت ماهر وقام منتور ووقف جمب السرير واتكلم باحراج :احممم مين معايا ؟

ماهر :انا ماهر ابو ناديه ..
يمان باحراج :اهلا وسهلا بحضرتك ياعمى سعيد جدا بسماع صوتك ..وانتا عامل ايه كده يارب تكون بخير ..

ماهر :من غير لت وعجن ناديه قالتلى انك عايز تخطبها ..تجينى بكره على مكتبى فالشركه الساعه ٥ عشان اقابلك واتكلم معاك شويه ..

يمان بفرحه :يعنى هى وافقت ؟ 
ماهر :لما تيجى هنتكلم الاول وبعدين تعرف رأيها ..
يمان :طيب اجيب قاسم باشا معايا ؟

ماهر :اعتبر نفسك مرفوض من اولها لو شفت قاسم معاك ...وياريت متعرفهوش حاجه بخصوص الموضوع دا اصلا...دا لو مكنتش قلتله يعنى ...انا بتكلم لمصلحتك انتا علفكره 
يمان :لا مقلتلوش بس كنت ناوى اقوله ..بس خلاص مش هقوله اى حاجه طالما وجوده هيبوظ الجوازه بلاها قاسم ...

ماهر :برافو عليك كده تعجبنى ...يلا هستناك عالمعاد ...
يمان :قبل الميعاد بساعه سعادتك هكون واقف قدام الشركه ...

ماهر قفل مع يمان وبص لناديه :متأكده يابنتى ان الولد دا بيشتغل ظابط ؟!

ناديه :اه يابابا حتى اسأل قاسم هو معاه فنفس القسم ...

ماهر :اهو انا كل خوفى من حتة انه بيشتغل مع قاسم فحته وحده دى ...يلا ربنا يستر مع ان الجواب باين من عنوانه ....مهواصلى مش هستحمل اتنين قاسم فحياتى انا هو واحد ومسود عيشتى وعيشة عيالى .....

***********

جواهر :احلف ياقاسم ...احلف الكلام دا بجد ...يعنى ليل عايشه مجرالهاش حاجه ..احمدك يارب واشكر فضلك ....وكمان مخلفه بنت ؟!

طيب هما فين ...وليه بعدت عن غريب وايه السبب ! طيب متصلتش بيا ليه طول المده دى كلها ...اخص عليكى ياليل هونت عليكى تبعدى عنى كل دا ...هانت عليكى جواهر حبيبتك ....ياترى طول المده دى قاعده فين وعايشه ازاى ...ياحبيبتى ياليل ...

قاسم :بس اكتمى خالص عاللى سمعتيه دا عشان غريب طلب منى محدش يعرف اى حاجه دلوقتى ..

جواهر :اخص عليك وعلى غريب معاك ...وهو انا اى حد ؟ 
دنا ليا فليل اكتر ماليه الواطى بتاع اميره دا ...
المهم قولى هتدورو عليها فين وهتلاقوها ازاى ...انا من رأييى نعمل اعلان بصورتها على الفيس زى ماخالى ماهر لقى مريم زمان اكيد الطريقه دى دلوقتى فعاله اكتر ...انا عملتها زمان بس اول مااختفت واكيد هى مكنتش لسه ظهرت ولا انتشرت فالمكان اللى عايشه فيه عشان كده محدش عرفها ...

قاسم :اعملى كده وخليها تاخد بالها ان غريب بيدور عليها وتستخبى منه وتاخد خوانه وميعرفش يلاقيها وساعتها قولى على نفسك وعليا يارحمن يارحيم لما يعرف المجنون .

استرى عليا وعليكى ياحبيبتى واسكتى ومتخلنيش اندم انى حكيتلك حاجه انا قولت افرحك بس .

جواهر :واى فرحه ياقاسم ..دى اكبر فرحه فرحتهانى فحياتك ....وهمست لنفسها بفرحه ...يعنى ليل عايشه ؟!

وللحكايه بقيه .........

بقلم /ريناد يوسف 💖رينووو 

لكم منى اجمل باقات الزهور 🌼🌻🌺🌹🌸💐

لمتابعة البارت الرابع عشر اضغط هنا

reaction:

تعليقات