القائمة الرئيسية

الصفحات

رواية سيدوم حبك للأبد الفصل الثاني بقلم نرمين محمد

 رواية سيدوم حبك للأبد الفصل الثاني بقلم نرمين محمد

رواية سيدوم حبك للأبد الفصل الثاني بقلم نرمين محمد

2
جيت عشان اتحرك ، لقيت حاجة دافية محوطانى، فتحت عنيا على أجمل ملامح شوفتها فى حياتى، وإلى اتمنيت انى أشوفها، مديت إيدى على وشه فضلت أرسم وشه بإيدى عنيه حواجبه خدوده دقنه أنفه شفايفه، كنت مبسوطة اننا قريبين اوى كدا، هو للدرجادى حلو اوى كدا، ده جامد يا جماعة ، انا لو اتحرشت بيه دلوقتى محدش يلومنى، ابتسمت بعدين قومت شوية و بوسته من خده، بعدين قومت عشان أهلنا جايين و كدا الساعة دلوقتى تسعة الصبح، قومت دخلت أخدت شاور دافى، بعدين لبست عباية أستقبال لونها سكرى، وسبت شعرى ينشف شوية عقبال ما أحضر الفطار و نفطر انا و هو، حضرت الفطار و لقيت الاستاذ لسة نايم، متجوزة غيبوبة يا ناس غيبوبة، روحت فضلت امشى إيدى فى شعره الاسود إلى شبه ناعم، حلو اوى و هو نايم، فضلت انادى عليه بكذا دلع هو عارفهم كويس..

بهمس فى ودنه_سيفو، يويى، سمسم، چو، انت يا واد يا سيفو، سفسف، لو مقومتش هنادى عليك ب سفسف قدام أهلك يلا بقااا.

انا عارفة انه صاحى أصلاً بس بيمثل، انا حافظاه بجد، فتح عينيه مع تكشيره فى حواجبه و قال_قولتلك متقوليش الدلع ده تانى هاا.

ضحكت على شكله لأنه شبه الاطفال أوى، وكيوت اوى و لطيف اوى، حطيت صوبعى على حواجبه و فكيت التكشيرة ديه وقولت بأبتسامة_طب قوم يلا يا كسلان وانا مش هقول الدلع ده تانى.

بصلى كدا و سكت بعدين قام من مكانه، و دخل الحمام، و بعد وقت طلع كان شعره بينقط ماية و على جبينه و كان بجد قمر، جاه و قعد على السفرة، و بدأت أحطله الاكل قدامه و من كل نوع فى طبقه، ايوا يا جماعه عريس جديد و لازم يتغذى، ايوا أكل عرسان بقااا....

_سفاسيفوا الاكل عجبك.

بصلى من تحت كدا و انا هموت و أضحك عليه و قال_ بطلى .

وانا بمنع الابتسامه بالعافية_يا واد انا عملتلك حاجة انا قاعدة هادية علفكرة.

بصلى بسخرية مضحكة شوية_اه اوى.

بأبتسامة_طب خلاص أسفة مقولتليش ايه رأيك فى الأكل..

و هو بياكل _حلو..اممم.

ابتسمت أكتر_بجد كويس أنه عجبك، علفكرة انا إلى عاملة الاكل ده بإيدى فى بيت بابا.

ابتسم و بصلى_بجد انتى إلى عملاه ولا حماتى.

يخلاثى عين امه بيقول حماتى الله يماما يبختك انتى حماة القمر ده_والله انا إلى عملاه حماتك مين يا واد انت، هى حماتك تعرف تعمل الاكل القمر ، اكيد لا طبعااااا انا إلى عملاه.

ضحك و قال_خلاص يا ست نرمين عرفنا أنه أكلك، وانتى إلى عملاه.

فضلت بصاله أتأمل الضحكة و الملامح إلى بتتغير مع الضحكة، و العين إلى بتقفل مع اتساع الضحكة، ايه ده بالله، ايه القمر ده بالله، والله العظيم هو مش بشر زينا يا جماعة ده ملاك، بصلى لأنى بتمعن نظرى فى ملامحه، حمحم و بص قدام و وشه شبه أحمر، ايوا يا جماعة اتكسف، هو كدا قمر بيتكسف من كلمة حلوة و نظرة له....

بعد وقت لبست نقاب زتونى و خمار من نفس اللون ، و كل ده يوسف كان برا فى الصالة، لقيت الجرس بيرن، وقف و راح فتح، وانا طلعت من الاوضة لقيتهم دخلوا و سلمنا و كدا و قعدنا فضلنا نتكلم و يوسف كل شوية يبصلى ، كنت فرحانة اوى من نظراته ديه، و هموت و انط عليه أحضنه يا جماعة، و طول القاعدة كان حاطط أيده على كتفى و لما الاقيهم مشغولين بالكلام ابصله و أغمزله بشقاوة كدا، الاقيه شامم شفايفه و وشه بيحمر، يا لهواااااى بالله يا جماعة مين إلى لازم يتكسف فينا، هو ولا انا، بس بردوا بحبه، فضلنا قاعدين و ماما خدتنى كلمتنى شوية بعدين بعد وقت كلهم مشيوا...

 كان واقف على باب الاوضة و انا واقفة قدام المرايا بفك الخمار و النقاب، بصتله فى المرايا بعدين ابتسمت و قولت بشقاوة_بالله يا عن انت متبصليش بأم عيونك الحلوين دول والله بدوخ ، انا بشر فى الاخر علفكرة....

ضحك بعلو صوته بعدين قال_ طب ينفع إلى عملتيه ده و احنا كنا قاعدين مع أهلنا.

بصتله ببرائه و كنت بقلع البندانة_هااا فين ده هو انا عملتلك حاجة يا واد أنت، هتتبلى عليا ولا ايه.

بصدمة_بت بقولك ايه متجننيش امال إلى حصل ده يتسمى ايه.

غمزتله و قولت_تعالى نعمله عملى بقا.

برق بعنيه وقال _دا انا اهو راجل و اتكسف اقول الجملة ديه، انتى فصيلتك ايه بالظبط.

ضحك و انا ضحكت، بالله مين يشوف الضحكة القمر ديه و ميضحكش.....سكتنا شوية 

بعدين قال_ نرمين.

بصتله بحب_قلب نرمين.

بصلى و خدوده أحمرت زى عادته، بعدين قال_ امال حماتى كانت عايزاكى فى ايه.

المرادى انا إلى اتكسفت، و بصيت فى الارض، لقيته بيقول_نرمين فى ايه.

اتكلمت و انا هموت من الكسوف _ك.كانت كانت بتطمن عليا بس.

أستغرب اوى_تطمن؟!من ايه يا بنتى هو انا هكلك مثلا.

اتنرفزت اوى من الحرج إلى انا فيه ده وقولت_اوووف يوسف افهم بقا اتنين متجوزين النهاردة المفروض صباحيتهم والدة العروسة جاية تطمن هااا فهمت ولا لسه...

فاضل بصيصلى بعدين برق، شكله فهم، لقيته بيقولى و وشه فى الارض_ا.ا.اه اه فهمت خ.خلاص.

ببص علينا احنا الاتنين ادا انا مكسوف و هى مكسوفة، بالله تيجى ازاى ، طب هنجيب عيال ازاى و هى بالكسوف ده ، دا انا ألعن منها.

ببص عليه لقيته وشه أحمر ذى عادته، يا جماعة انا والله هنط عليه ابوسه ايه ده هو فيه حلاوة بالشكل دع، بجد يبختى بيه.....

____________
كان قاعد على الكنبة قدام التلفزيون و انا كنت بعمل لينا اتنين قهوة باللبن لأننا بنحبها كدا بجد، جماعة بالله هو فيه فراولة باللبن يشرب قهوة باللبن ، بالله تيجى ازاى بس ازااااى ديه، قعدت جمبه بصلى و ابتسم ابتسامة خفيفة، اديتله الكوباية بتاعته بعدين ادفست فى حضنه و اخدت الكوباية بتاعتى فاضل بصيصلى شوية بعدين بص للتلفزيون تانى و هو بيشرب، فضلت بصاله وانا بشرب كأنه هو الفيلم ، بصلى بحاجب مرفوع و سألنى بعنيه فى ايه.

_ مالك.

رفع حاجبه اليمين و قال_انتى إلى مالك الفيلم اهو.

ابتسمت ببرود_ملكش دعوة انت الواحد يبص على الحاجة إلى تعجبه، وانت عاجبنى عشان كدا ببصلك، ملكش دعوة بس.

ابتسم بعدين ضم شفايفه، زى عادته يا جماعه، بعدين بس التلفزيون تانى ، حطيت الكوباية على الترابيزة، و لفتله بعدين فكيت البنسه إلى كانت فى شعرى و فردته..

_يوسف بقولك شكلى حلو بشعرى و هو مفرود و لا ملموم.

فضل بصيصلى شوية كدا بعدين ابتسم وقال و هو بيبص فى عينى_مفرود أحلى.

ابتسمت و اتكسفت كسفة من كلامه القمر ده، مع الابتسامة الكريز ديه.....

_بقولك انت هتروح شغلك امتى.

بصلى بأستغراب بعدين قال_ ليه زهقتى من قعدتى ولا حاجة.

ضحك فى آخر كلامه وانا كمان ضحكت_ والله ابدا يا حبيبي، بس بسألك عشان أعرف أنظم وقتى و اعمل الغدا امتى و كدا.

بصلى و هو رأسه و كان لسة هيتكلم تلفونى رن، و كانت صاحبيتى دلال، ورتله إلى بيرن و كمان عشان يتأكدت أنها بنت رديت و فتحت الاسبيكر، بصلى و قالى بعيونه ماشى....

و فضلت أكلم صاحبيتى و انا قاعدة جنيه عشان مدلوش فرصة أنه يشك فيا....

__________________

بعد يومين كان زهق من الإجازة و حب أنه ينزل، و فعلا راح الشغل، كانت الساعة تمانية الصبح، و كنت زهقانة و لسة بدرى على عمل الغدا، مسكت تلفونى و كتبتله رساله و بعتها..

(_و أما عن يوسف ذلك الشخص الذى سرق قلبي من أول نظرة منه،من أول ابتسامة على شفتيه،ملامحه التى إذا سافرت بلاد العالم كلها لا أجد شبيه له،احببته كأنه اخر شخص،ادمنت تفاصيله،هو كالؤلؤة النادرة،كالقمر الذى ينير العالم،عالمى أنا،انت كالياقوت بألوانه و أشكاله المميزة،غالى الثمن،نادر الوجود،انت يا يوسف لا مثيل لك،كالنجوم أنت التى تزين السماء فى وسط ظلامها الدامس،كالجوهرة قيمتك غالية،فكيف تكون النجوم أجمل،فكيف تقارن بالقمر،و أنت اجمل منه،فأنت يوسف🌎🖤⁦🖇️⁩)

و بعتهاله، بعد دقيقتين بالظبط، كانت الرسالة عملت اتنين صح و زرقاا، عرفت أنه شافها، أتأخر عقبال ما كتب، شكله كان لسه بيقراها...

_ايه اللطف ده على الصبح، كنت محتاج الرسالة ديه عشان أقدر أكمل يومى.

ابتسمت و كتبت_ليه مالك يا حبيبي فى حاجة أو مشاكل يعنى.

كان بيكتب_ لا متخافيش ضغط شغل بس مش أكتر والله، عشان فضلت بس يومين فى البيت، اتراكم عليا شغل ياما.

كتبت_معلش يا حبيبي، انت اشطر كتكوت و إن شاء الله هتخلص كله بسرعة.

أتأخر فى الكتابة بعدين كتب_كتكوت، سلام يا نرمين سلام ده الواحد ميعرفش يفضفض معاكى فحاجة، فصيلة.

لقيته قفل و انا فضلت أضحك جامد ، و كل شوية عمالة أجيب الشات من أوله و اقراه و مع كل كلمة أبتسم...

______________________

بعد وقت لقيت الباب بيتفتح كان هو و انا كنت خلاص طالعة من المطبخ، جريت عليه زى طفلة ابوها جاى من سفر، اتشعلقت فعلاً فيه، و فضلت متبته فيه و اقول كلمة واحدة واحشتنى يا قمرى، حضنى هو كمان و حسيت بدفا حلو جدا و بيحسسنى بالأمان، نزلنى من عليه...

فضلت بصاله بأبتسامة_يلا يا بطلى خوش خود شاور و فوق كدا، و حطالك هدومك على السرير هتلاقيها..

و خدت منه الشنطة بتاعته، و جاية امشى وقفنى و ادالى حاجة فى إيدى، ببص كدا فضلت ارمش إلى هو فعلا حقيقى، هوب تك لقيت نفسى جريت عليه تانى حضنته و فضلت ابوس فى خده و فرحانة اوى.....

_ بحباااااك بحبك يا ابن الايه انت.

ضحك_ طب أهدى يا مجنونه، كنت عارف ان ده حلمك من زمان انك تخوشى معرض الكتاب، واهو عندنا فرصة نروحوا، و تذكرتين أهم يعنى مش حلم متقلقيش....

بصتله شوية كدا بأبتسامة روحت بوسته من شفايفه بوسة رقيقة و بعدت و جريت على المطبخ من كسوفى، و سبته فى صدمته...

_يتبع...
_لنرمين محمد

لمتابعة البارت الثالث اضغط هنا
reaction:

تعليقات