القائمة الرئيسية

الصفحات

رواية من يا قلبي الفصل الثالث بقلم سحر الجنايني

 رواية من يا قلبي الفصل الخامس بقلم سحر الجنايني

رواية من يا قلبي بقلم سحر الجنايني


* من يا قلبي *
*الفصل الثالث*

يتخبط قلبي في فوها عميقة ليس لها قرار هل يستسلم ويسقط في القاع ام يعافر ويتشبث في الحافة لينجوا 

معظم بنات الفرح تقريبا كانوا واقفين مستنين اميرة ترمي البوكية 
واول ما رفعت ايدها آخر مره عشان ترمية حسيت بكوع حد في نص بطني ووجع رهيب 
كانت أسماء الي قربت مني وضربتني في بطني 
كل البنات انشغلت فيا بعد ما مسكت بطني وصرخت صرخة مش عالية بس لانهم كانوا واقفين جنبي سمعوني 
وهي استغلت الفرصة ومسكت البوكية 

بس تاني مفاجأة والي أسماء ذات نفسها مكنتش متخيلها 

ان البوكية مطلعش بوكية الورد 
دا بوكية قرنبيط

سمعت صوت كل الي في الفرح تقريبا بيضحكوا عليها لدرجة اني نسيت وجع بطني وضحكت معاهم 

بوكية الورد كان لونوا ابيض ومحدش خد باله انو مش الورد عشان اميرة كانت وقفة بعيد الي لحظت انها كمان وقفت تضحك وأسماء وقفت تعيط

قرب مننا عامر وهو بيكتم ضحكته 

◇ شوفت يا عامر الي حصل ينفع كده 

♤ معلش يا اسماء تعيشي وتخدي غيرها هههههههه

قربت مني بنت من الي كانت وقفة معانا 

♧ انتي كويسة 

_ الحمد لله 

بصيت لعامر تاني كان واقف يواسي اسماء 
مستحملتش وبعدت عنهم وخرجت بره القاعة 

وقفت ابص للسما شوية سمعت صوت جاي من ورايا 

♤ احم احم 

بصيت ملقتش حد 

♤ تحت تحت 

حركت نظرتي لتحت وشهقت بصدمة لما لقيت عامر راكع علي رجل وحدة وماسك في ايدو بوكية الورد الحقيقي ايوه انا عرفاه انا مختاره مع اميرة بنفسي 

_ عامر 

رفع البوكية ناحيتي 

♤ غيابك طال يا كوشي 

كوشي هو عارف اني بحب الاسم دا فكره مره لما قولتلوا اني بحبو واني شبها وفضل يضحك عليا كتير وقال جملة حلوة اوي 
* لو هنشبه حد بحد يبقا اشبها بيكي ولو انك ملكيش شبه*

في اللحظة دي حسيت اني بجد الغياب طال عامر بقا حاجة مهمة او عندي في الفترة الصغيرة دي كنت مضيقة من قربوا من اسماء كنت مضيقة من تجاهلوا ليا كنت عايزه نرجع زي الاول ويمكن في يوم اعرف مشاعري نحيتوا 

مديت ايدي وخدت البوكية 

_ غيابك طال اكتر يا توتي 

ضحك 
بحب اغيظوا واقولوا يا توتي الاسم بيضيقة بس بيحبوا مني هو قالي كده وقالي انو بيحس انو احلي توتي في الدنيا لما بنديه بيه 
وقف 

♤ صافي يا لبن 

_ حليب يا قشطة..........بس اي الي حصل جوة دا 

هز كتفوا ومشي جنبي

♤ كنت حابب اصلحك وعارف انك بتحبني الورد وهتبقي حاجة مميزة جدا لما يكون ورد العروسة ذات نفسوا وانتي بس الي تخديه اميرة كانت صاحبة الفكرة وعجبتني وخصوصا بعد الي اسماء عملتوا

مسكت بطني من غير ما احس 

♤ معلش هي معصعصة اه بس عضمها حديد هههههه 

_ ههههههههه 

خلص اليوم ورجعنا 
ونس وعامر 

لما روحنا عمتو جابت لكل واحد فينا طبق جاتوه عامر مكنش لسه دخل كان بيركن العربية 

انا كلت تقريبا نص الطبق بتاعي وسبتوا جنبي 

* بقولك يا طنط اي رأيك نعمل مقلب في عامر نديه الطبق والشوكة الي ونس وكله منهم ونخليه ياكل بعدها 

/ يخرب عقلك يا دينا بس انا موافقة 

اتكلمت اسماء الي كانت جيه تبات معانا 

◇ يع اي القرف دا يا طنط عامر بيتقرف جدا وأنتي عارفة

¥ يا ستي انتي مالك انا كمان موافق 

_ يا جماعة مينفعش كده 

* اسكتي انتي وهاتي الطبق دا كفاية عليكي كده 

لما عامر دخل قعد جنبي دنيا ادته الطبق 
بدأ ياكل فيه وكلهم كتمين ضحكتهم 

أسماء اتكلمت بغيظ 

◇ علي فكره يا عامر ونس وكله من نفس الطبق ونفس الشوكة الي بتاكل منها يعني انت بتاكل من مكانها 

كان عامر قرب يخلص الطبق كان فاضل فيه حته صغيرة 
فضل متنح وهو بيبصلنا وكلهم بدأو يضحكوا اسماء بس الي كانت بتبصلي بشماته

♤ عشان كده طعمها مسكر 

اتفاجأنا كلنا لما قال كده 
واسماء اتصدمت لما لقتوا بيكمل الطبق وكان هاين عليه يكلوا هو والشوكة 

* يخربيتك يا عامر براحة انت هتبلع الطبق هههههه 

تاني يوم بابا كان عوزنا نرجع اسكندرية 
بس انا حبيت افضل يوم كمان عامر وعدني يفسحني فسحة متتعوضش 
قرر بابا يرجع بعد ما يفطر معانا 

دخلت اجهز الفطار مع عمتو سابتني وخرجت تجيب عيش من بره ولقيت عامر داخل 

_ عامر بطل آكل في الخيار 

_ عامر سيب البطاطس 

_ عامر ابعد عن طبق الطرشي 

_ عااااااامر 

♤ طيب خلاص خلاص...........مش نوية برضو تدني رقمك عشان اتواصل معاكي لما ترجعي اسكندرية 

سندت بضهري علي رخامة المطبخ 

_ تؤتؤ اخرك معايا حساب الفيس بوك غير كده مفيش 

جه وقف جنبي 

♤ انا مش فاهم اي المنطق في كده 

_ اهو كده عاجبك ولا مش عاجبك 

اتنهد

♤ المصيبة انو عجبني 

زقيته 

_ طيب لا بره عشان اخلص عشان باب يلحق القطر ........
ولا هات طبق البطاطس يلا  

بابا سافر وانا لبست عشان نخرج 

♤ ها عايزة تورحي فين 

_ امممممم مش عارفة انا معرفش أماكن كتير هنا بص فسحني علي زوقك 

♤ اشطا يلا 

خدنا بالعربية ووقفنا قدام مكان كبير اوي 

_ الله مسجد السيدة زينب انا اول مره اجي هنا دي شكلوا حلو اووووي 

♤ طيب يلا خشي اتوضي وصلي من هنا مدخل السيدات وانا هدخل من هنا مدخل الرجال ونتقابل بعد ما نخلص  

دخلت اتوضيت وصيلت ودعيت كتير اوي وبعد ما خلصت اتلموا كل الستات هناك وعملوا دائرة وكل وحدة ماسكة مصحف وفي وحدة كبيرة كده بتقولهم يقرأو اي قعدت معاهم وعملت زي ما هما عملوا ولما خلصت خرجت لقيت عامر مستنين بره 

_ اتأخرت عليكي 

♤ مش اوي المهم دعيت 

_ اه دعيت كتير اوي وانت

♤ دعيت دعوة وحدة 

_ اي هيا 

بصلي وسكت شوية 

♤ دعيت بيكي

اي دا في اي حد يخض حد كده

_ احم طيب هنروح فين تاني 

خدني ومشينا شوية بالعربية ونزلنا في مكان زحمة مكنتش اعرف احنا فين فضلت ماشية 
جنبوا اتفرج علي الناس لحظت ان في ناس كتير بتبيع كتب 
عرفت من عامر ان دا سور الأزبكية 
لفت نظري واحد بيبع روايات كتير وقفت مبرقه لعدد الروايات الي عندو كانوا كتير واسماء مختلفة وتشد عيني اتنقلت من اسم رواية للتانية اجتماعي فانتازيا خيال علمي و و 

محستش بنفسي غير وانا بتسحب من قفايا زي الحرامي 

♤ بقا يا جزمة اوصل لآخر الشارع وابص جبني القيكي اختفيتي وتخليني الف حولين نفسي زي المجنون وانتي هنا واقف متناحة للكتب 

_ يا عم طيب سيب قفايا سيب بس هشرحلك الناس بتبص عليا

سابني وقفت اعدل هدومي وانا ببصلوا بغيظ والناس بتضحك عليا 

_ بصراحة شكل الروايات شدني اوي اصلي بعشق الروايات

♤ طيب منا عارف 

_ عارف ازي 

♤ العصفورة 

_ وحيات خالتك 

♤ هااااا 

نفخت ورجعت ابص للكتب تاني 

♤ عايزة تشتري منهم 

_ ياريت 

♤ طيب تعالي معايا

خدني وداني لواحد تاني بس كان عندوا روايات اكتير وأنواع اكتير وشكلوا عارفوا 

♤ اختاري الي عيزاه  

بعد نص ساعة 

♤ كان ينقطع لساني لما قلتلك اختاري 

_ الله منا احترت برضو كلهم كانوا مشوقين اوي 

♤ تقومي تشتري فوق الأربعين رواية اي هتفتحي مكتبه 

_ طلبت اني ادفع تمنهم انا وانت الي مردتش 

♤ اصلك ماشية مع سوسن صح 

_ هتودني فين تاني يا سوسن 

♤ همد ايدي عليكي 

_ متقدرش 

♤ طيب تعالي بقا 

سبتوا وجربت ناحية العربية بعديها لفينا كتير كتير اوي اتمشينا في وسط البلد روحنا أماكن كتير كنت مبسوطة اوي
بس 
بس 
في حته جويا مش مرتاحة 
مشاعر عامر قبل كده كانت بينه في اهتمامه نظرتوا 
لكن دلوقتي بقا حتي كلام عامر بيعبر عن مشاعرو 
ودا نوعا ما موترني 

خلص اليوم رجعنا بليل سهرنا طول الليل نتكلم شوية وطلعنا عند دينا ومحمود 

فضلنا نتكلم ونهزر ونلعب كوتشينه كان عامر بيشل احكام الشايب عني 

كان حبوا صافي عفوي مكنش يبان انو بيبزل مجهود كان حبوا طالع من قلبوا علطول من غير تفكير او حسابات 

نمت آخر ساعتين قبل معاد سافري في بيت دنيا في الدور التاني وعامر نزل نام تحت 

جه وقت سافري جهزت شنطتي

* عامر علي الباب 

_ برضو جه انا قولتلو ينام هو وانا هروح لوحدي 

* لا هو مصمم انو يوصلك 

 كان مضايق باين عليه انو مضايق خد مني الشنطة ونزل ودعت عمتي ودينا ومحمود وسما بنتهم ونزلت واتحركنا 

كان طول الطريق ساكت 

وانا خايفة ومتوترة 

وصلنا قطعت التذكرة ورحت عشان اركب القطر 

_ يلي يا عامر روح انت بقا عشان تنام 

♤ هتوحشني 

حسيت بوجع في قلبي

_ سلام يا عامر

كنت وقفه علي باب القطر ولسه بلف عشان ادخل وهو لف عشان يمشي 

مره وحدة رجع 

♤ ونس 

لفيت 

♤ انا بحبك 

اول مره ه يقولها انا عرفها ومتأكدة منها بس دي اول مره يقولها ولما قلها حسيت حسيت مش عارفة 

♤ مش هتردي 

_ ارد اقول اي 

♤ قولي اي حاجة قولي الي انتي حساه والي انا كمان حسوا 

بلعت ريقي 

_ سلام يا عامر 

♤ مش هسيبك الي لما تردي عليا 

_ لازم امشي يا عامر

♤ ردي عليا 

_ عامر 

♤ رددددي 

_ لما اوصل القاهرة هرد عليك 

♤ لا دلوقتي 

_ لما اوصل يا عامر 

♤ دلوقتي يا ونس 

القطر اتحرك وانا وقفة علي بابه حمدت ربنا 
بس اتفاجأت لما لقيت عامر بيتحرك معاه 

♤ ردي عليا يا ونس 

_ امشي يا عامر 

♤ عايز رد 

القطر كانت سرعتوا بتزيد 
وهو بيزود معاه 

_ امشي يا عامر 

♤ ردي عليا يا ونس 

سكت فضلت ببصلوا وهو بيجري ورا القطر وبينادي عليا القطر بقا سريع جدا وهو بيجري وراه ويصرخ باسمي 

محستش بنفسي غير وانا بدخل اقعد في مكاني وبعيط 
واخر حاجة سمعها بصوتوا هو صرختوا باسمي

مكنش لازم دا يحصل لا مكنش لازم يحصل كل دا كان غلط 
إهتمام عامر كان غلط حبوا كان غلط نظرتوا كانت غلط 
الحيرة الي كنت فيها خلتني افكر غلط 
انا فهمت مشاعري وزعلي علي بعدوا عني غلط 
بس دلوقتي فهمت كل حاجة 
حسيت الإحساس الصح 
انا مش بحب عامر 
انا بحبو كاخ 
او صديق
 لكن حبيبي لا 
قررت اني هقفل الصفحة دي مش هتوصل مع عامر تاني يمكن البعد يشفي الجرح الي سبتوا جواه انا اسفة يا عامر اسفة

القصة لسه مخلصتش المشاعر لسه متحددتش الحرج لسه متلمش ودا مش اول ولا آخر جرح 

لمتابعة البارت الرابع إضغط هنا
reaction:

تعليقات