القائمة الرئيسية

الصفحات

رواية من يا قلبي الفصل التاسع بقلم سحر الجنايني

رواية من يا قلبي بقلم سحر الجنايني


 رواية من يا قلبي بقلم سحر الحنايني


* من يا قلبي *

* الفصل التاسع *


سعات مش بنشوف الحقيقية بننسها او عايزين ننسها

 بنمشي في طريق الكدبة نضحك ونهزر ونتعايش معاها كأنها جزء من حياتنا 

وفي أقل من الثانية يجي قلم يفوقنا من الغفلة الي كنا فيها بس بيبقا قلم جامد مش بس يفوق بيوجع بيكسر فينا حته لايمكن تتصلح بيعلمنا درس قاسي بس مفيد 


كنت بجري في الشارع دموعي سبقاني بجري وكلاموا بيطردني 


* هو الي باعتني ليكي * 


* قبل ما عامر يعرفني عليكي *


* اختبرك واشوفك هتتجوبي معايا ولا لا * 


* اوقعك *


* متستهليش يتعمل فيكي كده * 


معرفش وصلت بيتي ازي 

الحمد لله ان بابا وماما كانوا في فرح بنت واحد صاحب بابا ومحدش كان في البيت جريت علي اوضتي وقفلت عليا اترميت علي السرير وقعدت اعيط 


شوية وسمعت صوت رسالة علي فوني 

معرفش ليه قررت افتحها 

لقتها من عامر 


( ضعي كف يدك في منتصف التجويف الصدري ناحية اليسار اغمضي عينك واسترخي ثم اطرقي موضع كف يدك ليخرج لكي قلبك متلهفا مردفا 

من الطارق اهو العاشق الولهان اخبروه اني انتظره من قديم الزمان وان كل مشاعري مخبأة له في امان 

فهل تتركي لي قلبك يا صاحبه القلب الحيران 

وتسلميني زمان مشاعرك فانا لكي متيما ولهان 

*تويتك * )


كان قلبي بيتحرق وانا بقراء كلامه هو ازي كداب كده ازي قادر يخدعني كده 

من قهرتي رميت الفون من ايدي في الارض بعصبية وانا بصرخ


_ كداااااب انت كدااااااااب حرررررررام عليك لييييييه ليييييه 


اترميت علي السرير ودفنت راسي في المخدة وكتمت صرخة وجع وكسرة ايوه كسرني كسرني وزلني قدام نفسي قبل منه هو وصاحبه 


فضلت اصرخ واعيط طول الليل 

الوقت الي عدي محسبتوش 

يوم اتنين تلاته عشرة 

وانا في اوضتي مش بخرج منها ساكته دموعي بتتمسح بس لما ماما وبابا بيدخلوا عليا 

بقولهم ديما اني تعبانة ومليش نفس لحاجة 

ولما ابقي لوحدي ارجع تاني افتكر كلام ريحان تصرفات عامر كل كدبة كل ضحكة كل كلمه كانت كدب كدب من عامر وريحان 


وفي يوم لقيت سلمي دخلة عليا 

قربت مني بلهفة 


$ ونس انتي كويسة يا حبيبتي انا كنت هموت من القلق عليكي اليومين الي فاتوا اتصلت بيكي تلفونك مقفول كلمت طنط قالتلي انك تعبانة شوية قولت يمكن تعب عادي ولما كنت هفاضي هجيلك بقلم سحر الجناينى  

بس انهاردة لقيت ريحان جاي الكورس شكله غريب خايف عليكي اوووي سألني عليكي قولته معرفش عنك حاجة 

وانك مظهرتيش من اسبوع 

قالي اني لازم اجيلك واطمن عليكي واطمنه 

هو اي الي حصل 


اول ما جابت سيرة ريحان وانو قلقان عليا اترميت في حضنها ودموعي الي مش بتقف اصلا بدأت تتسابق 


_ ااااااااه موجوعة اوي يا سلمي كدابين كلهم كدااااابين 


$ في اي يا ونس مالك يا حبيبتي احكيلي 


طلعت من حضنها وحاولت اسيطر علي دموعي


وبدأت احكي ليها الي حصل من اسبوع مع ريحان في المطعم والي عرفته 

كنت بحكيلها وانا بفتكر الي حصل وكل كلمه اتقالت 


***********************************


= احتمال كبير ايوه بس انا مش قادر اخبي عليكي اكتر من كده 


_ في اي يا ريحان انت قلقتني 


= تعرفي واحد اسمو عامر 


الاسم نزل عليا زي جردل مايه باردة اكيد مش عامر الي انا اعرفه معقول يكون عرف كل حاجة  


_ انا معرفش غير عامر واحد ابن عمتي اسمو عامر 


= عامر صلاح من القاهرة 


تاني صدمة مصدقتش الي انا سمعتوا ازي دا 


_ انا مش فاهمة حاجة 


= انا ابقي صاحب عامر ابن عمتك يا ونس 


_ أز ازي 


= انتي نسيتي اني انا كمان من القاهرة 


عقلي وقف عن التفكير فعلا ريحان كان قالي قبل كده انو من القاهرة وكان بيشتغل هناك في شركة برمجة ونقل من فرع القاهرة لفرع اسكندرية 


مبقتش مستوعبة حاجة كنت مصدومة 

بس دي مكنتش الصدمة الي بجد الي قاله بعد كده كانت الصدمة الي جمدتني مكاني 


= عامر هو الي باعتني ليكي 


حسيت ان في حد ضربني بالقلم 

مكنتش قادرة اتكلم من صدمتي 


_ انت انت بتقول اي احنا مش كنا نعرف بعض قبل كده  


= انا عمري ما كنت اعرفك يا ونس قبل .........


سكت شوية وبعدين كمل


قبل ما عامر يعرفني عليكي


رديت بسرعة وعصبية انا اعصابي خلاص باظت


_ انا مش فاهمة حاجة اي الي بيحصل بالظبط 


= هقولك بس توعديني ان عامر لا يمكن يعرف بالي هقوله دلوقتي 


_ مش لما اعرف الأول 


= اوعدني يا ونس 


_ اوعدك ممكن افهم بقا


= انا هفهمك كل حاجة


انا اعرف عامر من خمس سنين تقريبا اتعرفنا من خلال الشغل لان شغله ليه علاقة بالكمبيوتر والبرمجة هو كمان واكتشفت اننا تقريبا جيران بقلم سحر الجناينى 

المهم بقينا اصحاب وبقينا قريبين من بعض اوي 


ولما قررت انقل اسكندرية لقيت عامر جاي يتكلم معايا انا من عادتي اني بسمع صحابي كويس جدا يعني كلهم بيأمنوا ليا جدا 

عشان كده عامر جه اتكلم معايا انا 


اداني صورتك ورقم تلفونك وقالي انك من اسكندرية 

وانو عايزني اظهر في حياتك واقرب منك واختبرك واشوفك هتتجوبي معايا ولا لا 


وانا الي قررت اظهر بالطريقة دي اني اعرفك قبل كده واننا أصحاب 


كان بيتكلم وانا الدنيا بتلف بيا كل ذكرياتي مع عامر بتظهر قدامي 


_ ازي انت تعرف عني حاجات كتير ازي عرفت اني بقعد في الكافية الي جنب البيت ازي عرفت موضوع الكتابة دا واني بشيل معايا نوت بوك 


= عامر هو الي قالي  


شريط ذكرياتي وهو بيمر وقف عند مشهد معين 

وانا خارجة مع عامر مره شنطتي وقعت مني ووقع منها النوت بوك ساعتها عامر شفها وخدها ولما جه يفتحها خدتها منو وقولتله اني مش بحب حد يفتحها واني بحبها جدا وديما معايا في الشنطة 


مسكت دماغي من الصداع الي هجمني مره واحدة 


_ انا مش قادرة اصدق عامر عمل كده لاحظة واحدة انت قولت اختبرك واشوفك هتتجوبي معايا ولا لا 

يعني اي الكلام دا 


ارتبك وحط رأسه في الارض 


= انت فاهمة يعني يا ونس لما واحد يحب يختبر واحدة دا معناه اي كان عايز يشوف انا هعرف اوقعك ولا لا  


_ توقعين!!!!!!!


ابتسمت بسخرية 


_ ويا تري عرفت توقعني 


رفع رأسه وبصلي بصدمة 


= عمري ما كنت هعمل كده يا ونس 


خبط علي التربيزة بايدي وصوتي عالي


_ امال الي انت كنت بتعمله دا اااااااي


قرب من التربيزة واتكلم بهدوء 


= ونس صوتك والناس 


_ انا ميهمنيش حد ........ثانية كده ازي دا بيتكلم معايا عادي ازي بيتكلم معايا وهو عارف اني لسه بتكلم معاك وبقابلك 


= مهو مهو ميعرفش 


_ ازي


= لما كلمتك اول مره وصدتني وقولتلي انك مرتبطة انا روحت قولتله 

ومن بعدها مكلمتوش وهو تقريبا عرف اني خلاص مقربتلكيش تاني 


_ يعني انا انضحك عليا!!!!!!


سكت ومردش 


مقدرتش استني اكتر من كده خدت شنطتي وقومت خرجت من المكان ودموعي بتحرق عيني 

متنزليش متزليش 


مشيت شوية وهو كان وريا بيصرخ باسمي


= وووونس اسمعني يا ووووونس 


لفيت بصيت ليه وصرخت في وشه 


_ عاااايز اي تاااني ما خلاااااص اللللعبة انكشفت وانا المغفلة في الحكاية كلها 


= انا اسف والله مكنش قاصدي اجرحك كده 


_ اااااي الي خلاك تقرب مني تااااني يا رررريحااان ليه 


= غصب عني انجزبت ليكي حاولت ابعد معرفتش  

يا ونس انا قولتلك لاني مستحملتش اخبي عليكي اكتر من كده لما اتعرفت عليكي لقيتك متستهليش يتعمل فيكي كده


ضحكت بمررة 


_ يااا سلااام يعني انا مهنتش عليك يتعمل فيا كده وهونت علي ابن عمتي عجبي لك يا زمن  


= والله يا ونس انا مش عايز اخسرك سامحيني لو سمحتي 


جيت امشي 


_ ونس 


= سبني دلوقتي يا ريحان من فضلك 


جريت من قدامه وخلاص دموعي مبقتش قادرة امسكها


خلصت كلامي وانا شهقاتي بتعلي ووجعي بيزيد بعد.ما حكيت كل كلمه اتقالتلي تاني 


سلمي كانت مصدومة وفي بتسمع عنيها دمعت هي كمان وخدتني في حضنها تاني 


$ انا مش مصدقة بجد كل دا يحصلك ومتكلمنيش يا ونس لا ويحصل من عامر كمان دي حكاية متتصدقش ابدا 


طلعت من حضنها بعصبية 


_ لا صدقي الاستاذ ضحك عليا قهرني كان متفق مع صاحبوا عليا وانا كل يوم كنت بنام ضميري معذنبي وانا بعيط واقول سامحني يا عامر 


$ طيب اهدي اهدي ونبي بس وفاهمني اتاكدتي من كلام ريحان دا ازي 


_ ريحان مكنش يعرفني قبل كده يا سلمي بدليل انو كان بيسألني عن كل حاجة في حياتي تقريبا ازي كنا أصحاب ومكنش يعرف عني اي حاجة 

دا غير النوت بوك عامر فعلا يعرف موضوع اني بحب الكتابة لما شاف النوت بوك لما وقعت من الشنطة وساعتها قالي انو هو كمان بيحب الكتابة وبيكتب كتير علي الفيس بوك  


سكت شوية اخد نفسي بس عقلي مخدش نفسه من التفكير وافتكرت حاجة كمان 


_ سلمي تلفونك تلفونك فين


طلعت سلمي تلفونها خدته منها بسرعة مسكته شوية وبعدها افتحت في ضحك هستيري لدرجة ان سلمي خافت مني


$ في اي يا ونس 


_ خدي بوصي وشوفي غبائي 


$ اي دا صفحة مين دي 


_ صفحة البيه العاشق الولهان 


شهقت سلمي بصدمة لما شافت الي كنت اقصدة 


$ مش دا ريحان الي عند عامر في الاصدقاء 


_ انا غبية غبية ولا مره فكرت اخش صفحته اشوفها حتي لما بعتلي طلب صداقة ايام فرح اخته مفتحتهاش ولا مره 


بصت ليا سلمي بشفقة منا فعلا استاهل الشفقة 


$ ازي بس يا ونس مخدتيش بالك من كل دا قبل كده 


قولت بحسرة 


_ كنت مغايبة انتي كنتي مشغولة عني عامر كان بيضغط عليا 

 ضميري معذنبي فجأة ظهر هو بدون وعي مني لقتني عايزة اصدق الي بيقوله المهم يكون في حد جنبي بقلم سحر الجناينى 

صدقيني مكنتش مدية خوانه عمري ما كنت اتصور انو يعمل فيا كده 


$ عندك حق دا بيحبك اوي


زعقت فيها


_ متقوليش بيحبني دا مش حب مش ححححب 


$ امال هو عمل كده ليه بس 


_ مش عارفة هتجنن انا معملتش ليه حاجة كل دا عشان رفضت حبه للدرجة دي مستحيل 


$ طيب مسالتيش ريحان 


_ مجاش في بالي كنت مصدومة موجوعة حسه بذل قدامه 


$ حسه بذل ليه


ضحكت بسخرية علي حالي


_ حطي نفسك مكانوا انا وحدة ابن عمتها بعتلها واحد صاحبه يختبرها لما ابن عمتي يشوفني كده بقلم سحر الجناينى هو الغريب هيشوفني ازي


$ تفتكري هو بيبصلك كده 


_ اي حد مكانه كان هيبصلي كده 


$ بس هو بيحبك انتي قولتي كده 


_ اكيد شفقة او عايز يحسن موقفة قدامي 


$ هتوجهي عامر 


_ انا لو عليا اروح دلوقتي اصرخ في وشه واقوله عملت كده ليه اضربه اعمل اي حاجة تشفي غليل قلبي بس انا وعدت ريحان اني مش هقوله 


$ يبقي تسالي ريحان لازم تعرفي الموضوع من كل الزويا 


سكت ومردتش 


$ تلفونك فين 


_ مش عارفة. 


بصيت حوليا وافتكرت اني رميته علي الارض ومدورتش عليه من ساعتها 


_ دورية عليه النايحة دي انا رميته هناك 


قامت سلمي دورت عليه ولقته


$ الحمد لله الخبطة كسرت الاسكرينه بس وقفلته


فتحت الفون وأول ما اتفتح انفجر رسائل من ارقام حاولت تتصل بيا ورسائل بقلم سحر الجناينى  

ودا طبعا مكنش من حد غير من الكدابين الاتنين 


$ يا لهوي اي دا دنا قطعت الخلف الفون هيفرقع من الرسائل 


بصيت علي الفون وسكت 


$ هتكلمي عامر ولا ريحان 


سكت شوية وبعدين اتكلمت 


_ اتصلي بريحان 


اتصلت بيه وادتني الفون 

فتح ولسه هيبدا وصله الخوف والقلق بس مكنتش قاردة اسمع كدب تاني 


_ من غير كلام كتير انا عايزة اشوفك في الكافية الي ديما بنتقابل فيه 


قولت كده وقفلت معاه وسرحت شوية 


_ انا افتكرت حاجة 


$ اي 


_ عامر عامر بعد ما قبلت ريحان بفترة صغيرة جدا سألني سؤال غريب جدا 


$ اي


_ سالني هو انا مرتبطة 


$ طيب واي الغريب في كده


_ اي الي خلاك يسأل السؤال دا بعد كل الوقت دا او ليه سأله بذات بعد ما انا قولت لريحان اني مرتبطة 


استوعبت سلمي الي انا اقصدة 


$ قصدك 


_ ايوه قصدي ان لما ريحان قاله ان البنت الي قبلها مرتبطة كان عايز يتأكد فسالني 


سكت انا وسلمي وفضلنا بصين لبعض ومره فتحنا في الضحك احنا الاتنين بنضحك علي خبتي 


جه الوقت الي هقابل فيه ريحان طلبت منه يقبلني بره الكافية عشان محدش ياخد باله مننا لو زعقنا ولا حاجة بقلم سحر الجناينى 

 كان شكله فعلا متغير شكله كان تعبان 

اتكلم بلهفة 

= ونس انتي كويسة 


_ انت شايف اي 


= انا والله اس 


_ مش عايزة اسمع حاجة انا جايه بس عشان اجابه علي اسألتي 


= إسألي اي حاجة وانا هجاوب 


_ قالك عني اي


= مقالش والله هو بس اداني صورتك ورقم تلفونك وقالي انك بنت خاله وعايز يخ


_ بس بس مش عايزة اسمعها مقالكش هو عمل كده ليه 


= لا مقلش 


_ وانت قولت ليه اني مرتبطة قالك اي 


= مقالش استغرب وقالي خلاص كده 


_ يعني مقالش عليا اي كلمه كده او كده 


= ابدا عمرة ما قال عنك حاجة وحشة 


ضحكت بمررة 


_ وانت بقا عملت كده ليه خدت اي في المقابل


= مقابل!!!! انا باخد مقابل يا ونس 


اتعصبت 


_ اااامال عملت كده ليييييه اي الي يخلي واحد يعمل كده في وحدة ميعرفهااااااش ليييييه 


= انا انا بعمل كده مع اي حد من اصحابي ودي مش اول مره اعملها 


بصتله بستغراب 


_ يعني اي مش اول مره تعملها 


= يعني عملتها قبل كده مع كذي واحد من اصحابي كان عايز يختبر البنت الي مرتبط بيها او خطبته 


كان بيتكلم بإحراج 


_ اااااه يعني انت متعود 


سكت ومردش 


_ طيب دوول مرتبطين او مخطوبين انا بقاااااا ابقاله اي عشان يعمل معاااايا كده 


= بيتهيألي انتي عارفة هو عمل كده ليه


سكت ومردتش 


= عامر بيحبك يا ونس 


_ انت الي بتقول كده 


= مهو عشان انا بحبك بقولك انو هو كمان بيحبك وعمل كده عشان بيحبك 

انا مش عايز ابان قدامك ملاك يا ونس ولا ابين عامر الشيطان عشان تسامحيني انا بس انا غصب عني حبيتك مكنش بإرادتي وعشان عارف معني الحب بقولك انو هو كمان بيحبك 

زعقت 


_ حب اي دااااا الي يخليه يعمل كده دا كسرني وذلني انت متخيل شكلي قدااامك دلوقتي عامل اااازي


= شكل اي يا ومس انتي زي منتي ونس ونس وبس


_ يا سلام بقا ابن عمتي يجي يديك صورتي ورقمي كده بالساهل ويقولك خد اختبر بنت خالي الي هي المفروض تكون في مقام اختي قبل اي حاجة والعب عليها شوية 

انت بقا هتشوفي ازي بعد كل دا


= والله يا ونس صورتك في نظري مفيهاش اي حاجة وحشة عشان كده قولتلك عشان لقيتك متستهليش كده 

ونس انا بحبك وعامر بيحبك بس كل واحد بيحب بطرقته 

انا مش عايز اخسرك يا ونس باي شكل 

وكمان مش مش عايز اخسر عامر 

انتي الموقف الي انتي فيه دلوقتي مضطرة تختاري 

يا انا يا عامر 

بس افتكري انا احنا الاتنين والله بنحبك 


_ انا لازم امشي دلوقتي يا ريحان 


= هستنا اختيارك يا ونس 


سبته ومشيت سرحانه وصلت الشارع بتاعي لقيت عامر واقف قدام العمارة 

جريت بسرعة استخبيت ورا عربية من الي مركونه 

بصيت عليه كانت عينه دبلانه لبسه متبهدل 

بيبص حوليه زي المجنون ماسك الفون وحطة علي ودنه وبيبص علي بلكونة بتنا

شوية ومشي 


معرفش ايه خلاني افتح الرسايل بتاعته 

كانت معظمها عبارة عن فويس


فتحتهم 


* ونس وحشتني *


*ونس انتي فين *


*انتي كويسة *


*طيب ردي عليا طيب* 


*يا ونس انا هموت من القلق عليكي *


*انتي فين ردي ولو بكلمة طمني قلبي ونبي*


*يا ووووونس انتييي فييين*


*ونس حرام عليكي انا مدقتش طعم النوم من الخوف عليكي* 


*انا بقالي اسبوع مروحتش الشغل *


*طيب وحياتي ردي*


*طيب بلاش انا وحيات اغلي حد عندك ردي*


*انتي كويسة طيب فيكي حاجة طيب انا زعلاتك* 


*انا مستعد اعملك اي حاجة بس اطمن عليكي ولو مره واحدة *


في أغلب الرسائل كان بيعيط 

بصيت تاني مكان وقوفه وكلام ريحان بيرن في وداني عنده حق انا لازم اختار 

بس الموضوع محتاج تفكير 


خلص الفصل بعد يومين اهو زي ما وعدتكم 

مستنيه رأيكم يهمني جدااااااا وتوقعتكم للي جاي 

ياتري ونس هتختار مين 

واي لي هيحصل 

وفي جهت نظركم عامر عمل كده ليه

لمتابعة البارت العاشر و الأخير إضغط هنا


reaction:

تعليقات