القائمة الرئيسية

الصفحات

رواية غرام الزين الفصل الحادي عشر بقلم مروة النشار

 رواية غرام الزين الفصل الحادي عشر بقلم مروة النشار

رواية غرام الزين الفصل الحادي عشر بقلم مروة النشار


روايه غرام الزين

البارت الحادى عشر

زين ساب ادم وركب عربيته ومشى 
ادم : مش فاهم حاجه 
ركب عربيه ومشى طلع على الشركه 
اول لما وصل الشركه قرر يحط المسجل فى المكتب

راح مكتبه واخد ملف وراح لمكتب فهد 
خبط على الباب
فهد : اتفضل
ادم دخل كنت عاوز توقيعك على الملف ده 
فهد : وقع 
ادم : وهو قايم حط المسجل تحت المكتب ومشى 
راح مكتبه بسرعه وفتح التليفون 

ادم: كده تمام اوى المسجل شغال
اتصل ب زين كذا مره مش بيرد 

بعد شويه قعد يفكر ايه اللى نرفزه كده 
وبعدين افتكر اسراء وافتكر المنتقبه اللى كانت قاعده متوتره ومش بتتكلم ونظرات عمار الغربيه 
ادم : انا لازم اكلم عمار افهم منه كل حاجه 

وبالفعل كلم عمار
عمار : الو 
ادم : ازيك ي عمار انا ادم 
عمار : ازيك ي ادم 
آدم: الحمدلله انا هسألك سؤال وتجاوب بصراحه 

عمار حس أنه عرف حاجه 
اتفضل
ادم : اللى كانت معاك ديه غرام صح 
عمار : ......
ادم : عمااار رد عليا الموضوع يخص صحابى وانا مش هسكت 
عمار : ايوه هى غرام ولو سمحتوا سيبوها على راحتها خليها تعيش حياتها بقى 

ادم : تمام وقفل السكه 
واتصل بزين مش بيرد بردوا 
فضل يرن عليه لحد اخيرا رد 

زين : بصوت ضعيف مخلوط بدموع نعم ي ادم 

ادم : قلبه وجعه على صحبه
عاوز اتكلم معاك انت فين انا هجيلك حالا 

زين : انا قاعد على البحر فى العربيه بتاعتى
ادم : تمام مسافه السكه

_____________________

غرام : انت قولتله ليه ي عمار 
عمار : كده كده اصلا زين شكله عرف من التغير المفاجئ اللى حصله بعد مطلع من الكافيه 

جاسر : انا من رأيى تتكلموا الاول ي غرام 
اسراء: ازاى ي بابا يعنى ترجعله 

جاسر: اللى أقصده أنهم يتكلموا وتحاول تفهموا وجهه نظرها 

غرام : تمام انا موافقه
اسراء: متأكدة 
غرام بدموع : متأكدة 
  _________________________

فى المكتب
فهد : انا ناوى ألغى الصفقه 
انا قررت اتوب وأشوف شغلى صح 

عدلى بغضب : نعم وده من امتى 
فهد بغضب : انت ازاى تتكلم معايا كده انت المفروض تفرح أننا شغلنا هيبقى صح ومش هنخاف ولا نخبى حاجه 

عدلى بغضب داخلى بس حاول يداريه: ماشى ي فهد الف مبروك 

وسابه ومشى 

_________________________

ادم وصل عند زين 
ادم : اى اللى انت عامله فى نفسك ده ي زين 

زين : هى ..هى اللى كانت فى الكافيه ي ادم 

ادم : عرفت كلمت عمار وسألته 
حاول تسمعها الاول 

زين : هى عندها حق اللى اتعمل فيها مش شويه ي ادم 

زين لقى تليفونه بيرن
المتصل كانت غرام 

زين بص للتليفون وغمض عيونه بألم
ادم : رد عليها ي زين مش هتبقى انت والدنيا عليها

زين : لأ مش هجبرها تقعد معايا وهى مش عاوزه تقعد معايا هى كمان عارفه انى عايش معاهم غصب عنى علشانها وهى عارفه انى كنت عاوز اهرب معاها 

ادم : طب اسمعها لمره واحده بس 

زين : بدموع مش قادر 

بعد فتره كانت غرام وصلت عند زين ووخبطت على شباك العربيه 

زين فتح عيونه لقى غرام فى وشه قلبه حن للحظه وبعدين افتكر اللى هى عملته 

فتح العربيه بعصبيه ونزل بصلها بعيونه اللى بتسحرها وكانت مليانه دموع بصوا لبعض لثوانى عيون بتعاتب وعيون بتعتذر

زين : انتى اى اللى جابك هنا ومين قالك مكانى 
وبعدين بص ل ادم 

ادم : لازم تتكلموا ي زين 

غرام : قربت منه ومسكت أيده 
زين ابعدى عنى مش انتى اللى عاوزه تبعدى ابعدى بقى وزقها بعيد عنه 

غرام وقعد على صخره ودماغها قعدت تنزف جامد

زين بيبص ل ادم وبعدين يبص لغرام وشاق الدم قلبه وقف 
شال غرام بسرعه وركب العربيه ونيمها على رجله 

وادم ساق العربيه 

واسراء وعمار وراهم بالعربيه لإنهم كانوا واقفين بعيد وشافوا كل حاجه 

وصلوا المستشفى
ادم نزل وفتح الباب لزين 
زين نزل من العربيه

دخل المستشفى بيصرخ حد يلحقنى انتوا بتتفرجوا على اى حبيبتى بتموت 

جات ممرضه حطها على الترولى بسرعه ودخلت العمليات بسرعه

جهاز القلب كان بيصفر على اخره المستشفى كلها فى حاله هلع من منظر الدم وزين اللى كان مفزوع 
الدكاتره كلها بتزعق والممرضين بتجرى فى كل حتى 

اسراء بتعيط وعمار واقف جنبها بيهديها
ادم بيحاول يكلم زين و زين مش بيرد عليه 

زين حاسس ان الدنيا اسودت فى عيونه ومش حاسس باللى حواليه وحاسس أن صوتهم بعيد بس شايفهم كويس 
ومش سامع غير صوت جهاز القلب وهو بيصفر

الجهاز ماذال بيصفر الدكتور بيصعقها بالكهربا مره ولا مره مفيش تغير جهاز القلب ماذال بيصفر
اخر صعقه جسمها بيترفع وينزل لأخر مره وماذال الجهاز بيصفر 

الدكتور خلاص كده كفايه نعذبها اكتر من كده 

الدكتور طلع وعليه علامات الحزن

زين اوعى تقولها لأ هى عمرها متعمل فيا كده ودموعه زى الشلال مش بتهدى ودخل جرى عند اسراء 

اسراء اغمى عليها عمار شالها وراح الطوارئ 

ادم واقف مش مستوعب حاجه كل اللى عامله أنه دخل ورا زين 

____________________ 
بعد مرور ست سنوات

اسراء يلا ي حبيبتى هنتأخر انهارده يوم الحرب العالمية

ازاى أتأخر فى يوم زى ده انهارده اليوم اللى بتمناه بقالى ست سنين 

عمار : مش كفايه كلام ويلا 

هما اللى اتنين : يلا 

اول لما دخلوا الشركه زهول و صامت تام .......

ونعرف اى اللى هيحصل البارت الجاي إنشاء الله

عايزه تفاعل بقى علشان مش هنزل البارت الجاي غير لما الاقى تفاعل على البارت ده 

واللى مش شاف البارت اللى فات يدخل على صفحتى جوه الجروب

بقلمى: مروه النشار 🥰🥰

لمتابعة البارت الثاني عشر اضغط هنا

reaction:

تعليقات