القائمة الرئيسية

الصفحات

رواية حمقاء في الموساد الفصل الرابع عشر بقلم إيزيس

 رواية حمقاء في الموساد الفصل الرابع عشر بقلم إيزيس

رواية حمقاء في الموساد الفصل الرابع عشر بقلم إيزيس


البارت الرابع عشر
حمقاء في الموساد
#ايزيس
#بنت_الصعيد

ملك....صح أنا هاخد فنجان وانت يا سيفو..فنج...وقبل ما تكلم كلامها سمعت صوت هز اركان البيت 

ديفيد...ملاااااك ...ملك
ملك...ياليلة سودة
سيف...مصيبة

عدنان...كنت حاسس انك هتودينا ف داهية

سيف...انزلي بسرعة و اوعي تخليه يطلع لغاية ما نرجع كل حاجة مكانها ولو سألك عني قوليله اني مشيت يلا بسرعة..

ملك...تمام 

ملك نزلت بسرعة لقيت ديفيد طالع ع السلم

ملك....ديفو وحشتني

ديفيد بشك...فين الدكتور

ملك...الدكتور ا ا مش أنا مشيته

ديفيد....مشتيه ليه

ملك.بتوتر.....ما مانا خلاص خفيت وما بقيتش خايفة منك ..ا اصلي بصراحة فكرت وقلت اني بقالي شهر عند ديفيد وهو ماحاولش يضايقني لانه بيحبني بجد

ديفيد...بفرحة....أنا مبسوط اوي لانك رجعتي تثقي فيا تاني...اه نسيت اهم حاجة خبر يجنن 

ملك...خير..وبعدين انت جيت بدري من شغلك انهاردة ليه

ديفيد...بصراحة ما اقدرتش استني قلت لازم اقولك الخبر اللي انا مستنيه من زمان اوي..القيادة اخيرا وافقت علي جوازنا وهيكون الأسبوع الجاي ..وفجأة ديفيد شال ملك وفضل يلف بيها ويقول ...انا اسعد انسان في الدنيا

ملك...نزلني يا ديفو نزلني يخرب بيتك هرجع 

ديفيد...نزلها..لا ترجعي ايه بلاش احسن نزلتك اهو..أنا طالع اوضتي اغير عشان نتعشي

ملك...لا 

ديفيد...لا ليه

ملك...قصدي لا مش هنتعشي ف البيت احنا لازم نخرج نحتفل برا بالمناسبة السعيدة دي ولا ايه يا ديفو

ديفيد....تصدقي عندك حق..تمام أنا هاروح اغير هدومي ونخرج

ملك...لا دانت كده برنس بلبس الظابط دا

ديفيد ...ملك دي هدوم الشغل ماينفعش أسهر بيها كده في مناسبة احتفالنا بخطوبتنا
ماتقلقيش هالبس بسرعة وانتي كمان البسي 

ملك...طب هاجي اختار معاك البدلة بصلها باستغراب..فكملت هي..مش أنا زوجتك المستقبلية 

ديفيد .بفرحة......أنا مش مصدق بجد ..يلا بينا نختار ومسك أيدها وطلعوا فوق

قدام اوضة ديفيد

ملك...بأعلي صوت عندها....ديفو قولي ايه احساسك وانا جاية معاك أوضتك نختارلك بدلة 

ديفيد بصلها بشك...بتتكلمي ليه بصوت عالي

ملك...بنفس الصوت العالي...اصلي فرحااانة جدااا عشان هنتجوز. ونفسي اقول بأعلي صوت بحبكككك يا ديفو

عدنان طبعا جوا هيتجلط...فهمنا الله يخرب بيت ادائك الاوڤر دا ..والله عايز أخرج اقتلها واخلص من ام غبائها

سيف...بعصبية أنا اللي هاقتلها بإيدي بقي بحبك يا ديفو ..ماااشي يا ملك 

عدنان بصله ...ممكن تخرس

سيف...اووووف

برا عند ملك 

دخلت ملك مع ديفيد وفضلت تبص يمين وشمال وكانت متوترة جدا
ديفيد....لاحظ توترها وبدأ يقرب منها بخبث

ملك اتوترت اكتر...ه هتعمل ايه 

ديفيد...مسح وشها بإيده وقال....خايفة من ايه أنا بس همسحلك العرق اللي نازل علي وشك

ملك مسحت وشها...عرق اه انهاردة الجو حر

ديفيد ...بالعكس الجو جميل جدا ..انتي بقي متوترة ليه

ملك....ا ا اصلي متوترة عشان قاعدين لوحدنا 

ديفيد...طيب مش هتختاري لي البدلة

ملك...اه اكيد 
واختارت له ملك بدلة سودة شيك جدا 

ملك...دي هتبقى مناسبة لسهرة انهاردة

ديفيد....طب ما تساعديني ألبسها

ملك بتوتر.....ليه هو انت صغير ..علي فكرة انت كبير وتعرف تلبس لوحدك 
وانا كمان عشان كبيرة أنا رايحة البس لوحدي..وقامت جريت خرجت من الأوضة بسرعة وهو ابتسم 

سيف همس لعدنان ..هاقتله الوقح دا
عدنان...اششش

بعد فترة بسيطة ديفيد لبس وملك كمان لبست فستان طويل احمر بكم محتشم وسابت شعرها الطويل الاسود نازل على ضهرها
ديفيد....وااااااو ايه القمر دا

ملك ....متوترة وبتبص للأوضة بتاعته...شكرا 
مسك أيدها وخرجوا ركبوا عربيته ووصلوا عند مطعم فايڤ ستارز دخلوا وقعدوا علي ترابيزة هي اصلا خاصة ب ديفيد

عند سيف وعدنان 
مرت ساعة وخلصوا كل شغلهم وبكده المهمة اللي مكلفين بيها انتهت بسلام بس فاضل حاجة واحدة يرجعوا وطنهم الحبيب كمان بسلام
سيف...الحمدلله خلصنا شغلنا فاضل ناخد ملك ونمشي من هنا

عدنان اتنهد بحزن وقال ..انتوا هتروحوا بس انا ليا تار ولازم اخلصوا ...حق ديمة هيرجع وهانتقم لزهرة شبابها اللي سلبوها منها من غير وجه حق

سيف....عدنان انت عارف أنه دا هيكون خطر كبير عليك وخاصة بعد ما يكتشف ديفيد أنه كل حاجة جمعها عن مصر اختفت

عدنان...ما تنساش اننا معطلين الكاميرات 
وكمان أنا بعيد عن دايرة الشك وحتي لو هاموت بس المهم انتقم ل ديمة
سيف ربت علي كتف عدنان...ربنا معاك يا صاحبي ..يلا كلم ملك قولها اننا خلصنا المهمة

عدنان...اه صحيح المفروض هي اللي تتصل وتكون حاطة السماعة ف ودنها وتتابع معانا .أنا ما اقدرش ارن عليها ديفيد مايعرفش أنه ملك معاها موبايل ولا انت نسيت

سيف...طب والعمل احنا لازم نمشي من هنا حالا لانهم ممكن يجوا ف أي وقت

عدنان ...بضيق...ملك الغبية لازم تنسي حاجة

سيف...معلش نستحمل يلا بقا نمشي
وفعلا الابطال مشيوا بعد ما تتمموا مهمتهم واخدوا كل معلومات عن مصر معاهم

&&&&&&&&&&
عند ديفيد وملك 
مرت تلات ساعات وملك بدأت عينيها تقفل عايزة تنام

ديفيد...ملك يلا نمشي انتي شكلك عايزة تنامي

ملك....ها لا ابدا يا ديفو أنا صاحية اهو..وقالت في نفسها.... يا واقعة سودة أنا ازاي انسي الموبايل بتاعي طب اعرف منين أنا دلوقتي هما خلصوا ولا لسة قاعدين..وبعدين غلبها النعاس ونامت علي طول 

ديفيد فضل باصص ف ملامحها واد ايه هي بريئة وزي الاطفال وهي نايمة
وقال...كلها اسبوع يا ملك وهنام واصحي علي وشك البرئ دا انا مش عارف ازاي انا حبيتك الحب دا كله رغم انك مافكيش مميزات كتيرة وشكلك زي اي بنت عادية بس ايه اللي بيجذبني ليكي مش عارف .
انتي بقيتي حلم ولازم احققه

وبعدين شالها بهدوء وهمس ف ودنها ...بحبك

ملك ف اللحظة دي كانت نايمة وشكلها حلمت أنه سيف قال لها بحبك
ابتسمت وهي نايمة وقالت ..وانا كمان بحبك يا سيفو

ديفيد سمع كلامها وكأنه خنجر طعنه في قلبه الصدمة هزته غمض عينيه بألم شديد بقي بالعافية بيتحرك وهو شايلها حاسس أنه قوته كلها انهارت .

(.لا لا تطعنيني في القلب الذي بات معذبا بحبكي اصبحتي انتي دائه ودوئه ...كيف السبيل الي الفوز بقلبك وقد تعلق قلبك بغيري ..اطعنيني بخنجرك فأنا المعذب بنار رفضك ..يا ليتني أولد ف عالم آخر عالم اشكله علي طريقتي فتحبي قلبي دون حواجز ....)

ديفيد وصل لعربيته بعد معاناة كأن اعلان ملك بحبها لشخص تاني هلك قوته كلها هو كان شاكك أنها ممكن تكون بتشتغل مع المخابرات المصرية بس عمره ما اتخيل أنها تكون بتحب حد غيره الفكرة عنده كانت مستحيلة التصديق

ديفيد حط ملك ف العربية وقرر يعمل حادثة ويموتوا سوا دا اهونله من أنها تحب غيره
وفعلا بدأ يسوق العربية بجنون وبعدين فكر ..لا لازم اعرف مين سيف دا واعذبه اشد العذاب لازم اخليه يتمني الموت لأنه فكر يقرب لحاجة هي ملك لديفيد عذرا

وقف العربية وهدي شوية وساق بالراحة لغاية ما وصل البيت وشال ملك وهو عيونه كلها دموع بس قلبه فيه بركان غضب ممكن يحرق ملك بالبيت كله
ساندها ع الكنبة وقعد في الأرض جمبها ...وفضل طول الليل يسكر ويقول ..انتي ليا انا وبس حتي لو بتحبي حد تاني هاقتله قدامك بس اعرف مين سيف .مرت فترة وبعدها هو نام ع الارض من كتر التعب كان محبط لدرجة أنه مش عارف يفكر ولا يتصرف بس صحي الصبح بدري وملك لسة نايمة وجاب( GPS)(جهاز تتبع)وحطه في الحلق بتاعها ووصل كاميرات البيت بتطبيق ع التليفون بتاعه وبعدها صحي ملك واتصرف طبيعي جدا

ملك..فتحت عيونها ببطء ...صباح الخير أنا ايه اللي نيمني ع الكنبة

ديفيد....انتي مش فاكرة 
ملك....لا مش فاكرة
ديفيد...ابتسم بألم..طب قومي افطري 

ملك...تمام هاقوم اتوضا واصلي واجي أفطر..ولسة هتتحرك بس وقفها صوت ديفيد اللي كان واضح أنه مخنوق

ديفيد...بتحبيني يا ملك
ملك..بصتله وابتلعت ريقها بالعافية ....ا أه اكيد ..بس انت بتسأل ليه

ديفيد...قرب منها ..بصي ف عينيا وقولي بحبك يا ديفيد
ملك بصت بخوف ...وقالت ..بحبك يا ديفيد
ديفيد...بصوت عالي ...غلط 
ملك...هو ايه اللي غلط
ديفيد ...مسكها من كتافها ..فين اللمعة اللي كانت في عينيكي لما تقوليلي بحبك يا شريف
ملك...بتوتر ...موجودة بس يمكن عشان الوضع اتغير وانا بقيت اخاف منك شوية 
ديفيد.طبطب علي خدها وقال...كنت اتمني تكون دي الحقيقة 
وسابها وخرج وهو قلبه بينزف .

(لا تختبريني ف عشقي فأنا أعشق حتي انحل )

راح ع المكتب وهو مستعد يقتل اي حد ف طريقه وبدأ يراقب كل تصرفات ملك
من موبايله 

وفجأة ..باب بيته ينفتح ويظهر سيف

سيف...ها يا حبيبتي جهزتي نفسك 

ملك...كانت لابسة وجاهزة اه جاهزة يا سيفو يلا بينا لحسن أنا مرعوبة بجد

سيف ...يلا يا قلبي مافيش وقت الطيارة هتجيلنا في منطقة******
طبعا ديفيد كان شايف وسامع كل حاجة خبط أيده ع المكتب وقال جااااك هو سيف اد ايه انا طلعت مغفل
أنا مش هرحمك...واخد مسدسه وقنبلة معاه وركب عربيته واتبع اثر ال(GPS)اللي كان في حلق ملك

بعد فترة وصل سيف وملك مكان زي الصحر كانوا مستنين طيارة خاصة هتاخدهم علي مصر طبعا سيف كان أعزل من غير سلاح وبعدهم وصل عدنان اللي كان معاه كل المعلومات والأوراق الخاصة بمصر عدنان جي يودعهم ويديهم الورق 

سيف....حسام تعالي معانا وانسي عدنان وآران وكل حاجة هنا ارميها ورا ضهرك احنا خلصنا مهمتنا 

حسام.. ..لا أنا عدنان وهافضل ف نظر الناس في فلسطين عدنان اللي بيساعدهم وهافضل هنا آران خلص الكلام ..انت خد حبيبتك و روحوا ابدأوا حياة جديدة مع بعض.اما أنا فلازم اجيب حق ديمة وحق أهلها وشاور علي ملك اللي دمعت

سيف...انت بطل يا عدنان وأنا فخور بجد انك صاحبي

عدنان ...مسك موبايله عشان يعرف سبب تأخير الطيارة.وقال....الشبكة هنا ساقطة أنا هابعد شوية يمكن تيجي شبكة 
سيف لقي ملك بتعيط لما افتكرت أهلها
 قرب منها وحضنها ...ملك انا عارف انك كنتي عايزة تنتقمي منه اكتر من كده بس هو أكبر عقاب ليه انك تبعدي عنه وهو بيحبك الحب دا كله 

ملك ...خليك جمبي ياسيف اوعي تبعد عني أنا مش هتحمل بعدك انت كمان انا ماليش غيرك

سيف.....ملك ما اقدرش ابعد عنك انتي بقيتي روحي 
وفجأة يظهر ديفيد.اللي مصوب مسدسه ناحيتهم .... وانا جاي اخد روحك يا سيف ...ما لسة بدري يا ملك مستعجلة لييه
بصوا هما الاتنين واتفاجئوا وسيف ما كانش معاه سلاح وعدنان بعيد مش باين

ديفيد....اهلا بالدكتور جاك ولا اقول سيف 
بص لملك ...مش مكسوفة وانتي خطيبتي والقيكي ف احضان راجل تاني 

سيف...كلامك معايا أنا سيبها تمشي ونصفي حسابنا مع بعض
ديفيد ضحك...اسيبها بكل بساطة كده انت طيب اوي وقام ضاربه برصاصة جات في صدره

ملك صرخت ...سيييييف سيف لا ما تسبنيش ..وبصت لديفيد ..اقتلني أنا كمان اقتلني مش عايزة اعيش وصرخت يا سيييييف 

ديفيد ضربها كف واتكلم بجنون...أخرسي 

وقام رابط قنبلة في وسط سيف وقاله دي عشان تتعذب قبل ما تموت 
سيف....موتني بس سيبها تمشي 

ديفيد....دا بعدك 

وبعد ماربط القنبلة في وسط سيف مسك ملك من شعرها وجري بيها علي عربيته وقف قدام العربية وقال

ديفيد...بتحبيه

ملك...ابوس ايدك روح أنقذه
صرخ ..بتحبيه 

ملك ...حرام عليك هاعمل كل اللي انت عايزه بس أوعي تفجر القنبلة سيف مش لازم يموت

ديفيد صرخ بجنون ...بتحبيه

ملك...ايوا بحبه بحبه هو كل حياتي ارتحت
ديفيد ف اللحظة دي ...مسك الريموت وفجر القنبلة 
ملك صرخت....لااااااااااااا..سيف

ديفيد بص لملك وقال ......اما انتي يا ملك هعمل فيكي اكتر حاجة انتي بتكرهيها وبتخافي منها...يتبع
&

لمتابعة  البارت الخامس عشر اضغط هنا
reaction:

تعليقات