رواية من يا قلبي الفصل الثاني بقلم سحر الجنايني

 رواية من يا قلبي الفصل الثاني بقلم سحر الجنايني

رواية من يا قلبي بقلم سحر الجنايني

*من يا قلبي *

الفصل الثاني 

كنت مصدومة الفون كان مليان صور ليا من ساعت ما جيت وانا بأكل وانا بضحك وانا متعصبة في اي وقت كنت فيه معاه كان مصورني واخر صور كانت لما كنا في الأوضة في شقة اميرة جنب سما وانا كنت فكراه بيلعب في الفون طلع بيصورني وانا قعدة قدموا 

بصيت جنبي لقيت عامر هو الي شد مني الفون كان وشو اصفر ومرتبك 

بصتلوا بغضب وسبتهم وخرجت بره البيت خرج وريا 

♤ ونس...... استني يا ونس .......اسمعني 

_ اسمع اي يا عامر تقدر تفهمني اي الي انا شوفتو دا ازي تصورني كل الصور دي من غير ما اعرف ومن غير ما تاخد اذني 

♤ انا انا 

_ انت ايه 

♤ انا اسف 

_ اسفك مينفعنيش الصور دي تتمسح ولو سمحت يا عامر خلي بينك وبيني مسافة بعد كده ده هيكون احسن ليا وليك 

رجعت البيت تاني ودخلت اوضتي وقفلت علي نفسي

 كل حاجة وضحت مشاعر عامر بقت واضحة مقدرش انكر بعد كده باسورد الفون باسمي

 الصور الي ملهاش عدد 

الإهتمام الزيادة كل دي حاجات مقدرش انكرها 

بس انا ليه خايفة ليه خايفة من مشاعرو دي

 والي محيرني اكتر اني مش عارفة احدد مشاعري انا

 انا بحس نحيتوا نفس الإحساس ولا حاسه حاجة تانية 

خرجت من الأوضة بليل عشان العشا مكنتش عايزة اخرج بس عمتي اصرت وخصوصا ان خطيب اميرة كان جاي يتعشي معانا كنت قاعدة معاهم في دنيا تانية ملاحظة نظرتو ليا بس مكنتش برفع عيني فيه 

/ اما انا عمله لكم شوية مكرونة بالصلصة اي حكاية 

^ عامر بيعشق المكرونة دي يا ونس 

_ احم معلش يا عمتي بس انا مش بحب المكرونة وانا مش جعانة اصلا كلوا انتو بالهنا 

وانا بتكلم كان عامر ماسك الطبق بتاعه وبدأ ياكل منو شكلوا فعلا بيحب الاكل دي بس اول ما سمعني نزل المعقلة قبل ما توصل لبوقوا وزق الطبق بعيد عنو

كل الموجودين لاحظوا الي عملوا

^ اي يا عامر مش بتاكل ليه 

♤ مش جعان 

/ مش جعان ازي يبني انت مكلتش حاجة من الصبح 

^ بقا معقولة يا يا ماما ياكل وونس مكلتش ميصحش برضو 

/ اميرة عيب كده 

اتكلمت اميرة بصوت عالي وهي بتبصلي وبتبصلوا 

/ هو اي الي عيب الواد بيحبها بيحبهاااااا صح يبني مش انت بتحبها 

كان السؤال لعامر رفع عينوا وفضل باصصلي وعينوا كانت بتلمع 

^ ما ترد يبني بتحبها ولا لا 

لسه هيفتح بوقوا عشان يرد قمت مره واحدة وسبتهم ودخلت اوضتي مكنتش هقدر اسمع الإجابة مش عارفة انا ليه خايفة 

عدا اليود دا واليوم الي بعدوا وانا بحاول اتجهلوا 

اهرب من اي حته هو فيها 

 انا عارفة اني افورت في زعلي علي حكاية الصور بس مش عارفة انا زعلانه عشان الصور ولا عشان حاجة تانية 

افتكر قبل الحنه بيوم كنت قاعدة مع دينا في شقتها 

كنا جايبين بيتزا وبعد ما خلاصنا 

* يجعلوا عامر ها عاااامر 

_ في اي يا دنيا 

* يعني مش عارفة في اي 

_ انتو بتبلغوا علي فكره 

* احنا برضو الي بنبالغ الكلمة دي تقولها قبل ما اميرة تسالوا علي العشا لكن بعد ما رد عليها يبقي انتي بصراحة الي اوفر وحمارة كمان 

بلعت ريقي بخوف وفركت في ايدي 

_ اي دا هو رد 

* هييييييح ايوه ياختي رد منتي لو مش جريتي كنتي سمعتي ردوا 

فضلت ساكته وانا من جويا هموت واعرف ردوا مع اني عارفه يمكن عايزة اتأكد

* مش عايزة تعرفي قال اي 

مردتش 

* خلاص برحتك 

_ قال اي يا دنيا اخلصي 

* قال

 (ايوه يا أميرة بحبها انا عديت الحب بكتير اساسا) 

وكان شكلوا مكسور كده وهو بيقولها زي ما يكون بيقول حاجة غلط او حاجة هيتعاقب عليها وقام وسبنا وخرج 

كلمها حسسني بالذنب ابقا غبية لو قولت بيبلغوا ابقي غبية لو انكرت مشاعرو ابقا غبيه لو قولت ان حب عامر حب عادي  

* ونس 

بصيت ليها كانت بتبصلي بشك 

* انتي بتحسي بأية ناحية عامر 

اتنهدت انا اصلا مش عارفة الإجابة مش عارفة انا حاسة بأية فكرة انك مش عارف تحدد مشاعرك نحيه حد دي تخنق اوي وتحسسك بالعجز 

_ مش عارفة يا دنيا انا برتاح معاه بحب اهتمامه هو حد مهم جدا عندي بس المكانة مش قادرة احددها خايفة احكم علي مشاعري غلط اجرحوا واجرح نفسي 

* ادي نفسك فرصة تفكري فيه بشكل تاني يا ونس حولي تحددي مشاعرك بعيد عن اي ضغوط من اي حد 

من بعد ما عامر اعترف قدام الكل بحبو وكلهم بيعملوني علي اني عروسة عامر حتي عمتي كانت ديما تقولي يا عروسة ابني حستها حبتني اكتر من الأول عشان ابنها بيحبني 

جيه يوم الحنه وبابا جه كنت لسه وخدة جنب من عامر بعد ما لبست وخرجت ليهم بره لحظت نظرتوا ليا انا اول ما شافني تنح وعينوا لمعت وبعدين شال عينوا عني عمتي كالعادة حضنتني  

/ قمر يا عروسة ابني

كان اقف علي جنب عارفة انو متابعني بعينوا بس كان ديما بيهرب بنظرتوا مني 

انا الي طلبت منو يحط مسافة ونفسي دلوقتي يقطعها مش عارفة ليه 

اليوم عدا عادي اختفي في نص الحنه ومشوفتهوش تاني

تاني يوم قبل ما نتحرك عشان نروح قاعة الفرح 

كل العربيات كملت مكنش فاضل غير عربية واحدة بتاعت واحد صاحب عامر 

× لو عايزة توصيلة انا في الخدمة 

بصتلوا وارتبكت شكلوا مكنش مريح 

♤ في حاجة يا شادي 

سمعت صوتوا جاي من ورا صاحبو 

× ها لا مفيش يا صاحبي بس كل الناس مشيت فكنت بقول للأنسة اوصلها معايا 

♤ لا الآنسة في عربية مستنيها من الصبح عشان توصلها 

ودي كانت اول مره اخد بالي ان عامر واقف قدام عربية واي دا مين الي لزقة فيه دي 

صاحبوا سبنا ومشي وهو فضل واقف بصصلي قربت منو وهو اتحرك ركب في كرسي السواق بس الغريبة ان البنت الي كانت وقفة جنبوا راحت ركبت جنبوا كنت هموت من الغيظ وانا ريحة اركب ورا وهي ركبه جنبوا بس برضو مش عارفة ليه 

وصلنا دخل هو وهيا وسبني دخلت لوحدي رحت قعدت مع ناس قريبنا وطول الفرح وانا ملاحظة ان هو والبنت دي علطول مع بعض وهي لزقة فيه كان شكلها حلو لا حلو اوووي مين دي 

قربت من ودن دينا 

_ احم دينا 

* ها 

_ هي مين دي 

وشورت علي البنت الي معاه 

* ااه دي ياستي اسماء بنت عم عامر ومحمود وو 

ركزت معاها

_ وو ايه 

بصتلي بمكر كده 

* وبتعشق حاجة اسمها عامر 

حسبي الله ونعم الوكيل فيكي يا دينا والله 

وبتعشق عامر طب وهو ممكن يكون بيحبها بيحب مين يا هبلة مهو بيحبك  

لا مش شرط ممكن يكون بيتسلي بيا 

او بيها 

اااةةةةه هولع شوف البت بتتميص ازي 

قومت مره واحد منا لو فضلت حبه كمان هروح اجبها من شعرها ومحدش يسألني ليه 

_ انا ريحة الحمام يا دنيا 

وانا ماشية عيني كانت عليهم خبط في حد وانا مش واخدة بالي هو اعتذر مني بس انا مبصتش ليه لمحته بعيني بس وسبته وكملت طريقي 

وانا رجعة من الحمام وقف في طريقي صاحب عامر صاحب العربية الي كان عايزين اركب معاه 

× انا شادي غمزي 

_ نعم 

× شادي غمزي 

_ غمزي ازي يعني 

ضحك اهبل دا ولا اي 

× اسمي شادي وأبويا اسمو غمزي ( رمزي ) بس خلي الغين 

غه (ره)

_ غه ههههههههههههه 

مقدرتش امسك نفسي كان شكلوا يضحك اوي وهو بيقول غه دي مخدتش بالي من عامر الي قرب منا والبت الزقه دي مكلبشة فيه 

♤ متضحكونا معاكم  

× بنت خالك دي ضحكتها تدوخ اوي يا عامغ

♤ معلش ابقا خدلها اسبرين يا غوحي( روحي )

ضحكت انا والبنت الي معاه بس هي كانت ضحكتها نايمة انا انشف من كده وصاحبوا شكلوا اتحرج ومشي فضلنا نبص لبعض كتير لحد ما سمعنا صوت الدي جي  

( بطلب من كل البنات السناجل يقربوا من كوشة العروسة عشان تنول شرف بوكية الورد ) 

أسماء بنت عمو صرخت 

◇ اللللللله يا عامر انا نفسي بجد امسك البوكية عشان اتجوز بعدها الشخص الي بحبو 

دي ناقص تبوسوا من بوقو 

وسحبتوا معاها وراحت ناحية الكوشة 

دنيا طلبت مني اروح معاهم مكنتش عايزة اروح بس هي الحت عليا روحت وقفت جنب اسماء سمعتها بتقول زي ما تكون بتدعي 

◇ يارب انا امسكوا واتجوز عامر يارب انا امسكوا واتجوز عامر يارب انا امسكوا واتجوز 

مسكت ضحكتي بالعافية لقتها بصتلي وبقرف 

◇ متفكريش تقربي من البوكية ولا حتي من عامر ماشي 

غظتني اوي وحلفت لازم امسكوا انا 

وقفت اميرة وبدأ العد رمت البوكية وهوب حصل الي مكنش حد يتوقعوا ولا حتي انا 

لمتابعة الفصل الثالث إضغط هنا