رواية من يا قلبي الفصل العاشر و الأخير بقلم سحر الجنايني
رواية من يا قلبي بقلم سحر الجنايني
من يا قلبي الفصل العاشر
علي قد ما الصدمة بتشتتك بس ناتجتها بتجي في صالح كل الاطراف
$ هتختاري مين
_ مش عارفة يا سلمي
$ بت انتي بطلي مش عارفة دي بتعصبني
_ يوووووه منا بجد مش عارفة
$ ها وبعدين
سكت وكنت خلاص هعيط
$ طيب بصي تعالي نقارن
ركزت معاها
_ تمام
$ مين فيهم احلي
_ الاتنين شكلهم حلو استايلهم حلو شيك كده
$ مين فيهم اغني
_ لا منا اكيد مش هتختار الاغني انا مش بفكر كده يا سلمي
$ يا ستي عارفة بس احنا بنشوف اي حاجة بتميز واحد فيهم عن التاني
_ الاتنين مستواهم كويس
$ مين بيحبك اكتر
_ مقدرش احدد الاتنين مشاعرهم جميلة ووضحة
$ مين بيهتم اكتر
_ الإتنين
$ مين حنين اكتر
_ الاتنين
$ مين بيخاف عليكي اكتر
_ الاتنين
$ اووووف طيب مين بيغير اكتر
فكرت ولقتني بقول
_ الإتنين برضو بس غيرة ريحان انا شوفتها عامر بيقول انو بيغير بس
$ الحمد لله واحد نصفنا
اممممممم اه مين بيضحكك اكتر الموضوع مهم برضو دي ياسمين صبري اتجوزت بس الي ضحكها
_ ريحان
$ مين متمسك بحبك ليه اكتر يعني مين هيموت وتحبيه
_ عامر
$ مين بترتاحي معاه اكتر
_ دي المشكلة انا برتاح مع الإتنين
$ دي مصيبة مش مشكلة
طيب آخر حاجة مين بيهتم بالي انتي عيزاه بمعني انو حابب الي انتي عيزاه مش بينتقدك
_ عامر اول ما بقول الحاجة بيأيدني علطول عايز الي انا عيزاه افتكر مره اني ريحان انتقد اني مشتغلتش بعد الكلية
$ ياااااا حلااااوة يعني موصلناش لحاجة كده تعادل
سكت وسرحت اتخنقت
_ قومي روحي يا سلمي
$ انتي بتطردني
_ سلمي بجد محتاجة افكر لوحدي
بصتلي بحزن وحضنتني
$ متصعبيش الموضوع علي نفسك ومتقاسيش عليها
مشيت وانا قعدت مع نفسي افكر في الاثنين الي حصل والي عدي الذكريات الحلو والوحش
المواقف والظروف الضحك والكلام النظرات الهمسات
كل حاجة مرت بيني وبنهم
عقلي الي كان بيفكر ويحلل مش قلبي
ودي مصيبة
وفي الاخر قررت قرار مفهوش رجعه ولا ندم
مسكت تلفوني جبت رقمه شجعت نفسي ورنيت
اول ما فتحت قطعت اي حاجة ممكن يقولها بكلمتين اتنين بس
_ عايزة اشوفك
لبست ونزلت وانا خايفة متوترة بس مش مترددة
وصلت الكافية الي اتقبلنا فيه قبل كده
لقيته قاعد مستنيني قام وقف بلهفة اول ما شافني قربت قعدت وهو عينوا بتلحقني
♤ ازيك يا ونس
كان جويا إحساس بالعجز انا مش عارفة اصرخ في وشه واطلع النار الي جويا
_ كويسة يا عامر
♤ وحشتني
كل كلمة كان بيقولها كنت برد عليها في سري واقول ( كداب انت كداب )
_ انت اكيد عارف ان طلبت اشوفك ليه
عينه لمعت لمعة امل ضحكت بمررة جويا
♤ نفسي نفسي يكون الي في بالي
اتملكت نفسي اني اوجهه بالي جويا واتكلمت بجمود ظاهر علي وشي وبنبرة ميته قولت
_ لا يا عامر
وشه اتقلب عينه انطفت ارتبك فرك في ايده
♤ لا !! لا اي يا ونس
_ مش الي في بالك انا جاية انهاردة علشان اقولك ان لو من سنتين قدام القطر موصلش ليك ردي فنا انهاردة جاية اوصلك رد
ملوش تاني يا عامر وملوش بديل مهما حصل
مسح حبت عرق جريت علي وشه
_ لازم تعرف ان قلوبنا مش بأيدنا وزي ما قلبك مال ليا انا قلبي مقدرش يميل ليك
وانا مش هحتاج وقت اكتر من كده عشان اعرف حقيقية مشاعري مشاعري مش ليك يا عامر
♤ بس بس انا حاسس ان في امل
_ وبرضو انا مش مسؤلة عن احساسك الي انا اعرفه ان مفيش في قلبي حاجة ناحيتك انت ابن عمتي ابن عمتي وبس
♤ يا ونس
قمت وقفت وبصتله وانا ماسكة دموعي بالعافية كان جويا مين إحساس وجع وكسرة وغضب غضب اتحكمت فيه بالعافية عشان انا وعدت ريحان اني مش هتكلم
_ خلاص يا عامر دا قرار انا مطلبتش اقبلك عشان اقولك الكلمتين دول بس كان ممكن اقولهم لك علي الفون
بس انا قولت اجي عشان انهي الحوار خالص عامر خلصت متتصلش بيا تاني متجيش عند البيت متحاولش تتواصل معايا ولا بأي شكل
متسالش بابا عني
خاااالص يا عامر خاااالص لو معرفتش تنساني تناساني عشان انا مش عايزة اجرحك بكلمة
نزلت بمستويا شوية ناحية التربيزة واتكيت علي كل حرف بقوله
_ ابعد عني يا عاااامر خاااالص لو ليا جواك اي غلاوة ابعد عني بشكل كاااامل دا اخر كلام عندي
اتعدلت في وقفتي ورميته بنظرة اخيرة كلها وجع وقهرة وسبته ومشيت وقفلت صفحة عامر للأبد
فضلت ماشية مش حاسه انا رايحة فين لحد ما لقيت نفسي وصلت علي شط البحر
سرحت فيه وموجه هو جميل ساحر قريب منك بس بعيد غدار زي الناس
طلعت تلفوني وطلبت رقمه
_ ريحان
= ونس انتي فين اتصلت بيكي كتير
_ معلش كنت محتاجة اقعد مع نفسي شوية
= اهم حاجة انتي كويسة
_ مش عارفة...........انا طلبت من عامر يبعد عشان انا مش هقدر اسامح في الي عمله
= مش قادرة تسامحيه هو ولا مش قادرة تسامحي في الموضوع كله
سكت وسرحت في كلامه ياتري انا مش قادرة اسامح في اي
_ انبسط اني عرفتك يا ريحان
= ونس
_ شكرا اني مهنتش عليك افضل المغفلة المضحوك عليها
شكرا انك صحتني من الغفلة الي انا كنت فيها
= متعمليش كده يا ونس
_ دا الي لازم يحصل يا ريحان انا مش هعرف أسامحه ولا هعرف اكمل معاك ولا كان حاجة حصلت
مش هستحمل نظرتك ليا
= صدقني نظرتي ليكي مشوهاش اي حاجة
_ تقدر تقول كده تقدر تقنع قلبك كمان بكده بس عقلك لا غصب عنك هتفكر في الموضوع وهيتفتح تاني وانا مش هقدر استني اليوم دا
= لو سمحتي رجعي نفسك
_ نفسي هترتاح كده والموضوع هيعدي
= مش عارف
ابتسمت
_ دي بتاعتي انا
= ونس
_ سلام يا ريحان
قفلت وقفلت صفحة ريحان كمان بس عمر ما الجرح الي سبوه جويا ما هيتقفل ابدا
بصيت جنبي لقيت العرافة الي قبلتها مع ريحان قربت منها قعدت قدمها ومديت ليها ايدي
_ الي عملته صح ولا لا
بصت في عيني نظرتها كانت بتوسيني
مسكت كف ايدي بصت فيه شوية
ورفعت عينها بصت في عيني
♧ فوقتي
ابتسمت ابتسامة باهتة
_ فوقت بس اتأخرت
♧ عمر القدر والمكتوب ما بيتاخر يا بنتي
_ الي انا عملته صح
♧ محدش يعلم الغيب يا بنتي حتي انا
انا بس بحزر الناس عشان تعرفوا ان المكتوب مفيش منه رجوع
واذا كان علي الي انتي عملتيه فالوقت هو الي هيعرفك هو صح ولا لا المهم انتي مرتاحة
اتنهدت وابتسمت ليها وقومت وقفت
_ الوقت هيعرفني اذا كنت مرتاحة ولا لا
فضلت ماشية والابتسامة علي وشي معرفش دي إبتسامة راحة ولا انا خلاص لسعت
سمعت صوت فوني
_ ايوه يا سلمي
$ عملتي اي
_ اخترت
$ ها مين
_ كرامتي
$ يعني
_ يعني اخترت اني أكبر كرامتي يا سلمي بعدت عن الاتنين
$ يخربيتك الاتنين طيب ليه مخترتيش عامر مثلا
انا شايفة انو بيحبك جدا وعمل كده عشان يعرف انتي بتحبيه ولا لا
_ عامر عارف اني مش بحبه من زمان يا سلمي مكنش محتاج يتأكد علي الأقل بالطريقة دي
وحتي لو كان بيحبني زي منتي بتقولي
بيحبني بس شاكك فيا كان عنه شك اني ممكن اي واحد يجي يقولي كلمتين يوقعني
الحب من غير ثقة مش هيكمل عمره
$ طيب افرضي ريحان دا طلع كداب
_ انا فتحت صفحة عامر تاني يا سلمي ودروت فيها تاني لقيت ريحان متفاعل علي صور عامر وباين جدا انهم أصحاب
سكت شوية وابتسمت بحسرة
_ وخدي الكبيرة بقا
$ اي
_ انا فعلا شوفت ريحان قبل كده
$ ازي
_ شوفته في فرح اميرة كنت قايمة دخلة الحمام وخبط في حد لمحت وشه بس مركزتش فيه بس دلوقتي افتكرت اني خبط في ريحان نفسه
الدموع لمعت في عيني وانا براقب غروب الشمس
_ كسروني يا سلمي عامر حسسني اني واحدة مش كويسة باجي بسهولة
ريحان مع كل نظرة منو بتقولي انتي البنت الي ابن عمتها بعتلها صاحبه عشان يختبرها
نظرته كانت بتقتلني يا سلمي
وجعوني اوي حسسوني اني رخيصة انتي مش في مكاني ومش هتحسي بيا
مش هعرف اعادي مش هعرف
كان نفسي اصرخ في وشه اضربه اقوله عملت كده ليييه انا عملتلك اي انا مستهلش كده حتي صاحبك شافني مستهلش كده
بس مقدرتش انا وعدت ريحان مسكت صرختي بالعافية
$ طيب خلاص اهدي ونبي انتي نهيتي الموضوع خلاص إن شاء الله تنسي
_ أن شاء الله سلام دلوقتي يا سلمي
اخترت كرامتي شك عامر فيا مكنش هيحافظ عليها
ولا نظرت ريحان
معرفش الي عملته صح ولا لا بس اكيد هعرف
_ الو
$ انتي فين يا بنتي
_ علي البحر
$ اتعلقتي بالبحر انتي
_ هو سمع آول الحكاية واخرها
$ لسه فكرة الموضوع دا عدي سنه
_ مش عارفة انسي
$ ندمتي
_ كل ما الوقت يعدي بتاكد اني كنت صح
$ متعرفيش عنهم حاجة
_ عامر سافر بعد ما قبلني علطول اتصل ببابا وقله ان جه اسكندرية في شغل ومعرفش يجي يزورنا ومعرفش عنو حاجة من وقتها
ريحان معرفش عنه حاجة من آخر مره كلمته
وانا اصلا عملت للاثنين بلوك من كل حاجة
$ محبتيش حد فيهم
_ محدش فيهم كان حبه جويا أكبر من التاني يا سلمي
$ خدتي بنصيحة احلام في مسلسل حكايات بنات( لما تحتار بين حاجتين سبهم لان مكنش في حاجة منهم قوية جواك تخليك تخترها )
_ يمكن كده بس برضو انا لما عرفت ريحان اكتشفت انو صاحب عامر
ولما عرفت الحقيقة عرفت ان عامر صاحب ريحان
$ تقصدي اي
_ اقصد اني مكنتش هعمل فيهم كده دا صاحب دا ودا صاحب دا مش ابن عمتي وصاحبوا
$ مش فاهمة
_ يعني لما بصيت لهم بصيت علي انهم اتنين اصحاب بيحبوني واني لو اخترت حد فيهم هيخسروا بعض اكيد
$ يعني لو حد فيهم لسه بيحبك هترجعي
_ مظنش
خلصت كلام معها وسرحت في البحر عدي سنه
سنه وكل ما افتكر الموضوع احس نفس الإحساس
حزن كسرة غضب
لسه مأثر فيا
لسه مستنيه اليوم الي هشوف فيه عامر تاني لسه مستنية اليوم الي هوجهوا فيه واساله عمل كده ليه
لسه مستنية اليوم الي هقابل في ريحان صدفة واشكرة تاني
هما علموني درس درس قاسي بس مفيدة مينفعش ننجرف ورا مشاعرنا ونترجمها علي انها حب وخلاص
مينفعش نصدق اي حاجة بتتقال لمجرد اننا عايزين نصدق
الاهم مكنش ينفع أختار واحد علي حساب صاحبه
صاحبه لا
صاحبه لا
النهاية
تمت بحمد الله
واخيرا خلصت عارفة ان النهاية غير متوقعة بالنسبة ليكم واتا ناس كتير ممكن متحبهاش بس المشكلة هنا بقا ان القصة دي حقيقة مع شوية خيال بسيط وهي دي نهاية القصة في الحقيقة وانا محبتش اغيرها بصراحة
بنت_ااالليل
تعليقات
إرسال تعليق