القائمة الرئيسية

الصفحات

إسكريبت بقلم منة محمد(الكاتبة منة الشاعر)

 إسكريبت بقلم منة محمد(الكاتبة منة الشاعر)



إسكريبت بقلم منة محمد(الكاتبة منة الشاعر) 


اسكريبت

كنت قاعده بقلب في الفيس عادي...

فجأه لقيت مسدج من مجهول..
بيقولي ...

م تيجي نرجع زي زمان ..
ده حب مش قابل للنسيان...

خُفت و اتخضيت و اترعبت عرفته أه عرفته حسيت إن هو بس مش متأكده...
خايفه أرد
صراع بين قلبي و عقلي ارد و الا ما اردش

رن عليا كنت خايفه افتح..

بخاف من أي رقم غريب..
 رديت و ما اتكلمتش طلع أكتر حد قريب..

جسمي إترعش ما اتكلمتش 

كرر كلامه اكتر من مره و انا لساني وقف عن الكلام...
أصل اللي عمله زمان ما فهوش رجوع و ده أخر كلام..

قفلت السكه في وشه و إفتكرت الذكريات...
الذكريات الحلوه و الوحشه..
افتكرت حبه ليا و كلامه الحلو معايا

افتكرت اني كنت بثق فيه ثقه فوق الخيال...
خانها هو وعادي بالنسباله ده لعب عيال..

افتكرت كل حاجه افتكرت عصياني ل ربي و اتبعت شيطاني افتكرت كل حاجه افتكرت افتكرت افتكرت.....
افتكرت بعد م صدقت نسيت كل حاجه...
في الوقت ده قررت أبعد ابعد عنه خااالص

فوقت من تفكيري على صوت الفون و هو بيرن تاني بس ما ردتش..

فتحت واتس كنت متأكده إنه باعتلي حاجه ...
فعلاً لقيته باعتلي..

باعتلي....

الغلطه اللي غلطها من زماني مش هعيدها تاني...
إرجعي ليا ما تسبنيش أنا بحبك ي كياني....

حسيت بقلبي هيقف حسيت بحاجه غريبه...

دقات قلبي بقت سريعه ايدي بتترعش تعبت اااه تعبت...

كل ده وانا قاعده باصه في الفون و ما ردتش على ولا مسدج..

بعتلي تاني..
وحشتيني..
وحشتيني ي قلبي وحشتيني...
بعدنا كتير خلاص بقه كفايه رجعيني...
رجعيني ل حياتك تاني...
مش قادر أعيش من غيرك اكتر من كده تاني ...

دمعت اه دمعت عيوني دمعت من كلامه اللي أثر فيا..

مش عارفه اعمل اي..
مش عايزه اغضب ربنا من تاني...
وقتها حياتي هتتدمر تاني...

تعبت اااه تعبت 
تعبت من التفكير ..
سبتها ل رب التدبير...

فوقت تاني ع صوت مسدج تانيه بيقولي...

ردي عليا ما تسبنيش...
ما تعلقنيش...
بحبك ما تطنشيش...

رديت المره ده يمكن الرد قاسي عليه شويه...
والثقه اللي ادتهالك و خونتها. ..
كدبت عليا ليه وقتها...
ليه تعبتني و تعبت قلبي معاك..
ليه خليتني اثق فيك و بعدين تخونها ليه...

وثقت فيك أكتر من نفسي...
كنت بالنسبالي حياتي ...

حبيتك من قلبي و كان حب صادق...
بس اللي انت عملته خلاص ما بقاش في في قلبي حاجه تاني اتجاهك...

رد عليا يقولي...
انا عارف اني غلطت انا اسف إرجعيلي..
 انتِ كل ما ليا اوعي تنسيني...

عارف انك وثقتي فيا و انا غلطت لما قولتلك ما تخافيش مني مش هخذلك و خذلتك قولتلك ما تخافيش على نفسك منى بس انا ما كنتش قد الثقه بس وعد مني ليكِ هرجع تاني بس مش هخون ثقتك مش هقول ل حد ان احنا بنتكلم زي م عملت قبل كده..

سكتت و ما اتكلمتش مش هكدب بس كنت خلاص لحظه و هرجع تاني...

بعدها افتكرت اني وعدت نفسي و ربي اني مش هعصيه تاني...

لقيته باعتلي بيقولي اديني فرصه تانيه...
قولتله ابعد بقه و عيش برضاه ده دنيا فانيه...

قفلت و عملتله بلوك...
على الواتس و الفيس بوك...

قفلت قلبي للحلال و استنيت حلالي و نصيبي اللي ربنا كاتبهولي...

و فعلاً فضلت قافلاه ل حد م قبلت الشخص المناسب ليا انا بقيت متدينه..
 و ما بعصيش ربي بقيت واحده تانيه..

قفلت قلبي ل حد م قبلتك...

قابتلك لاقيتك نور ينورلى طريقى وياخد بإيدى 
حبك داوى الجرووح بقينا رووح

باسم الحب اللى مش فانى!
وكل ما بفكر ابعد عنك ألاقى القلب بيعانى ..
ألاقى اسمك ف نبض وريدى وصوت أنفاسك ف شريانى..
كتبت فيك الشعر بدل البيت مية وكل م أخلص بيت ألاقى غيره ف لسانى..

كأنى زليخة عشقت يوسف النبى ..
والعشق أصبح خمر وعطر تزيُّنى.. 
ما انا تملى بفكر فيك قلبى مبقاش فيا...

ولو يرجع الزمن بييا لهقابلك ..
عشان خاطر أكون جنبك أهل وانت أهل لياا...

إستني نصيبك و حلالك لغاية م يجيلك ل حد عندك و بلاش تهلكي قلبك بحاجات مش هتفيدك و تعصي ربنا عشان خاطر حاجات مالهاش اي لازمه...

اقفلي قلبك للحلال و استني نصيبك...
الحب و الارتباط ما فيش حاجه منه هتفيدك...

تمت...

بقلم_منه_محمد




reaction:

تعليقات