القائمة الرئيسية

الصفحات

إسكرييت بقلم نادية محمود

إسكرييت بقلم نادية محمود

إسكرييت بقلم نادية محمود


المريض اللي جوا عمال يكسر في الاوضه يا دكتور ساره
انا:طب ثوان هدخله
دخلت لقيت شاب طويل شعره كبير ودقنه كبير جسمه رفيع جدا تحت عينه اسود بدرجه كبيره جدا
انا:احم ممكن تهدي شويه انت متعصب ليه
بيلف نحيتي بعد ما بطل تكسير في الاوضه
انا:يوسف؟
يوسف:اه يا ساره
انا:انت ايه اللي جابك مركز علاج الادمان؟
دكتور يوسف اللي كلنا كنا بناخد منه ملخصات وحاسين أن ليه مستقبل كبير يبقي هو هو الشخص اللي ضيع حياته وبقي مدمن
يوسف:من حققك تقولي كلام اكتر من دا
علشان انت مش حاسه بوجع قلبي
مش حاسه بقهرتي وانا حاضن اختي بعد ما ماتت بس سواق كان أعمي.
هي اللي كانت بقيالي من ريحه امي
كانت السند والعزوه فرحها كان تاني يوم.
وانا روحت اخد حقي من اللي موتها طلع ابن ناس كبيره في البلد وحقها ضاع.
كنت بتقولي اني اشطر واحد فيكم وبتاخدوا مني ملخصات 
ليه انتوا نجحت وانا عدت السنه؟
ليه انتوا اتخرجتوا واشتغلتوا وانا مش لاقي شغل
الدنيا مش حباني يا ساره
انا:ودا يخليك ترمي نفسك الرميه السوده دي
يوسف بزعيق:انا جيت هنا علشان اموت
جيت هنا علشان سمعت ان في ناس وهي بتتعالج بتموت
انا:للدرجه دي يا يوسف؟
يوسف:تخرجي براا انا مش عاوز اشوف حد ابعدي عن وشي
انا:طيب خلاص خلاص

طلعت برا الاوضه
الممرضه:هنعمل ايه يا دكتور
انا:حطيه في اوضه لوحده علشان يطلع من جسمه القرف دا وانا هبقي أتابعه
الممرضه: ماشي

حاله يوسف هي من اسوأ الحالات اللي بتجيلنا واحد مش عاوز يتعالج علي قد أنه عاوز يفارق الدنيا ويمشي 
واحد الدنيا قست قلبه وغيبت عقله وخلته يمشي في طريق يا عالم منه راجعه ولا لا
انت مالك مهزوزه ليه؟
علشان كنت بتحبيه صح.؟
بس هو مش بيحبك يا ساره فوقي.

بعد مرور أسبوع
سامعه صويت في اوضه يوسف
بدخل جري اشوف في أي
يوسف وهو صوته رايح ومتقطع:مش قادر يا ساره ابوس رجلك هاتي البرشام بسرعه
جسمي اااه.جسمي يا ساره بتقطع من الوجع
انا بموت يا ساره الحقيني علشان خاطري

واقفه وببص عليه وعيني مليانه دموع بس مسكت نفسي
انا:متقلقش دي اعراض طلوعه من جسمك
هتبقي احسن أن شاء الله

مرت ايام وبقيت بقعد مع يوسف كل يوم حوالي تلت أو أربع ساعات كدا بحاول اخفف عنه واحسسه أنه مش لوحده
انا:قولي حاسس بأيه دلوقتي
يوسف:حاسس اني احسن
انا:طيب الحمد لله ايه رايك في الجنينه؟
يوسف:تعرفي اني بقيت اشوف كل حاجه بالاسود
انا:ليه كدا دي الجنينه دي فيها ورد احمر وكل الالوان هواها جميل 
يوسف:الكلام دا تقوليه لحد بيحب الدنيا انا كلها ايام وامشي
انا:تمشي تروح فين
يوسف:انا مليش وجود هنا
تقدري تقولي هعيش لمين ومع مين
هعيش لوحدي في البيت
ولا هرحع اشرب تاني علشان انسي
انا:انت بتشرب علشان تنسي
يوسف:اه نفسي انسي كل حاجه نفسي انسي نفسي
انا:ممكن تنسي نفسك وتبني حياه جديده بعيده عن كل اللي حصلك انت مينفعش تقع يا يوسف صدقني انت يعتمد عليك في حاجات كتير أن كنز لازم نحافظ عليه
يوسف:كلامك اللي بتشجعيني بيه دا ملهوش لازمه يا ساره

وقام ماشي وسايبني

هو ليه بيعمل كدا 
الواضح كدا أن الدنيا قسيت عليه اوي
مش عارفه أخرجه من اللي هو فيه
نفسي اشوفه يوسف بتاع زمان بس هو مش راضي أو مش قادر يواجهه

قمت ودخلت وراه الاوضه وبقول
انا:انت عارف ان كلها كام اسبوع وتخرج
انت حالتك اتحسنت اوي
يوسف:مش فارقه يا ساره مش فارقه
انا:ايه هو اللي مش فارقه طب انت تعرف انك هتطلع وهتبقي احسن من الاول كمان
مكانك مش علي سرير مريض
مكانك دكتور هنا والناس بتحترمك وتقدرك
الحياه جميله اوي يا يوسف بس انت اللي مصمم تشوفها باللون الاسود
ممكن تغيرها يعني مثلا انا بحب الأبيض اوي تيجي نغيرها سوا
فاكر زمان لما كنا في الجامعه كنت عامل ازاي
كنت شخصيه قويه ومحبوبه ماسك البالطو ولابس لبسك الشيك ونضارتك بيتهيقلي ان كل البنات كانت بتحبك
مش قادره اشوفك غير دكتور يوسف حاسه اني بحلم وان مش انت اللي قدامي.
يوسف: فاكر كمان نظرتك
انا:هقوم امشي
يوسف:صدقيني كنت غبي
انا:مش لازم نفتح القديم يا دكتور
يوسف:انت لو مسمحتنيش انا مش هسامح نفسي
انا:انا اسفه انا لازم امشي دلوقتي

قمت وخرجت برا الاوضه فكرني بحاجه بحاول انساها بقالي سنين
فلاش باك
يوسف:عامله ايه يا ساره
انا:بخير الحمد لله انت عامل ايه
يوسف:الحمد لله كنت عاوز اقولك حاجه كدا
انا بكسوف بعد ما شوفت عينه بتلمع:اتفضل
يوسف:الصراحه مش عارف اقولها لك ازاي بس انا..
انا:انت ايه
يوسف:بحب نوران
وشي قلب ومسكت دموعي بالعافيه وقولتله:بجد مبروك
انت جاي تقولي ليه
يوسف:علشان أنت صاحبتها اوي فاممكن تقوليها وكدا
انا:ماشي حاضر هبقي أقولها

يعني عينه كانت بتكدب كل نظرات الحب دي مكنتش ليا وكانت لنوران ربنا يسعده

قطع تفكيري صوت الممرضه
الممرضه:حضرتك كويسه
انا:اه كويسه
الممرضه:حالته بدأت تتحسن
انا:اه ممكن يخرج كمان اسبوعين 

بعد اسبوعين

يوسف:حاسس ان روحي رجعتلي تاني 
مش عارف اقولك علي كلامك اللي خلاني اقدر اقاوم
عارفه انا نفسي اخرج اعمل انجازات محدش عملها
شكرا لوجودك يا ساره
انا:مفيش شكر
هكتبلك علي مقويات لأن جسمك بدأ يختفي 
حط أيده علي ايدي وقال:لسه مضايقه مني
بسحب ايدي بسرعه وبقوله:هضايق ليه 
طالما انت مبسوط خلاص
يوسف:هشوفك تاني
انا:اه اكيد انا معاك في أي وقت
يوسف:طب هاتي رقمك
انا:ايه
يوسف:علشان لو تعبت
انا:ماشي

بعد سنه
كل يوم كنت بطمن عليه وبشوف نجاحه بفرحله جدا بقي اكبر دكتور لعلاج الادمان في الوطن العربي فتح مصحه لعلاج الادمان من غير فلوس.
سافر واخد كورسات في فرنسا وألمانيا 
رجع يروح الجيم ويهتم بنفسه
رجع احسن من الاول 
فخوره بيه جدا
مش عارفه ليه حاسه اني لسه بحبه؟

في يوم
يوسف:في مفجأه بما انك حد قريب مني ومش بخبي عنه حاجه
انا:خير ان شاء الله
يوسف:قررت اتجوز
انا:بجد مبروك ياعرب مين سعيده الحظ
يوسف:اجمل بنت شافتها عيني
انا:طب ابقي اعزمني
يوسف:اه اكيد انت في المصحه؟
انا:اه
يوسف:طب هيجيلك
انا:ليه 
يوسف:علشان اوريهالك
انا؛هي معاك؟
يوسف:اه معايا
عارفه هي في قلبي حتي لو مش معايا
انا:ربنا يخليكم لبعض
يوسف:صوتك ماله
انا:لا مفيش
يوسف:بصي كدا من الشباك اللي بيطل علي الشارع
روحت وبصيت لقيته ماسك ورد احمر ولابس بدله سوداء ونازل من العربيه 
بيكلمني في الموبايل وبيقول
يوسف:اوصفهالك
انا:طب ماتوريهالي اسهل
يوسف:لا هوصفها الاول
انا:قول
يوسف:عيونها سود شبه الليل في جماله
طويله وهبله كدا
بتحب شغلها اوي 
رفيعه بس مش اوي وبتروح الجيم كمان
كلامها يحببك في نفسك ويديلك دافع في الحياه
اجمل حد جه الدنيا اجمل حد دخل حياتي وعوضني عن حاجات كتير
انا:شوقتني ليها اوي
يوسف:هي انت
انا:ايه انا
يوسف:تتجوزيني
انا:ايه
يوسف: تتجوزيني
انا:اه طبعا
يوم كتب الكتاب
واقف وباصصلي وبيقول
تعرفي انك اجمل حاجه واني كنت اعمي لما محبتكيش في الجامعه
انا:اه عارفه
يوسف:ايه الصراحه دي
انا:..
يوسف:لسه بتحبيني من ساعتها
انا:عمري ما نسيتك
يوسف:بحبك
انا:انا اكتر

قام حاضني وقال"ولقيتك بتغير كل حياتي معرفش ازاي حبيتك معرفش ازاي يا حياتي"
#ناديه_محمود 
#تمت


reaction:

تعليقات