رواية من يا قلبي الفصل السادس بقلم سحر الجنايني

 رواية من يا قلبي الفصل السادس بقلم سحر الجنايني

رواية من يا قلبي بقلم سحر الجنايني

* من يا قلبي *

* الفصل السادس *

عشان بس الناس الي نسيت كنت واقفين لما ونس كانت بتفطر مع ريحان وبيتكلموا عن البنت والولد الي كانوا بيتخانقوا وونس لقت رقم غريب بيرن عليها وطلع عامر 

* بقلم سحر الجناينى *

• الإحساس الغريب ليس قبيح ولكنه ليس جميل أيضا *

فضلت اخبط علي الباب وانا مش علي بعضي

$ طيب طيب جااااايه .........كان لازم اعرف ان خبط المخبرين دا بتاع ونس وبس

كنت وقفه قدام باب بيت سلمي بنهج اول ما سبت ريحان طلعت علي بيتها جري 

دخلت وقعدت علي اقرب كرسي اخد نفسي

دخلت وريا بعد ما قفلت الباب 

$ طيب افرضي كان بابا الي فتح ولا ماما كان هيبقا شكلك اي

_ لا ...منا عرفة عرفة انهم في الوقت دا .....مش بيكونوا موجدين 

$ ااااه فقولتي بقا اخض سلمي واخيلها تقطع الخلف مش كده 

سكت وانا خلاص هعيط 

$ شكلك مش مريحني هببتي اي 

_ اديت رقمي الجديد لعامر

$ احيييييه ووو كملي كملي حسه لسه في مصيبة 

_ وكلميني وانا مع ريحان وريحان شك فيا وعامر

$ اي دا لحظة بس في اسم عدا كده غريب مكنش في الرواية ريحان مين دا 

 ظهر امتي دا 

اتكلمت ببرائه 

_ اي دا هو انا مش قولتلك  

$ لا يا حلوة مش قولتيلي  

حكيتلها كل حاجة من ساعة ما عرفت ريحان لحد مكلمة عامر 

$ انا دماغي لفت يا بنتي اي القصة دي دا اكيد بيضحك عليكي يا بنتي 

_ بس ازي يا سلمي دا عارف حاجات كتير عني مفيش غير أشخاص قليله الي تعرفها انتي ذات نفسك كنتي تعرفي حوار النوت الي بحطها في الشنطة 

$ لا 

_ اهو وكمان انا بنسي حاجات كتير يا سلمي وانتي عارفة ان ذاكرتي سمكة وبتضيعني 

_ ممكن برضو بس مقولتيش عامر قالك اي 

$ وحشني صوتك 

_ بس بقا يا ونس بتكسف 

خبطها بالمخدة 

_ بتتكسفي اي يا بتنجانه انتي بقولك قالي وحشني صوتك 

$ بس كده

_ ايوه لسه بقول الو لقته بيقولي وحشني صوتك حبيت بس اسمعوا وهقفل علطول واوعدك مش هضيقك باتصالاتي ...وقفل 

وبعدين ريحان سألني مين قولتله رقم غلط بس فضل يبصلي بشك حسيته مصدقنيش 

$ هييييييييح 

_ نعم

$ بصراحة الواد دايب فيكي وانتي حوله 

_ وحيات خالتك يعني انا جيالك عشان تقوليلي كده

$ امال جاية ليه

_ شوفيلي حل عيزاه ينسي حوار الحب داااااا 

$ اممممم طيب متكرهيه فيكي 

_ ازي

$ يعني مثلا تظهري انك إنسانة أنانية مادية حقيرة 

ضربتها بالمخدة تاني 

_ انا مادية حقيرة يا زبالة انتي

$ يا ستي بقول مثلا مثلا يعني خليه هو الي يخلع 

_ اممممممم طيب اعمل كده ازي 

$ بصي اتسهوكي 

_ نعم انا مليش في الجو دا اصلا 

$ مهو دا المطلوب انتي معروف عنك انك ملكيش في السهوكة فانتي تكلميه تقعدي تتسهوكي فهو يحس انك شخصية مش كويسة وهوب يخلع 

مكنتش متأكدة اني هعرف اعمل كده بس هحاول 

اتنهدت بقله حيله 

_ طيب

مسكت الفون ورنيت عليه تقريبا الفون ملحقش يرن اصلا ورد 

♤ الو ونس في حاجة انتي كويسة....... يا ونس مين معايا.... دا فون ونس صح..... هي كويسة الو ..ونس 

استغربت من نبرة الخوف الي في صوتوا 

_ انا كويسة يا عامر مالك خايف كده ليه

سمعت صوت تنهيدة جاية من نحيتوا 

♤ يااااا انا قلبي وقع لما شوفت رقمك بيرن افتكرت انك فيكي حاجة او ان جرالك حاجة وحد خد فونك ورن علي رقم من عندك عشان يلحقك 

 _ انا كويسة يا عامر ملوش لازمة كل دا 

♤ بصراحة متوقعتش أبدا انك ترني عليا بنفسك....لو مش معاكي رصيد اقفلي وانا ارن 

كتمت ضحكتي بالعافية 

ولقيت سلمي بتبرقلي وتهمس 

$ اتسهوكي ياختي 

حولت اخلي صوتي حزين 

_ مش للدرجة دي يا عامر 

♤ للدرجة دي واكتر والله 

_ انا كنت متصله بس عشان اعتزلك علي الصبح عشان اتصلت وقفلت وانا مردتش عليك

♤ انا عارف انك مكنتيش تعرفي اني هرن وانا مقولتش انا بس كنت عايز اسمع صوتك ولو بكلمه وحدة واقفل علطول 

سكت حاولت علي قد ما اقدر اخلي صوتي حزين ومسهوك زي ما سلمي قالتلي بس البعيد جبله 

♤ مالك يا ونس صوتك مش عاجبني حسك فيكي حاجة 

مش جبله اوي يعني 

_ مفيش مفيش يا عامر 

♤ لا في دنتي صوتك حزين جدا ونبرتك مش هي 

وه وه دا حافظ نبرتي كمان 

_ لا عادي الموضوع ميستهلش توجع دماغك بيه 

♤ توجعي دماغي انتي بتتكلمي بجد دنا بتمني توجعي دماغي يا ستي انتي اوجعي بس وملكيش دعوة 

اتلغبط ومعرفتش اقول اي 

همست لسلمي عشان تقولي اي حاجة 

$ اخترعي اي حاجة 

♤ ونس انتي معايا 

_ هأ اه اه معاك 

♤ يارب ديما معايا المهم دلوقتي مالك

_ احم ينفع يا عامر اقول لبابا عايزة اخد كورس ميرضاش ويقولي غالي 

همستلي سلمي بغيظ

$ وحيات طنط هو دا الي ربنا قدرك عليه 

بصيت ليها بقله حيله هو دا الي جه في بالي والله 

♤ هو دا الي مزعلك يا ونس 

حسيت الإستغراب في صوتوا 

_ وهي دي حاجة صغيرة يا عامر اني ابقا عايزة حاجة معملهاش هي دي حاجة صغيرة في نظرك 

صوتي كان رفيع وشكلي كان يضحك سلمي كانت حاطه ايدها علي بوقها 

♤ لا بس الموضوع ميستهلش يعني وممكن يكون الكورس دا غالي علي خالي فعلا 

_ لا مليش دعوة يتصرف انا عايزة اخد الكورس دا يعني عيزاه هه 

$ عاااااااا مش قادرة هههههههه

برقت لسلمي عشان توطي صوتها 

عامر كان ساكت حسيت ان عامر خلاص شافني وحدة أنانية وميهمنيش حد غير نفسي علي قد ما كنت مضيقة عشان عملت كده علي قد ما فرحت انو خلاص هيشلني من دماغوا 

♤ طيب بقولك يا ونس انا هقبض كمان يومين اول ما اقبض هحولك القبض كله او اجي انا ادهولك وبالمره اشوفك

الفون كان هيقع من ايدي من الصدمة وسلمي كمان تنحت لانها سمعت الي قالوا عشان كنت فاتحة السبيكر 

_ اي الي انت بتقوله دا لا طبعا 

♤ لا ليه بس انتي مش عايزة تاخدي الكورس دا وخالي مش هيقدر علي تمنوا خلاص خدي قبضي ادفعي فلوس الكورس وخديه طالما دا الي هيريحك ولو الفلوس مكفتش هتصرفلك في الباقي 

_ لا مستحيل اخد منك حاجة 

♤ ليه يا ونس 

_ هو كده معلش يا عامر خلاص انا مش مهتمه اوي بالكورس دا مش عايزاه خلاص فكك 

♤ يا ونس اسمعني بس انا مقدرش اشوفك عايزة حاجة وانا واقف ساكت كده لو سمحتي اقبليهم مني 

_ لا يعني لا يا عامر..... معلش انا لازم اقفل دلوقتي سلام 

قفلت ورميت الفون جنبي وانا محتارة ومخنوقة 

$ لا دا مش طبيعى دا لو حد قالوا ناخد روحك ولا ونس يستغني عن روحوا عادي انا عمري ما شوفت كده بجد

_ انا تعبت يا سلمي تعبت ازي ممكن حد يحب كده انا مش فاهمة اعمل اي تاني 

$ بصراحة لما حكتيلي علي الي عملوا معاكي في القاهرة انا افتكرتك بتبالغي بس بعد الي سمعتوا دا لاااااا انا ذات نفسي اتوجعت عليه 

_ بصي انا هروح انا مش هاخد منك حق ولا باطل اصلا 

$ طيب استني بس هتعملي اي 

_ مش عااارفة مش عااارفة 

سبتها ومشيت 

ياريت قلوب الناس كانت في ايدنا كنت شيلت حبي من قلب عامر او زرعت حبو هو في قلبي بدل العذاب دا 

* بقلم سحر الجناينى *

عدي كام يوم وانا مش بخرج ولا بكلم حد 

ولا سلمي ولا عامر ولا وحتي ريحان الي حاول يكلمني كذي مره 

لحد ما لقيت سلمي جيالي في يوم بتقولي انها فكرت فعلا اننا ناخد كورس عشان نشغل نفسنا شوية هي هتاخد كورس رسم وانا هاخد كورس لغة عربية عشان اتمكن اكتر من موضوع الكتابة دا كنا احنا الإتنين بناخد في نفس المركز ونفس الميعاد 

وفي مره واحنا خارجين 

_ مستحيل 

$ اي في اي 

= كنتي فاكرة انك هتهربي مني كتير 

_ ريحان 

= ايوه يا ستي ريحان الي داخ عليكي 

_ انت عرفت مكاني منين

= قدرات خاصة ..............اتفضلي 

_ اي دا 

اتصدمت كان مخبي ورا ضهره بلونه كبيرة كبيرة اوي كان مرسوم عليها وش بيضحك خلاني اضحك انا كمان 

= حاجة كده ترسم الضحكة الي وحشتنا دي

$ احم احم نحن هنا 

فوقت علي صوت سلمي الغلسة 

_ احم اه ريحان دي سلمي اعز اصحابي سلمي دا ريحان الي 

$ بتاع البلالين 

_ سلمي بس 

= هههههه لا عادي اتشرفت بيكي 

$ هييييييح وانا كمان 

قربت مني واتكملت في ودني 

$ يخربيتك دا قمر هو في كده 

جزيت علي سناني وانا بضحك 

_ هههههه اخرسي 

= طيب بعد اذنك ممكن اخد ونس منك شوية

$ ايوه طبعا خدها 

_ يا وطيه 

$ ههههههههههههه سلام يا صاحبي

مشيت سلمي وبصيت انا لريحان 

_ كنت عايزني في حاجة 

= كنت عيزها في اي كنت عيزها في اي يا ريحان  

اه عايز اخطفك يلا معايا

ومن غير ما أحس روحت معاه وصلنا شط البحر بحر اسكندرية بموجه وقصصه 

قعدنا علي الرملة قدام البحر وفضلنا ساكتين وفي ايدي البلونه الي جبهالي مش عايزة اسبها

= متعمليش كده تاني يا ونس

بصتلوا بستغراب 

_ هو اي دا الي معملوش تاني 

= اوعي تختفي تاني كده 

_ طيب وفيها اي 

اتعصب 

= فيها اي فيها اني كنت هتجنن عليكي مش عارف انتي كويسة ولا لا عقلي صورلي مين سيناريو لسبب اختفائك 

_ انت عرفت مكاني منين صحيح 

اتنهد

= هو دا كل الي همك ماشي يا ستي هقولك مشيت وراكي آخر مره اتقبلنا فيها لقيتك وصلتي عمارة كنت فاكرها العمارة الي انتي ساكنه فيها بس لما سالت البواب عليكي قالي انك بتجي هنا كتير بس لصحبتك الي ساكنه في الدور الثالث 

ولما معرفتش اوصلك روحت عند عمارة صاحبتك وشوفتها وهي نزلة وكانت بتكلمك في الفون مشيت ورها لقتها وصلت المركز الي بتاخدو فيه الكورس وشوفتك وانتي واقفه مستنيها بره كان هاين عليا اجي اسفخك قلم يا ونس بس مسكت نفسي ورحت جبت بلونه بدل القلم 

_ عملت كل دا عشان 

= يكش يطمر بس في الاستاذة بتاعت وفيها اي 

سكت ومن جويا إحساس غريب 

= ها بقا كنتي فين 

_ في الدينا 

= يا ولا انت يا عميق ..... بس برضو كنت مختفيه فين

_ ابدأ قررت انا وسلمي ناخد الكورس نسلي بيه نفسنا وكنت مشغولة فيه الفترة الي فاتت 

= تسلي نفسك وانا موجود ليه قصرت معاكي في اي انطقي قولي ردي عليا انا قصرت في اي

كانت طريقتوا درامية اوي فضلت اضحك وانا مش حسه بالدينا حقيقي كنت محتاجة الضحك دا 

مره وحدة سكت

= ضحكتك ترد الروح والله 

 اتكسفت وحبيت اقلبها هزار 

_ يا ولا يا رويح انت 

= رويح رويح يا ونس متهزريش تاني ونبي 

اي الاحراج دا 

_ احم ماشي

= انتي صدقتي يا ستي بهزر والله ههههههه 

_ هزارك بايخ زيك 

قلب مره وحدة وقرب مني وعينوا برقت 

= انا بايخ 

_ لا لا والله محصل انت بتتحول ولا اي 

= ااااااه

بصيت لقت كورة بتضرب في دماغوا وهو صرخ منها ومسك دماغوا 

بصينا انا وهو وراه لقينا شوية اطفال بيقربوا مننا 

₩ احنا اسفين يا عمو والله مكناش نقصد ممكن الكورة 

= مش براحة يا حبيبي منك له 

لقينا طفل منهم شكلوا مش زي سنوا خالص

€ هات الكورة ياض

= ياض انا يتقالي ياض 

€ اه ياض

= طيب استني بقا

وقام فضل يجري وراهم ويشيل فيهم ويرمي عليهم مايه 

وبعدين بدأ يلعب معاهم بالكورة 

لقيت واحد منهم بيقرب مني 

₩ ممكن تجي تلعبي معانا 

_ انا 

₩ اه انتي مش بتعرفي تعلبي كورة 

_ لا مش بعرف 

 قرب ريحان ومدلي ايدو 

= تعالي وانا اعلمك

_ بس 

= مبسش تعالي 

قربت منهم وربط البلونه في حجر عشان متطرش وبدأوا يرموا الكروة نحيتي شوية شوية وبدأت اتجاوب معاهم 

وفضلنا نلعب ونضحك كتير اوي نسيت عامر وريحان واحساس الذنب وركزت بس في ضحكت الاطفال دي 

خلاصنا لعب والاطفال كل واحد فيهم روح 

واحنا فضلنا ماشين علي الشط 

لقينا وحدة ست قاعدة وفي اتنين قاعدين قدمها ومن شكلها عرفت انها بتقرأ الكف 

فضلت بصلهم ومبتسمه 

= عايزة تجربي 

_ مش عارفة هي الحاجات دي حقيقة 

= الله اعلم 

قربنا منها بعد ما الإتنين دول قاموا وقعدت قدمها 

مسكت كف ايدي وفضلت تبص فيه وتبصلي وتبص لريحان 

♧ القلب 

_ مالو

♧ محتار متعذب بس غلطان 

_ مش فاهمة 

♧ الذنب عكسي 

_ اي

♧ الوجع اضعاف

= اي دا في اي

♧ الغريب قريب والقريب غريب 

فجأة البلونه الي كانت في ايدي طارت حولت امسكها معرفتش طارت بسرعة رهيبة 

♧ متحوليش سيبي الي يطير يطير 

سابت كف ايدي وانا مش فاهمة حاجة من الي قالتها كملنا مشي وكلامها بيرن في ودني عيني متعلقة في السما مكان ما البلونة طارت 

= هجبلك غيرها وسيبك من كلام الست دي 

_ انا عايزة اروح

= يعني انا جيبك هنا عشان افرحك اقوم اروحك زعلانة اكتر

_ مين قالك اني زعلانة بجد انا انبسط جدا انهاردة بس لازم اروح 

= طيب يلا نروح مشي بالمره اعرف طريق بيتك عشان لما تختفي وتحبي تتسلي بعيد عني تاني 

وصلني لحد البيت وانا لسه حسه نفس الإحساس الغريب 

دخلت اوضتي وغيرت هدومي ومسكت رواية اشغل نفسي بيها لحد ما انام لقيت فوني بيرن برقم عامر من ساعت ما كلمتوا عند سلمي وهو بيبعتلي رسائل كتير وانا مبردش بس مرنش ولا مره يمكن قلق عليا هو كمان 

هو ملوش ذنب هو كمان اقلقوا عليا كده 

رديت بهدوء 

_ الو

= ونس انتي بخير الحمد لله يارب الحمد لله اني سمعت صوتك انا كنت هتجنن من القلق عليكي بعتلك كتير مكنتيش بتردي اترددت كتير ارن عليكي مكنتش عايزك تزهقي مني انا شوية وكنت هجيلك انتي كويسة سمعني صوتك تاني كده 

_ عامر عامر اهدي انا كويسة انا بس كنت مشغولة الفترة الي فاتت معلش اعذرني 

= اهم حاجة انك كويسة 

_ كويسة متخافش

سكت شوية نفسوا بدأ يهدا 

♤ وحشتني 

_ ملوش لازمة الكلام دا يا عامر

♤ ليه يا ونس ملوش لازمة انتي ليه مش عايزة تحسي بيا 

_ انت الي ليه مش قادر تحس اني مش عارفة ابدلك نفس المشاعر ليه مش قادر تفهمني 

♤ انا فعلا مبقتش فهمك دماغي هتنفجر من التفكير فيكي

 قلبي مش عايز غيرك وديما يقولي اصبر هتحبك او هي بتحبك اصلا وبتكابر انا نفسي افهمك بجد يا ونس انا تعبت 

صوتوا كان باين فيه العياط انا الي وصلتوا للمرحلة دي انا السبب انا 

غصب عني عيطت انت كمان وانا بتكلم 

_ انا اسفة يا عامر لو سمحت افهم اني مش عارفة والله مش عااارفة 

سكت وسكتوا ذاد وذاد عذابي اكتر بس كان لسه بيعيط 

♤ تمام يا ونس انا هفهم وو 

سكت تاني واخر كلمه قلها قبل ما يقفل الفون 

♤ وقريب هتسمعي خبر انتحاري!!!!!!!!

 اتخضيت وقلبي وقع في رجلي صرخت في الفون وفضلت انادي عليه 

_ لا يا عامر انتي بتقول اي عااامر عاااامر انت سامعني لااااا 

جربت ارن عليه تاني فونوا معلق اترميت علي السرير وفضلت اعيط وانا كتمه صوتي في المخدة

_ انااااااا اسفة يااااا عااامر ااااااسفة اااااااسفة ساااااامحنيييي يااااااارب ميعملش كده يااااارب   

خلص الفصل...

لمتابعة الفصل السابع إضغط هنا