رواية من يا قلبي بقلم سحر الجنايني
رواية من يا قلبي بقلم سحر الجنايني
من يا قلبي الفصل الأول
♤ انتي يا هانم انتي يا ابلة خدي يا بت
_ انت بتكلمي انا
♤ لا بكلم الي وراكي
_ انت مين
حسيتوا اتصدم كده
♤ اي تا اي تا انتي بجد مش عارفني
_ خير الأستاذ رئيس الوزراء ولا حاجة
♤ حد الله
_ مغني
♤ تؤتؤ اهم
_ ممثل
♤ تؤتؤ اهم اهم
_ ايوه يعني مين يعني
♤ انا عامر
كان دوري بقا اتصدم
_ اي تا اي تا بجد انت عامر انا مش مصدقة
عامر مين !!!
لسه هيرد عليا سمعت صوت جاي من وريا
/ انتي جيتي يا ونس
لفيت وريا لقيت عمتو بتقرب مني وحضنتني
_ ايوه يا عمتو لسه وصله
/ وحشتني يا قلب عمتك يااااااااااا يا ونس كبرتي اوي
_ وانتي كمان وحشاني يا عمتو احنا بقالنا تسع سنين مشفناش بعض اكيد هكبر امال هصغر يعني
مستفزة اوي حركة قرصة الخدود الي عمتو بتعملها دي
/ هههههههه كبرتي بس لسه لمضة زي منتي
بصتلها وسكت بس لاحظت نظرة الإنسان السمج الي واقف يبحلق فيا دا
_ هو مين دا يا عمتو
وقبل ما هي ترد رد هو
♤ ما قولتلك انا عامر
/ عامر ابني يا ونس انتي مش فكراه ولا اي
_ الحقيقة لا
/ ازي دنتو يما لعبتوا سوا وانتو صغيرين
اكيد كنت طفلة متخلفة
♤ معلش يا ماما تسع سنين مش شوية برضو
/ طيب يلا هات شنطة بنت خالتك دخلها يلا يا ونس ادخلي عشان تستريحي شوية
لسبب ظروف عائلية بقالي تسع سنين مشفتش عمتي
هي عايشة في القاهرة سابت اسكندرية لما اتجوزت
كانت بتجلنا زيارة بس من تسع سنين حصلت خناقة كبيرة بنها وبين ماما ومن سعتها مجتش إسكندرية تاني
علاقتها انقطعت بينا بابا بس الي كان بيتواصل معاها من بعيد عشان ماما متزعلش
دخلت الاوضة الي هقعد فيها في بيت عمتي اترميت علي السرير اول ما دخلت
_ ااااااااه هموت واناااااام
الباب خبط
_ اه بدأنا بقا
فتحت لقيت بنت في وشي
^ انتي ونس
_ وانتي أميرة العروسة
حضنتني
^ وحشتني يا بنت الايه بقالي سنين مشفتكيش
_ وانتي كمان وحشاني
^ حيث كده بقا يلا غيري هدومك عشان تجي معايا هنشتري شوية حاجات من بره
مين والسرير الي بينادي دا مين يلبي ندائه
_ بس
^ ولا بس ولا حاجة يلا انا هستناكي بره
سبتني وخرجت هي سفريه بيضة من أولها
كل الي انا فكراه انا عمتي كان عندها ولدين وبنت واحد منهم السمج الي قبلتوا بره
والتاني لسه مظهرش بس افتكر ان بابا قال انو اتجوز
والبنت الي فرحها كمان اسبوع اميرة ودا كان سبب سافري من اسكندرية للقاهرة
بابا اقنع ماما اني لازم ارجع اتواصل مع عمتي تاني مش هنفضل كده كتير
وكان اول محاولة للتواصل فرح اميرة سافرت اقعد معهم الأسبوع الي قبل الفرح كله
وبابا يجي قبل الفرح بيوم وشكلوا اسبوع مش هيعدي بسلام
/ عااااااااااااامر يلا عشان تروح مع اختك
رد عليها من اوضتو
♤ لا يا ماما بنتك لفافه وبتدوخني معها وبتشيلني علي قلبي شنط قد كده
/ يلا يا عامر مينفعش تروح هي وونس لوحدهم يابني
مره وحدة لقينا إعصار خارج من الأوضة بيلبس الكوتشي
/ براحة يبني هتقع علي وشك
♤ انا جاهز يلا بينا
^ اممممممم مش عادتك اللهفة دي في الخروج معايا يعني ولا انت مش ملهوف عليا انااا
كانت بتتكلم وهي بتبصلي بجنب عنيها
♤ لا بقولك اي انتي ليكي شيل ولا بحلقة خليكي في نفسك
اتحركنا وطلعت اميرة فعلا لفافة بس دي اول مره الف في القاهرة الموضوع مكنش وحش اوي غير بس نظرات عامر دا وتلميحات اميرة
قعدنا في كافية نشرب حاجة طلبنا المشاريب وفون اميرة رن وقمت ترد بعيد
لفت نظري تلاجة في الكافية كانت مليانه شوكولاته فضلت متنحة لأنواع الشكولاتة الي فيها كانت كتير وشلها يهبل والاكيد ان طعمها قمر
ولأني من عشاق الشكولاتة فضلت بصلها مختش بالي من الجرسون الي جاب المشاريب ولا من الي قاعد قدامي
رجعت اميرة قعدنا شوية واحنا ماشيين كنت آخر واحدة اخرج لقيت حد بينادي من بعيد لفيت لقيت الجرسون الي جبلنا الطلبات
احيه هما مدفعوش وانا الي هلبس ولا اي
" اتفضلي
مدلي بوكس كان في ايدو خدتها وفتحتها واتصدمت كانت البوكس مليانه شوكولاته كل الانواع الي في التلاجة كلمت
الجرسون وانا لسه متنحة للبوكس
_ اي دا
_ الاستاذ الي كان معاكم وصاني اديكي الشوكلاته دي وانتو خرجين واديكي دي كمان
كانت ورقة ادهالي ومشي
) كان شكلك حلو اوي وانتي متناحة لتلاجه الشكولاتة بس اوعي تقولي لأميرة اني انا الي جبتهالك لتقولي هتلي بوكس انا كمان استري عليا الله يخليكي )
ضحكت غصب عني مطلعش سمج لا
روحت وراهم والابتسامة علي وشي اول لما بصتلوا غمزلي وضحك لفيت وشي وضحكت وروحنا
عدا ثلاث ايام وانا عند عمتي اتعرفت فيهم علي أحمد اخو عامر الكبير ودنيا مراته وسما بنتهم وبقينا اصحاب انسانه طيبة اوي وتخش القلب علطول
في الفتره دي قربت من عامر اوي اصحي الصبح افطر مع عامر فين ونس مع عامر
رايح فين يا عامر افسح ونس
ونس تعالي معايا عند الجيران
ونس تعالي معايا المطبخ
ونس اي رأيك في التشريت دا
عامر عايزة ايس كريم
عامر هات الهاند فري بتاعتك
روح يا عامر هات عيش تعالي معايا يا ونس
قبل الفرح بيومين روحنا شقه اميرة عشان نفرشها
كنت شيلة أباجورة عشان احطها في اوضة الاطفال فلتت من أيدي غصب عني ووقعت بس الحمد لله محصلهاش حاجة
سمعت صوت أحمد من وريا وهو بيزعق
¥ مش تحاسبي يا ونس افرضي انكسرت
لفيت عشان ارد عليه عامر سابقني
♤ في اي يا أحمد ما البتاعة سليمة اهي وقعت غصب عنها مهي تقيله برضو
أحمد بصلوا بصدمه
¥ هي مين دي الي تقلية الاباجورة
♤ ايوه يا سيدي تقيله عليها
محمود بصلوا ورجع بصلي وسكت وسبنا ومشي
_ اي يا عامر الي انت قولتو دا مينفعش وبعدين اباجورة اي الي تقلية
ولسه بمد ايدي عشان اشلها قرب مسكها مني
♤ وانا بقول تقيلة ولو سمحتي بقا ممكن تقعدي ومتتعبيش نفسك
_ هههههههه اتعب نفسي اي يبني هو انا عملت حاجة
♤ يا ستي اسمعي الكلام وخلاص
_ لا يا عامر انا عايزة اساعدكم مليش دعوة
لسه هيرد عليا دنيا مرات احمد سبقتني
* طيب خلاص خلاص انتو هتتخنقوا بصي يا ونس سما نامت وانا نيمتها في اوضة الاطفال بس خايفة تصحي ممكن تخشي تقعدي جنبها عشان لو صحيت
وبعدين بصت لعامر
* وانت يا استاذ عامر ممكن تعقد معاها تحرسها لسما تعضها ولا حاجة
بصلها بغيظ وهي بتضحك وسبتنا ومشيت
دخلت اوضة الاطفال وقعدت علي كرسي جنب الباب ودخل هو قعد في وشي علي كرسي الناحية التانية من الأوضة كانت سما بنت دينا ومحمود نايمة علي كرسي جنبي لانها طفلة لسه عندها سنه
فضلت سرحانة كل الي هنا وخدين بلهم من تصرفات عامر معايا عمتي واميرة ودنيا واحمد كلهم بيعلقوا كتير علي تصرفاته انا يمكن مش وخدة بالي من الي هما يقصدوه او عمله نفسي مش وخدة بالي
مسكت فوني العب فيه وهو كمان كان ماسك فونه
♤ جعانة
_ لا
♤ تشربي حاجة
_ لا
♤ بردانه
_ لا يا عامر
♤ طيب تحبي
_ انت عايز اي يا عامر
بصلي كانت عينوا بتلمع وابتسامة صافية علي وشه
♤ عايز سلمتك
_ الله يسلمك واسكت بقا لسما تصحي
♤ حاضر
كان طيب طيب اوي والي لحظتوا انو كده معايا انا بس
بيضحك ليا انا بس
بيهزر معايا انا بس
الحاجة الي بقولها بيعملها بابتسامة
مش بيرفض ليا طلب
في نفس اليوم بعد ما روحنا من بيت اميرة كنا قعدين كلنا دنيا جت قعدت جنبي
* بقولك يا ونس انتي تعرفي رمز فون عامر
_ لا وهعرفوا منين
* أمممممم يمكن لأنك بقيتي اقرب وحدة ليه
_ انا
* ايون
_ ازي وانا مبقاليش اسبوع هنا
* يعني اني مش وخدة بالك من تصرفاته انا اول مره اشوف عامر كده
_ واللهي انا مش وخدة بالي غير من انكم مافورين الموضوع اوي
* اوووف طيب انا كنت مصورة سما كذا صورة علي فونه وعايزة ابعتهم عندي خدي جربي افتحيه كده
خدت منها الفون وجربت افتحوا كان عملوا رمز كلمه بالإنجليزي
_ مش عارفة
* طيب جربي اسمك
_ نعم
* زي ما بقولك جربي اسمك علي اما اروح اشوف الأكل واجي
سبتني ومشيت دي اكيد مجنونة اسم مين الي عملوا رمز لفونو اكيد لا طبعا
الشيطان لعبي في دماغي كتبت اسمي بالإنجليزي فعلا وانا جويا بقول لا مستحيل
اتصدمت لما الفون فتح فعلا
اي دا عامل اسمي رمز لفونو حسيت اني بطير من الفرحة احساس حلو اوي
فضلت اقلب فيه شوية واتصدمت من الي شوفتو في الفون واتعصبت اي الي انت شيفاه دا
فجأة الفون اتسحب من ايديايدي
لمتابعة البارت الثاني إضغط هنا
تعليقات
إرسال تعليق