رواية زهرة الأسد الفصل التاسع بقلم منة مصطفى
رواية زهرة الأسد الفصل التاسع بقلم منة مصطفى
رواية زهرة الاسد
البارت التاسع
: بس بس خلاص هتفضحينا فى الكومبوند
شيماء : انت مين وعايز منى ايه
الشاب : انا منة يا شوشو
شيماء : منة مين
منة : انت تعرفى كام منة فى الدنيا
شيماء : طيب منة بنتى ازاى يعنى انت جاى تهزر معايا يا عم انت
منة : يالهوى عليا وعلى سنينى السودة يعنى مش عارفة تميزى صوت بنتك
شيماء : هو الصوت ده صوت بنتى لكن الشكل ده شكل ولد اصدق اذاى بقا
منة بزهق : بصى يا ماما انا هبقا اسر بالشكل ده يعنى انا عملت فى نفسى النيولوك الجامد ده علشان لما اظهر وسط عيلتى اظهر كده
شيماء : يا بنت اللئيمة بس انت هتقدرى تمثلى قدامهم انك ولد
منة بغرور مصطنع : ذى نا قدرت امثل عليكى هقدر امثل عليهم
شيماء : ماشى طيب انت هتقعدى بيه كده
منة : اه هقعد بيه لحد ما يجوا يا خدونا ويلا بقا اتصلى بجدو قوليله ان انا وافقت وانه يجى يخدنى بكرة
شيماء: انت ماصدقتى عايزة تهربى
منة : والله لا يا ماما بس بجد انا عايزة اشوفهم بسرعة
شيماء : خلاص يا بنتى انا بهزر
منة : اشطات يا شوشو انا خارجة دلوقتى راحة للعيال لانهم مستنيينى بقالهم ساعة ولسة اصلا محكتش لهم حاجة
شيماء : ماشى يا حبيبتى لا اله الا الله
منة : محمد رسول الله سلاموز
ومنة مشيت وشيماء رنت على سعيد وقالها انه هو هيجى ياخدهم بكرة
★★★★★★★★★٭★★★
عند اسد
اسد : هو انت هتفضل لازقلى كده ذى الغرا
فهد بصوت انوثى : لو مش عجبك طلقنى
اسد : طيب روحى وانت
فهد بمقاطعة : لاااااااا طيب واولادك هتتبر منهم يا ندل
اسد : ولا خلاص بقا تعال نخرج
فهد : نخرج نروح فين
اسد : معرفش ياعم حتى لو هنلف بالعربية
فهد : ماشى انا هدخل البس اهو
اسد : ماشى وانا كمان
فهد : بس ونبى بلاش تقعد ساعة ذى عادتك
اسد ببرود : ملكش دعوة
ودخلو لبسوا ونزلوا
سعيد : رايحين فين كده
فهد : الاستاذ اسد عايز يخرج شوية لا وهو اللى قايل كمان
سعيد : طيب مرات عمكم كلمتنى وقالتلى انها قالتله
اسد : وبعدين
سعيد : انا قلتلها ان احنا هنروح نجيبهم بكرة
اسد : يعنى حضرتك عايز تقولى ان نجهز نفسنا ان احنا هنروح نجبهم بكرة ؟؟؟
سعيد : يالضبط كده
اسد : تمام بعد اذنك
وخرجوا قعدوا يتمشوا بالعربية شوية
**************************
فى الكافية
عليا : والله انا مش عارفة الحيوانة دى مش عايزة ترد ليه
سارة : طيب ما تجربى ترنى على شوشو
عليا : بطلى غباء اكيد رنيت مغلق برده
مريم : طيب هنعمل ايه
عليا : لما تيجى بس الجزمة دى
منة جت وقعدت وقالت بصوت راجل : اذيكم يا بنات
مريم : انت مين اصلا
عليا : انت لسة هتسأليه قوم ياض من هنا
منة : اهدوا بس كده
سارة مسكت السكينة وقالت : اقسم بالله لو ما مشيت حالا لكون مرتكبة جريمة قتل حالا
منة بصوتها الطبيعى : اهدوا يا ولاد المجانين انا منة
مريم : منة ازاى يعنى انت بتستهبل يا روح امك
منة : والله العظيم انا منة بس انا عملت فى نفسى كده علشان حكاية كده هحكيهالكم
عليا : بصوا يا جماعة هى باين ان هى منة
سارة : طيب عملت فى نفسك كده ليه
منة : والله عايزة اقول بس انتم مش سايبين فرصة لحد يتكلم
مريم : اللهم طولك ياروح بت انجزى واحكى
منة : حاضر بس مش قبل ما سارة تسيب السكينة
سارة بعد ما سابت السكينة وقالت: سورى مخدتش بالى يلا احكى بقا
منة : يلا جاهزين
عليا ضربتها بالقفا وقالت : بت انجزى بقا ايه الزهق ده
منة : خلاص براحة ايه ده انت ايدك مرزبة
بصوا بقا انا لما روحت كده الصبح كنت حاسة ان شوشو فيها حاجة ف.................
نسيبهم بقا تحكيلهم
********************★**
فى القصر
زياد قاعد فى اوضته بيفكر فى مريم
زياد فى نفسه : اه يا مريم شكلى حبيتك ولا ايه اففف بقا لان وضعى كده غريب انا عمرى ما اتشديت لحد كده ولا عمرى فكرت فى حد كده ولا غيرت على حد اصلا يبقا ده معناه ايه
هنا من وراه : يبقا بتحبها يا بيضة 😁😁
زياد : انت واقفة هنا من امتى
هنا : من ساعة انا عمرى ما اتشديت لحد كده ههههههههه بس ايه يلا طلعت رومانسى اهو
زياد : طيب انت تفتكرى ان انا بحبها
هنا : بس انا من حيث خبرتى بقولك اه لا
زياد : وحياة امك فهمت انا ايه بقا من اه لا بتاعتك دى
هنا : بص يا يا زياد انت ممكن معجب بجمالها او يعنى معجب بيها لكن مش بتحبها
زياد : طيب اعمل ايه بقا انا دلوقتى
هنا : انا مش هقولك روح اتعرف عليها والكلام ده لان كل الكلام ده حرام شرعا لكن احسن حاجة لو عايز تتعرف عليها لازم تتعرف عليها بس بالاصول واللى هو انك تروح تطلب ايديها
زياد : يعنى بذمتك هروح وانا لسة مخلصتش الكلية ولا اشتغلت
هنا : انت كده كده هتخلص كليتك وتشتغل مع اسد لكن فعلا انت بتقول صح انت مش هينفع تروح تتقدملها دلوقتى استنى لما تخلص امتحاناتك كده كده انت فى اخر سنة وتروح تتقدملها ولحد ماتروح ملكش اى احتكاك بيها ولا تتكلم معاها
زياد : بت انت من امتى وانت بتتكلمى كده محسسانى انى قاعد قدام شيخ
هنا : هههه علشان تعرف قمتى
زياد حضنها وقالها : انت احسن اخت فى الدنيا
هنا : ايدك بقا على شيكولاتة مش انا احسن اخت فى الدنيا
زياد زقها بعيد وقالها : وارخم اخت فى الدنيا برضو
هنا بتذمر : يعنى انا رخمة وعملت نفسها بتعيط اهئ اهئ
زياد وهو بيزقها بره الاوضة : طيب طيب هبقا اجبلك وبلاش تمثيل علشان انت فاشلة
هنا : طيب ه....
زياد كان قفل الباب
هنا : كتك الارف يا شيخ 😠
(ملحوظة )
(هنا الوحيدة اللى محجبة ولابسة الخمار)
************************
عند اسد
فهد بزهق : انت هتقعد تلف بالعربية كده كتييير
اسد ببرود : اه
فهد : طيب ما تيجى نروح اى مكان
اسد وقف العربية وقال ببرود : اتفضل انا مش هنزل
فهد بغيظ : ايه يا بنى البرود ده
اسد : هتنزل ولا لا
فهد : هكمل معاك يا اخويا مش عارف والله انا ايه اللى مصبرنى عليك فينك يا منة
اسد بغيرة : انا مش قولتلك متنطقش اسمها تانى
فهد : ايوة قلتلى بس مش فاهم ليه بصراحة
اسد زقه من العربية وقاله: معنك مفهمت وانزل بقا علشان متغباش عليك
اسد مشى بعربيته وساب فهد
فهد : كتك الارف فى شكلك يا شيخ وبعدين هو متدايق اوووى كده ليه انا مالى بقا طيب اروح انا على فين اممممم اتمشى شوية وبعدين اروح
********************
فى الكافيه
منة : بس يا بنات ده اللى حصل
عليا : يعنى حصل كل ده ومتحكليش
منة : يا بنتى والله لسة ماما قايلالى انهارده
سارة : بس اول واحد حكيتيله مين فارس صح
منة : طيب ما اعمل ايه ما انتم عارفين ان هو اللى هيقدر يساعدنى
مريم : والله يا ست منة يعنى احنا مش هنقدر نساعدك
منة : والله انا مقولتش كده انا بقول يعنى ان هو اللى كان هيعرف يعملى اللوك ده ويعملى بطاقة باسم اسر محمد السيوفى
عليا بعصبية : بت انت تخرصى بقا وانا اصلا مخصماكى ومشيت
منة : عليا يا بنتى اهدى
مريم : انا كمان علفكرة
سارة : سلام يا منة
منة راحت وراهم علشان تلحقهم وقالت بصوت رجولى علشان محدش من الكافيه يشك فى حاجة : يا بنات عليا يا مريم استنى يا سارة
هما كانوا بيمشوا بسرعة اووووى
كانت فيه عربية جاية بسرعة فخبطت سارة
منة بصراخ : سااااااااارة
كلهم راحوا يشوفوها وكانت العربية مشيت
والناس كلها اتجمعت وخادوها على المستشفى
منة : لو سمحت عايزين دكتور بسرعة
الممرضة : اتفضلى معايا
والممرضة خدتها للدكتور
الدكتور : ممكن تتفضلوا برا علشان اشوفها
خارج الغرفة
مريم بزعيق لمنة : انت السبب فى كل ده
منة : طيب انا مالى
مريم : مسمعش صوتك بقا واتفضلى احنا مش عايزينك تقفى معانا
عليا : مريم منة ملهاش سبب فى حاجة وانت عارفة كده كويس احنا اللى كنا بنعمل مقلب على منة يبقا احنا السبب مش هى
مريم بتنهيدة : انا اسفة يا منة بس والله الكلام طلع غصب عنى
منة بحب : ولا يهمك يا قلبى انت عارفة ان انا عمرى ما ازعل منك ممكن نروح نصلى وندعليها
وراحوا صلوا ورجعوا
عليا للممرضة : لو سمحت هو الدكتور خرج
الممرضة : لا يا فندم لسة
مريم : تمام شكرا
منة بقلق: طيب هو بيعمل ايه ده كله بس
مريم : معرفش بقا
موبايل مريم قاعد بيرن
مريم : معلش يا جماعة هرد عليه واجى
مريم : الو يا محمد
محمد : ايه يا بنتى مش بتردى عليا ليه ومال صوتك
مريم ببكاء : سارة يا محمد سارة
محمد بقلق وصراخ : مالها سارة انطقى حصلها ايه
مريم بصوت متقطع : فى عربية خبطتها وهى دلوقتى فى مستشفى ......
محمد بصدمة : ايه انا جى حالا سلام
ومحمد جه فعلا
محمد : الدكتور قالكم ايه
منة ببكاء : الدكتور لسة مخرجش اصلا
فى هذه اللحظة لقوا الدكتور خرج
محمد : ايه يا دكتور طمنا
الدكتور بحزن : احنا عملنا كل اللى نقدر عليه بس للاسف ..........
وبس كده يا حلوين تفتكروا سارة حصلها ايه
فين الباقي بليز ممكن التكمله
ردحذففين الباقي بليز التكملة جميلة بس بليز كملي
ردحذفكملوهاااااا بليزز
ردحذف