رواية غرام الزين الفصل التاسع بقلم مروة النشار
رواية غرام الزين الفصل التاسع بقلم مروة النشار
روايه غرام الزين
البارت التاسع
جاسر : اولا كده هاتى الموبيل ده
غرام : ليه
جاسر : هغير الشريحه علشان ميعرفش يوصلك
انا وزهره قررنا نسافر معاكوا انتوا لسه صغيرين بردوا على السفر لوحدكم
اسراء: بجد ده هيبقى احلى سفر فى حياتى
غرام : شكرا جدا ي بابا بجد مش عارفه اقولك اى
زهره : لسه علشان ورق السفر يجهز قدامنا حوالى خمس ايام
تحولوا فى الخمس ايام دول متخرجوش كتير ولا تستعملى حساباتك على السوشيال ميدا كتير
غرام: اطمنى ي طنط انا كده كده معنديش اى حساب على السوشيال ميدا لإن انا لسه جايبه التليفون ملحقتش اعمل عليه حاجه
جاسر : استأذن انا بقى علشان اروح اظبط ورق الشغل قبل السفر
الكل : ربنا يوفقك
_______________________
ايمان اخدت رقم الحارس اللى مع فهد فى العربيه
اتصلت كذا مره بس مش بيجمع علشان كان الطريق مش بيبقى فيه شبكه
قعدت تتصل بزين ولاكن زين هو كمان بيقفل التليفون قبل اى اجتماع
قعدت تفكر ومش عارفه تعمل اى
وبعدين افتكرت أنهم عندهم صفقه مهمه انهارده وهتكسبهم فلوس كتير
رجعت فى كلامها أنها تعرفهم موضوع غرام
وقررت تعرفهم لما فهد يتصل عليها بعد الاجتماع
همسه قاعده ولا على بالها اى حاجه وحاولت تعرف مكان غرام لاكن معرفتش
______________________
عمار كان بيجهز نفسه علشان ينزل الشغل
لبس ونزل اول حاجه عاملها أنه راح عند البحر لاكن ملقاش حد قاعد
ركب عربيته بحزن ومشى
وقفت العربيه قدام شركه الاسيوطى
ونزل عمار الشرقاوى بكل هيبه وفخامه من عربيته ولبس النضاره السوده بتاعته ودخل الشركه الكل كان بيبص عليه
زين : أهلا ي استاذ عمار اتفضل أنا زين الاسيوطى والدى فهد الاسيوطى
عمار : اتشرفت بمعرفتك
زين: انا اكتر اتفضل
راحوا اوضه الإجتماعات
دخل زين وعمار
فهد كان فخور بابنه
عمار : السلام عليكم
فهد وادم : وعليكم السلام اتفضل
عمار : دخل وقعد على الكرسى بكل هدوء واحترام والكل قعد وزين قعد جنب فهد
زين بهمس : اخوك وابنه اللى انت طالع بيهم السما فين مش شايفهم
فهد بغيظ: تلاقيهم فى زحمه الطريق
زين : ماشى اما نشوف اخرتها
فهد : شاور لادم بمعنى أنه يتصل ب عدلى
ادم : راح على جنب ولسه هيتصل دخل عدلى ومنصور
اتغاظوا اوى لما شافوا زين قاعد فى وشهم
عدلى : معلش احنا اسفين على التأخير
عمار : عادى ولا يهمك
قعدوا والمحامى بتاع كل طرف موجود وبدؤا يتناقشوا فى الموضوع
وخلاص كانوا اتفقوا
زين: معلش انا كنت عاوز أوضح حاجه
وبعدين بص على فهد تسمحلى ي أستاذ فهد
فهد : اتفضل ي أستاذ زين
زين : قام وشغل الشاشه وبدأ يشرح وجه نظره وكان عنده فكره تانيه غير اللى منصور ابن عمه قالها
والكل اعجب بها جدا وعمار وافق عليها وغيروا الفكره
منصور كان قاعد باين عليه الغضب وبينظر لزين بتوعد وغل
لاحظ ادم وعمار نظراته
ادم فى نفسه: يخربيتك ي زين كان لازم تقف فى ديه اللهم احفظنا من اللى هيحصل بعد الاجتماع
عمار : يخربيتك تعبيراتك ي اخى انا ك عمار خايف من نظراتك ديه
فهد : يلا ي جماعه علشان نمضى الورق
عمار : على بركه الله
عمار مشى
منصور بغضب : يعنى انت عاوز تثبت انك احسن منى وده مش حاصل انا بقولك اهو انا احسن منك ي زين
فهد : منصور متنساش أن زين ابن عمك وليه أسهم في الشركه وليه الحق أنه يبدى برأيه ومفيش حد احسن من التانى كلنا زى بعض فاهم
فاااهم
منصور بغيظ : فاهم
عدلى احنا نحتفل بالمناسبة ديه
فهد : فعلا ديه صفقه مش زى اى صفقه ديه لو لعبناها صح ممكن نكسب الماظ من وراها
زين : خرج علشان يتصل ب غرام لاكن تليفونها مقفول جرب كذا مره لاكن مقفول بردوا
اتصل على مامته
زين : الو
ايمان : الو ي زين عملتوا اى فى الصفقه
زين : الحمدلله اتفقنا على كل حاجه والدنيا ماشيه تمام
ايمان بتوتر: طب أن.. انا كنت عاوزه اقولك على حاجه
زين بقلق من صوتها فى اى غرام حصلها حاجه
ايمان : غرام هربت من البيت
زين : اييييه ازاى ده وانتوا كنتوا فين والبهايم اللى على الباب
ايمان : غرام هربت من بليل من الباب اللى ورا
زين : افتكر لما كان قاعد فى الجينيه وحس بيها
قفل التليفون وطلع يجرى على ادم
فهد وعلى زين بيجرى من ازاز المكتب
طلعوا وراه
زين : دخل مكتب ادم بينهج
ادم بخضه: اى فى اى
زين : غرام هربت ادم احنا لازم نلاقيها انا اللى مصبرنى على العيشه ديه هى هى ازاى قدرت تعمل فيا كده
ادم : أهدى بس وفهمنى براحه
دخل فهد وعدلى فى الوقت ده
فهد : فى اى ي زين كنت بتجرى ليه
زين : بصله بغيظ وسكت
ادم : غرام مش لاقينها
فهد : ازاى يعنى بس هو من جواه فرحان ومن ناحيه الفلوس هو كاتبها بإسمه وإسم زين وهمسه ومرضاش يقول لإيمان كده علشان متقولش مكتبتليش ليه بس هو قالها أن كل حاجه تعبر بتاعت غرام متحسش بحاجه يعنى إذا هربت ورجعت تانى مش هتعرف تاخد حاجه علشان ساعتها هتبقى بإسم عائله الاسيوطى
فاق من شروده على صوت عدلى
عدلى : هتعمل اى ي فهد
فهد ببرود: مش هعمل حاجه مش هى اللى اختارت ده هى حره
الكل استغرب بروده وخاصته زين
بعد ما خرجوا
بص زين لادم
زين : البرود ده وراه حاجه ولازم نعرفها طب ازاى لو حاولنا نراقبهم الكاميرات هتكشفنا
ولا راقبناهم من الكاميرات اللى المكتب الكاميرات من غير صوت
زين : لازم تجيب مسجل ونحطه فى المكتب
ادم : وده ازاى و الكاميرات فى المكتب ديه
زين : سيبها عليه هات بس انت اللى المسجل بسرعه
ادم : خلاص ماشى
___________________
عمار راح عند البحر تانى واستغرب عدم وجودها
كان عاوز يشوف رد فعل لما تعرف أنه عمل صفقه كبيره زى ديه
عمار قاعد متردد يتصل ولا لأ فى الاخر اتصل
اسراء : الو
عمار : عامله ايه
اسراء : الحمدلله انت عامل ايه ي عمار
عمار : الحمدلله بس عرفتى منين أن انا عمار
اسراء: صوتك مميز
غرام : كفايه محن بقى اليتاع ده خانقنى
اسراء : ششش
عمار : استغرب الهمس اللى عندها لو مشغوله انا ممكن اقفل دلوقتى
اسراء : لا مش مشغوله ولا حاجه انا قعده فى الهواء الطلق
عمار : انا قاعد فى الهواء الطلق مش شايفك اهو وقعد يبص يمين وشمال
اسراء : بص وراك ي احول
عمار : بص وراه اتخض لما لاقى اسراء وجنبها واحده منتقبه
عمار: اى المفاجئه الحلوه دي
مد أيده سلم على اسراء
اسراء : سلمت عليه
غرام : لسه بتمد ايديها تسلم على عمار
راحت اسراء ضربها على ايديها
غرام بهمس : ليه كده احرجتينى
اسراء بهمس: انتى منتقبه الله يخربيتك
عمار : اتفضلوا اقعدوا
قعدوا فى صامت
وبعدين قطع الصامت ده عمار
عمار : ازيك ي غرام
اسراء وغرام بصدمه : نععععععم
عمار بضحك : اى ي جماعه بلاش اقولك ازيك بس انتى عامله فى نفسك كده ليه
غرام : بصت لإسراء : انتى لحقتى تحكيله عنى
اسراء : عرفت ازاى انت ملبوس, مخاوى ، جاسوس ، اتكلم ساكت ليه
عمار : طب ادينى فرصه اتكلم وانا هتكلم والله
اسراء: اتفضل
عمار:اولا ي ستى انا لا مخاوى ولا ملبوس ولا جاسوس بردوا
غرام: اومال عرفت ازاى بتراقبنا مثلا
عمار : اهدوا بس علشان اسراء معندهاش صحاب غيرك ولما بتقعد معايا مش بتتكلم غير عليكى غرام راحت غرام جات
وانا شوفتك قبل كده وانتى طالعه من المدرسه وشوفت عيونك وعرفتها دلوقتى أصل انا خبير فى لغه العيون
غرام : والله بجد طب بص فى عينى وقول انا بفكر فى اى
عمار : نفسك دلوقتى تقومى تخدينى قلمين وترمينى فى البحر
غرام : والله كداب انا كنت عاوزه اضربك قلمين بس
اسراء بضحك : خلاص بقى اسكتوا شويه
عمار بقولك اى انا عندى ليكى خبر بس لو بتحبيني هيفرحك لو مش بتحبينى هيبقى عادى بالنسبالك
اسراء: اى هو
عمار: عملت صفقه انهارده اكبر صفقه عملتها لحد دلوقتى واتفقنا من اول اجتماع
اسراء بفرحه حقيقية: بجد ربنا معاك ويوفقك يارب
عمار: انتى عارفه كام صفقه مع أكبر شركه فى البلد شركه الاسيوطى
غرام فرحت أن زين كسب الصفقه
اسراء: ديه شركه خال عشق فهد الاسيوطي
عمار: اى ده بجد ده احنا نقول مبروك بقى
غرام: على اى يعنى انا دلوقتى مليش علاقه بيهم اصلا
عمار : بص لإسراء
اسراء : من الاخر كده انا جايه انهارده علشان اودعك
عمار بحزن : وداع اى
اسراء: انا هسافر انا وبابا وماما وغرام
عمار : هتسافروا ليه
غرام : هيسافروا علشانى علشان ابعد عن خالى
عمار : يعنى ده هيريحكوا
ماشى طب انتوا هتسافروا فين
اسراء: إيطاليا
عمار فرح شويه : يعنى كده ممكن اشوفك حتى لو مره فى السنه
اسراء:, ده ازاى ليا صحاب هناك بنتجمع مره فى السنه يعنى بروح انا واخويا نقضى هناك اسبوعين تلاته كده و نرجع علطول علشان الشغل اللى هنا
اسراء: خلاص ابقى عرفنى لما تروح هناك
عمار : اكيد هو مبسوط على الأقل هيشوفها ويعرف أخبارها بس حزين أنه مش هيشوفها كل يوم كالعاده
غرام : ممكن اطلب منك طلب
عمار : اكيد اتفضلى
غرام : ممكن تبقى تطمنى على زين لما اسراء تتصل عليك
عمار : اكيد وممكن كمان تكلمنى علطول اى خدمه بس بشرط اعرف انتى بتحبيه ولا لأ
غرام بخجل: يعنى ابن خالى وكده وبيعاملنى كويس عنهم وكده
عمار : ااه يعنى بحبيه بردوا ولا لأ
غرام : ااه ارتحت كده
عمار بضحك على عصبيتها : ااه ارتحت جدا كمان
غرام : اسراء انتى مستحمله الرخاميه ديه كلها ازاى
اسراء بضحك : خلاص بقى انتوا اخوات العبوا سوا
عمار : طب ممكن طلب واحد بس نقضى اليوم انهارده سوا
اسراء: بابا مش هيرضى خالص بص احنا اصلا كنا نازلين نجيب هدوم وشنط وحاجات للسفر لو حابب تيجى معانا مفيش مشكله
عمار : تمام وعلشان تعرفوا أنى جدع وبث لغرام
هخليكى تشوفى حبيب القلب قبل متسافرى
غرام بفرحه زى الاطفال: احلى موره فى الدنيا
عمار : موره خلاص انا غيرت رأى
نسيبهم مع بعض
_________________________
ادم جاب جهاز التسجيل
زين : شكراً جدا ي ادم
معلش انا عاوز طلب كمان
ادم : عيب عليك احنا اخوات عاوز اى
زين : هتروح مدرسه غرام اللى كانت فيها فى الثانوى هتجيبلى كل صاحبها اللى اسمهم اسراء اعرفلى عنهم كل حاجه
ادم : بس ده صعب اوى وعاوزهم ليه
زين : كانت علطول بتتكلم على صاحبتها وأنها ملهاش غيرها اسمها اسراء وكانت بتمسح رقمها بس متكلمها يبقى اكيد راحت عندها
ادم : خلاص سيبلى الموضوع ده
زين : ماشى انا حروح احاول احط الجهاز ده
ادم : ماشى خد بالك
زين ؛ سيبها على الله
______________________
همسه نزلت مع صاحبها مول علشان يجيبوا لبس
وفى الوقت نفسه كانت غرام واسراء وعمار هناك
غرام : كانت ماشيه بتتفرج لإن عمرها ماكانت بتنزل تجيب لبس كانت بتاخد لبس همسه اللى هى مش عاوزه
وبعدين بتلف لقد همسه واقفه مع كام بنت
وبعدين ........
نكمل البارت الجاي إنشاء الله
وياريت يكون فى تفاعل اكتر من كده وشويه
واعملوا متابعه لصفحتى
بقلمى: مروه النشار 🥰🥰
لمتابعة البارت العاشر اضغط هنا
تعليقات
إرسال تعليق