Ads by Google X

القائمة الرئيسية

الصفحات

رواية من يا قلبي الفصل الثامن بقلم سحر الجنايني

 رواية من يا قلبي الفصل الثامن بقلم سحر الجنايني


رواية من يا قلبي بقلم سحر الجنايني



من يا قلبي
الفصل الثامن

_ كنت واقفه خايفة واعصابي سايبة بصيت علي ريحان لقيته خلص المكلمة بسرعة لفيت وقولتله اني نسيت كشكول ليا في الكافية ولازم ارجع اجيبه مشينا لحد اخر الشارع وبصيت وريا تاني لقيت عامر بيمشي عملت نفسي بدور في الشنطة وطلعت كشكول وقولتله اني لقيته وانو خلاص يمشي هو بقا عشان محدش يشوفه مشي وانا طلعت العمارة جري وكملتك 

بعد ما ريحان مشي جريت اتصلت بسلمي وحكيت ليها كل حاجة مكنتش عارفة اعمل اي عايزة حد ينصحني

$ الموضوع ذاد عن حدو اوي ولازم يتحل يا ونس 

_ عارفة بس مش عارفة اعمل اي عامر دلوقتي في القاهرة وكان عمال يرن عليا وانا مع ريحان اكيد كان عايز يقولي انو جاي او انو مستني عند العمارة يارتني كنت رديت يارتني كنت رديت 

$ طيب هو مشافكيش 

_ لا لو كان شافني كان قرب وكلمني بس هو شكلوا كان واقف بقاله كتير فزهق ومشي اعمل اي 

$ اتكلمي معاه يا ونس ووضحي كل حاجة.............ونس

_ نعم

$ انتي بتحبي ريحان 

_ مش عارفة يا سلمي

$ وهي دي المشكلة انتي مش عارفة بتحبي مين فيهم عامر ولا ريحان لازم تصرحي نفسك بمشاعرك 
 والي هتختاريه قوليله كل حاجة كل حاجة يا ونس 

_ يعني انتي شايفة كده 

$ ومفيش غير كده 

_ طيب سلام دلوقتي عامر بيرن 

قفلت مع سلمي وخدت نفس جامد ورديت علي عامر

♤ ونس 

_ ايوه يا عامر

♤ انا في القاهرة 

نزلت دموعي واحدة ورا التانية 

_ جاي ليه يا عامر 

♤ انا مصدقتش نفسي لما كلفوني في الشركة بشغل هنا في القاهرة وافقت علطول واول ما وصلت جيت تحت البيت عندك البواب قالي انك خرجتي وقفت استنيتك بس كان لازم امشي عشان كان عندي شغل انتي وحشاني اوي يا ونس نفسي اشوفك 

_ مينفعش يا عامر 

$ لو سمحتي يا ونس مره واحدة مره واحدة بس ونبي 

بلعت ريقي برتباك 

_ ماشي يا عامر 

بان في صوته الفرحة 

♤ بجد طيب انا هزوغ بكره من الشغل واشوف مكان حلو نتقابل فيه واشوفك بكره ماشي

_ ماشي 

قفلت معاه 

يعني اي تبقي محتار في مشاعرك ومش عارف تختار ليه مش عارفة اختار واحد فيهم القرار صعب صعب اوي 

عدي اليوم وانا دماغي هتنفجر من التفكير 

تاني يوم كنت نزله من البيت رايحة الكورس علي السلم لقيت رسالة من ريحان

* هستناكي انهاردة في الكافية بعد الكورس * 

شوفت الرسالة ومردتش 

نزلت واتصدمت لما لقيت عامر في وشي 

عينوا لمعت ابتسم ابتسامة واسعة فضل واقف باصص ليا وساكت 
وانا كنت واقفه وشي احمر عيني في الارض مش عارفة ارفعها فيه 

♤ كنجمة انتي وسط سماء مبلده بالغيوم الراحة انتي وانتي الهموم 

رفعت راسي بسرعة وانا متفاجئة من كلامة 

_ انا هموم يا عامر 

حط ايدو علي قلبه 

♤ انتي هم دا وانتي راحة باله انتي الداء والدواء انتي الشمس والقمر
 انتي انتي وبس يا كوشي

وشي احمر اكتر قلبي دق كلاموا يخطف القلب بجد 

♤ وحشتني وحشتني اوي 

_ احم احنا مش اتفقنا انك هتبعتلي رسالة بالمكان الي هنتقابل فيه 

♤ اه منا مقدرتش اصبر بصراحة وقلت اجي اخدك ونروح الشط 

_ لا لا الشط لا 

♤ ليه 

_ مش مش عايزة اروح هناك ممكن 

♤ يا سلام انتي تامري طيب تعرفي انتي اي مكان بتحبيه نروحه 

مكنتش عايزة اروح معاه في اي مكان كنت فيه مع ريحان افتكرت الكافية الي جنب الكورس الي كنت بستني فيه سلمي علي ما تخلص  

_ اه فيه كافية بعيد عن هنا شوية بحبه 

♤ يا بخته 

_ طيب يلا

♤ يلا 

بعت رسالة لسلمي اني مع عامر واني مش هاجي الكروس انهاردة 
وقفلت الفون 

♤ تشربي اي 

لسه هرد قاطعني 

♤ لا استني............ لو سمحت 

÷ تطلب اي يا فندم 

♤ انا عايز قهوة مظبوط وهاتلها تشيز كيك بس كتر الشوكلت شوية لو سمحت

عارف نقطت ضعفي  

÷ تأمر يا فندم حاجة تانية 

♤ لا شكرا 

الجرسون مشي وهو بصلي

♤ لو عايزة ممكن اخليه جيبلك تورتايه كلها شوكلاته 

ضحكت 

_ مش للدرجة دي يا عامر هههه 

سكت وانا كمان سكت سرحت فيه عامر وسيم مقدرش انكر انو وسيم لبسوا حلو كلاموا احلي 

♤ هييييييح وحشتني

_ انت قولتلها يجي خمستاشر مره واحنا في الطريق يا عامر 

♤ انا اسف كنت عامل حسابي اقولها خمسين مره بس وصلنا بسرعة 

_ اوفر انت شوية 

♤ هييييييح وحشتني 

مفيش فايدة 

_ نخش في المهم بقا

♤ هو في اهم من انك وحشتني 

_ اه وبعدين 

♤ وبحبك

_ عاااااااامر

♤ ادني فرصة

_ فرصة لايه 

♤ اخطف قلبك 

_ وان كان هو مش عايز يتخطف

♤ هي في قلوب مش عايزة تحب وتتخطف 

_ لا مفيش بس يمكن مش جاهزة يمكن مش عايزة دلوقتي 

بصلي بتركيز 

♤ ويمكن مش عايزة تتخطف من الشخص دا بذات 

_ تقصد اي 

♤ انتي فاهمة 
ولو كان كلامك صح وقلبك مش جاهز ليه متدنيش فرصة اقرب منو وادخله مش يمكن هو مستنيني 

_ تفتكر 

♤ افتكر جدا 

_ عامر هو مفيش احتمال انك تستسلم 

♤ انتي عيزاني استسلم 

_ مش عارفة 

♤ وهتفضلي لحد امتي مش عارفة 

_ مش عارفة 

ضحك وانا ابتسمت 

♤ هديكي فرصة تفكري وتسيبي قلبك ليا 

_ بس 

♤ مبسش انا هنا في القاهرة فترة خالي مش هيعرف اني هنا عشان مكنش بضغط عليكي هقعد في فندق واستني قلبك يجيلي 

_ ولو مجاش 

♤ ساعتها هبعد والمره دي بجد هبعد للابد

_ انا مش عايزة اعذبك معايا 

♤ ما قولتلك انتي الداء والدواء 

 

اتنهدت وسكت فرحت انو اداني مساحتي عشان افكر فرحت بتمسكه بيا واحترت في اختياري 

مشينا وانا سرحانه في كلامه اي حد في مكاني كان هيختار عامر وهو مغمض بس انا مش قادرة اختار في حاجة جويا بتقولي اصبري 

روحت فتحت فوني لفيت مكالمات ورسائل كتير من ريحان 

اول ما فتحت الفون ريحان رن

= انتي فييين يا وونس 

كان صوته عصبي مخضوض ملهوف 

_ في البيت يا ريحان في اي 

= في اني قعدت ساعتين مستنيكي في الكافية ولما مجتيش اتصلت بيكي كتير تلفونك مقفول روحت الكورس لقيت سلمي صاحبتك خارجة لوحدها سالتها عليكي قالتلي انك تعبانة ومجتيش الكورس اتصلت بيكي تاني برضو مقفول انا كنت شوية وهجيلك البيت 
مالك يا ونس تعبانة فيكي اي 

اكيد سلمي قالتله كده عشان تداري عليا بس الحقيقة اني فعلا تعبانة تعبانة من الي بيحصل دا ونفسي يخلص 

_ مفيش انا بس صحيت انهاردة حسيت نفسي تعبانة ولما شوفت رسالتك مقدرتش ارد عليك 

= عايز اشوفك 

_ بلاش انهاردة يا ريحان 

= ونس 

_ نعم 

= انا عايز اشوفك والله ما هعرف اكمل يومي من غير ما اشوفك واطمن عليكي 

_ نتقابل بكره 

= لا انهاردة في حاجة مهمة جدا لازم تعرفيها مش هقدر اخبيها اكتر من كده

_ حاجة اي 

= اشوفك واطمن انك كويسة الاول

_ انا كويسة 

= قلبي مش حاسس بده يبقا انتي مش كويسة 

اتنهدت 

_ ريحان 

= ونس 

_ ماشي هقبلك في الكافية الساعة ٦ 

= اشطا هستناكي متتاخريش عليا 

آخر مقابلة وبعدها لازم اقرر لازم 

جه الوقت لبست ونزلت وصلت الكافية كنت محتارة جدا ودماغي مشغولة وعندي صداع من كتر التفكير ومخدتش بالي وانا ماشية وخبطت في حد 

_ انا اسفة بجد والله مكنش قصدي 

لقيته شاب شكله مش مريح كده نظرته جريئة بيبصلي بنظرات غريبة 

○ لا عادي ولا يهمك دا يارت كان قصدك كان هيبقا احلي 

_ افندم 

○ الااا اسم المزة اي 

_ مزة!!!!! 

○ بلاش مزة اسم القمر اي 

مكنش فيا دماغي ازعق ولا اتخانق ولا اتكلم اصلا جيت امشي وقف قدامي 

_ لو سمحت ابعد من وشي 

○ ولو مبعدتش 

مردتش وجيت امشي تاني مد ايدو عشان يمسكني لقيت ايد تانية بتتمد بس بتمسك ايدو هو كانت ايد ريحان الي ظهر من حيث لا ادري

= ابعدك انا عادي جدااا

○ مين الأستاذ 

= الأستاذ الي هيفترك وشك لو معتذرتش منها حالا 

○ الله هي تخصك ولا اي بس تصدق عندك حق دي م 

ملحقتش يكمل الكلمة ولقيت ريحان ضربه بالبوكس في وشه 
وقع في الارض وريحان نزل فيه ضرب وهو مرمي علي الارض الناس اتلمت عشان يحشوه عنه وانا وقفه بعيط

= عشاااان تحرم تمد ايدك علي حاجة متخصكش يا ابن **** 
عايز تعرف اسمهاااا هااااا 

صوتي خرج بالعافية 

_ كفاية يا ريحان 

مسمعنيش كان بيضربه بغباء مكنش شايف قدامه 

قربت وصرخت فيه

_ بس يا ريحان عشان خاطري 

سابه مره واحدة وقام من فوقه وقرب مني كان شكله يخوف عينه حمرة بيجز علي سنانوا عروق رقبته بتنبض 

رجعت خطوة لورة لا اراديا مني 
بصلي بستغراب 

= انتي كويسة 

هزيت راسي من غير كلام 

_ طيب يلا نمشي من هنا 

اتحركت قدامه وانا رجلي مش شلاني وقف تاكسي وملاه عنوان وانا في دنيا تانية لا شايفة ولا سامعة حاجة وصورة الولد وريحان بيضربه بس الي في بالي 
افتكرت ساعتها 
موقف مع عامر 
كنا في المول بنجيب حاجات لفرح اميرة واحنا هناك شوفت واحدة طالعة علي السلم الكهربا ووقعت من عليه ساعتها رفضت اني اطلع من عليه وطلعت من السلم العادي 
واحنا نزلين مكنش ينفع ننزل من السلم العادي كان معانا حاجات كتير عامر واميرة سابوني ونزلوا وفضلوا يبصوا ليا ويضحكوا وانا خايفة انزل 
لقت واحد جاي ينزل معايا لما شافني خايفة انزل 
قالي اهدي متخافيش ومد ليا ايده عشان ينزلني 
لما نزلنا شكرته 
ساعتها عامر كمل ضحك عادي ومهتمش ان في واحد تاني خد بايدي عشان يساعدني 

فوقت من افكاري علي صوت ريحان اننا وصلنا 

نزلت وراه لقتنا وقفنا قدام كافية تاني شكله احلي واكبر 

دخلنا قاعدنا 

= لسه خايفة 

هزيت راسي من غير كلام 

= انتي خايفة مني يا ونس 

هزيت راسي تاني بسرعة 
اتعصب 

= ردي عليا انا شايف في عينك خوف انتي خايفة مني 

_ لا مش خايفة منك انا بس اول مره اتحط في الموقف دا شك شكرا 

= انتي بتشكرني بجد بتشكرني عشان دفعت عنك انا مش مصدقك بجد انتي هبلة يا ونس

_ امال اقول اي يعني

ابتسم ابتسامة هادية 

= قولي مثلا ربنا يخليك ليا يا ريحان وتفضل تدافع عني طول عمري 
وانا جاهز لكده علي فكرة 

_ وانت هتفضل معايا طول عمري 

= نفسي 

اتكسفت ووشي احمر 

_ احم كنت عايزني في حاجة مهمة اي هي 

= مش قبل ما تقوليلي مالك 

_ مالي

= انا حاسس بيكي يا ونس انتي مش كويسة وانا قولتلك قبل كده انا مستعد اسمعك واعمل عشانك اي حاجة 

بيصعبوا الموضوع عليا هما الإتنين الإتنين احسن من بعض 

_ مفيش يا ريحان انا بس مخنوقة شوية

قام وقف مره واحدة وخبط علي التربيزة 

= يا خبر مخنوقة وانا موجود ازي دا يحصل 

لسه هتكلم سابني ومشي راح ناحية الدي جي كلمه شوية وبعدين خد منه الميك وهوب اشتغلت مزيكا وبدأ يغني 

كانت اغنية (انا تاجك) لمحمد عدوية 

( انا تاجك وسلطانك وتحت أمر معاليكي 
انا تايه لقي العنوااااان اااااه 
انا حارس علي بابك تصحي تلاقيني قدامك انا جنبك في كل مكااااان ) 

صوته مكنش حلو بس مع المزيكا كان مناسب جدا كان بيغني كلمات الأغنية وبيشاور عليا زي الي بيقولي كل كلمه ليكي انتي 

قرب مني وبدأ يلف حوليا ويرقص مع الأغنية 
وانا بضحك علي شكلوا وحركاته الي من الواضح أنو بيعملها عشان يضحكني 

كنت طيرة من الفرحة وانا شايفة الي بيعملوا عشاني وكل الناس بتبص لينا وتبتسم 

رجع تاني جنب الدي جي ولسه بيغني ويرقص ويشاور عليا 

( انا كاتم لااااسرارك انا معجب بافكاااارك 
انا بيتك انا دارك انا اصلي بموت فيكييي) 

ومع آخر كلمة عيني دمعت مع انها كلمات اغنية بس انا حسيتها لمست قلبي ( بموت فيكي )

خلص الأغنية والناس كلها سقفت والشباب صفرت وانا بضحك واعيط في نفس الوقت 

قرب مني ولسه الميك في ايده 
نزل لمستويا 

= بحبك 

التسقيف علي اكتر والشباب صفرت اكتر واكتر وانا الصدمة جمدت لساني كنت متوقعها بس مش كده ولا بالطريقة دي خالص  

راح رجع المايك للدي جي 

ورجع الترابيزة تاني وانا عيني لسه باصة مكان ما كان واقف وبيعترف بحبه!!!!!

مخدتش بالي انو رجع قعد جنبي وبيبصلي ويبتسم 

= مكنتش اعرف انك هتتصدمي كده هو انا مكنش باين عليا ولا اي 

_ قدام الناس يا ريحان!!! 

= وقدام العالم يا ونس دا شرف وإنجاز لازم افتخر بيه 

سكت وحسيت بنار في قلبي خلاص اتاكدت لو كان عندي شك ولو واحد في المية من مشاعر ريحان دلوقتي اتاكدت 
اتاكدت واتعذبت اكتر
هما ليه قادرين يحددوا مشاعرهم وانا لا انا عايزة اي 

= ساكته ليه 

_ مش عارفة اقول اي 

= متقوليش 

بصتله بستغراب 

_ ايوه متقوليش حاجة انا مش عايز مقابل لحبي ليكي مش هضغط عليكي واقولك انتي حاسه بايه هسيبك مع نفسك تحددي برحتك 

في اللحظة دي افتكرت عامر وازي كان مصمم يعرف مشاعري في وقتها 

_ ونس انا انا عايز اقولك حاجة مهمة 

= هو في اهم من الي قولته دلوقتي 

_ ايوه الي هقوله هيغير حاجات كتير 
بس توعديني متبعديش عني انا مش عايز اخسرك يا ونس 

استغربت من نبرة الخوف والقلق والتردد الي في صوته

= ليه هو الي انت هتقوله هيخليك تخسرني 

سكت شوية وبعدين بصلي 

_ احتمال كبير ايوه بس انا مش قادر اخبي اكتر من كده


لمتابعة البارت التاسع إضغط هنا
reaction:

تعليقات