القائمة الرئيسية

الصفحات

رواية زهرة الأسد الفصل السابع بقلم منة مصطفى

 رواية زهرة الأسد الفصل السابع بقلم منة مصطفى


رواية زهرة الأسد الفصل السابع بقلم منة مصطفى


زهرة الاسد 

البارت السابع 

عند مريم 

مريم راحت للتربيزة اللى قاعدين عليها ملقتش سارة 

مريم : ايه ده هى راحت فين الحيوانة التانية دى هى كمان يارب بقا 

مريم رنت عليها كنسلت ورنت تانى كنسلت 

مريم بعصبية : عن ابو شكلك يا شيخة افف بقا 
مريم رنت على محمد اخوها مش عايز يرد عليها رنت تانى كنسل 

مريم : ما تردو بقا ايه الارف ده 
ورنت عليهم تانى محدش رد فرمت التليفون بتاعها فى الارض بعصبية 
مريم فى نفسها : اهدى اهدى افففف بقا 
لقت حد من وراها : مش عيب عليكى يا بطة ترمى تليفونك فى الارض كده 

مريم وهى بتلف : وانت مالك انت ...انت تانى انت شكلك كده عايز يتعلم عليك 

زياد بسخرية : ومين بقا اللى هيعلم عليا انت 

مريم فى ثانية وقعته جامد على ضهره 
مريم : ايوة انا يا بابا اللى هعلم عليك 

ومشيت وسابته 
زياد بغضب : يا بنت ال 

فارس من وراه بضحك : ههههه ال ايه تعال يا واد يا فارس نروح نرخم على البت دى ونعلم عليها وبصراحة علمت عليها جامد😂😂

زياد: اخرص يا زفت وتعال قومنى 
فارس راح ساعده انه يقوم 

زياد : اه يا ضهرى لا البت بجد ايديها مرزبة 

فارس : بس بصراحة قمر اوووى 

زياد بغيرة : وانت مالك بيها اصلا ومركز معاها ليه

فارس : عادى يعنى يعم مش مركز ولا حاجة

زياد : يلا نمشى يا فارس علشان الناس ابتدت تبص علينا 

فارس : لا ده من زمان انت لسة واخد بالك 

زياد : بتعرف تجرى 

فارس : مبعرفش اعمل غيره فى حياتى 

وطلعوا يجروا من الجامعة 

فارس : يلا سلام اشوفك بكرة 

زياد : ماشى ياعم يلا فى داهية 

فارس : يلا فى داهيتين 
************************

فى القسم 

رعد لعليا ومنة بزعيق : هو انتم مش هتبطلوا شغل الاطفال بتاعكوا ده ايه كل يوم تعملوا مقالب مش هتكبروا ابدااا لا وكمان دماغكم جات بيكم انكم تعملوا كده انتم بجد اغبية ومبتفهموش غوروا بقا من وشى 

عليا خرجت وهى بتعيط 
ومنة قالت بغيظ : تصدق انك عيل رخم 

رعد : انت بتقولى الكلام ده ليا يا بت 

منة : ههه لا طبعا يا رعودى انا اقول عليك انت كده

رعد : والله اكيد انت اللى خططتى كل حاجة يا سوكة يا عبيطة انت 

منة بكدب :دايما ظلمنى كده والله هى اللى قالتلى اعمل كده وهى اللى خطت لكل حاجة انا مليش دعوة 
عليا كانت راجعة تانى تاخد شنطتها وسمعت اللى هى قالته 

عليا : يا كدابة انا اللى قلتلك ياللهوى على الكدب اذا كان انت اصلا اللى قايلالى 

منة : انا اوعى تصدقها يا رعد والله هى اللى وافقت 

عليا : والله طيب ما انتى اللى قولت ان احنا بحط الوان الماية على رقبتى وارمى نفسى قدام اى عربية 

منة : ايوة ماشى انا اللى قولت بس انت وافقتى ولا لا 

رعد : احبكم كده وانتم بتكشفوا كل حاجة من غير ما اسأل 
عليا ومنة بصوا لبعض وبعدين جريوا على بره 
وكل ده وفهد قاعد بيضحك عليهم واسد متعصب ان ازاى رعد يكلم منة بالاسلوب ده 

وقفلوا المحضر وخرجوا 

فهد : شكرا يا صاحبى مش عارف من غيرك كنا هنعمل ايه 

رعد : العفو يا عم بس متنسهاش بقا واستاذ تلاجة مش ناوى يشكرنى 

اسد ببرود : اشكرك على ايه عادى يعنى بيك او من غيرك كنت هخرج برده 

رعد : تصدق يا بنى ان انا غلطان والله كنت اسيبك تتحرق انا مالى 

فهد : يرضيك فهودك يتحرق 

رعد : اطلما مصاحب التلاجة ده يبقى اه يرضينى 

اسد ببرود : هو انت تعرف البنتين دول منين 

رعد : قصدك منة وعليا

فهد : هما اسمهم منة وعليا اكيد منة اللى اتشقلت تحت العربية بتاعتى 

رعد : لا شقلب عليا هى اللى نطت على العربية 

اسد :لخصوا انتم الاتنين تتزفت تعرفهم 

فهد : ايه يا عم ما براحة هلى الراجل وبعدين اكيد اخواته يعنى هى محتاجة يعنى 

رعد : لا يا عم عليا بس اللى اختى لكن منة صاحبتها وهى ذى اختى برضوه 

اسد بغيرة : نعم ذى اختك وتكليمها كده ايه التخلف ده انت مالك بيها اصلا وازاى تكلمها بالطريقة دى وتزعقلها قدامنا وبتتعامل معاها ليه اصلا

رعد : ايه ايه ده كله انت بالع راديو يا عم عادى يعنى وبعدين انت مالك بتدافع عنها كده ليه 

فهد : والله يا بنى ده ضربنى انهارد علشان قولت ان هى جامدة هى واللى معاها 
اسد ورعد ضربوه بالبوكس ووقع جامد 

اسد : قولتلك قبل كده متتكلمش عليها كده تانى والا والله انت حر 

رعد : انت مجنون ازاى تقول عليهم كده يعنى ياعم احترم انها اخت صاحبك 

فهد : فيه ايه يا جماعة هو انا قولت ايه لده كله وبعدين ماشى ياعم رعد انت ليك حق تضايق لكن سى اسد متضايق ليه 

اسد ببرود : ملكش دعوة ويلا علشان نروح ومنتأخرش على جدى 

فهد : يلا يا اخويا 

رعد : هو جدو عايز منكم حاجة ولا ايه 

فهد : ونبى يا اخويا منا عارف هو قالنا الصبح انه عايزنا كلنا على الغداء علشان يقولنا حاجة مهمة 

رعد : اشطا يلا سلام 

فهد : سلام 
وكل واحد مشى 
*********************
عند مريم 
بعد ما مشيت فضلت ماشية لحد ماتوصل للبيت وهى ماشية 

رعد: مريم يا مريمة

مريم : لا بقا هو فيه ا.....رعد ايه ده انت جبت امتة 

رعد : لسة دلوقتى بس انت ايه اللى ممشيكى لوحدك 

مريم : منا لو كنت لقيت حد امشى معاه كنت مشيت 

رعد : طيب انت مش كنت بتمشى مع سارة او الواد محمد 

مريم : منا برن عليهم محدش معبرنى شكلهم مشيوا وهيشوفوا منى ايام سوداء 

رعد بضحك : طيب تعال اركبى يلا انا اصلا مروح 

مريم : حتى لو مكنتش مروح كنت هاجى معاك برده 

رعد : ماشى يا رخمة اطلعى يلا 

وطلعوا ومشيوا بالعربية 

مريم : اللواء قالك ايه 

رعد : قالى انه هرب لايطاليا بشخصية تانية 

مريم : طيب هنعمل ايه احنا لازم نقبض عليه وبأسرع وقت 

رعد : متخفيش يعنى ده اللى ماسك القضية الفهد والعقرب والنمر فأكيد هيتمسك 

مريم : طيب خلاص علشان وصلنا 

رعد : انت برده لسة مقولتيش لحد 

مريم : لا منة الوحيدة اللى عارفة علشان سمعتنى وانا بتكلم مع حضرة اللواء 

رعد : ملقتيش غير منة طيب يلا انزلى يا ختى وانا هروح اجيب شيكولاتة من السوبر ماركت 

مريم : ايه ختجيبها لحبيبتك يا رودى ولا ايه 

رعد بغضب : بت انت عارفة ان انا مش بطيق الاسم ده 

مريم : عارفة علشان كده بقوله قولى بقا هتجيب الشيكولاتة لمين واكيد مش ليك علشان انت بتكره حاجة اسمها شيكولاتة 

رعد : هجيبها لعليا يا يتى علشان زعلتها انهارده 

مريم : يا بختها عندها اخ يجيبلها شيكولاتة مش الزفت التانى انت تجيبلى شيكولاتة معاك خلصانة 

رعد : فيه رائد محترم يقول خلصانة 

مريم : متروح تقول للناس كلها انى رائد ايه ده 

رعد : خلاص يا بت امشى يلا 
مريم : لا انا جاية معاك علشان اتأكد انك جايبلى شيكولاتة معاك 

رعد : طول عمرك طفسة اتزفتى قدامى 
وراحوا جابوا الشيكولاتة ومريم طلعت معاه عندهم ولقوا عليا بتعيط ومنة بتهديها 

مريم : ايه ده انت اخيرااا عيطى والله ازغرط بس انت يا بنى عملتلها ايه لده كله 

منة بعصبية : مش عارفة ده كله علشلن كنا عايزين نهزر وعملنا مقلب يعنى 

مريم : لا لو بتتكلمى على انكم عملتوا المقالب بتاعتكم دى فى حد يبقا انتم اللى غلطانين 

منة : ونبى ده كله هلشان ودناه القسم 

مريم : طيب مهم معملو...نعم ياختى القسم وزعلانة انتم عملتوا ايه بالظبط 

منة : لا منا مش هحكى غير لما تيجى سارة علشان مش هحكى تانى 
ولسة مكملتش الجملة لقيت سارة ومحمد بيفتحوا الباب 

مريم : اهلا بالواطيين بقا انا تسيبونى وتمشوا حاضر استنوا عليه بس 

سارة : والله هو اللى اغوانى يا روما 

محمد : ونبى وانت وافقتى 
ولحظوا رعد محمد راح حضنه وقاله : حمد الله على السلامة يا صاحبى ايه رجعت امتى 

رعد : هو الغباء الحمد لله في العيلة كلها يعنى لسة شايفانى يبقى راجع من امتى اكيد لسة انهارده 

محمد : خلاص يا عم بقا 

عليا بغضب : اخرج برة بقا يا رعد علشان انا مش طيقة وشك واتفضل بقا امشى من هنا ومتكلمنيش تانى انت ازاى تزعقلى قدامهم كده بقى لا وكمان شايف الزفت واقف بيضحك وبرده بتكمل زعيق انا مش هسااامحك وانا مخصماك ومش هكلمك تا...

رعد طلع الشيكولاتة : طيب وكده 

عليا خدت الشيكولاتة : هو انت عملت حاجة يا رعد يا حبيبى اخاصمك ليه يا قلبى 

منة : طيب وانا بقا عايزة شيكولاتى 
رعد طلعلها الشيكولاتة وقدهالها 

سارة : هو ايه اللى حصل اصلا انا مش فاهمة اى حاجة 

مريم : ولا انا 

محمد : الحال من بعضه 

منة : اففف قعدوا واحنا هنحكيلكم 

***********************

اسد وفهد روحوا وطلعوا غيروا هدومهم ونزلو لقا الكل متجمع 

سعيد : اقعد يا اسد انت وفهد علشان هقولكم حاجة مهمة 

فهد : ايه يا جدو هتتجوز ولا ايه 

سعيد : احترم نفسك يلا واقعد بكرامتك 

فهد بخوف مصطنع : انا اسف خلاص قعدت اهو 

اسد : ايه بقا يا سعيد بيه اللى كنت عايز تقولو لينا 

سعيد : هقول ومحدش يقاطعنى من 18 سنة انتم طبعا عارفين ان ليكم عم وتوفى بس قبل ما يتوفى كان متجوز من سكرتيرته شيماء فى المكتب وكانت يعنى فى الطبقة المتوسطة واحنا مكناش رضيين بيها وعمتك كانت دايما بتحاول توقع ما بينهم وفعلا فى مرة بينتها قدامه انها خاينة فطلقها ورماها وبعديها بشهر اكتشف ان كل ده كان تمثلية عملاها عمتكم ولما قلنا محدش صدقه وهو راح اتجوزها تانى بس من غير ما حد يعرف بس عمتكم حست بحاجة فرقبته واكتشفت انه متجوزها تانى فى السر وهى صوريتهم مع بعض وورتهلنا وطبعا هى كانت قدامنا لسة شيماء الخاينة فكلنا اتعصبنا ولما محمد جه وريتله الصورة وهو اعترف بكل حاجة وقلتله انت لو مطلقتهاش لا انت انبى ولا اعرفك وهو مرديش يطلقها وخدها وهربوا فى مكان تانى وبعدها بسنة اكتشفت ان شيماء مش خانته وفعلا عمتك هى السبب وطرت عمتك وقعدت ادور على عمك ومراته لحد ما لقيتهم من اسبوع فى .......... ورحتلها اكتر من مرة واتفقنا ان انا هاخد هفيدى اخليه يعيش هنا فى القصر هى مخلفة ولد واسمه اسر وهى وافقت وقالت انها هتقوله الاول 

الكل قاعدين مصدومين 

فهد بصدمة :........ .

لمتابعة البارت الثامن اضغط هنا
reaction:

تعليقات