القائمة الرئيسية

الصفحات

رواية ياسمينتي الفصل الثالث بقلم هنا

 رواية ياسمينتي الفصل الثالث بقلم هنا

رواية ياسمينتي الفصل الثالث بقلم هنا


#ياسمينتي part3

--------------
كل الموجود كان عماال يبص ل ياسمين

محمود بصدمة:ااعععععع مين دي انتو هتجوزوني واحدة غير ياسمين ولا اي

محمد: انت اتهبلت يابني ولا اي هي دي ياسمين

محمود: ياسمين مين هو نفس الشعر اه بس مش نفسها ياسمين لا

(ياسمين كانت لابسة دريس ابيض كان بسيط جدا وكانت لابسة كوتشي ابيض جميل واسورة فضة وسلسلة رقيقه ومكيااج بسيط خالص مالص يعني...وللعلم اول مرة تحط مكياج عشان كده اتفاجئوا بشكلها وكانت جميلة جدا) 

مريم واقفة هي ورحمة اختها بعيد

مريم: ازاي تطلع حلوة كده وانا مختارة لها ازبل وارخص فستان في المعرض كله ازاي طلع حلو كده

رحمة: لا يا حبيبتي ما هو ممكن يكون الفستان غالي وشيك جدا بس ال تلبسه مش يليق عليها وبكده الفستان يفقد قيمته فهمتي

مريم: اخرسي انت خالص ماتتكلميش

عند ياسمين ومحمود اتقال الجملة المشهورة..
꧁بارك الله لكما وبارك عليكما وجمع بينكما في خير꧂

صابر سلم على محمد وكلهم باركوا لبعض وجه المأذون وهو ماشي قال ربنا يكملكوا بعقلكوا يابني والله كبرتوا في نظري وان شاء الله جوازكوا دا هيفضل لأخر العمر ان شاء الله

محمود: الله يخليك يا شيخ بس اشمعنا قولت كده يعني

المأذون: اصل شباب الجيل دا يابني اول ما نقول بارك الله لكما نلاقي العريس قام شال العروسة وفضل يلف بيها زي ما يكون خد جايزة نوبل

محمود: طيب هو حرام ولا ايه

المأذون: لا مش حرام بس انت عايز تحضن مراتك يابني دا يحصل في البيت بينك وبينها مش لازم قدام الكل كده يعني وبعدين عين الناس وحشة خلي بالك منها وربنا يحميكوا يابني

محمود: ربنا يخليك يا عم الشيخ

الشيخ مشي ومحمود راح لصابر ومحمد

صابر: مبروك يا عريسنا خلي بالك من ياسمين وشيلها في عنيك

محمود: اكييد يا عمي... وفي سره: دا انا هطلعلك عينيها

محمد: يلاا يابني مش هتاخد مراتك وتخرجوا تتعشوا براا ولا اي... انا حجزتلكوا في مطعم ****

صابر: يا ياسمييين تعالي

ياسمين: نعم يا بابا

صابر: هتروحي مع محمود يلاا تتعشوا وبعد كده تروحوا بيتكوا

ياسمين: طيب مش هناخد مريم معانا

محمد: مريم مين يا بنتي انتوا دلوقت اتجوزتوا يعني تطلعوا لوحدكوا وبعد كده هتطلعوا على شقتكوا فهتاخدوها ازاي معاكوا

محمود: خلاص يا بابا احنا ماشيين يلا يا ياسمين

ركبوا العربية ومشيوا وياسمين ساندة ع الشباك ومش مركزة مع حد

محمود:ياسمين...يا ياسميين...ياسمييين.....باااااه

ياسمين:هااا في اي

محمود:اي رأيك اقولك يا ياسمينااا

ياسمين:و اي لازمتها الالف ال في الاخر دي يعني ما ياسمين حلو

محمود:بس طلعت جامد اهو

ياسمين:يعني اي جامد

محمود بيغمز:يعني طلعت وانت بنت حلو اهو يا جعفر

ياسمين:جعفر!!طيب ع فكرة انا هقول لمريم ع ال انت بتقوله دا

محمود:يلاااااهوي نسيت مريم...معلش يا ياسمين ممكن اتصل عليها بس 5 دقايق

ياسمين:ولو ساعة ما تتصل انا مالي

محمود:ايواا يا مريم معلش والله يا حبيبتي بابا اجبرني اخد ياسمين ونمشي

مريم: ماشي يا محمود انا ماشية سلام بس اوعى تنسى نفسك بقى

محمود: سلام يا قلبي

ياسمين: محني

محمود: هاا كنتي بتقولي اي

ياسمين: بقول يا ريت نروح عشان زهقت

محمود: ايدا ايدا ايدا مستعجلة ع البيت ليه كده

ياسمين: انت عارف لو فكرت تلمسني لما نروح مش هيحصلك طيب صدقني... ويلا لو سمحت ارميني في المكان ال هتخمد فيه

محمود: ماشي يا جميل بس حاسب كده لتعضنا احنا هنروح العمارة بتاعتنا واخد فيها شقة انت هتعيشي فيها وماما عايشة في الشقة ال قصادها

ياسمين: اه صح هي مامتك مش حضرت كتب الكتاب ليه

محمود: تؤتؤ هي مستنياكي انت تروحي ليها

*وصلوا العمارة وطلعوا على شقة مامته الاول..

محمود: ماما جبتلك ياسمين اهي... تعالي يا ياسمين

ياسمين بصدمة: دي مامتك

الام: هو انتِ ياسمين

محمود: انتوا عارفين بعض

ياسمين عيطت وطلعت جري على الام وخدتها في حضنها وفضلوا يعيطوا

فلاش باك 🎬

ياسمين: هااا يا دكتور حالتها اي

الدكتور: والله احنا نستنا على ما تفوق ونشوف عشان هي ممكن تكون اصيبت بشلل نصفي

ياسمين: لا اكيد هتكون بخير اكيد

الظابط:يا انسه محتاجين اقوالك ومعلومات عن الحادثة دي

ياسمين: تمام اتفضل

الظابط: شوفتي رقم العربية ال خبطتها

ياسمين: اااه رقمها***** ولونها اسود

الظابط:في معلومات تانية فاكراها يعني السواق شكله اي حاجة

ياسمين:لا ماشوفتش حاجة تاني

الدكتور:المريضة صحيت يا انسة

ياسمين:طيب ينفع ادخل معاكوا وانتوا بتختبروا الاحساس

الدكتور:اكييد

ياسمين:انت كويسة دلوقت يا امي 

الام:انا كويسة يا حبيبتي من غيرك كنت زماني مت

ياسمين:بعد الشر عليكي يا امي

الدكتور:مفيش اي رد فعل منها يبقى اكيد اتشلت مش هنقدر نعمل حاجة عايزين حد من اهلها

*ياسمين فضلت قاعدة معاها يتكلموا ويحكوا لبعض كل حاجة وحبوا بعض ولما عرفت ان جوزها وصل مشيت 
انتهاء الفلاش🎞️

محمود:يااااه يعني انت ال انقذت ماما يا ياسمين بجد شكرا شكرا شكرا انا فضلت ادور عليكي عشان اعرف اي حاجة عنك وما عرفتش شكرا بجد انت قلبك طيب وجدعة

الام:ياسمين دي بنتي يا محمود وانا مش هسمحلك تزعلها ولا تكسر قلبها

ياسمين:شكرا يا امي ربنا يخليكي ليا

الام:بس اي دا والله انت خسارة في الواد محمود دا ربنا يحميكي يا رب يا حبيبتي

محمود:من ناحية هي خسارة فيا فهي خسارة جدا يعني

الام:بتقول حاجة يلاا

محمود:بقول يا ماما ان احنا لسة عرسان جداد لازم ندخل ننام ولا اي

الام:يلا يا ياسمين يا حبيبتي ادخلي شقتك عشان ترتاحي

قامت ياسمين ودخلوا ومحمود حط ايده ع كتفها وبيقول:بصي بقى يا سماسيمو

ياسمين:شيل ايدك لتوحشك يا اسمك اي انت

محمود:ولو ماشيلتهاش

ياسمين لفت وراحت خبطت ايده ومسكاها جامد ومش عارف يفلت منها:لو مش شيلتها بقى مش هيحصلك طيب ماشي يا بطة وانا عايشة هنا اعتبرني مش موجودة تمام ولو لمستني بس مجرد اللمس هسلط عليك مريم وانت عارفها ماشي وخلي بالك بعد بكرة هتروح عشان تخطب مريم فاهم...وسابت ايده

محمود:ااه يا مجنونة انت ايدي لو كنتي سيبتيها شوية كانت اتكسرت ايه اتهبلتي ومريم مين ال هروح اخطبها وانا لسة متجوز دي

ياسمين:دا ال عندي انا مسافرة كمان اسبوعين واحنا جوازنا على ورق مش هتدخل في حياتي فاهم

محمود:لاا بس اي دا انت بتلعبي مصارعة ولا اي ايدك بتوجع

ياسمين: انا واخدة الحزام الاسود في الكاراتيه ومتعلمة فنون القتال كويس ف اتلم وابعد عني احسنلك

محمود: اوماال بتمثلي علينا دور الطيبة الرقيقة الكيوت ليه كده

ياسمين بنبرة حزن: يا ريتني كنت بمثل بس اكتشفت ان الطيبة بتوجع القلب وبتكسره

محمود: طيب اي مش هنقعد نتكلم شوية

ياسمين: هنتكلم في ايه احنا مش لينا كلام مع بعض

محمود: بس انا عايز اتكلم يا #ياسمينتي

ياسمين اتنهدت:ياسمينتي!! اتفضل اتكلم يا سيدي

محمود:انت ليه كنتي مخبية الجمال دا كله 

ياسمين:نعععععم شكلك عايز قلبة وش

محمود:في اي يابنتي دا انت اسم مش على مسمى خالص فين الياسمين ال فيكي دا.... دا انتِ شوك

ياسمين بحزن:انتوا ال عملتوا فيا كده احنا من واحنا صغيرين كنت بعتبرك اخويا عشان مالييش خوات كنت بحسك اخويا وهنكبر مع بعض بس جيت شتمت عليا واحنا في الابتدائي وتقولوا عليا مغرورة وبعد ما (بدأت تعيط) دخلنا ثانوي عرفتوا صحابكوا الجداد ان كل الولاد بتخاف من ياسمين ومش عارفة لسانها طويل وقولتوا في حقي كلام كتيير ودا كله عشان محترمة مش بكلم الولاد ولا ابصلهم قولتوا عني مغرورة ووجعتوني كتيير بكلامكوا عليا بس انا كنت بطنشكوا وانتوا ال كرهتوني في صنفكوا من اوله لأخره فميجيش واحد زيك يعاتبني ويقولي عاملة زي الشوك فاهم

محمود:ياسمين انا عمري ما كرهتك ولا قولت عليكي كلمة ابدا وكل الكلام ال انت قولتيه دا محصلش مني انا والله.... انا عمري ما اجيب سيرة بنت بالباطل حتى لو هي وحشة ومشيها وحش

ياسمين بدموع:انتوا ضيعتوا طفولتي ال كنت نفسي اعيشها بسبب التنمر ال كنت بسمعه منكم

محمود:طيب على فكرة دموعك غالية عليا ما تعيطيش وانت اكتر من اختي والله وعمري في حياتي ما كرهتك

ياسمين بصتله بحزن وسكتت

محمود:طيب قوليلي بقى ياختي انت مسترجلة ليه كده ما انت وانت بنت زي القمر اهو

ياسمين:اولااا انا مش مسترجلة ثانيا لم نفسك يا حلو

محمود بيتريق عليها:اولاا لا انت مسترجلة وثانيا انا عارف ان انا حلو😎

ياسمين:انا عايزة ادخل انام ممكن

محمود:تؤتؤ انا عايز اتكلم معاكي شوية ع الاقل اعرف شوية حاجات عن اختي يا اوختششي(😂😂)

ياسمين:عايز اي

محمود:قوليلي يا ستي انت عايشة مع مين في السكن

ياسمين:مع جيسيكا وادوارد ودول اكتر اتنين صحابي هناك

محمود:ادوارد؟! انت عايشة مع ولاد ازاي

ياسمين:الله هو مش انا مسترجلة ما اعيش معاه عادي وبعدين كل واحد بيكون في اوضة يا ابو دماغ كلبة

محمود:طيب ليه الغلط بقى دلوقت وبعدين اقرب اتنين ازاي انت بتكلمي ولاد كده عادي

ياسمين:انت اتهبلت بكلم ولاد عادي ازاي بقولك ادوارد بس وكلامي معاه بحدود بشرح له مثلا اي حاجة عايزها غير كده لا

محمود بهزار:طيب وجيسيكا دي جميلة ولا شبهك كده

ياسمين:معلومة بس الجمال جمال الروح مش الشكل وعن اذنك بقى انا عايزة انام

محمود:استني بس انا كنت بهزر معاكي والله...دا انت جميلة جدا والله...وبعدين هتنامي فين والنهار طلع وزمان عمي صابر جاي يطمن عليكي 😹

ياسمين:بص يلااا انت بقى انت تبعد عني لحد ما اسافر عشان ما اقتلكش فاهم واتصل على مريم قولها ان احنا جايين لها الاسبوع الجاي انا داخلة اتخمد

محمود:براحة علينا يا باشا احنا مش قدك

ياسمين:واحد تافه اصلا
................
عدا الاسبوع وياسمين ومحمود راحوا بيت مريم وقاعدين مع والدها(احمد) وبيتكلموا في موضوع الجواز

احمد:ازااي اجوز بنتي لواحد متجوز ويكون ليها ضرة

ياسمين:يا عمي احمد والله انا وهو متجوزين على ورق بس وغصب عننا والله ومحمود عايز مريم ومريم عايزاه

احمد:يا بنتي ازاي تقبلي تعيشي انت كمان مع ضرة وكمان دي هتكون صاحبتك يعني ينفع تخسروا بعض..

ياسمين:لا يا عمي ما انا مش هكون معاهم عشان نعيش جو الضرر دا انا هسافر كمان اسبوع ومش هيشوفوني غير في الاجازات وكده كده كلها شهرين وهنتطلق

احمد بتنهيدة:مش عارف والله يا بنتي اقولك اي سيبيني افكر

ياسمين:لا تفكر اي يا ابو حميد دا الواد واقع وعايز بنتك بأي طريقة ويا ريت كتب الكتاب والفرح يكونوا قبل ما اسافر

(محمد بيضحك على طريقة كلامها ومش قادر يخفي ابتسامته)

احمد:ااه ماهو بالابتسامة العريضة دي باين انه واقع خالص

ياسمين:شوفت بقى احنا نقرأ الفاتحة دلوقت وبكره عمي محمد يجيلك هو ومحمود وتتفقوا على كل حاجة

احمد:ال يريحكوا يا بنتي على خيرة الله

مريم جات من جوة وعمالة تهيص وهتموت من الفرحة

ياسمين:الف مبروك يا مريم

مريم بحقد:اممم الله يبارك فيكي

ياسمين همست لمحمود:قولي قومي امشي انت يا ياسمين وانا جاي وراكي 

محمود:احححم احنا لازم نمشي دلوقت بقى يا عمي وجايين بكرة نتفق على كل حاجة

احمد:شرفتوا يا ولاد شرفتي يا ياسمينا يا حبيبتي
---------------
نزلوا ركبوا العربية ومشيوا

 في العربية

ياسمين:انت غبي بقولك تقولي امشي مش نمشي احنا... انت ما بتفهمش

محمود:هو انا اسيبك تمشي لوحدك!!

ياسمين:اه كنت لازم تفضل مع مريم تشاركها فرحتها

محمود:لا ما انا هتصل عليها ووو... قطع كلامهم التليفون وهو بيرن

مريم:ايوااا يا حبيبي انا مبسوطة جدا جدا جدا انت مشيت بسرعة ليه

محمود:وانا مبسوط اكتر يا قلبي والفضل كله لياسمين بقى

مريم:اووووف سيرتها بتقطع فرحتي(قفل في وشها بسرعة عشان صوت الفون كان عالي بس ياسمين ما سمعتش كانت سرحانة)

محمود:اي يا ياسمينتي سرحانة في اي

ياسمين:انا مبسوطة جدا يا محمود 

محمود بتريقة:ليه عشان هيبقى ليكي ضره

ياسمين: انت مش شوفت فرحة مريم النهاردة دا سبب يخلي قلبي يطير من الفرحة

محمود:اممم طيب يلاا ياختي وصلنا

ياسمين طلعت جري دخلت شقة ام محمود:انا فرحانة جدا النهاردة يا امي فرحانة وهطير من الفرحة

الام(ميرفت):ربنا يسعدك اكتر يا حبيبتي بس قوليلي سبب فرحتك يا نور عيني

ياسمين حكتلها ال حصل

ميرفت بحزن:ربنا يسعدك يا بنتي....ولو هتدخلي تنامي ابعتيلي محمود بقى 

ياسمين:ماشي يا ماما تصبحي على خير
----------------
تاني يوم الصبح في شركة محمد

محمد:انت بتقول اي يا محمود خطبتها امبارح وكمان كان معاك ياسمين يابني انت اتهبلت في حد ياخد مراته تخطب له

محمود:بابا هي ال جات برضاها وهي ال عايزة كده

صوت عالي من وراه:انت اتهبلت ازاااي تعمل كده ووو.....
------------

لمتابعة البارت الرابع اضغط هنا


reaction:

تعليقات