القائمة الرئيسية

الصفحات

رواية من يا قلبي الفصل السابع بقلم سحر الجنايني

 رواية من يا قلبي الفصل السابع بقلم سحر الجنايني

رواية من يا قلبي بقلم سحر الجنايني


* من يا قلبي *
* الفصل السابع *

صحيت لقيت نفسي نمت مكاني دموعي علي خدي الفون في ايدي افتكرت مكلمة عامر امبارح حاولت اتصل بيه تاني كذي مره كان بيدني جرس بس محدش بيرد وفي الاخر رد 

_ الو عامر انت كويس.... متعملش كده يا عامر..... عشان خاطري ....مفيش حد يستاهل....حتي انا

سمعت صوتوا كان هادي وتعبان وضعيف 

♤ انتي تستاهلي كل حاجة يا ونس بس الظاهر اني انا الي مستهلكيش ...........متخافيش يا ونس مش هعمل حاجة هصبر وادوس علي قلبي وهو راضي 

_ يا عامر انت إنسان كويس اوي وتساهل احسن وحدة في الدينا وإن شآء الله ربنا يعوضك بوحدة تحبك وتحبها بس انت استني 

♤ مظنش اني هقدر احب غيرك يا ونس انا هستني يا ونس هفضل مستني بس مستنيكي انتي 

سكت شوية وبعدين اتكلم 

♤ ونس هو انا ممكن اسألك سؤال 

_ اكيد اتفضل 

♤ هو.....هو انتي في حد في حياتك..... مرتبطة يعني 

كان متردد وهو بيتكلم بس صدمني سؤاله 

_ ليه بتسأل السؤال دا 

♤ اصل بصراحة رفضك ملوش مبرر وكمان 
وكمان انتي بتنزلي استوري رومانسي علي الوتس اب كتير وكده يعني والواحد بدأ يغير 

اتصدمت اكتر من اجابتوا 

_ بتغير من استوري وتس اب يا عامر 

♤ لا بغير من الشخص الي منزلة ليه الاستوري 

_ بس مفيش اشخاص يا عامر بنزل ليها استوري رومانسي 

♤ امال 

_ عادي يعني يا سيدي انا بشجع الاستوري الحلو

♤ قولي والله 

ضحكت

_ والله 
عارف يا عامر انا بحبنا واحنا كده اوي نهزر ونضحك اصحاب يعني من غير اي مشاعر تانية تبوظ الجو دا 

♤ وانا قلبي بيحبك في كل الحالات بكل المشاعر في كل الاوقات مهما عملتي 

_ ااااااه دنتا مصمم تبوظها بقا

♤ الله طب وانا مالي يا لمبي دا قلبي مش انا خااالص 

_ انت عافر يا عامر انا ممكن والله اعملك بلوك علي كل حاجة واريح دماغي وحب بقا علي نفسك 

فاجأني برده

♤ اعمليها يا ونس

_ هأ

♤ وساعتها هتلقيني قدام باب بيتكم 

اعصابي سابت من كلاموا وخوفت هو ممكن بجد يعمل كده لا لا

_ سلا سلام يا عامر 

♤ استني بس 

_ سلااااااام

قفلت وانا جسمي كله بيترعش والدموع بتحرق عيني ودعيت ربنا ان دا ميحصلش بس دا معناه اني لازم افضل متوصله معاه عشان ميتهورش ويجي 

اليوم دا كان اجازة من الكورس قررت اراجع علي كل الي خته فيه كنت محتاجة مكان هادي اكون فيه لوحدي 

افتكرت المكان الي خدني فيه ريحان مره علي شط اسكندرية 

روحت هناك المكان كان هادي والهوي يرد الروح بصراحة سرحت في الجو ولا راجعت ولا اي حاجة 
فكرت في عامر وامتي بقا هرتاح انا وهو من الموضوع دا 
وفكرت في ريحان وقد اي الإنسان ده ظهرلي في وقته 

لما ريحان جه في بالي حسيت نفس الإحساس الي ديما بحسوا معاه 
راحة فرحة بس في خوف

وكأنوا سمع أفكاري ولقيته بيتصل بيا 

_ الو

= لااااااا دنتي نسياني خالص 

_ خير يا ريحان هو كان في بينا معاد ولا حاجة وانا نسيت 

= هو لازم يكون في بينا معاد عشان اشوفك مقابلتنا دي شئ مقدس مش محتاج ميعاد 

ضحكت

= انتي لسه هتضحكي انتي فين 

فكرت اقوله اني علي البحر بس رجعت في كلامي معرفش ليه

_ انا في البيت 

= طيب اعدي عليكي ونروح الكافية 

_ لا لا روح انت وانا هحصلك 

قفلت معاها وانا فرحانة اي الإحساس دا هو ليه وحشني وانا كنت معاه امبارح اي الي بيحصل دا
انا حسه نفس الإحساس الي حسيتوا مع عامر!!!!!!

لميت حاجاتي وروحت الكافية لقيته بيتكلم مع بنت من الي بيشتغلوا في المكان وبيضحك معاها معرفش ليه الموضوع ضيقني 

وصلت والبنت مشيت 
بصلي ابتسم وعينوا لمعت 

= وحشتني 

في لحظة نسيت البنت وضحكوا معاها ونسيت نفسي كمان 
ابتسمت وسكت

= اي مش هتردي

_ ارد اقول اي 

= امممممم تصدقي مش عارف تقولي مثلا وانا كمان

_ لا طبعا مش هقول كده

= ليه بقا هو انت موحشتكيش

هو سمعني وانا علي البحر ولا اي 
 

_ انا لسه شيفاك إمبارح 

= طيب ليه انتي بتوحشني وانتي معايا

_ ليه 

= يعني انتي مش عارفة 

ارتبكت 

_ لا مش عارفة 

 بصلي شوية بتركيز واتكلم

= ونس هو انا ليه حسك بتهربي مني!!! 

_ ليه بتقول كده

= يعني بحس اني انا لوحدي الي ببقا عايز اشوفك انا بس الي بتوحشني انا بس الي بتكلم واسال انا بس الي بطلب نتقابل انا الي مهتم ودي حاجة مش بأيدي غصب عني بلاقي نفسي بتشد ليكي زي المغناطيس.........هو وجودي جنبك مضيقك في حاجة

رديت بسرعة 

_ لا لا خالص  

ابتسم وانا كنت عايزة اضرب نفسي ميت جزمة علي تسرعي 

= امال بتهربي مني ليه

_ مفيش انا بس دماغي مشغولة اليومين دول ومش علي بعضي 

= طيب قوليلي احكيلي انا عايز اساعدك 

اتوترت من نبرته فضلت ابص في كل اتجه لحد ما جت عيني علي الكشكول بتاع الكورس 

_ الكورس اه الكورس مش فاهمة في اي حاجة وحاولت اراجع الي خدته برضو مش فاهمة 

بصلي بستغراب 

= هو دا الي مضيقك هو كورس اي بالظبط 

_ لغة عربية 

= ههههههه كل دا عشان كورس لغة عربية طيب يا ستي انا مستعد اساعدك 

_ بجد انت بتفهم عربي 

= يعني علي خفيف اصل بابي من فيصل ومامي من مدينة نصر 
فمكناش بننزل مصر كتير 
اي يا ونس انتي شيافني بعيون صفرة وشعر اخضر
 اي الي انت بتفهم عربي هو انا بكلمك إفريقي مثلا 

_ ههههههه مش قصدي قصدي بتفهم أساسيات وكده نحو وبلاغة وكل الكلام دا 

اتكلم بفخر وثقة 

= طبعا يا بنتي دنا كنت هدخل كليه تربية قسم لغة عربية اصلا دنا كنت اشطر واحد في العربي في المدرسة كنت ديما اجيب ٢ ونص من ١٠ في الاملاء 

مقدرتش امسك نفسي من الضحك لدرجة ان الناس كلها بقت تبص علينا 

_ مش قادرة ٢ من ١٠ وتقولي تربية قسم لغة عربية ههههههه 

= لا لوسمحتي متنسيش النص

_ عااااااا صح صح اهم حاجة النص هههههههه

= اضحكي كمان يا ونس اضحكي 

كان بيبصلي ويبتسم بس نظرتوا وترتني وبطلت ضحك 

_ احم طيب اي هتساعدني اراجع ولا اي 

= اه طبعا بس يارب ما ابوظ لغتك بس

ضحكت وفضلنا قاعدين كتير اوي هو مكنش فاهم حاجة بس مجرد انو عايز يساعدني في حاجة هو مش فاهمها اصلا احساس يفرح جدا 

واحنا قاعدين سمعنا صوت وحدة بتزعق بصينا لقينا جرسون وقع عليها كوباية الماية

لقيت ريحان بيضحك 

_ انت بتضحك علي اي

= لا بس فكرتني بحاجة كنت بعملها وانا زهقان 

_ اي هي 

= كان بقف في شباك بتنا وارمي علي الناس بيض 

_ بتهزر 

= اه والله وخصوصا عم محمد البواب اصلو كان راجل رزل اوي وديما كان يتريق علي اسمي ويقولي يا قرفة 

رجعنا نضحك تاني بصوت عالي
فاجأني بجملته 
= هو انتي حلوة كده ازي 

ضحكت وقولت 
_ فلتر 

ضحك وانا ركزت في ملامحوا شكلوا حلو شكلوا مألوف جدا وفي اللحظة دي بس حسيت بحاجة غريبه 

= انا ليه حسه اني شوفتك قبل كده

سكت مره وحدة وبصلي وتنح 

_ اي دا بجد يا سبحان الله انا مصدوم بجد 

= هههههههه لا بجد حسيت دلوقتي اني شوفتك قبل كده يعني دلوقتي بقيت متأكدة اننا كنا نعرف بعض قبل كده 

_ هو انتي كنت لسه شكه قبل كده 

اتحرجت ووشي احمر

_ احم يلا نكمل 
 
وكملنا كلمنا في الوقت دا كان عامر بيحاول يتصل بيا كنت ديما بفصل الفون ومش برد وكنت متوترة 

وريحان لاحظ دا 

= هو في حاجة ولا اي 

_ لا لا مفيش دا رقم رخم كده بيعاكس 

= طيب هاتي وانا ارد عليه اهزقوا 

ومد ايدو وخد الفون بتاعي 

شديت منو الفون بسرعة وخوف وحمدت ربنا ان عامر مكنش بيرن في اللحظة دي 

_ انت مين سمحلك تاخد الفون من ايدي 

بصلي واستغرب من هجومي عليه 

= انا مكنش اقصدي يا ونس انا اسف 

لف وشوا الناحية التانية وبان عليه الزعل 

_ ريحان انت زعلت انا اسفة مكنش قاصدي 

رد وهو لسه بيبص الناحية التانية 

= لا عادي ولا يهمك 

_ خلاص بقا يا عامر والله مكنتش اقصد 

بصلي مره وحدة وانا تنحت من الي قولتوا انا قولت عامر صح 

= انتي قولتي اي 

_ هأ انا اتلغبط معلش انا مكنتش عايزك تزعل مني فا اتكلمت بسرعة واتلغبط انا اسفة بجد مكنش قاصدي 

بصلي بشك وانا وشي احمر من الاحراج والخوف 

_ هو احنا ممكن نمشي 

= تمام يلا 

_ انت لسه زعلان

بصلي وابتسم

= انا مقدرش ازعل منك 

ارتحت من جملته وحمدت ربنا انو صدق الي قولتوا 

فضلنا ماشين لحد الشارع الي فيه العمارة بتاعتي ريحان جاله تليفون وانشغل فيه 
بصيت قدامي اتصدمت لما لقيت عامر واقف قدام باب العمارة 

غمضت عيني وفتحتها كذي مره لقيته لسه واقف مكانوا بصيت بسرعة برعب لريحان لقيته بيتكلم في الفون لسه ومشغول فيه 
بصيت تاني علي عامر كان بيبص في ساعته 

بقيت واقفه في النص خايفة لا مرعوبة هعمل اي دلوقتي.....


لمتابعة البارت الثامن إضغط هنا


reaction:

تعليقات