رواية زهرة الأسد الفصل الثاني بقلم منة مصطفى
رواية زهرة الأسد الفصل الثاني بقلم منة مصطفى
البارت التانى من روايتى الاولى زهرة الاسد
وقفنا لحد ما منة وصلت الجامعة متأخر
.........................
الدكتور بزعيق: انت داخلة فين يا انسة هى زريبة
منة : معلش يا دكتور ممكن ادخل المحاضرة
الدكتور : لا مش ممكن يعنى ده اول يوم فى السنة الجديدة وتتأخرى امال هتعملى ايه فى باقى السنة مش هتيجى خالص
منة بغيظ: خلاص يا دكتور انا اسفة اوعدك مش هتتكرر تانى هتبقى اول واخر مرة ممكن ادخل بقا
الدكتور : وانا قلتلك مش هتدخلى كعقاب ليكى اتفضل اخرجى يلا
منة بزعيق : خلاص يا اخويا خارجة كل حاجة قلت اخرجى قلت اخرجى هخرج من الجنة يا عم كتك الارف يا شيخ
علية راحت لمنة بسرعة
عليه بتوتر بعد ما شافت عين الدكتور بتطلع منها نار: خلاص يا دكتور معلش ممكن تدخلها هى تعبانة فى عقلها ومبتفهمش وكده فمعلش عديها المرادى
الدكتور : انا مش هغير رأى واخرجى انت كمان معاها
علية: انا طيب اللهى يحفظك ويسعدك ويخليك لمراتك وعيالك وطلابك بس خلينى اكمل المحاضرة وهى تغور فى داهية طظ فيها بس انا اهم حاجة مش اخرج
منة بصدمة : يا كلبة وبعدين فاقت من صدمتها وقالت : يلا يا بنتى انت هتشحتى من حمار
الدكتور بعصبية : اخرجو برا يا كلاب من المحاضرة احسن ما افصلكوا خالص
منة وعليه فى صوت واحد : طيب يارب تتشل ويجيلك مغص فى معدتك وتخبطك عربية نقل كبيرة تشوطك زى الكرة يا ابو قرعة
وبعدين بصو لبعض وضحكو وطلعو يجرو وهما بيضحكو وفجأة
عليه بضحك : وانت اتأخرتى ليه يا ختى على المحاضرة مخدناش غير التهزيق وخلاص
وفجأة منة اتحولت لما افتكرت انها سابتها وانها قابلت معدوم الضمير والانسانية
منة بغضب: وانت بقا يا كلب البحر انت مشيتى وسبتينى ليه خلتينى اشوف الغبى معدوم الضمير ده ليه
علية : اوبا قابلتى مين ها ها
منة بتسلية وطفولة : معرفس بقا انا مش اقولك حاجة مش ليا دعوة وطلعت لها لسانها وطلعت تجرى😜
علية طلعت تجرى وراها واخيرا افشتها
علية : منة يا منون قولى بقا قابلتى مين
منة : معرفس بقا علسان تنقى تمسى وتسبينى براحتك😝😛
وبعدين طلعت علية شيكولاتة من الشنطة بتاعتها وفجأة لقيت منة بتنط عليها علشان تاخدها
علية : لو عايزة تخديها احكيلى اللى حصل الاول
منة بتذمر:يوووووه بقا طيب هاتيها الاول
عليه : اه علشان تضحكى عليا ذى كل مرة لا احكى الاول
منة بإستسلام : حاضر هحكى بصى بقا يا ستى...........
ً.................ً...............
نيجى بقا عند اسد فى الشركة دخل اسد بطلته المميزة وكل الناس واقفة بإحترام وصوت همسات الاعجاب من البنات سمعه ولبس نظارته بكبرياء ودخل المكتب ونده على السكرتيرة
اسد بعصبية: ريناد رييينناد
ريناد: نعم يا فندم
اسد : ايه ده كله تأخير
ريناد بدلع : اممممم معلش انا اسفة اووى يا فندم
هى كانت مايلة عليه
اسد : متتظبتى كده يا روح امك لظبتك
ريناد اتعدلت وقالت بصوت رقيق مصطنع : حضرتك عايز ايه يا فندم
اسد: هو فهد لسة مجاش
ريناد : فهد جه من ربع ساعة
اسد : اسمه فهد بيه يا استاذة وبعدين احنا هنا فى شركة محترمة مش كباريه ابقى اعدلى لبسك ده وياريت بلاش تتصطنعى عليا الرقة اظن فهمتى
ريناد بغيظ : فهمت يا فندم تأمر بحاجة
اسد : انده فهد بيه بسرعة وهاتى ملف صفقة السيارات بسرعة
ريناد : حاضر يا فندم
وبعدين لما ريناد خرجت هو قاعد بيفكر فى الحيوانة اللى قابلها الصبح
اسد فى نفسه : انا ازاى سكتلها كده اول مرة اسكت لحد اه ياما نفسى اشوفها تانى لو قدامى كنت عرفتها مقامها
وفهد كان دخل ولقا اسد سرحان
فهد : اسد يا اسد يا ابو الاسود
لا رد
فهد بصوت عالى : اسسسسسسسسسد
اسد : انت عبيط يالا بتعلى صوتك ليه وانت قدامى
فهد بضحك:منا بقالى ساعة بنادى عليك ايه شغلاك اوى كده
اسد بسرحان : امممم اوى
فهد : اوبا ده فعلا طلع فيها واحدة هى مين يا اسدى
اسد ببرود: انت قلت ايه
فهد باستغراب : قلت ايه
اسد وقف ادامه : اخر كلمة قلتها
فهد ببلاهة: قلت اسدى ملها
اسد ضربه بالبوكس فى وشه وراح قعد مكانه كأنه معملش حاجة
فهد : ايه يا عم الغباوة دى
اسد ببرود: ايه يا فهد انا عملت حاجة
فهد : ابدا ابدا ده انت ملاك
اسد : تحب تجرب فى الناحية التانية
فهد: لا ابدا يا حبيبى طيب الملف اهو عايز منى انا حاجة لا ماشى يا حبيبى اتوكل انا على الله بقا
وخرج فهد فى ثانية
اسد مبتسما: اهبل
وبدأ بقا يشتغل
نسيبه فى حاله ونروح نشوف المجانين التانيين
...............................
وبعد ما حكت منة لعلية اللى حصل
علية : هههههععهه يخربيتك ايه اللى عملتيه ده
منة : عادى يعنى معملتش حاجة وهاتى بقا الشيكولاتة دى
وفتحتها وبدأت تاكل فيها ولمحت من بعيد سارة ومريم جايين عليهم
منة وهى بتخبى الشيكولاتة : اخبيكى فين مريم جاية وهتفترسك و تاخدك منى يا قطعة من قلبى
ولسة هتحتها فى الشنطة لقت مريم بتاخدها منها
مريم : الله شيكولاتة
منة بغيظ: علفكرة بقا الشيكولاتة دى بتاعتى انا
مريم : حد سامع صوت كلب بيهوهو ولا انا بس
منة : هاتى يا بت الشيكولاتة
ومنة طلعت تجرى وراها علشان تاخد الشيكولاتة وفجأة ....... ........
بس كده ده البارت التانى يارب يعجبكم
#زهرةالاسد
بقلمى منة مصطفى
لمتابعة البارت الثالث اضغط هنا
تعليقات
إرسال تعليق