القائمة الرئيسية

الصفحات

رواية من يا قلبي الفصل الرابع بقلم سحر الجنايني

 رواية من يا قلبي بقلم سحر الجنايني

رواية من يا قلبي بقلم سحر الجنايني


*من يا قلبي*
*الفصل الرابع *

سعات الهروب بيبقا حل كويس تهرب من الناس تهرب من المشاعر تهرب من احساس الذنب بس تهرب من نفسك صعب 

وصلت اسكندرية بعد ما هربت من مشاعر عامر وإحساس الذنب نحيتوا لما عامر بعد عني او بعد منا خليتوا يبعد عني بعد موضوع الصور حسيت اني ناقصة حاجة اني مضيقة انو فارق معايا ولما شوفت أسماء بتقرب منو حسيت بغيرة علشان هي قريبة منو وانا لا 
كل دا انا ترجمتوا علي انو حب شخص للتاني 
بس في حاجة جويا كانت مخنوقة من عامر وهو بيتعامل معايا علي اساس اني حبيبتوا 
وبعد ما اتصلحنا يوم فرح اميرة 
بقا بيتعامل معايا علي اني بحبوا واننا خلاص في حكم المرتبطين 
ودا كان موترني وخانقني  
طب ليه متوترة ومخنوقة مش المفروض اني زعلي علي بعدو وغيرتي من قرب اسماء ليه دا اسمو حب 

بس انا نسيت ان في حب اخوات في حب أصدقاء وانو دول كمان بيهتموا وبيغيروا 

من سرعة عامر اني احدد مشاعري اتلغبط وخلاني اترجم مشاعري غلط بس هو ملوش ذنب انا الي غلطانة 

وصلت اسكندرية علي الضهر دخلت البيت ساكتة سلمت علي ماما وبابا احنا عايشين لوحدنا اختي الكبيرة متجوزة 
دخلت اوضتي مخرجتش منها طول اليوم نايمة علي السرير بصة للسقف بفكر بس بفكر دماغي هتنفجر 
الذنب هيقتلني 
طيب وفيها اي ما احاول ادي نفسي وادي عامر فرصة مش يمكن احبو وحتي لو محبتوش في حد يلقي الحب دا كلوا ويقول لا عامر يستاهل اني احبو العقل بيقول كده

بس لا انا عايزة احب واتحب من غير مقدمات من غير دخول العقل في الموضوع 
مش عايزة احبو شفقة 
او عشان بيحبني احبو 

محستش بنفسي ونمت 

صحيت تاني يوم مش طايقة نفسي 
خرجت من الاوضة لقيت بابا وماما خرجوا 
دخلت المطبخ اشوف حاجة أكلها 
لقيت رقم غريب بيرن عليا 

_ الو 

سمعت حد بيهمس باسمي بس مقدرتش احدد الصوت 

_ ايوه مين معايا 

سمعت صوت بيتكلم من بعيد 

/ هات لما اكلمها .......... الو ايوه يا ونس يا حبيبتي 

اتصدمت ورفعت الفون من علي ودني ابص فيه 
ورجعته تاني

_ عمتي

/ ايوه عمتك كده يا جزمة تسافري ومتتصليش حتي تطمنينا انك وصلتي دنا حتي مش معايا رقمك لولا انو مع عامر كنت هكلم ابوكي واخليه يهزقك 

عامر !!؟؟؟؟ رقمي مع عامر طيب ازي!!!!!!

/ ونس انتي معايا 

_ هأ ايوه يا عمتو معاكي

/ انتي كويسة يا حبيبتي وحشتني اوي

_ وانت و انتي كمان يا عمتو وحشاني 

/ متقطعيش بيا بقا ابقي كلميني ودينا بتسلم عليكي هي واميرة 

_ الله يسلمهم يا عمتو سلميلي عليهم وبوسلي سما 

/ يوصل يا روحي يلا عشان مطولش عليكي سلام يا مرات ابني 

انا عايزة اعيط 
بعدت الفون من علي ودني علي اساس اني اقفل 

♤ ونس 

صوتوا خلاني اجمد في مكاني كان صوتوا تعبان وكأنوا كان بيغرق ولقي طوق نجاه 

♤ ونس انتي سمعاني 

_ سمعاك

اتنهد

♤ وحشاني 

صوتوا كان موترني وأيدي كانت بتترعش 

_ انت انت جبت رقمي منين

♤ مش قولتلك لو انتي مدتهوش ليا انا هجيبوا بطرقتي الخاصة 

في لحظة اتعصبت 

_ وانتو تجيبوا ليه اصلا 

♤ يعني انتي مش عارفه انا جبتوا ليه 

_ لا مش عارفة وميهمنيش اعرف 

♤ ونس انا ب

 _ متقولش حاجة ومتتصلش بيا تاني وأمسح رقمي من عندي وإنساني اصلا 

قولت كده بصوت عالي وانا بزعق وقفلت في وشو الفون

ودماغي هتنفجر جاب رقمي منين سعاتها افتكرت جملتوا
 
( مش قولتلك لو انتي مدتهوش ليا انا هجيبوا بطرقتي الخاصة )

افتكرت ساعتها انو طلبوا مني كتير وانا مكنتش بوافق ادهولوا وقالي الجملة دي 

مركزتش فيها اوي وعدتها

عدي قدامي شريط الاسبوع الي فضلت فيه هناك وقف قدامي مشهد واحد 

يوم ما بابا كان مسافر وراجع القاهرة آخر يوم ليا هناك يوم ما عامر خرجني يفسحني 

بعد. الفطار بابا قعد مع عمتي وعامر شوية ساعتها عامر طلب من بابا الفون بتاعه 

♤ خالي كنت عايز بس تلفونك اخد منك شوية صور من فرح اميرة عشان مصورتش كتير 

خد من بابا الفون فضل معاه شوية وتلفونه في الايد التانية 

اكيد ساعتها نقل رقمي من فون بابا 
دموعي نزلت في الوقت دا عامر مش في دماغوا يبعد عني ابدا

فضل يرن تاني قفلت الفون وجربت علي اوضتي اترميت علي السرير ومحستش بحاجة غير بدموع عيني 

كنت فاكرة اني هربت كنت فاكرة انو خلاص الموضوع خلص بمجرد ما سبت القاهرة بس الواضح أنو مش هيخلص بالساهل 
هعذبوا واتعذب معاه اكتر 
الذنب جويا كبر بعد ما اتعصبت عليه هو ميستهلش مني كده انا الغلطانة 

فضلت مكاني مدة محسبتهاش 
بعدها فتحت الفون لقيت اكتر من ٥٠ مكلمة منو 

فتحت فيس بوك كنت بعت لنفسي ادد من فونوا وانا عندهم 

دخلت علي صفحتوا 
وكتبتلوا رسالة 

( عامر انا اسفة اسفة علي كل حاجة اسفة علي حبك ليا اسفة علي اهتمامك بيا اسفة علي كل مره اعتذرت فيها مني وانا الغلطانة 
اسفة علي هروبي منك واسفة اني اتعصبت عليك في الفون انهاردة 
عامر انا كنت محتارة ومش عارفة احدد مشاعري وحكمت عليها بسرعة بس اكتشفت ان حبك كبير اوي عليا واني مش قدوا واني مش هقدر اديلك حتي نص حبك ليا فانا اسفة احنا آخر طرقنا هنا صدقني الاسبوع دا كان مهم عندي جدا بس اكتر حاجة وحشة فيه جرحي ليك سلام يا عامر )

بعت الرسالة وعملتلوا بلوك بسرعة زي ما اكون خايفة يشوفها ويرد عليا خوفت من ردوا 

عدي اسبوع كنت قفلة فيهم فوني عشان عامر مبطلش رن 

انا في كليه آداب فرح اميرةكان في الاجازة ودلوقتي دخلة تلته آداب 
رجعت الكلية وحاولت اشغل نفسي بالدراسة علي قد ما اقدر
  
واهو عدي أسبوعين مقدرتش انسي فيهم الي حصل مكالمات عامر انقطعت آخر يومين ارتحت بس مش اوي لسه حاسة بالذنب لسه بنام معيطة كل يوم وجملة واحدة بس برددها 
( انا اسفة يا عامر )

في يوم وانا مروحة من الكلية لقيت واحد واقف علي بابا البيت ولسه هيرن الجرس 

_ حضرتك عايز حد 

& هو دا بيت استاذة ونس عبدالله 

_ ايوه هو وانا ونس 

مدلي ايدو ببوكيه ورد مخدتش بالي منو غير دلوقتي 

& طيب حضرتك في حد طلب الورد دا وطلب نوصلوا علي العنوان دا واسلموا لحضرتك بذات 

خدت منو الورد وانا مستغربه البوكية كان كبير ولونوا ازرق نيلي انا بحب اللون دا جدا 
لقيت كرت محطوط فيه قريت الي مكتوب فيه

( الشوق كلمة معنها المعروف افتقاد شخص عزيز عليك بس ليه الكلمة دي مش قدرة توصف شوقي واشتياقي ليكي حساس بغربة وسط مكاني من غيرك يا ونس بحبك 
                                                   تويتك )
      

للحظة حسيت الدينا بتلف بيا عيني تاهت 
عامر مش راضي يستسلم 
طلعني من توهاني صوت الفون  
بصيت فيه لقيت رقموا للأسف الفون بتاعي مفهوش خاصية البلوك  

رديت وانا نوية احاول اصدوا باي طريقة
اول ما فتحت 

♤ عجبك الورد 

_ ليه 

♤ مش فاهم

_ يعني باعت الورد دا ليه يا عامر 

♤ عشان عارف انك بتحبني الورد ولولا اني عندي شغل كنت جبتوا بنفسي

_ هي رسالتي مكنتش واضحة يا عامر           

سكت شوية لدرجة اني افتكرتوا قفل بس مقفلش 

♤ لونوا حلو 

اتعصبت 

_ عاااااااامر 

♤ بيحب ونس 

نفخت ليه مصمم يحسسني اني قاسية ليه بيزود عذابي وعذابة 

_ مش هينفع يا عامر مش هينفع ابعد وخليني ابعد هو دا الصح ليك وليا انا معنديش مقابل لحبك 

♤ بس دا مكنش الظاهر آخر يوم 

_ كنت غبية وفاهمة مشاعري غلط وفوقت لما حسيت اني بهد الدينا مش ببنيها خلاص يا عامر خلصت 

قفلت قفلت وكان نفسي اقفل بابا قلبوا بعد ماطلع منو بس مش بأيدي ولا اطلع ولا اقفلوا 

عدي يومين كنت في دنيا تانية قولت لماما وبابا اني انا الي اشتريت بوكية الورد ولأنهم عارفين اني بحب الورد قد اي وبحب اللون دا كمان صدقوا 
 
في يوم بعد ما خلصت محاضرات 
 وكنت خارجة مع وحدة صاحبتي اتعرفت عليها فهي الكلية اسمها سلمي بحبها جدا وكل يوم بنقرب من بعض اكتر لدرجة اني حكيتلها موضوع عامر 

لقيت واحد بيقرب مني 

× حضرتك استاذة ونس 

_ ايوه 

× البوكس دا لحضرتك 

_ اي دا 

× حضرتك افتحي وتشوفي

فتحت البوكس وسمعت شهقة قوية من حد مكنتش مني كانت مش سلمي الي واقفة جنبي

$ اوف كل دي شوكلاته دي تعدي الميت قطعة لا احجام وأشكال وانواع دي غاليه اوي 

× البوكس دا متوصي عليه مخصوص عشان حضرتك وانطلب مننا نوصلوا هنا بعد ما الشخص الي وصي عليه بلغنا بعنوان كليتك  

كانوا فيتكلموا جنبي وانا متنحة اكيد هو 
مفيش غيرو 

$ ونس ونس انتي كويسة 

_ هأ كويسة كويسة 

لقيت فوني بيرن كنت متوقعة فتحت بسرعة وكنت في قمة غضبي

_ انت تاني ليه يا عاااااااامر ليه مصمم تضغط عليا هو انا يعني هحبك من شوية ورد وشوكلاته 
ليه مش قادر تفهم اني مشاااااعري مش بايدي وانها لو كانت بايدي وااااالله ما كنت هحب حد غيرك بس مش قاااااادرة ومش عارفة ارحمني بقااااا 

♤ ونس 

_ لاخر مره يا عامر بقولك ابعد عني احنا مش لبعض مشاعري مش ليك انا تعبت احساس الذنب هيموتني انساااني يا عامر ومتحاولش تكلمني تاني لحد ما تقرر اني بنت خالك بس
 بس يا عاااااااامر 

قفلت السكة وانا دموعي مش عارفة اوقفها كانت سلمي وقفة جنبي بتبصلي بستغراب وبتحاول تهادني 

$ انا بجد مش فاهمة 

هديت شوية ورديت عليها 

_ مش فاهمة اي 

$ لما انتي زعلانه عليه اوي كده اي لزمة كل الي قولتيه دا انتي بتحبيه يا ونس 

_ يا سلمي افهميني انا لا يمكن اكون بحبه وبحس بخنقة وانا بسمعوا بيقولي كلام حلو لا يمكن اكون بحبو وانا بدايق من قربوا ليا علي اساس اننا بنحب بعض  
لما بتخيل اني في يوم هكون معاه مرتبطه بيه او متجوزاه مثلا بدايق وبحس نفسي مش مرتاحة 
الي بيحب بيتمني يسمع من حبيبوا كلمة حلوة بيتمناه جنبوا علطول
 نفسوا يكون معاه انهاردة قبل بكره 
مش بيتخنق لما يتخيل بس انو في حياتوا  
انا مش بحبو الحب الي هو وانتي فهمينوا يا سلمي مشاعري نحية عامر مشاعر من نوع تاني وهو مش قادر يفهم دا

$ امال تفسري بايه دموعك دي 

دموعي ذادت 

_ حسه بالذنب ناحيته تمسكه بيا بيقتلني 
انا مكنتش اتخيل حتي في احلامي اني اجرح اي حد الجرح دا
 مابالك بقا بابن عمتي موجوعة عليه اوي 

$ معلش يا ونس معلش هو ان شاء الله هيفهم المره دي ويريح نفسوا ويريحك 

سكت 

$ بس يا بختك يا بنت المحظوظة كل دا بوكس دا يطلع بكام دا 

ضحكت غصب عني انا عارفة انها بتحاول تخفف عني 

_ يلا يا بت انجري من هنا وبلاش تسول هههههه 

إحساس الذنب بدأ يقل مع الأيام وبعدين شهور عدي سنتين مكلمتش فيهم عامر اختفي من حياتي عرفت من بابا انو هو الي قالوا علي كليتي 
خلصت الكلية واتخرجت  

في يوم وانا بقلب في صفحتي الجديدة لأني قفلت الي قبلها 
لقيت صفحت عامر قدامي في إقتراحات الصداقة 
فكرت اخش اكلموا بس خوفت بس جه في بالي انو عدي سنتين اكيد نسي اكيد عاش حياتوا 
دخلت بعتلوا رسالة 

( ازيك يا عامر ) 
مجاش رد طول اليوم نمت وصحيت تاني يوم لقيت منو رسالة

( مين ) 

مين هو فقد الذاكرة ولا اي
 اي قظف الجبهة دا

( انا ونس يا عامر انت لسه زعلان مني ولا ايه ) 

( ونس يا بنت الايه فينك كل دا معلش اصل اسم الصفحة دي غير اسم الصفحة الي قبلها وهزعل منك ليه) 

دا فقد الذاكرة بجد بس كده احسن 

( انا في الدنيا يا سيدي انت اخبارك اي ) 

( انا بخير الحمد لله وحشاني) 

عملت نفسي مش واخدة بالي من آخر كلمه 

( يارب ديما بخير ها بتعمل اي دلوقتي في حياتك ) 

بداء يحكيلي كنت مبسوطة لأننا رجعنا زي الاول ونس وعامر القرايب والصحاب بس 
لحد ما ........

( ونس ) 

( ايوه يا عامر) 

( انتي وحشتني اوي)

سلاما قولا من ربنا رحيم اي الي بيحصل دا قررت اخد الموضوع هزار

( مالك يا عامر انت سخن )

( لا مش سخن انتي وحشاني جدا وحبك جويا لسه موجود )

يا لهووووووووي

( انت لسه فاكر الحوار دا يبني )

( وعمري يا نسيتوا اصلا يا ونس هو الي بيحب بينسا ) 

قولت يمكن العقل ينفع

( طيب اي رأيك تحاول تنسي ونبقي أصحاب )

( مش هقدر يا ونس صدقني مش هقدر)

( صدقني انت هتقدر هنحاول مع بعض ) 

( بصي موعدكيش )

( طيب انا هقفل دلوقتي يلا سلام) 

( بقولك )

( اي)

( بحبك)

انت حمار ولا بتستحمر يلي هتشل 
فوتها مره بس دا ساق فيها 

(ونس بقولك)

( ايوه )

( بحبك)
.......
( ونس كنت عايز طلب)

( اتفضل)

( بحبك)
.........
(سلام يا عامر)

( استني )

( اي )

( بحبك)
........

هو عقل تقريبا دا شلني كان يوم أسود يوم ما فكرت اكلمك يبني عمتي 
خرجت من البيت اغير جو شوية روحت كافية كنت متعودة اروحو من زمان ومن ساعت ما عرفت سلمي واحنا بنتقابل هناك بس هي مش فاضية فا خرجت لوحدي 

قعدت طلبت نسكافية وموضوع عامر شاغل دماغي ازي اقنعوا بس يشيل فكره الحب دي من دماغوا اززززززي

حسيت بحد بيخبط علي كتفي 
لفيت واستغربت!!!!!!!!!

لمتابعة البارت الخامس إضغط هنا


reaction:

تعليقات