رواية من يا قلبي الفصل الخامس بقلم سحر الجنايني
رواية من يا قلبي بقلم سحر الجنايني
* من يا قلبي *
* الفصل الخامس *
= ونس
بصيت وريا لما سمعت حد بينادي عليا وبيحط ايدو علي كتفي
واستغربت لقيت شخص معرفوش شاب طويل شعروا اسود عيونوا سوده عندو غمزات ظهرت لانو كان مبتسم لبسوا شيك مين القمر دا
اركزي ياختي
_ احم مين حضرتك
= اي دا انتي بجد مش فكراني
لا انا شوفت المشهد دا قبل كده انا بدأت اخاف
_ هو حضرتك تعرفني
لف قعد في الكرسي الي قدامي
= اعرفك اي يا بنتي احنا اصحاب من مده انا ريحان
هو قمر واسمو قمرين اول مره اشوف كده
_ بصراحة مش فاكرة
= انا مش مصدق بجد احنا اتعرفنا هنا في الكافية لما خبطي فيا ووقعتي عليا النسكافية وسبتي كل دا وبهدلتي
وكنتي هتعيطي علي النسكافية الي وقع وعزمتك علي واحد غيرو ومن ساعتها واحنا اصحاب وديما كنا بنجي هنا في نفس الوقت ونقعد مع بعض
فضلت بصه ليه وسكته ومش مستوعبة الي بيقولوا
فكمل
= ومن حوالي ٨ شهور كده جالي شغل بره فاتضطريت أسافر فجأة والمشكلة ان التواصل مبينا كان هنا بس ماكنش معايا رقمك ولا حتي حسابك ومعرفتش اوصلك ولما رجعت من اسبوع قولت لازم اجي اشوفك واطمن عليكي
حاولت اعصر دماغي عشان افتكر اي حاجة من الي بيقولها بس مقدرتش
_ انا حقيقي من فاكرة
= ازي بس يا كاتبتي
اتصدمت
_ كاتبتك
= ايوه انتي قولتيلي مره انك بتحبي الكتابة وورتني مره نوت بوك معاكي ديما بتكتبي فيها وانا قولتلك ان ليكي مستقبل كبير وسميتك كاتبتي
من الصدمة مقدرتش اتكلم انا فعلا بحب الكتابة ومعايا نوت بوك ديما في شنطتي عشان لما يجي في بالي حاجة اكتبها علطول بس هو عرف منين معقول يكون يعرفني فعلا انا بدأت اخاف منو
_ بص حضرتك انا مش فكراك خالص فانت ممكن تكون متلغبط بيني وبين وحدة تانية
= مستحيل اتلغبط فيكي
_ معلش انا لازم امشي
لسه هقوم
= استني بس طيب اي رأيك نتعرف من الاول انا اصلا معرفش عنك حاجات كتير كل كلامنا كان سطحي عن درستك وشغلي ومره بس الي حبيتي تفضفي فيها وحاكيتي عن موضوع الكتابة دا
ارتبكت واتلغبط
_ انا انا مينفعش اتعرف عليك
= ليه بس
_ عشان عشان انا مرتبطة وبحترم الإنسان الي مرتبطه بيه ومينفعش اتكلم معاك
حسيتوا اتصدم وبعدين زعل
= انتي بجد مرتبطة متاكدة
_ ايوه متاكدة
= طيب نخلي علاقتنا زي الاول طيب
كنت هوافق مش يمكن يعرفني فعلا بس لا لا
_ لا برضو عن إذنك
سبتوا ومشيت وانا بفكر مين دا ويعرفني منين ولو فعلا زي ما بيقول انا ليه مش فاكرة
انا اه بنسي بسرعة بس مش لدرجت اني انسي شخص يعني
حولت انسي الموضوع وروحت فتحت فيس لقيت رسالة من عامر قفلت الفون من غير ما افتحها انا تعبت بجد
عدت الأيام ولسه بروح الكافية لاحظت ان الشخص دا فعلا بيروح هناك كتير تقريبا في نفس معاد منا بروح بقيت بقعد في مكان بعيد عنو اشوفوا بس هو ميخدش بالو مني ولسه برضو بفكر هو يعرفني بجد
رسائل عامر مش بتخلص محاصرني
سلمي مشغولة عني جدا
لوحدي ومش عارفة اعمل اي
روحت في مره الكافية بس ريحان مكنش هناك كنت مخنوقة
شوية ووصل فضلت ابصلوا كتير وافكر
يعرفني ميعرفنيش يعرفني ميعرفنيش يعرفني ميعرفنيش يعرفني ميعرفنيش يعرفني ميعرفنيش يعرفني ميعرفنيش يعرفني
قومت فجأة وحسمت قراري قربت منو ووقفت قداموا
_ هو حضرتك بجد تعرف ونس ااااا قصدي يعني تعرفني
بصلي وابتسم وبانت غمزتوا وظهر سحروا
= ايوا اعرف ونس صاحبتي مش ونس الي وقفة قدامي
فرقط في ايدي
_ مهما الإتنين واحد
= تؤتؤ ونس صاحبتي كانت سنجل
بس ونس دي مرتبطة وبتحترم الشخص الي مرتبطة بيه ورفضة تكلمني حتي
_ منا منا بكلمك اهو
انا ليه مرتبكة كده متنشفي يا بت
= يعني مرتبطة ولا لا
_ احم لا
عيونوا بان فيها الغضب اديقت اه والله عيونوا اديقت
= اقعدي
_ هأ
= اقعدي
استغربت من نبرتوا الحادة وقعدت
= كدبتي عليا ليه
سكت هو بيكلمني كده ليه
= متردي
_ مكدبتش
= امال دا تسميه اي رز بلبن
_ الله بحبوا اوي
= هو مين
_ الرز بلبن
= يا سكر
_ يا نشه
اي برنامج الحلويات الي فتح دا
_ تقدر تسميه حظر
= ازي
_ بصراحة انا مش فاكره اي حاجة ولا انت مين ولا تعرفني منين ولا مقابلتنا الاولة
ولا التانية ولا اي حاجة زي ما اكون فقدت الذاكرة من ناحيتك انت بس ميييييييح
ولما ظهرت كده فجأة انا خوفت واتوترت وقولت اول حاجة جت في بالي هي جت كده بقا
= ايوه بس دا برضو ميمنعش انك كدبتي والي بيكدب بيروح فين
_ مارينه
اتكلم بجدية
= بنت بنت عيب انتي هتهزري معايا ولا اي
اتحرجت وكنت هقوم
_ احم انا اسفة
قلب سرسجي مره وحدة
= خدي هنا يا بت هو دخول الحمام ذي خروجة
_ بت لما تبتك البت دي بتلعب معاك في الشارع
= انتي بتتحولي ولا اي اي سوكة العبيطة الي ظهرت دي
_ لا بقولك اي هنبدأها كده امشي احسن
= انتي قولتي نبدأها
_ اي عندك مانع لو عندك مفيش مشكلة امشي
= يا ستي اقعدي انتي بتتلككي والله
_ اممممم مش بالظبط يعني
كملنا كلامنا وعرفت انو كان في كليه تكنولوجيا و معلومات ودلوقتي بيشتغل في شركة برمجة كبيرة وساعات بيجيلوا شغل بره ارتبط قبل كده واكتشف انها علي علاقة بصاحبوا
( واطية اوي حد يخون القمر دا دا حتي اسمو ريحان)
وسابوا بعض
ومن ساعتها قرر ميحبش تاني
وجود ريحان هون عليا كتير غياب سلمي وذنبي ناحية عامر
♤ ونس
سمعت صوت رسالة بصيت لقتها من عامر
_ ايوه
♤ بحبك
ياختتتتتتتي انا ايه خلاني ارد
♤ مش ناوية تردي
_ ارد اقول اي يا عامر منتا عارف الرد
♤ عارف
قررت اجريه يمكن اعرف السر في تمسكوا بيا اوي كده
_ عامر
♤ ايوه ها هتقوليها صح
_ هي مين دي
♤ الكلمة الي هموت واسمعها
_ لا طبعا
♤ ربنا يجبر بخاطرك والله
_ احم عامر هو انت حبتني ازي
♤ بالتصوير البطئ
_ هأ خأ خؤ لا تصدق ضحكت مش قصدي قصدي ازي بسرعة دي انا مقعدتش عندكم غير اسبوع وانت حبتني من ثالث يوم ايه يعني دنا لو عملالك عمل في بطن فرخة مش هتحبني بالسرعة دي
♤ اي مش بتسمعي عن الحب من اول نظرة
_ بس انت محبتنيش من اول نظرة يا عامر خلينا صرحة مع بعض
♤ امممممم
صح انا محبتكيش من اول نظرة انا حبيتك وانا معرفش يعني اي حب اصلا
_ مش فاهمة
♤ هو انتي فعلا يا غزل مش فاكرة ايامنا زمان
استغربت
_ ايامنا زمان هو احنا اتعاملنا مع بعض قبل الاسبوع الي جيت فيه عندكم انت طول عمرك عايش في القاهرة
♤ ايوه يا ونس طول عمري عايش في القاهرة
بس كنا بنجي إسكندرية إجازة
_ مش فاكرة ولا مره بصراحة
♤ بس انا فاكر
فاكر كل مره لعبنا فيها سوا
كل مره ضحكتي فيها ليا
كل مره عيطي وانا صالحتك
كل مره كنت بحوش فيها عنك لما تتخانقي مع محمود اخويا
كنت طفل وانتي طفله بس مكانك جويا مكنش مكان طفلة كان حاجة كبيرة انا مش فاهمها
لأني طفل ولما كبرنا وبطلنا نجي اسكندرية معرفتش انساكي
معرفتش انسي ونس بنت خالي
الي كنت بحب العب معاها
او بمعني اصح كنت بحب اجي اسكندرية بس علشانها
بحب اعمل كل حاجة معاها وعلشانها
وكنت بعيط وانا سيبها وماشي
كبرت وكبرتي جويا
ولما عرفت الحب
اكتشفت اني اعرفوا من زمان
اعرفوا معاكي وبيكي وبس
كنت بعرف اخبارك ديما من خالي
كنت خايف تحبي حد واخسرك
كنت خايف تنسيني
انا لي اقنعت خالي انك تجي قبل الفرح بأسبوع
وماصدقت انك جيتي
جيتي وانتي معاكي قلبي
ومشيتي وانتي معاكي كل حياتي
كنت بقرأ كلاموا وبعيط كل دا كان جواه وانا مش حساه ولا عايشه الي هو عايشوا
إحساس الذنب بيزيد ووجع قلبي بيزيد اكتر
ومحاولتي اني اقنعوا ان دا مش حب فشلت
غلبني للمره المليون وهو بيثبتلي انو بيحب
وانا مش عارفة احب
♤ ونس
اتنهدت بضيق
_ نعم
♤ ممكن طلب
_ تاني يا عامر
♤ لا المره دي بجد
_ اتفضل
♤ عايز رقم تلفونك
قفلت الفون وحاولت انام
صحيت تاني يوم علي رنت تلفوني
= صح النوم يا كسلانه معادنا فات وانا مستني
فوقت لما سمعت صوت ريحان دا كان معدنا في الكافية
_ اسفة يا ريحان راحت عليا نومة
= طيب يلا بسرعة انا مستنيكي
فكرت ارفض بس انا محتاجة اتكلم مع اي حد
لبست ووصلت وانا مش شايفة قدامي
_ صباح الخير
رفع وشو وبصلي
= صباح الن .........انتي معيطة
البسمة علي وشو اختفت وبصلي بقلق
_ لا خالص انا بس مانمتش كويس
= اي هنكدب تاني
اضيقت
_ ومين قالك اني بكدب يعني
= باين علي وشك
_ وانت لحقت تعرفني عشان تعرف من وشي انا مالي ولا بكدب ولا لا
= ملحقتش اعرفك بس عايز اعرفك
المواقف الي بتحتار فيها اهرب منها عشان هتاخد قرار غلط في نفس اللحظة هتندم عليه بعدين
افتكرت الجملة دي وانا قاعدة قداموا كنت كتبتها في النوت بتاعتي
بس انا مهربتش
اتنهدت
_ انا جعانة
بصلي شوية وسكت وبعدين طلب اكل واحنا قاعدين بناكل سمعنا صوت اتنين بيتخانقوا قاعدين في التربيزة الي جنبنا كانوا ولد وبنت
صوت الولد رن في ودني وهو بيقول( انا حقيقي مش فاهمك انتي عيزاني ولا لا )
وهي ردت
( انا كمان مش فاهمة نفسي )
تابعت الحوار
( طيب والعمل)
( مش عارفة صدقني مش عارفة )
وقامت سبتوا ومشيت
فضلت نظرتي تنتقل بين الولد الي موطي راسه قداموا وشكلوا مكسور بخاطروا
وبين الباب الي البنت لسه خارجة منو
= محتارة
انتبهت علي صوت ريحان الي من الواضح أنو متابع الحوار من الاول زيي وبعدين فضل متابعني وانا ببصلهم
_ تقصد اي
= هو بيحبها وهي مش عارفة
لقتها فرصة اتكلم عن نفسي بس من خلال حكاية حد تاني
بلعت ريقي
_ طيب ليه مش عارفة
= قلبها خايف متردد مش قادر يحسم قرارة
_ طيب ما تبعد
= مش عارفة
_ خلاص تكمل
= مش قادرة
_ طيب والعمل
= مش عارفة
_ بس هي كده بتأذية
= وهو مستحمل وراضي
_ دا ظلم
= لمين فيهم
_ وهي ممكن تكون مظلومة
= هي ضحية حيره قلبها لانوا لسه موصلش للنضج الطبيعي الي يخليه يحكم علي مشاعرو بالسلب أو الايجاب ومش ذنبها انو حبها ولا ذنبها اني قلبها محتار
عارفة ذنبها الحقيقي اي
بصتلوا بتركيز وكأني مستنيه منو يقول حاجة انا مش حاسه بيها عشان مبقاش مذنبة في حق عامر
_ اي
= انها سيبه حيرتها تماشيها وهي ماشية ورها
لغيه عقلها ومش عايزاه يدخل ويحل الصراع الي هي فيه مع انو في حالات كتير بيحل المشكلة في ثانية
حسيت ان اعصابي سابت وانا بسمع كلاموا فعلا انا سيبه حيرتي تتحكم فيا وماشية ورها مش غير ما احكم عقلي
في اللحظة دي سمعت صوت تلفوني بصيت لقيت رقم غريب بيرن استغربت
= في حاجة
_ مش عارفة رقم غريب
رديت
_ الو
♤ وحشاني صوتك اوووي
اتصدمت ومن غير ما أحس رفعت عيني وانا متنحة وبصيت لريحان الي كان بيبصلي وفي عينوا نظرة فضول
افتكرت اني اتهلبت وبعتلوا رقمي إمبارح
عااامر!!!!!!!!!
لمتابعة البارت السادس إضغط هنا
تعليقات
إرسال تعليق