رواية غرام الزين الفصل الثامن بقلم مروة النشار
رواية غرام الزين الفصل الثامن بقلم مروة النشار
روايه غرام الزين
البارت الثامن
فى بيت فهد
رجع البيت متأخر كان تقريبا الكل نام
دخل اوضته ونام
همسه كانت عارفه أن غرام هربت وهى اللى قالت للحراس أنهم يمشوا من قدام البوابه الخلفيه علشان تسهل عليها الهروب
علشان هى مش عاوزها معاهم فى البيت
وكمان فهد لو عرف انها هربت من البيت ممكن يقتلها علشان ممكن تستقوى وتقدر تاخد منه الورث وبكده هتكون الشركه والبيت والفلوس وكل حاجه ملك غرام
اومال لو هى فى البيت عمرها متقدر تتعلم علشان تقدر تاخد الورث ولا تدير الشركه وبكده هتبقى تحت كلمته طول العمر
_____________________
أما بقى فى الشركه
ادم اتفزع اول لما حس بإيد على كتفه
لف لقى زين
راح شد زين من أيده وخرج بره الشركه بسرعه
وبعدين ركبوا العربية
زين : فى اى ي بنى انت بتجر جاموسه وراك
ادم : وهو بياخد نفسه
أهدى وهحكيلك...........وبعد فتره أنهى ادم حديثه
زين : انت كده فى خطر عليك
ادم : متخفش بص احنا كده مش هنعرف نراقبهم احنا عاوزين خطه تانيه نراقبهم بيها
وانا حروح بكره الشركه بدرى وأشوف إذا ظهرنا فى كاميرات المراقبه ولا لأ علشان لو ظهرنا امسحهم قبل محدش يشوفهم
وانت فكر فى خطه تانيه نراقبهم بيها وابقى تعالى الشركه بكره علشان فى صفقه جديده ولازم تكون موجود علشان فهد يوثق فيك شويه
زين : هو اكيد عمى عدلى ومنصور ابنه هيكونوا هناك
ادم : ايوه الكل يكره هيكون موجود
زين بقرف : ماشى هبقى اجى
ادم بتحذير : تعالى بدرى ي زين انت عارف ابوك ليه اسهم اكتر من عمك يعنى انت لو وقفت فى الشركه كتير وبقيت مركز فى كل حاجه هتبقى أعلى من عمك وابن عمك وانت اللى هتأمر بعد كده
زين : انت عارف انى مش بقبل عمى ولا منصور علطول بيشوفونى أقل منهم وبابا مديهم حق زياده عن حقكم
ادم : علشان ديما مين اللى واقف جنبه عدلى ومنصور وانت مش بتيجى الشركه فى لو فى صفقه مهمه أو اجتماع تعالى واعرف الشغل ولف على الموظفين اعمل صوت ليك فى الشركه خلي الموظفين كلهم تقفوا على رجليهم لما تشوفك
زين : والله عندك حق اومال دماغك كانت فين من زمان ليه
ادم : كانت فى اجازه
زين : طب يلا ي ظريف نروح نلحق ننام ساعتين علشان نيجى بدرى نشوف موضوع الكاميرات ده
______________________
فى صباح يوم جديد تشرق الشمس على ابطالنا 🌞
عند غرام صحيت واخدت دوش وصلت فرضها
وبعدين صحت اسراء
اسراء إسراء ي بت قومى
اسراء بنوم : ي ماما خمس دقائق بس
غرام : ماما مين ي بت انا غرام قومى
اسراء : ااه صح غرام
غرام : صباح الخير
اسراء : وانتى من أهله
غرام : يخربيتك هتموتينى من الضحك قومى قومى
اسراء: خلاص قومت اهو
غرام : خرجت برا الاوضه وقعدت تلف فى الفيلا لحد ملقت
جاسر خارج من الاوضه
غرام بإحراج : انا اسفه بس لسه مش عارفه المكان هنا
جاسر : ولا يهمك ي بنتى
تعالى انزلى من هنا هتلاقى
زهره فى المطبخ اتكلمى معاها لحد ..اومال إسراء فين
غرام: اسراء هتصلى وتنزل
جاسر : ماشى انا برا فى الجنينه لحد ما الفطار يجهز ونتكلم مع بعض شويه ولا تحبى تقعدى معايا فى الجنينه
غرام : انا هتدخل مع طنط المطبخ
جاسر :, اللى يريحك
____________________
زين وادم
كانوا وصلوا الشركه والأمن اتستغرب جدا وجود زين
بس اكتر الموظفين بتحبه علشان طيب ومش عصبى
دخلوا الشركه وراحوا يشوفوا الكاميرات
والحمدلله ملقوش حاجه
وراحوا اوضه الاجتماعات وجهزوا ورق الصفقه وكل حاجه بقت جاهزه
ادم : قعد يكلم زين عن الصفقه علشان يعرف يتكلم فى قدام الناس وفهد يفرح بيه
زين : خلاص فهمت أتفرج بقى وشوفنى وانا بتكلم وبشرح على الشاشه
ادم : ي جامد تعالى بقى نفطر الاول
زين لأ انا مش هتحرك من هنا علشان لما يدخلوا يلاقونى قاعد مستنيهم
ادم : ماشى انا هروح اجيب فطار واجى نفطر هنا
زين : ماشى
وبعد ما ادم
مشى زين جاتله فكره
وقرر يقولها فى الاجتماع
وبعدين افتكر أنه وهو طالع مطمنش على غرام الاول
رن عليها وكان تليفونها فى اوضه اسراء
اسراء: خرجت من الحمام لقت التليفون بيرن
ولقت المتصل زين
اتوترت وبعدين جريت على تحت وقالت لغرام
غرام : بتوتر ارد ولا لأ
اسراء: لأ طبعا
غرام : الو
زين: ازيك ي غرام
غرام استغربت وبعدين عرفت أنه لسه معرفش انها هربت : الحمدلله ي زين انت عمال اى
زين: الحمدلله معلش روحت الشركه بدرى وملحقتش اشوفك
غرام بفرحه : بجد انت روحت الشركه
زين : ايوه علشان فيه صفقه مهمه انهارده ولازم اثبت وجودى بقا وابقى ليا صوت فى الشركه ولا اى رأيك
غرام : طبعا ي حبيبى لازم يبقى ليك كلمه فى الشركه
زين : انتى قولتى ي ايه
غرام : انتبهت لما قالته مقولتش حاجه
زين : متأكدة
غرام: متأكدة
زين : ماشى بس اعرفى أنى نفسى اسمعها منك اوى
غرام : سلام بقى علشان مش فاضيه
زين : ماشى سلام خلى بالك من نفسك
استنى استنى
غرام : أي فى اى
زين : ادعيلى ربنا يوفقني انهارده فى الشركه
غرام: ربنا معاك ويوفقك وينولك اللى فى بالك
زين : احلى دعوه سلام
_____________________
همسه قامت ودخلت اوضه غرام
وبعدين ابتسمت بشر
وبعدين قعدت تنادى على مامتها
ايمان : فى اى بتنادى كده ليه
همسه : غرام مس موجوده وهدومها كمان شكلها سابت البيت
ايمان بفزع : اى ازاى يعنى ودخلت الاوضه
لقت الدولاب فاضى والسرير نضيف يعنى هى كده هربت بليل
وراحت علشان تقول لفهد
لقته اتحرك
دخلت علشان تتصل عليه
فهد لما بيكون عنده شغل مهم بيقفل التليفون
ايمان : قعدت تتصل والتليفون طلع مقفول
راحت للحراس تسأل على أرقام الحراس اللى مع فهد فى العربيه
وهميه واقفه فى البلاكونه قمه ساعدتها
هى مش مدركه أنهم ممكن يخسروا كل حاجه لإنها ملك غرام
بس همها الوحيد انها تطلع برا حياتهم علشان هى بتحب واحد
وهو لما جيه معاها البيت علشان يتعرف على مامتها شاف غرام
وهى ساعتها كانت بتعاملها حلو علشان هو موجود
وهو فكر أنها بتحبها وبعدين قالها انه عاوز غرام فهى اتضيفت اوى وبس مبينتش حاجه وقالتله حاضر هكلمها علشان كده عاوزها تبعد علشان تحاول تخليه يعجب بها هى اومال لو غرام قدامه على طول مش هتعرف
_________________________
الكل قعد على الفطار
اسراء : غرام أفطرى هو انتى مكسوفه ولا اى
غرام : لا ابدا
اسراء: يبقى اكيد الاكل مش عجبك بس نصيحه منى اعملى نفسك بتاكلى علشان محدش ياخد باله
غرام : لا ابدا دا الاكل جميل تسلم ايدك ي طنط
زهره : بالهنا والشفا على قلبك
وبعدين قوليلى ي ماما انا كان نفسى اجيب اخت لإسراء وربنا مأردش واهو عوضنى بيكى
غرام : حاضر ي ..ماما
جاسر : بصى ي غرام انتى دلوقتى هتقعدى معانا هنا لحد ما ورق السفر يجهز وتسافرى انتى واسراء تكملوا دراستكوا برا بس معلش اسراء كده متقدمه عنك بسنه بس فى نفس الجامعه متقلقيش
غرام : إنشاء الله خير وشكرا اوى على مساعدتكوا ليا
اسراء : لما كونتى بتكلمينى من موبيل زين كونتى بتمسحى الرقم
غرام: ااه متقلقيش بمسح الرقم علطول وكذا مره قعد يسألنى عليكى علشان يعرفك كنت بخترع حجه علشان نقفل الموضوع ....
.....
نكمل البارت الجاي إنشاء الله
وعاوزه تفاعل كبير بقى علشان أنا بتعب فى البارت اوى ي جماعه وبحاول اطوله على قد مقدر عاوزه تفاعل بقى
بقلمى مروه النشار 🥰🥰
لمتابعة البارت التاسع اضغط هنا
تعليقات
إرسال تعليق