القائمة الرئيسية

الصفحات

رواية عروس مصاص الدماء كاملة بقلم نور الفصل الثالث 3

 رواية عروس مصاص الدماء كاملة بقلم نور البارت الثالث 3 عبر كوكب الروايات

رواية عروس مصاص الدماء كاملة بقلم نور

رواية عروس مصاص الدماء كاملة بقلم نور الفصل الثالث 3


لينحنى لعنقها ويغمض عيونه باستسلام للقانون ليراها امامه وهى تبتسم له تلك الابتسامة التي عشق رسمها على شفتيها ولمعت عيونها بسعادة وظهور غمازات خدودها ليفتح عيونه وقلبه ينبض بقوة لها ليتأملها وهى تبكي وهى مغمضة عيونها وترتجف بين يديه وجسدها بارد كلوح الثلج ...تبكي بصمت وعيونها مغلقة تخاف من ملامحه التى ترعبها وهى لم تشعر بشئ ليتشنج جسدها حين تشعر بقبلة على عنقها البارد من شفتيه الدافئة لتمسك بيديها فستانها بقوة بخوف لتشعر بقبلة أخرى على جبينتها لتفتح عيونها بخوف وهى تفكر فى مظهره وكيف ملامحه ...لتراه عاد لطبيعته لتتقابل عيونهم فى نظرة طويلة صامتة ليمدد جسده على السرير بجانبها ليجذبها من معصمها نحوه ليطوقها بذراعه بحنان لتنام فى حضنه لتشعر بدقات قلبه تتسارع لتبقي صامتة حتى تغرق فى نومها بهدوء فهى لم تنام منذ أن جاءت إلى هنا ......

❤ ❤ ❤ ❤ ❤ ❤

تقف الملكة أمام النهر وخلفها خادمها تنتظره أن ياتى لها بدماء تلك العروس تشرق الشمس الذهبية واشعتها تسيطر على المكان والأشجار بجمالها لتشعر بيه يقترب منها لتدير جسدها له لتراه يقترب وهو يحمل اناء فى يديه وعلى ملابسه دماء

الملكة للخادم: اقفل صنبور الدماء ورجع النهر لطبيعته

الخادم وهو ينحنى: امرك

لياخذ الإناء منه ويذهب

الملكة :مبروك العروس ال١١ ليك

فارس: شكرا

لتضع يديها على كتفه برضا وتذهب ليبتسم بخفة وقلبه ينبض بخوف شديد

❤ ❤ ❤ ❤ ❤ ❤

تستقيظ سارة بتعب لتجد نفسها على الارض مليئة بالأتربة والغبار فى مكان معتم لم يدخله اى ضوء

سارة بتعب وهى تقف: ااااه انا فين

لتتذكر ما حدث

#فلاش_باك

تنام فى حضنه بتعب واستسلام لتشعر بيديه تحملها على ذراعها لتفتح عيونها نص فتحة بتعب لتراه يدير نفسه حوله بقوة لتشعر برياح قوية لتلف يديها حول عنقه بخوف وفي اقل من ثانية تعود لنومها بسرعة البرق لتبقي اخر شئ تراه وهو يركض بها خارج القلعة ....

❤ ❤ ❤ ❤ ❤ ❤

لتمسك فستانها وتمشي وهى لا تري شي لتصدم بجسد قوي به عضلات بارزة وصدر ممشوق تعلم بأنه اطول منها حولى ٥٠ سم من أنفاسه ورأسها مقابل صدره لتري بعض فقاعات تظهر حولها فى الهواء وهى تضئ لتنور لها المكان لتراه يقف امامها وهو يمد يده في الهواء وينظر لها بهدوء وصمت لينزل يديه ليضعها خلف ظهره وتلك الفقاعات تضئ لها المكان باللون الازرق وتتغير الوانها لتعود خطوة للخلف بخوف منه

فارس :متخافيش

سارة وهى تنظر حولها: انا فين

فارس وهو يذهب للداخل: فى كهف وسط الغابة

سارة بشهق :كهف ليه

فارس: علشان متموتيش

سارة بدون فهم: يعنى ايه

فارس وهو يجلس على إحدى الصخور :تعالى اقعدى

سارة: مش عايزة

لتفزع حين تراه يقف أمامها مباشرة بسرعه البرق

فارس: لما اقولك حاجه تعمليها انتى عايشه بفضلى

سارة :انا هموت كده كده

فارس :انتى دلوقتى بالنسبة لكل اللى هنا وعلى الضفة التانيه انتى ميته

سارة :ها

فارس: انتى ميته بالنسبة للكل انا بس اللى عارف انك عايشه

سارة :هفضل فى الكهف كتير

فارس :طول حياتك

سارة :انا كده مش عايشه انا كده ميته بس لسه فيا روح ده سجن ومخيف وضلمة هعيش هنا ازاى

لتصدم حين يمتلك وجهها بحنان بين كفيه وهو ينظر لها

فارس :هنوره ليكي وهجيبلك كل اللى عايزاه بس اصبري عليا حاليا لو حد حس بحاجة خطر وهخليكي تتطمنى على جدتك

سارة بهدوء وخوف: اصبر عليك وخطر هو انا عملت حاجة

فارس بهدوء: انا اللى عملت..كان لازم الشمس متطلعش عليكي حيه وطلعت

سارة :ليه

ليبتعد عنها ويذهب للداخل وهو يعطيها ظهره

فارس :مش عارف ... بيقولوا أن احلامي بتتحقق وانتى ظهرتي فى احلامي حيه

سارة بفضول: ازاى

فارس :لما يحصل حاجة من احلامي هقولك انى شوفتها في حلم.. زى المكان ده انا شوفته فى الحلم

سارة وهى تشعر پألم معدتها :طيب انا ...

فارس: جعانة

سارة بدهشة: اه

فارس: علشان كده زرعت كام شجرة خضار علشان تأكلى

سارة :هو هنا مفيش اكل

فارس: صعب تلاقي هنا اى اكل ليكي هنا مفيش غير الدم

سارة: يعنى هموت من الجوع والعطش

فارس: انا زرعت شجرة تفاح وطماطم وكمان بطاطس بقالي كتير مستنيكي

سارة وهى تجلس بجانبه على الصخرة: انت تعرفني

فارس وهو يسند ظهره على الحائط و ينظر لها بشوق :انا بشوفك فى حلمي من ٣٠٠سنة وكنت هتجنن انتى مين وبما أن احلامي بتتحقق فكنت مستني الحلم يتحقق واشوفك ..فى كل حلم كنت بعرف حاجة عنك اول حلم عرفت انك عروس والتاني انك بشريه

سارة بدهشة: ٣٠٠ سنة انا عمري ٢٥ سنه بس

فارس وهو يعود بنظره للامام بعيد عنها: انا عمرى ٦٨٠ سنه

ليصدم حين تمسك وجهه بيديها وتديره لها بطفولة ودهشة وهى تتفحصه

سارة وهى تتفحص: كام ازاى فين الشعر الابيض والتجاعيد ليه نظرك مخفش

فارس: انا مش بشر

سارة وهى تتركه بحزن: اه صح...تختلف عننا فى أيه غير العمر

فارس: اول حاجة شعري مبيبيضش ولا جلدي بيكرمش عندنا هنا بنسميها جمال خالد تانى حاجة واهم حاجة معنديش قلب...

لتقطعه سارة: ازاى انا سمعت دقاته امبارح

فارس: ازاى بقولك معنديش قلب

لتضع يديها فوق قلبه لينظر لها بصمت وهدوء لتشعر بدقات قلبه

سارة: اهو

فارس بارتباك وهو يقف :هروح اجيبلك اكل

لتقف معه بسرعة: علشان جعانة

ليكاد ان يذهب ليعود لها ويقترب منها لتداعب أنفاسه جبينتها وهى تنظر له

فارس: طلبي الوحيد منك او اعتبره نصيحة متقعيش فى حبي لان ملهاش حل ومعنديش حاجة اعملهالك وقتها

لتنظر له بغرور وهى تضع يديها فى جيب فستانها وتذهب بنظرها للامام :لا دي حاجة مؤكدة هو انا اتجننت علشان احب مصاص دماء وبعدين مش نوعي المفضل

فارس: انا بس لسه مرمتش سحري عليكي

سارة بغرور وهى تذهب للداخل: نصيحة منى انا بقا متقعش فى غرامي

لينظر لظهرها ويذهب وكيف لا يقع فى غرامها وهو حقا عاشق لها وغارق فى غرامها بالفعل والا ما كان ارتكب تلك الجريمة وابقاها حية حتى الآن

❤ ❤ ❤ ❤ ❤ ❤

يقف فارس يجمع لها بعض الخضار من الأرض لتأكل فهى لم تأكل شئ منذ أن جاءت لهنا منذ ٤ ايام لتاتى له لارا

لارا :بتعمل ايه

فارس وهو يجمع البطاطس: انتى شايفة ايه

لارا بسخرية :انا شايفة الامير بيجمع الزرع بنفسه

فارس :اه

لارا :ليه انت مش هتبعته للقرويين زى كل مرة

فارس وهو يقف :لا

لارا: ليه

ليمسك القفص الزجاجي ويذهب دون أن يجيب عليها ليقابله الخادم

الخادم وهو ينحنى له ويعطيه كيس لياخذه ويذهب

❤ ❤ ❤ ❤ ❤ ❤

تجلس سارة وهي تنظر حولها بصمت وتسمع أصوات مخيفة حولها من الخارج لتري ظل يقترب نحوها لتفزع وتقف لتركض بخوف لتصطدم قدمها بصخرة وتجرحها وتختبي خلف الصخور الكبيرة الموجودة فى الكهف ......
اتبع الفصل الرابع 4 اضغط هنا
reaction:

تعليقات