رواية في مهب الريح الفصل الرابع - نهال مصطفي
رواية في مهب الريح الفصل الرابع
عند بيت يوسف
محمد:انتوووووو يابشر يلي هنا فينكم ولا كانكم عندكم ولد تسألو عليه
منيره:بس ياولد باباك معاه ضيوف في المكتب مش عاوز دوشه
محمد:حبيبتي يامنيره ياعسل انتي وانتي كده خايفه علي مصالح الحج يوسف
منيره:اه منك نصك كلام والنص التاني صوتك عالي ع الفاضي
محمد:بذمتك انا نصي كلااااام لالاااااا يبقي متعرفيش ابنك يامنيره داحنا جااامدين اوووي اوووي ونعجبك اووووي اووووي الا بالحق كنت عاوزك في موضووع خطيييييييييير يامامتي
منيره:مادام قولت مامتي يبقي في مصيبه ها اشجيني
محمد:اقول ومن غير ضرب
منيره:وانا من امتي ضربتك ياحبيبي قول خير قلقتني
محمد:اصلووو اصلووو
منيره:يابني ما تنطق مالك سفيت كده
محمد:اصللوووو نفسي اتجوز وعاوزك تجمعيلي عروسه
منيره باستفهام وطيبه:ها احكي اي الموضوع
محمد:منا قولتلك بس شكلك مسمعتيش كويس منيره ايوه ياخويا قول اصلي واقعه علي وداني انا وصغيره
محمد:بقولك ياحجه عاوزك تجمعيلي عروسه علشان اتجوزها
منيره:هههههههههههههه يحظك يامحمد بتقول نكت حلوه
محمد:عاااوز اتجوز ياناس حسو بيا بقي
منيره:ياحبيبي ياناس كبرت وعاوز تتجوز ميدو حياتي انا سبق وقولتلك اني مضربتكش قبل كده
محمد:ايوه ياست الكل وده اللي شجعني اني اقولك لاني حسيت انك هتفهميني
منيره:اممممممم تصدق عندك حق بقي انت عاوز تتجوز محمد:ايوووون
منيره:وعاوزني انا اجمعلك عروسه
محمد:هيييييييييح باالظبط كده
منيره:حد يناولني الشبشب للولد اللي هيقصف عمري بدري واخد محمد يركض وهي منيره تركض خلفه
منيره:طيب ياخويا نجوز الموكوس الكبير الاول
مروان من الخلف:اه ع ما اظن مفيش موكوس كبير غيري في البيت ده
منيره:اهلا ولدي الكبير وصل تعالي الحقني وهاتلي الواد ده من قفاه هد حيلي وانا اجري وراه ومش عارفه احصله
مروان:ليه بس ياست الكل قوليلي عملك اي وانا اربيهولك
منيره:ابدا عاوز يتجوز مروان:هههههههههههههههههههههههه يابن الجنيه طيب وانت اي اللي معصبك بس
منيره:لا والله ناقص يقولي عاوز فيلتي اسكن فيها لوحدي مع مراتي
مروان:هههههههههههههههههههههههه والله ياحجه منيره ممكن مش بعيد بس انتي غلطانه
منيره:انا ليه ياحبيبي
مروان:الولد في سن حرج وكويس انه جيه وقالك انتي وكويس اوووي انها جات ع اد الجواز
منيره:يعني اي مش فاهم
مروان:ياحجه انا لو منك اجوزه مش احسن ما يشرب مخدرات ويبقي مجرم
منيره:يشرب مخدرات ياااااااالهوووي
مروان:ايون ويبقي مجرم ماتنسيش
منيره:لالا ياحبيبي يابني من بكره ادورله ع عروسه وانت ياضنايا مش عاوز تتجوز
مروان:لا ياحجه اعفيني انا من الموضوع ده مااحبوووش
منيره:مااحبوش واعفيني ويشرب مخدرات
مروان:ونسيتي يبقي مجروم ههههههههههههههههههههه
منيره :ااااه يااانا يااااااامرراااااي ولادي هيشلوني بدري منا بقول من الصبح حد يجيبلي شبشب وركض مروان الي غرفته وهو يضحك ويحمد ربه علي انه رزقه بام حنونه وطيبه كده:يلا بقي ياحجه حضري الغدا حقا انا واقع من الجووع
منيره:ياااااااااااارب الصبر من عندك علي العيال دي واحد لسع والتاني ضرب وهيشلوني انا معاهم يوسف ويعلو بصوته:ياام مروان يااااحجـــــــــــه
منيره:نعم ياحبيبي يوسف:تعالي كنت عاوز اعرفك علي حسين بيه الشرفي منيره :حاضر يايوسف هلبس حجابي وجايه يوسف:اوك بس بسرعه ***************************************************************************************************************ونروح علي مكان تاني وهو بيت نورهان وكنا وقفنا هي وبتقول علي جثتي الجوازه دي محمود:هتكسري كلام جدك وعمك نور:بابا اسفه كله الا مستقبلي محدش ليه دعوه بيا وانا مين قالكم اني عاوزه اتجوز حامد:مادام انتي كده تعتبري اللي عملتيه ده اي
نور:عمو انا مش عملت حاجه وابنك الموقر سوري يعني كداب وساذـــــــــــــ
وقبل انا تكمل كلمتها لطمها محمود علي وشها كادت تصرخ من الوجع
محمود:اي الاسلوب اللي بتتكلمي بيه ده يدل انه كلام حازم كل صح
نور:انت بتضربني يابابا
محمود:واكسر دماغك يلا ع اوضتك وزي ما سمعتي خطوبتك الخميس الجاااي
حازم ببرود :لا ياعمي مش كده كله بالخناق الا الجواز بالاتفاق ولو سمحت بعد اذنك ممكن ماتضربش نور تاني دي هتبقي مراتي وانا لو معرفتش احمي مراتي يبقي ماستاهلهاش
حامد بفرحه:عداك العيب ياولدي صحيح متربي وابن اصول ويلا بينا بقي يابوي كفايه اللي حصل ونسيب محمود يتصرف مع بنته -------------------------------------------------------------------------------------------------------------------------- منيره:سلام عليكم ويقوم ليسلم عليها رجل كله وقار وكبرياء وينظر اليها
حسين:وعليكم السلام ياهانم ومد يده ليصافحها لكن منيره بابتسامه
عريضه:اهلا وسهلا بحضرتك لكن سوري ما بسلمش حسين مااشاء الله ولا يهمك واقتربت منيره من يوسف
يوسف:اهو ده ياستي حسين بيه الشرفي من اعز اصدقائي وان شاء الله هنفتتح قريه شرم الشيخ سوا
منيره:ان شاء الله الله يوفقكم ويبعد عندكم ولاد الحرام
يوسف:ودي بقي ام مروان احلي هديه ربنا رزقني بيها هي مرايتي اللي بشوف بيها الدنيا كلها
حسين:ربنا يخليكم لبعض هتستاذنكم انا
يوسف:نورت وشرفت ياحسين
حسين:الشرف ليا طبعا اني اتعرف ع ام مروان وان شاء الله فرصه سعيده
منيره:انا اسعد طبعا
حسين:سلام عليكم
كلهم:وعليكم السلام وكاد ان يخرج حسين من الباب والا انه اصطدم ب مريم
مريم:سوري ياانكل ماخدش بالي
حسين :ولا يهمك ياقمر وهو ينظر اليها نظره غريبه وانا حسين صاحب يوسف بيه
مريم:really صاحب بابا اهلا وسهلا بحضرتك
وانا مريم حسين :اهلا بيكي يامريم وانا سعيد اني اتعرفت عليكي باااي يابنتي
مريم:باي باي يااونكل **********************************************************************************************************ونروح لمكان تاني مش بعيد اووي غرفه مروان بعدما انهي الشاور بتاعه وجده ع فونه 8 مكالمات لم يتم الرد عليها والا ليفتحهما وجدها ناادين ايوه نادين ""نادين دي بقي تعتبر اصدق قصه حب في حياته بنت جدعه وبتحبه بجد ومن عيله ميسوره الحال واتعرفت علي مروان في الجامعه لانه لما اتخرج اتعين معيد لمده سنه وبعدها قرر يشتغل مع والده ويسيب شغل الجامعه المهم اتعرف علي نادين وحبها بجد بس باباه مش موافق ع ارتباطهم لانها من اسره فقيره والصراحه مش ده السبب الحقيقي السبب الحقيقي هنعرفه بعدين""" قرر مروان ان يعود الاتصال بنادين
نادين:معقوله يا مروان كل ده علشان ترد
مروان:معلش ياحبيبتي كنت باخد شاور المهم طمنيني عليكي وع مذاكرتك مش عاوز كسل عاوز مراتي تبقي اكبر واحسن معيده في الجامعه
نادين :يارب يارب ياحبيبي
مروان:يارب يارب اي تبقي مراتي ولا تبقي معيده
نادين بكسوف:مروان بس بقي
مروان:اممم بس بقي يبقي ربنا يسهلك وتبقي احسن معيده
نادين:وبس
مروان:اومال انتي شايفه حاجه تاني
نادين:انا لا مش شايفه مروان ولا انا كمان
نادين:ع فكره دمك بقي غلس خااالص وانا مخاصماك
مروان:روحي انا ومراتي انا تخاصمني تؤتؤتؤتؤ ميرضنيش الكلام ده
نادين:شوفت بقي علشان انت وحش
مروان:اممممممممممممم يعني لازم اصالح مراتي بس اصالحها ازاااي ماتساعديني ينوبك ثواب
نادين هي تكتم ضحكتها ع طريقته :وانا مالي ماتفكر انت مش انت اللي زعلتها
مروان :خلاص ياستي لقيتها
نادين:اي هي مروان
بضحك:المحفظه
نادين:امشي من هنا يامروان
مروان وهو يضحك: لالا خلاص جهزي نفسك الساعه 7 بالدقيقه هكون قدام بيتكم محضرلك مفاجئه ياستي ها وخليكي فاكره 7ودقيقه ملقتكيش همشي
نااادين:هيييييييييييح ربنا يخليك ليا يااحلي مروان في الدنيا
مروان:ويخليكي انتي كمان يلا بقي اخلعي هموووت من الجوع اروح اشوف الحجه منيره عامله اي ع الغدا نادين:طيب ياحبيبي بالهنا والشفي يارب
مروان:الله يهنيكي سلام مؤقت بقي
نادين:مع السلامه *************************************************************************************************نروح علي مكان تاني احدي المقاهي المشبوة في الصعيد يجلس حازم مع احد اصدقائه السوء
مدحت:اي ياعمنا براحه علي نفسك شويه دي رابع سيجاره حشيش تشربها كفاياك لتروح فيها
حازم:ياعم بس مخنووووق ومش لاقي حاجه اطلع فيها غيظي
مدحت:وايه اللي خانقك ياشقيق
حازم:بت عمي محمود تعباني قوي وشكلها هتبوظلي كل تخطيطي
مدحت:ياعم مانا قولتلك فكك منها وخليك في نسمه دي بتموت فيك وانت كمان عتحبها يبقي ليه تكسر بقلبها وقلبك
حازم:وانت عاوزني اسيب تاري من محمود ده يبقي حرام فيا السم تااري لازم اخده انا عمري ما هنسي عمل اي وجرحني كيف مدحت:انت لسه منستش دي حكايه عدي عليها ياااااما انسي ياحازم وابدا انت ونسمه حياة جديد
حازم:عاوزني انسي انسي ايه ولا ايه انسي ان محمود ضحك علي خالتي اللي ربتني وحبتني من كل قلبها وعشمها بالزواج لحدت ماغدر بيها وراح اتجوز واحده من البندر انسي خالتي اللي ماتت بحسرتها واخر اسم عتقوله محمود متسيبنيش متسيبنيش مدحت:بس الموضوع ده من زمان قوي
محمود:من زمان ايوه بس جيه اوانه علشان اخد بالتار منك يامحمود الكلب *************************************************************************************************************وعند بيت يووسف وهما يتناولو الغدا
مروان :الله الله مظلوم اووي انا في البيت ده كده بتاكلو من غيري
منيره:لا ياحبيبي واحنا نقدر لسه بقول لمحمد يروح يشوفك هتاكل ولا لا
مروان وهو يقبل راسها :ربنا يخليكي ياست الكل
منيره:ويخليكي ياحبيبي يلا اقعد كل قبل الاكل ما يبرد
يوسف :مقولتليش يامنيره اي رايك في حسين الشرفي
منيره:الصراحه يايوسف من اول ما شوفته وقلبي مقبوض قوي وحياتي عندك ما بلاها القريه دي
يوسف :بتقولي اي يامنيره ده صاحبي من زمان ومش معقول بعد مااتفقنا اجي انهي كل حاجه من غير سبب كده
منيره:براحتك يايوسف انا قولتلك اللي حسيته وانت حر ربنا يسترها بقا
يوسف :امين يارب
مريم:اي ده يابابي هو انكل حسين اللي خرج من هنا ده يبقي صاحبك
يوسف:ايوه ياحبيبتي بس انتي تعرفيه من فين
مريم:ابدا يا بابا انا ودخله الفيلا لقيته خارج وسلم عليا وعرفني بنفسه بس باين عليا شخص كويس اوي يابابا
يوسف:اه قولي لامك سامعه
بنتك
منيره:سامعه ياخويا سامعه يلا كفايه كلام وكلو مش هسخن الاكل تاني انا ******************************************************************************************************************************** ونرجع تاني عند نورهان وهي مموته نفسها من العياط
نور:ماما انا مستحيل اتجوز الشخص ده
فريده وهي بطبطب عليها اطمني ياحبيبتي انا معاكي
سلمي :ايوه اوعي توافقي ده شخص زباله اااه ياااناري لو كنت قاعده وقت ما قال الكلام ده كنت جيبته من زمارة رقبته وفجأه دخل عليهم محمود
محمود:بنت يا سلمي اخرسي خالص اي قله الادب دي ده هيبقي جوز اختك
نور وهي ترفع صوتها:لا يابابا مش هتجوزه ولا عمره هيكون جوزي
محمود:وكمان بتعلي صوتك ع ابوكي شايفه تربيتك ياهانم
فريده:مالها تربيتي زي الفل بس الظاهر اني معرفتش اختار اب كويس لبناتي
ولطمها محمود علي وشها ويقولها انا برضو اب مش كويس عاوز اصلح اللي عملتو بنتك قبل ما تجيب لينا العار
فريده:بنتي انا مستحيل تعمل كده والكلام ده المفروض انت تكون عارفو مش انا اللي هقولهولك
محمود:الظاهر اخويا حامد كان عنده حق لما قالي اني غلطت لما جيبت ام لبناتي من البندر ع عكس عاداتنا وتقاليدنا
فريده:قولتلي بقي اخوك حامد تلاقيه مظبط الحكايه مع ولده علشان ورث بناتك كله يروحلهم انا بحذرك يامحمود لو الجوازه دي حصلت هسيبلك البيت انا وبناتي وساعتها ما هتعرفلنا طريق فاهم
محمود:لا مش فاهم بس كل اللي فاهمو اني معرفتش اربي لا بناتي ولا امهم وجيه وقت اني اربيهم ومسك محمود
فريده بشده واخذ يضرب فيها وسلمي نور يحاولو يدافعو عن امهم ولكنهم لا يستطيعو
سلمي :يابابا حراااام عليك كفايه بقي حراااااااااااااام وانفجرت في العياط
نور:خلاص يابابا خلاص علشان خاطري خلاص انا موافقه اتجوز حازم
محمود:وتوقف عن الضرب :انتي بتقولي اي نور:خلاص يابابا مادام انت موافق اني اجوز حازم انا موافقه ــــــــــــــــــــــــــــــــــــــــــــــــ ********************************************************************************************************************** ياتري اي حكايه حسين الشرفي وهل احساس منيره صحيح وياتري اي هي المفاجئه اللي محضرها مروان لنادين وياتري نورهان موافقه فعلا ع جوازها من حازم ولا بتقول كده علشان توقف ابوها وخلاص كل ده هنعرفو الحلقه الجايه.
يتبع الفصل الخامس اضغط هنا
تعليقات
إرسال تعليق