رواية احببت مريضتي البارت 4 بقلم الاء عبدالحميد
رواية احببت مريضتي الفصل الرابع 4
الحلم دا كان بالنسبالى النجاة بس راح وخسرته بس انا مستغربتش اى اللى دام ف حياتى وكمل عشان دا كمان يتحقق ف الفترة دى حاولت كتير اتأقلم بس لقيت من ناس كتير شماته وتقليل منى انى محققتش حاجه كنت دايما بصبر نفسي ان ربنا هيعوضنى بحاجه تانيه بس المشكله انى مفيش حد وقف معايا ولا بيساعدنى ولا حد بيحاول يفرحنى ولا حد بيفهمني ولا حد بيحاول حتى
دايما بعامل الكل بطيابه وعمرى ما حقدت ع حد وبساعد اى حد لو عندى القدرة اساعده بس للاسف بلاقى بالمقابل خذلان وبس حتى اهلى مش بيفهمونى عارف العلاقه بينى وبين اهلى مش حلوة اصلا اللى هو انا حاسه قاعدة معاهم عشان انا بنتهم بس مش زى علاقه الاهل بأولادهم عمرهم ما اخدوا رأيي ف حاجه ولا بيهتموا بيا ولا اى حاجه انا عايشه معاهم جسديا لكن مفيش روح حتى مش بعرف اتكلم معاهم مش بيدونى فرصه حتى لما ازعل مش بيسألونى ودايما بيقولوا انى بزعل بسرعه مش فاهمين انى اتألمت كتير من صغرى ف حصل تراكمات كتيرة ف اقل كلمه بقيت توجعنى وتزعلنى يمكن اه مش بقول وبكتم جوايا و بستحمل عشان محدش يشوفنى ضعيفه بس بحس بنار قايدة جوايا ومش هتنطفئ ابدًا ومش بعرف احكى لحد ولا اتكلم بختار الحل الاصعب والاوجع وانى اسكت.. عارف يا دكتور انا فكرت كتير ف الانتحار بس برجع عشان ربنا ومرة كنت مسكت سكينه وقربتها من ايدى وخلاص كنت هقطع شرايينى وكنت مش حاسه بأى حاجه بس فجأة صحيت من اللى كنت هعمله وقعدت استغفر
هااا بقا يا دكتور انا اتعالج واعيش لمين؟!!!!
يوسف: لنفسك نفسك ليها حق عليكى لما تفضلى تجهديها وتجرحى فيها وتكتمى فيها دا غلط طب ما تحاولى ترسمى حتى لو مبتعرفيش اكتبى اى حاجه تطلعى الطاقه السلبيه اللى جواكى مش تعاقبى نفسك فهمتى كلنا معاكى وانا كمان معاكى مش هسيبك بس حاولى تطلعى من دا كله اى رأيك تيجى معايا
الاء: فين
يوسف: تعالى بس ومسك ايدى وجرى ع العربيه انا وقتها حسيت ان قلبى هيخرج من مكانه من كتر دقات قلبى السريعه بس حسيت بفرحه و رعشه جوايا
بعدها نسيت كل حاجه وحشه مريت بيها ركبنا العربيه وساق بسرعه
انا:براحه يا يوسف
يوسف انا حسيت بحاجه حلوة جوايا وبفرحه معرفش مصدرها اى لما قالت اسمى
يوسف:عشان تطلعى كل الطاقه السلبيه اللى جواكى ومن النهاردا هنتغير وهيبقى ف فرح وبس فهمتى
انا:بس دا تهووور يالهوووى نزلنى انا هموت
يوسف:خلاص فاضل شويه بس وهنوصل وبعد شويه وصلوا و وقف العربيه ومسك ايد الاء ودخلوا الملاهى وركبوا العاب كتير يوسف استغرب من اللى بيعمله انه عمره ما كلم بنت وعمره ما اهتم بحد كدا زى الاء
وبعد شويه راحوا البحر وقعدوا شويه ساكتين
يوسف:اى رأيك نبدل الادوار النهاردا
الاء:ازاى
يوسف:يعنى انا اللى هتكلم وانتى تسمعى
الاء:ماشى
يوسف:بصى يا ستى انا امى اتوفت وهى بتولدنى وابويا ربانى لحد تالته ابتدائي وكان جاى من الشغل ف يوم وانا بكلمه عمل حادثه وسمعت ناس جمبه بتزعق وصوت عالى لقيت حد بيكلمنى وبيقول اللى الشخص اللى كنت بتكلمه عمل حادثه واحنا رايحين مستشفى*** طبعا طلعنا نجرى انا وجدتى وللاسف ع ما وصلنا كان اتوفى و جدى وجدتى طلعوا تصريح الدفنه وادفن وجدى وجدتى ربونى لحد ما وصلت تالته اعدادى وجدى اتوفى وقتها حسيت بوجع جوايا وكسرة ضهر لان جدى كان مالى عليا الفراغ اللى جوايا وحاول يعوضنى عن ابويا وبعدين جدتى هى اللى علمتنى وراعتنى ودخلت كليه الطب وعدت سنين لحد ماوصلت لسنه التخرج وجدتى كانت معايا ف التخرج وكانت ف نظرة فخر ف عيونها وفرحانه اوووى بيا كانت النظرة دى فرحتنى اكتر من فرحه التخرج وبعدين ساعدتنى افتح عيادة و هى معايا لحظه بلحظه وهى الضهر اللى بتسند عليه وهى ليا كل حاجه بحبهااوى وهى جميله ومبهجه واغلى ما املك انا بجد من غيرها ولا حاجه هى اللى بتمسك ايدى لما اقع انا مليش حد غيرها ولا ليا صحاب ولا ليا حد كنت دايما مهتم بدراستى وبعدين لما فتحت عيادة اهتميت بشغلى بس عمرى ما كلمت حد ولا عرفت حد حاجه عنى ف عشان كدا عايزاك تحاولى تعملى اى حاجه عشان اهلك انتى ع الاقل عندك اهلك حاولى تتأقلمى معاهم هما موجودين ف حياتك سامعه صوتهم بتكلميهم حاسه انك عندك عيله حتى لما تقعى ف مشكله هتلاقى حد معاكى ف ضهرك انتى اه حاسه ان وجودهم مش فارق بس دا مش صح
وحالك احسن بكتير من شخص جيه الحياة مشفش امه ولا يعرف شكلها الا من صور وكمان ابوه فقده ف اكتر وقت محتاجه لو انتى حتى مش قادرة تقتنعى بأى حاجه من دى حاولى تقربى انتى منهم ومش من اول مرة هتظبط يا الاء اصبرى بس وهتلاقى نتيجه صبرك
الاء:شكرا اوى يا دكتور ع مساعدتك دى وفعلا الحمدلله ع كل حال
يوسف:اولا دا واجبى وثانيا اى حاجه هقدر اعملها عشانك هعملها
الاء:ربنا يعزك يا دكتور بعد اذنك
يوسف:اتفضلى
الاء مشيت روحت
وبعدين فضل يوسف يفكر ف حل لمشكلتها ف جيه ف دماغه حل وبعدين اتصل ع حد
يوسف:السلام عليكم
الشخص:...........
يوسف: انا هكون ف مطعم **** عشان ف موضوع مهم عايزك فيه
الشخص:..........
ف المطعم
الشخص:السلام عليكم
يوسف:عليكم السلام
الشخص:هااا بقا عايزنى ف اى
يوسف:.......
الشخص:متأكد من الخطوة دى
يوسف:اه ان شاءالله خير
الشخص:يارب
ومشى يوسف
عند الاء
روحت البيت كالعادة و دخلت اوضتها ولقيت اميرة بترن
اميرة: هااا يا بنتى عامله اي
الاء: الحمدلله وانتى
أميرة: الحمدلله المهم عملتى اى عند الدكتور
الاء: كويس كان يوم لطيف
اميرة برخامه: تقصدى اليوم ولا الدكتور اللى لطيف وضحكت
الاء: اميرة هقفل والله
اميرة: وع اى الطيب احسن المهم انا... يتبع الفصل الخامس اضغط هنا
تعليقات
إرسال تعليق