رواية في مهب الريح الفصل الثامن عشر - نهال مصطفي
رواية في مهب الريح الفصل الثامن عشر
ونروح عند بيت محمود سلمي:ماما نور بتسلم عليكي خالص الام:ياحبيبتي يابنتي هي ماكلمتنيش ليه سلمي:فونها فصل شحن اكيد هتشحنه وتكلمك ياست الكل المهم اننا اطمني انها بخير الام:الحمد لله ربنا يحميكي يابنت بطني سلمي:جعاااانه عاوزه اكل الام:كل اما اشوفك تقولي جعانه اي مش بتزهقي سلمي:ههههههه لا طبعا وحد يزهق من الاكل ده رونق له خااص كده هووو يلا ياحجه قومي هاتيلي اكل جعاااانه الام:بس يابت فضحتينا اللي يسمعك يقول مجوعينك اقوم احسن ماتلاقيش حاجه تاكليها تاكليني انا سلمي:ههههههههههه مش لدرجه دي ياحجه ***********************************************************************************************************************************************ونذهب الي عمر وهو منهمك في ارواقه وياتيه هاتفا تليفونيا عمر:الو الظابط رأفت:ايوه ياعمر عمر:رافت اخبارك رافت:بخير الحمد لله عندي ليك اخبار مش كويسه عمر:خير قول والله الواحد ما ناقص رافت:طلب نقلك اسيوط اترفض عمر بغيظ :اه يا ولاد ال بس ازاي كده رافت:والله مش عارف بس عندي تعليمات وانك الصبح لازم تكون في المديره ع مكتبك عمر:اقفل يارأفت وانهي المكالمه مع رافت عمر في نفسه:هنبدا من اولها لعب كده بس والله منا هسيبكم وهفضل وراكم لحدت مااعرف انتو مين ويدخل رءوف:اي ياعمينا انت اتجننت بتكلم نفسك عمر:طلب نقلي اترفض رءوف:منا قولتلك ابعد ياعمر ماسمعتش الكلام عمر:والله ما هسيبهم حتي لو رحلوني انا لازم اسافر دلوقتي يلا سلام رءوف:بالسرعه دي عمر:اوامر عليا بعيد عنك رءوف:توصل بالسلامه عمر:الله يسلمك **************************************************************************************************************************************** ونرجع نشوف نورهان عامله اي مع صحابها الجدد دينا:وبس ياستي اضطريت اني ادخل هندسه علشان امسك شغل بابا بعد عمر طويل طبعا بيما اني وحيده بقاااا تعرفي الناس دي صعبانه علياا اووي حاطين املهم فيا زياده عن اللزوم انا راضيه ذمتك يانور دي شكل واحده تتحمل مسئولية نفسها لما هيحملوها مسئوليه شركه كامله نور:ههههههههههههههههههههه يابت كفايه كفايه افصلي شويه انا قلبي وقف من الضحك خلااااااص دي سلمي اختي ارحم منك ياشيخه اميره:الله الله دانتو اتعرفتو علي بعض بقاااا وهاتك ياضحك ووووواااااوووو اي ده اكل هيييييح وسعوا وسعوا عاوزه اكل دينا:لا قومي اعملي لنفسك ده ع ادنا وبس نور:يابت ماتسيبيها تاكل خير ربنا كتير والحمد لله اميره:اه والنبي قوليلها يانور حقا انا هفتانه وعلي لحم بطني من الصبح دينا:يامسكينه ياختي بت انتي انسي انك تأكلي من اكلي نور:بااااااااااااااس خلاص تعالي كلي يااميره انا اصلا شبعت اميره:بجد روحي ياشيخه الله يعمر بيتك ويخليك ولادك ويطعمك مايحرمك نور:بااااس انتي هتشحتي انا عارفه ياربي اي عنبر المجانين اللي وقعت فيه ده دينا:بتقولي حاجه يانور نور:سلامتك ياروحي وبعد ان انتهوا من تناول الطعام اميره:ااااه يااااني يابطني مش قادره اخد نفسي الاكل كان طعم بشكل محستش بنفسي وانا باكل نور:هنا وشفي علي قلبك اميره:شكرا خالص يانور انك اكلتيني بدل البت الواطيه دي دينا:بت انتي اتلمي وماتشتميش اميره:طيب مش هتلم وريني هتعملي شووووو دينا:شووو وبوووو يااختي اميره انتي عارفاني لما اتعصب نور:مالكم بس يابنات اهدو دينا:انتي مش شايفاها يانور اميره:طيب انا قولت حاجه مش الكلام قدامك اهو نور:عليا النعمه انتو عيال وعيل اصلا اللي يتكلم معاكم ويتنظر دينا واميره الي بعضهما نظره لا احد يفهمها غيرهما دينا:احنا عيال نور ببرود:جداا والعيال اعقل منكم كمان اميره:انتي اد الكلام ده نور بثقه:شووور وقامت دينا واميره يركضو ورا نور ويرشو عليها ميه وتعالت صوت ضحكتهما وقضو وقتا جميلا معا نور:الحقيني ياااما تعالي شوفي بنتك اتبهدلت ازاي اميره:احسن علشان تتلمي نور:ههههههه لا خلاص توبت دينا:ايوه كده ناس ماتجيش غير بالعين البنفسجي واخذ الفتيات يتمازحن مع بعضهم ويتعرفو اكتر علي بعض الا ان حل وقت النوم ونامو جميعا ************************************************************ويأذن فجر يوم جديد علي ابطالنا نور:يااااااااااابناااااات يلااااا قوووومو صلووو دينا:شويه بس وقوميني اقولك روحي اتوضي وتعالي صحينا نور:تؤتؤتؤتؤتؤتؤ والله ما يحصل اميرة:حرام عليكي يانور بقاااا شويه بس نور:بت انتي وهي هتقومو ولا استخدم معاكم اساليبي اللي بموت فيها اميره:اوووف اهووو قومت نور:يلا ع الحمام اتوضي ع بال مااصحي البت دي اميره:اوك نور:اصحي يادينا دينا:حاضر خخخخخخحخخخخخخ ونامت نور:يامراري اعمل معاها اي دي يااااربي ايوه بس كده هي اللي جابته لنفسها واحضرت كوبا من الماء والقت بيه علي وجه دينا دينا:ااااااااااااااه اي الغباء ده نور:ليا ساعه بصحي فيكي علشان تقومي تصلي دينا:تقومي تكبي عليا ميه نور:ههههه احمدي ربنا انها جات ع اد الميه وبس دينا:اممممممم بدأنا بقااااا مااشي ماااشي خليكي فاكره هاا نور:ايوه يااختي فاكره ويلا بقا اميره خرجت هروح اتوضي انا وعلشان نصلي كلنا جماعه وقاموا الفتيات جميعا وادوا فرضهم ورجعو يكملو نومهم ********************************************************************************************************************************************** ونروح نشوف عمر بقااا وياسين وصلو لفين وفاء:صباح الخير ياياسين جاهز ياحبيبي ياسين:ايوه جاهز اهو اي رايك انفع وفاء :ماشاء الله قمر ربنا يحرسك ويعليك كمان وكمان ياسين:وهو يقبل يدها ياااارب ياست الكل وفجاة يقطع حديثهم صوت الباب وفاء:اي ده عمر يااحبيبي يابني مااقولتش جاي يعني عمر:ابدا ياامي ظروف في الشغل بس وينظر الي ياسين اش اش اش ياسين:وسمكه يعني فيش هههههههه عمر:ههههههههههه مايجي الشياكه اللي انت فيها وفي الاخر عقلك اد عقل طفل في كيجي تووو علي فين العزم ياسين بتناكه:علي مكتبي انت ناسي ولا اي عمر:يسهلووو ياعمنا كبرنا اهوو وبقاا لينا مكتب ياسين:قر فيها منا ناقص عمر:لا ياحبيبي ربنا يوفقك وفاء:بس صدعتوني يلا علشان تفطروا عمر:اسبقوني انتو هغير واحصلكم وفاء:ماشي ياحبيبي ماتتأخرش وتناولت العائله فطارها وذهب ياسين وعمر الي شغلهم وبدأو يومهم الطبيعي في العمل *************************************************************************************************************************************ونروح عند مروان استيقظ من نومه واخد الشاور بتاعه ونزل الي اسفل وطلب السواق لكي يذهب ليشتري شريحه يكلم اهله ويذهب ليبدا عمله وبالفعل اشتري مروان شريحه وقرر الاتصال بنادين اولا مروان:صباح الورد ياورد نادين بصوت نائم:مين بيتكلم مروان ممازحا:ياخرابي اسيب البلد يوم واحد تنسي صوتي اومال بعد اسبوع مش هتكوني فكراني اصلا نادين وهي تقفز من فراشها:مروان انت مروان وحشتني اووووي اخس عليك كده تخليني قلقانه عليك كل ده مروان:معلش والله مش بايدي واول ما قدرت كلمتك ها عامله اي نادين:مش كويسه خالص من غيرك ياحبيبي مروان :طيب وغلاوتي عندك ماتعملي في نفسك كده وانتبهي في دراستك وبس وانا كل شويه هكلمك اطمن عليكي نادين:حاضر ياحبيبي كلمت مامتك ومنار كانو قلقانين عليك خالص مروان:لا لسه هقفل معاكي واكلمهم نادين:ماشي ياحبيبي روح كلمهم مروان:حاضر ويلا قومي بقااا كفايه كسل وسجلي الرقم ده عندك رقمي الجديد نادين:ههههه حاضر قومت اهو مروان:شطوره هقفل اكلم ماما وهرجع اكلمك تاني تكوني فطرتي وفوقتي كده نادين:هههه حاضر باي مروان:مع السلامه ياروحي واغلق مروان الخط وعاود الاتصال بأهله منار:سلام عليكم مروان:اللهم قوي ايمانك وعليكم السلام ياستي منار:مروان صح مروان:لا والله ايوه يااختي مروان عامله اي يابت منار:ماكنتش كويسه خالص بس دلوقتي سمعت صوتك بقيت ميتة فل وعشره مروان:يلا يابكاشه ماما عندك منار:ايوه ثواني بس هديها الفون مروان:ماشي منار:ماما ياماما خدي كلمي مروان ع التليفون منيره:ياضنايا ياابني عامل اي يامروان مروان:الحمد لله ياست الكل وبعدين اي القلق ده كله ابنك راجل ياام مروان وانتي عرفتي تربي منيره:عارفه ياحبيبي بس اعمل اي بعدك مأثر فيا ووحشتني اوي مروان:معلش ياست الحبايب ايام وتعدي اهم حاجه اوعي تنسيني في دعواتك منيره:بدعيلك دايما والله مروان كل كويس واتغطي كويس والبس تقيل الجو عندكم برد وحافظ ع حصتك يابني مروان:ههههه كل ده عموما حاضر متخافيش منيره:بتعمل اي دلوقتي مروان:ابدا رايح اشوف الارض اللي هنبدا عليها المشروع منيره:ربنا معاك يلا اسيبك تشوف شغلك ولما تخلص كلمني ماشي مروان:ماشي اااه سلمي علي مريم ومحمد وبابا منيره:يوصل ياحبيبي سلام في امان الله مروان:مع السلامه ***********************************************************************************************************************************************ونروح نشوف الزفت حازم ناوي علي ايه ويرن هاتفه ويلتقطه ويرد بسرعه حازم:ايوه المتصل:كل حاجه تمام ياباشا والظابط ساب القضيه ورجع شغله في القاهره حازم:اووف كويس خالص المتصل:طيب هنعمل اي في الشحنه اللي هتوصل بعد كام يوم حازم:ولا حاجه هتقعد في المخزن لحدت الامور ماتهدي مش عاوز حد يمسك علينا حاجه لحدت مانشوف اخرتها المتصل:تمام ياباشا تامر بخدمه تاني حازم:لا بس اي جديد خبرني وراقبلي الظابط ده كويس قووي واعرفلي هو ناوي ع اي بالظبط المتصل:اطمن حضرتك حازم:يلا روح شوف شغلك سلام """"""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""" وبكده الحلقه انتهت يارب تكون عجبتكم وعاوزه رايكم في الحلقه دي والحلقات اللي عدت اي حد عنده اي نقد او تعليق علي اسلوبي ياريت يقوله وانا باذن الله هحاول اصلح من نفسي انا بيكم هستمر واكمل ومن غيركم ولا حاجه نكمل الحلقه الجايه بقاااااااااااااا
يتبع الفصل التاسع عشر اضغط هنا
تعليقات
إرسال تعليق