Ads by Google X

القائمة الرئيسية

الصفحات

رواية لقيطة ولكن الخاتمة بقلم إسراء عبد القادر

خاتمة رواية لقيطة ولكن بقلم إسراء عبد القادر الوزير عبر مدونة كوكب الروايات

رواية لقيطة ولكن كاملة

خاتمة رواية لقيطة ولكن - النهاية

_ وهو ده اللي حصل، ومن وقتها بقيت بنتهم
اردفت بها بألم بينما تلتفت إلى هذا الواقف على الجهة الأخرى وكل علامات الصدمة والذهول بادية على قسماته فتكمل بحزن:
_ انا مش همسة بنت نضال صاحب عمك ريان يا حاتم، انا للاسف ابقى بنت نضال وتمارا، اللي بسببهم ينفع لي اوي اسم لقيطة، ولما كانوا هيسافروا ويرحموني من الاسم ده للأسف كانوا هيدوسوا على ناس كتير ويقتلوا ناس كتير، كل حاجة حصلت كانت خير، وبابا ريان وماما آسيا نسيوا كل اللي حصل فيهم ووافقوا ياخدوني لحضنهم وخبوا عليا لآخر لحظة، ولولا ماما ما كانت بتعمل عملية وفاقت من البنج ادامي، ماكنتش عرفت كل ده، بس لسة حاسة اني لقيطة مش زي دارين، أنت حقك تتجوزها هي بتحبك يا حاتم وعموما هي بنت عمك الحقيقي، مش انا اللي بنت الراجل اللي قتل ابوك!
ولما وجدته يود الكلام قاطعته مكملة:
_ اصرف نظر عني يا حاتم لإني خايفة أحسن ألاقي اللي يفضحني زي ما ماما فضحت آسيا زمان! ما أصل الزمن بيدور وأكيد ليا وقت اتعذب فيه زي ما حصل مع آسيا!
اقترب منها بخطوات ثابتة حتى أمسك بكلتا يديها ثم قبلهما، كي ينظر إليها فيجدها ترمقه بتعجب بينما يردف هو بجدية:
_ إنتي خلاص خدتي حقك من العذاب بكل يوم كنتي خايفة فيه من أن حد يفضحك
ثم أشار إلى جهة قلبها قائلا بابتسامة:
_ ربنا عارف القلب ده صافي ازاي وما يرضيهوش عبد صالح يتعذب
ثم أكمل وقد تسلل الحنان إلى نبرته:
_ الكلام اللي قلتيه ده، ياريت يتقفل عليه بالكامل ومايخرجش لجنس مخلوق! لإن خلاص انا قلت هتجوز بنت عمي همسة ومش هرجع عن كلامي
أسرعت تقول بقلق:
_ يعني تتغاضى اني ابقى بنت نضال وكنت هبقى....
بترت كلمتها لما وجدته يجذبها بسرعة حتى اصطدمت رأسها بصدره ليحتويها بحنان جعلها تتنهد وقد وجدت الراحة بقرب خفقاته المتسارعة، بينما يردف مكملا:
_ لقيطة، ولكن خطفتيني وماقدرش أبدا اتخيل حياتي من غيرك، لقيطة لكن عشقتك وهبقى ف جحيم بعيد عنك، مش لقيطة يا همسة لا إنتي معشوقتي وبنت قلبي وهتجوزك حتى لو العالم كله وقف ضدي

رسالة (لقيطة ولكن)
كفى الأخذ بالذنب وليُعاقب كل بما اقترف لا ما اقترف أهله
وصدقوا بكلمة (كما تدين تدان) فهي حقيقية مائة بالمائة وعن تجربة
تمت بحمد الله عبر مدونة كوكب الروايات
reaction:

تعليقات