رواية انتقام مزدوج الفصل السادس - ياسمين الشام
رواية انتقام مزدوج الفصل السادس
قصي: قام من محلو وهجم ع امير ليضربو بس دخلو رجال الامن واخدو قصي عالسجن وجابر مات و بعد الفحوصات اتبين سبب الوفاة نوبة قلبية لانو كان مدمن مخدرات وقلبو كان ضعيف بسبب الجرعات الزايدة اللي كان بياخدها وماقدر يتحمل بدونها
نارين:- كانت بتتمنى هاللحظة من زمان اللحظة اللي تواجه فيها جابر وقصي تواجه قاتل ابوها وامها وتحكي كلشي بقلبها وتشوفهن بدوقو من نفس العذاب ولما اجت هاللحظة وقدرت تاخد حقها وتنتقم وبعد ما اخدو جابر وقصي طلعت لبرا تركض لجوا الغابة اللي كانو فيها وهي بتبكي بحرقة مابتعرف شوسبب هالبكاء ولا قادرة تحدد شوهو شعورها لما تعبت قعدت عالارض وهي بتاخد النفس بصعوبة
امير:- لما شافها بتركض هيك صار يلحقها وصل لعندها بعد ماوقفت وقعد جنبها حط ايدو ع كتفها رفعت عيونها واتطلعت فيه سحبها لحضنو حطت راسها ع صدرو وزادت شهقاتها
((لا توجد أسباب تافهة للبكاء، وليس كل البكاء يعني الحزن، فقد تعاني من الضغط فتجد نفسك تبكي رغمًا عنك بلا مناسبة أو سبب واضح وقتها لكنك تبكي، تبكي أحيانًا لتذكر شخص ما رحل عنك فجأة أو صدفة عابرة جعلتك تبكي من فرط الأشتياق لشخص ما لم يعد بإمكانك معانقته أو على الأقل إخباره بإنك أشتقت له، قد تبكي من الركض خلف أحلامك البسيطة لأنك تعبت من الركض وتحتاج للتوقف قليلاً، أو تبكي من قوتك وثباتك لأنك تريد الأنهيار وأنت لا تملك رفاهيته، تبكي من قوتك في التجاوز السريع، التغافل والتناسي وكأن ليس بإمكانك أن تقف عن نقطة معينة لتستعيد روحك التي أستهلكها التجاوز، تبكي من المسؤوليات التي تحاصرك في كل مكان فليس بإمكانك الاختباء عن العالم، أو من فرط اليأس وفقدان الأمل والشغف..
حتى أتفه الأسباب تدفعك للبكاء بسبب تراكمات أنفجرت في قلبك.. دفعة واحدة .))
نارين:- ماعم اقدر حدد مشاعري اميير مابعرف افرح او ازعل مابعرف انا ضايعة وتعبانة كتير تعبانة اكتر من اي وقت مضى بحاجة ماما وبابا كتيير (اول مرة بتبكي بهالطريقة وبتنهار قدام امير ع طول اتعود يشوفها هديك البنت القوية اللي مابتستسلم ابدا ولابتخاف من شي)
امير:- مسح دموعها بايديه وحاول يهديها بيعرف انها بتمر بحالة صدمة: نارين مو انتي كل الوقت كان بدك تنتقمي من قصي وجابر كان بدك تخلصي من الجحيم اللي عيشوكي فيه وهلا صار كلشي بدك ياه وانتي حرة هلا رفع راسها لفوق واتلاقو عيونن ببعض: انسي الماضي نارين وافتحي صفحة جديدة بحياتك لحتا يرتاحو اهلك بقبرهن لازم انتي تكوني سعيدة انتي بتستحقي السعادة ونارين اللي قدامي قوية كتير وبتخلق من ضعفها القوة ومافي شي بيكسرها
نارين:- وقلبي اميير قلبي اللي انكسر واحترق مع بيتي
امير:- انتي قوية وقلبك الله بيجبرو وانا رح ضل جنبك لاتفكري هدفي من وجودي معك بس الانتقام
نارين:- لسا في شغلة كان لازم اعملها من زمان
امير:- شوهي
نارين:- بدي زور قبر مابا وبابا يمكن ارتاح واقدر استوعب اني خسرتهن بدي احكيلن عن كلشي بقلبي
امير:- طيب ازا هالشي بريحك هلا باخدك بس اوعديني ترجعي نارين القوية وتفتحي صفحة جديدة بحياتك
نارين:- بوعدك امير ارجع اقوى من قبل
امير: - مسك ايديها واخدها عالسيارة واتوجه عالمقبرة وبعد مدة طويلة وصلو عالمقبرة اتطلع عليها لقاها غفيانة من التعب اتأمل وشها اللي باين عليه الارهاق والتعب مسح ع شعرها بأيديه ومسك ايديها وغمض عيونه ونزلت دمعة ع خدو وقال بهمس: انا آسف نارين لأني رح اكسر قلبك وقلبي وهمس: بحبك
( - من بين كل الأيادي كانت لمسة يدك ِ
قادره على إنشاء محادثةٍ طويله مع قلبي الذي بات ينبض لاجلكِ)
نارين:- فتحت عيونها وفاقت ع لمستو: اميير وصلنا؟
امير:- اه احمم اي وصلنا يالله انزلي نزل قبلها وراح لجهتها ومسك ايديها واتطلع بعيونها ليحسسها بالأمان ويعطيها جرعة قوة اللي هو بحاجتها اكتر منها بعد مامشيو شوي وقفو عند قبرين كانو جنب بعض
نارين:- اتطلعت بعيون امير وشدت ع ايدو نزلو دموعها بغزارة نزلت عالارض وقعدت ع ركبها لمست القبر بأديها: بابا ماما اناماكنت متوقعة ابدا اني اخسركن مع بعض وبكير هيك بعتزر كتير لأني ماقدرت انقذكن ولا قدرت امنعهن من انو يقتلوكن انتو اخدتو فرحة قلبي معكن لجوا هالقبر كان لسا في شغلات كتيرة كنت حابة اتشاركها معكن فرحة نجاحي بابا ع طول كنت تحلم تشوفني احلى صيدلانية كنت حابة تشاركوني اول حب بحياتي واول فرحة كان بدي لما التقي بشريك حياتي افتخر فيكن قدامه كان بدي شوف حالي فيكن وتشوفوني لابسة الفستان الابيض وتشوفو ولادي بس كل هالشغلات رح عيشها لحالي شوالها طعمة الفرحة بدونكن رح عيش وفرحتي ناقصة رح حس باليتم ع طول وحس بالنقص بس انا اخدت حقي من اللي كان السبب بكل هالشي اللي صار انتقمت منهم وخليتهم يعيشو نفس اللي عشناه امير كان نعم السند لالي لولاه ماكنت قدرت اعمل شي انتقمنا مع بعض صار فيكن ترتاحو بقبركن هلا
اميير:- نزل لعندها: انا ع طول رح كون جنبك ورح اسندك ع طول ويالله هلا خلينا نرجع عالبيت انتي تعبتي كتيير من مبارح مانمتي
نارين:- مشيت مع امير للسيارة وكان ساندني حسيت بالراحة بعد ماطلعت كلشي بقلبي وبكيت لاول مرة ببكي هيك من وقت الحادثة اللي صارت رجعت عالبيت كانت سلمى بتستنى ع نار وخايفة عليهن
سلمى:- الحمدالله ع سلامتكن ليش هيك اتأخرتو غلي قلبي عليكن
نارين:- اتطمني نحنا بخير هلا المهم طمنيني ع مها كيف وضعها
سلمى:- منيحة هلا انتو الجوز احكولي كلشي من الاول لاني مومستوعبة الشي اللي صار لهلا
امير:- طيب امري لالله انا رح احكيلك بس خلي نارين ترتاح تعبت كتير اليوم
سلمى:- طيب رح اعمللك فنجان قهوة وبتحكيلي القصة
نارين:- استاذنت من امير و دخلت ع غرفتها ترتاح وبعد شوي رجعت سلمى ومعها القهوة وامير خبر سلمى بكلشي عملوه هو ونارين وكيف اتفقو ع خطة ليوقعو جابر وقصي ورجع ع بيتو بعد مااتطمن ع نارين
بعد مرور كم يوم وضع البنات اتحسن شوي ومها كمان اتحسنت بس بتضل حابسة حالها بغرفتها وسلمى كل يوم بتنزل تدور ع شغل ونارين قررت ترجع ع جامعتها وبتشتغل ع اوراقها وقصي اتحول عالمحكمة بعد مااثبتت كل التهم عليه مع وجود الدلائل الكافيةضدو امير كان يتقرب من نارين بهالفترة كان بحس اتجاهها بشعور مختلف بس في شي بخليه يبعد عنها بنفس الوقت كان في بقلبو غصة وحاسس بالضياع ومو قادر يتصرف بس لساه بالنسبة لألها شخصية غامضة مابتعرف عنو كتير شغلات
نارين:- بتدخل عالبيت بعد يوم متعب بالركض بالجامعة : مهااا سلمى وينكن
مها:- اهلا ناروو سلمى لسا مارجعت تعي احكيلي شوصار معك
نارين:- الحمدالله واخيرا خلصت وامير ساعدني ومن بكرة نازلة داوم بالجامعة
سلمى:- اناا جيييت كانت داخلة بابتسامة عريضة : هاتو البشارة يابناات
مها:- خلصينا بقى احكي
سلمى:- اتوظفت سكرتيرة بشركة محترمة و اليوم بلشت دوام…… مها ونارين فرحو كتيير وحضنوها لاول مرة بلشت وجوههم تضحك
مها:- يعني انتو التنين رح تتركوني لحالي بالبيت لوانا كمان لاقيلي شي شغلة اتسلى من وراها وساعدكن
نارين:- مهاا انتي هلا تعبانة وبدك راحة بوعدك اول مايتحسن وضعك دبرلك شي شغلة وكمان بعت بيتنا القديم ورح اشتري واحد جديد نسكن فية ونبلش حياة جديدة مع بعض
مها وسلمى حضنوها: راح نكون احلى اخوات ونسند بعض بكلشي
تاني يوم
امير:- قاعد بمكتبو بيندق الباب وبتدخل نارين لعندو كانت بتداوم بنفس الجامعة اللي ابوها وامير بدَرسو فيها
نارين- صباح الخير استاذي بتسمحلي فوت
امير:- بابتسامة:- صباح الورد تعالي لهون كل زملائك بالجامعة غيرانين منك شو القصة
نارين:- غيرانين مني انا والله مابعرف انت برايك شوالقصة
امير:- مممممم انا براي لانك متفوقة عليهن وكمان احلى منن
نارين:- هههه بلشنا شغل غيرة ومكايدة ماعليك منن مكهووريين من الملكة هههه اجيت لأحكي معك موضوع مهم
امير:- هههه شوهو هالموضوع ياملكة
نارين:- اشتريت بيت بمصاري بيتنا القديم ورح ننتقل انا والبنات عليه بتمنى ماتزعل مننا
امير:- اختفي ضحكتو وقام من محلو وقعد جنبها مسك ايديها: نارو انتي ليش بتتهربي مني ومابتقبلي اي شي مني معقول لهالدرجة بتحسبيني غريب
نارين:- لاا ابدا بالعكس انت اقرب حدا الي بقيلي من ريحة ابي لما بتكون معي بحس بابا هو اللي واقف جنبي انت كتير بتشبهو امير الله حطك بطريقي ليعوضني عن فقدان اهلي بس مع هيك انا لازم اعتمد ع حالي بكلشي انا هيك مرتاحة واكيد اذا احتجت لمساعدة مارح اطلب من غيرك
امير:- وعدد
نارين:- وعد ليش مين بقيلي غيرك بهالحياة
يتبع الفصل السابع اضغط هنا
تعليقات
إرسال تعليق