القائمة الرئيسية

الصفحات

رواية حارة حورية الفصل السادس 6

 رواية حارة حورية الفصل السادس 6 بقلم دودو محمد

رواية حارة حورية كاملة

رواية حارة حورية الفصل السادس 6

فى قسم الشرطه جلس يحيى مع بهاء والمحامى وبعد أن تحدثوا كثيرآ ونظر المحامى فى ملف القضيه قال
المحامى :- هو انت دفعت المبلغ كله لصاحب الشقه ولا نص المبلغ
يحيى :- بأستغراب كل المبلغ
المحامى :- بس هنا صاحب الشقه قايل انك دفعت ليه نص المبلغ وواعده انك هتدفع ليه النص التانى النهارده واللى هو كان موجود فى الشقه عندك
بهاء :-الراجل ده كداب يحيى دافع الفلوس كلها قصاد عينى
المحامى :- يبقى حد دافع ليه فلوس علشان يقول كده القضيه معقده جدآ حتى صاحبة البلاغ رافضه أنها تيجى بنفسها باعته الصبى بتاعها هو اللى بلغ
يحيى :- صاحبة البلاغ اللى هى مين
المحامى :-اسمها حوريه نصار
بهاء :- نظر ليحيى وقال هى اللى عملت كل ده
يحيى :-ابتسم بتهكم وقال مش قولتلك
بهاء :- يا بنت ال
المحامى :- احنا لو عرفنا نوصل لست دى و اقنعناها أنها تتنازل يبقى كده مفيش قضيه ويخرج علطول وتقول مثلا ان الفلوس دى كنت مستلفها منها أو بتاعت اى حاجه المهم تغير أقوالها
بهاء :- هحاول معاها
يحيى :- اهم من كل ده امى واختى يا بهاء اوعى حد يتعرض ليهم الست دى ممكن تعمل اى حاجه فيهم
بهاء :- لاء متخافش انا هخلى بالى منهم والله
يحيى :- ماشى يا بهاء يلا بقى وخد امى روحها البيت
بهاء :- نهض وقال ماشى انا جبت ليك اكل اهو علشان متأكد انك لسه على لحم بطنك ومفطرتش
يحيى :- ومين ليه نفس للأكل بس يا بهاء
بهاء :- معلش كل ده ملوش دعوه بده الأكل هيسندك شويه
يحيى :- ربنا يسهل
نهض المحامى وقال
المحامى :- كل ما التفاوض يكون اسرع كل ما يسهل علينا القضيه
بهاء :- أن شاءالله يا متر يلا بينا وخرجوا الاثنين من الغرفه
اعتماد :- نهضت سريعآ واتجهت لهم وقالت بلهفه ها يا ابنى طمنى عملتوا ايه
بهاء :- متقلقيش يا امى كل شئ هيكون كويس أن شاءالله
اعتماد :- طيب هو عامل ايه طمنى يا حبيبى متكدبش عليا انا عارفه ان يحيى مش واخد على البهدله دى
بهاء :- والله يا امى يحيى كويس وهو بنفسه اللى طلب منى أن اطمنك عليه واروحك البيت
اعتماد :- طيب هو هيفضل هنا كتير
بهاء :- دعواتك ليه ولينا وان شاءالله مش هيطول
اعتماد :- ماشى يا ابنى ربنا يوفقكم يارب
بهاء :- يارب يا ست الكل يلا بينا
وخرجوا من قسم الشرطه واتجهوا إلى المنزل وبعد وقت وصلوا وصعدوا إلى الشقه وقام بهاء برن الجرس وفتحت له هند قائله
هند :- انتوا جيتوا
بهاء :- لاء لسه هناك يا خفه
هند :- لاء ظريف اوى سيادتك
بهاء :- عارف من غير ما تقولى
اعتماد :- يا بنتى وسعى لراجل يدخل
بهاء :- لاء يا امى مش هينفع
اعتماد :- ليه بس يا حبيبى
بهاء :- مدام يحيى مش موجود مقدرش ادخل بس انا هاجى كل يوم اوصل ام لسان طويل دى الجامعه واجبها بعد ما تخلص ولو محتاجه منى اى حاجه اتصلى عليا هتلاقينى عندك فى غمضة عين
اعتماد :- يا حبيبى مينفعش من على الباب كده انت زيك زى يحيى بالظبط
بهاء :- عارف يا امى وربنا يعلم انا بعتبرك امى بجد بس الاصول بتقول كده انا هنزل اشترى ليكم شوية اكل وهاجى علطول
اعتماد :- متتعبش نفسك يا حبيبى
بهاء :- تعب ايه بس يا امى يعنى بعد الكلمتين الحلوين دول وانت زى يحيى ابنى تقوليلى كده متجيش يا حبيبتى يلا ادخلوا واقفلوا الباب
اعتماد :- ماشى يا ابنى خلى بالك على نفسك
بهاء :- حاضر
اعتماد :- دلفت إلى الداخل وأغلقت الباب خلفها
بهاء :- تنهد ونزل إلى الأسفل واتجه إلى مقهى حوريه وقال السلام عليكم
حوريه :- وعليكم ،عايز ايه
بهاء :- ممكن اتكلم معاكى كلمتين يا ست حوريه
حوريه :- مش فاضيه
بهاء :- مش هعطلك هما كلمتين فى السريع وهمشى علطول
حوريه :- اممم اتفضل لخص علطول
بهاء :- أتجه إليها وقال ليه عملتى كده فى يحيى
حوريه :- عملت ايه انا معملتش حاجه
بهاء :- يا ست حوريه انتى اللى عامله البلاغ فى يحيى والفلوس بتاعتك ودافعه فلوس لصاحب الشقه علشان يقول شهاده زور
حوريه :- والله طيب كويس انكم عرفتوا ده بسرعه وايه المطلوب منى
بهاء :- تتنازلى عن البلاغ
حوريه :- قهقهت بصوت مرتفع وقالت ده ايه الساذجه دى هو انا دخلته علشان أطلعه بالسرعه دى مش لازم يتأدب شويه
بهاء :- يا ست حوريه بترجاكى يحيى مسؤول عن أمه واخته وحرام يسيبهم لوحدهم كده
حوريه :- مش مشكلتى
بهاء :- طيب شوفى عايزه ايه علشان تتنازلى ومستعد انفذه ليكى حالا انشالله لو طلبتى روحى
حوريه :- روحك متهمنيش فى حاجه ولا انت اصلا تهمنى انا اللى يهمنى مناخير صاحبك تيجى الأرض
بهاء :- بعدم فهم يعنى ايه
حوريه :- يعتذر ليا وهو ندمان وتحت رجلى
بهاء :- يحيى مستحيل يعمل كده بس لو ده اللى يريحك انا مستعد اعمل كده وقدام أهل الحاره كلها وأبوس ايديك كمان
حوريه :- لاء انا مش عايزاك انت انا عايزاه هو لو وافق مستعده اروح أخرجه منها زى الشعره من العجينه
بهاء :- بس هو مش هيوافق
حوريه :- والله ده اللى عندى واتفضل بقى علشان مش فاضيه ليك
بهاء :- يا ست حوريه
حوريه :- بعصبيه ما قولنا مش فاضيه اتفضل يا حضرت امشى
بهاء :- تنهد بقلة حيله وخرج من المقهى واشترى لهم الطعام واتجه إلى الشقه مره اخرى وأعطاهم الشنط وتركهم وذهب

مر يومين بدون إحداث تذكر وذهب بهاء قسم الشرطه إلى يحيى ودلف الغرفه وانتظر وصوله وبعد عدة دقائق جاء يحيى مع العسكرى وتركهم وخرج من الغرفه احتضنه بهاء بأشتياق وقال

بهاء :- عامل ايه يا صاحبى
يحيى :- تعبان اوى ونفسى اخرج من هنا
بهاء :- انا حاولت مع الست حوريه دى بس هى مصممه انك انت تعتذر لها وانت تحت رجليها وندمان
يحيى :- ده لو اخر يوم فى عمرى مش هعمل كده يا بهاء وانت عارف من غير ما اقول ليك الكلام ده
بهاء :- ابوس ايدك مش وقت عناد خالص مش هتخسر حاجه لما تقولها اسف وخلاص فى مقابل حريتك وخروجك من هنا
يحيى :- مش هيحصل يا بهاء انا عندى أقضى عمرى كله هنا بس متأسفش ليها
بهاء :- دماغك دى عايزه تتكسر والله يحيى فكر فيها بالعقل شويه كلمه واحده مقابل حريتك
يحيى :- لاء يا بهاء
بهاء :- نهض وقال فيه ايه يا اخى انت بقيت انانى اوى كده ليه مش بتفكر غير فى نفسك
يحيى :- انانى ؟!
بهاء :- اه انانى لما ترفض تقول كلمه واحده بس علشان تخرج وتفرح قلب امك اللى هتموت عليك تبقى أنانى لما متفكرش فى اختك وأنها محتاجه ليك تبقى انانى أتنازل عن كبريائك مره واحده علشان امك واختك يا يحيى
يحيى :- نهض وقف وقال تقدر تمشى يا بهاء ولو حسيت نفسك زهقت من وقفتك جنبى يا صاحبى تقدر متجيش ليا تانى
بهاء :- نظر له وقال ايه الكلام العبيط اللى انت بتقوله ده انا عمرى ما ازهق منك يا يحيى وانت عارف كده بس انا نفسى تخرج من هنا بجد وترجع لحياتك تانى من اول وجديد
يحيى :- ربنا يسهل يا بهاء سلملى على امى وقولها تدعيلى
بهاء :- مش محتاج اقولها تدعيلك لأنها علطول بتدعيلك فكر فى كلامى يا صاحبى سلام وتركه وذهب
يحيى :- نظر له وهو خارج وتنهد بحزن وجاء الشرطى أخذه إلى الحبس مره اخرى

فى حارة حوريه

دخل اللمبى يركض إلى المقهى وقال بفرحه عارمه

اللمبى :- ست حوريه يا ست حوريه
حوريه :- فيه ايه يا ولا بتجرى كده ليه
اللمبى :- انا عرفت هنكسر رقبة البت اللى فوق ازاى
حوريه :- بت مين
اللمبى :- البت اللى حرقة دمك اخت المدرس دى
حوريه :- اه اه ازاى
اللمبى :- فيه الولا اللى هو صاحب اخوها ده اللى عامل شبه الاهبل ده
حوريه :- اه عارفه ماله
اللمبى :- كل يوم بيجى يخدها ويوصلها الجامعه ويجيبها من الجامعه لحد هنا
حوريه :- ايوه يعنى فيها ايه دى مش فاهمه
اللمبى :- احنا ممكن نعمل ليهم فضيحه فى الحاره كلها ونكسرها عجرفتها الكدابه دى علشان تعرف بعد كده تتكلم معاكى بطريقه وحشه
حوريه :- لاء فهمنى كده عايز تعمل ايه بالظبط
اللمبى :- تروحى للوليه الكبيره وتعملى نفسك بتسألى عليها وتطلبى تشربى عصير معاها وحطى ليها منوم من غير ما تحس والبت والولا دول الرجاله تستناهم على السلم وهما جاين ويخدروهم ويطلعهم الشقه بتاعتهم فى الأوضه ويناموا على السرير بفعل فاضح والناس كلها تشوف فضحيتهم وبكده يبقى كسرتيها للابد ايه رأيك
حوريه :- الفكره حلوه بس افرض الوليه مرضتش تقابلنى
اللمبى :- هترضى تقابلك مش هتكسفك
حوريه :- ماشى قرب ما هما يجوا اعمل كده بس هما هيجوا أمته
اللمبى :- بيجوا على بعد العصر بشويه كده
حوريه :- ماشى بس طلعت دماغك دى سم يا ولا
اللمبى :- لا عاش ولا كان اللى يعكر دم ست البنات ده انا امحيه من على وش الأرض
حوريه :- تسلم يا لمبى ده العشم برضه يلا روح شوف شغلك وانا كمان شويه هطلع لست دى
اللمبى :- عن اذنك يا ست حوريه وتركها وذهب
حوريه :- نظرت إلى الفراغ وقالت ابقى ورينى عجرفتك دى هتعملك ايه يا حلوه وابتسمت بشر وتوعد

عند الجامعه

خرجت هند من الجامعه ومعها صديقتها اميره ورأت بهاء ينتظرها فى الخارج زفرت بضيق نظرت لها اميره بأستغراب وقالت

اميره :- ايه فيه ايه مالك
هند :- الشخص ده لما بشوفه بيعصبنى
اميره :- نظرت إلى بهاء وقالت حرام عليكى الراجل شكله طيب وكتر خيره أنه بيوصلك لحد هنا كل يوم ويجى يخدك اخر يوم يرجعك البيت
هند :- والله محدش قاله يعمل فيها شهم وجدع انا مش بطيقه اصلا بنى آدم مستفز ودمه تقيل اوى
اميره :- والله العظيم انتى مفتريه وعجرفتك دى هتوديكى فى داهيه ياريت انا الأقى حد يهتم بيا كده كنت اديته عينى من جوه والله
هند :- يا منحنحه يا اختى اهو عندك اتفضلى بشحمه ولحمه ميغلاش عليكى اهو تبقوا لايقين على بعض اوى حله ولاقت غطاها وربنا
اميره :- القلب وما يريد يا دودو الولا شكله بيحبك انتى
هند :- يا شيخه اتنيلى ونقطينا بسكاتك واتفضلى امشى بقى واتجهوا عند بهاء
اميره :- مساء النور يا استاذ بهاء
بهاء :- مساء النور يا انسه اميره ونظر إلى هند وقال يلا
هند :- بقرف يلا يا اخويا اتنيل وأمشى
بهاء :- لمى لسانك واحترمى نفسك احسنلك
هند :- يا عم متقرفناش اتفضل اتنيل وأمشى وتركتهم وذهبت
اميره :- متزعلش يا استاذ بهاء هى مسحوبه من لسانها شويه بس طيبه وقلبها ابيض والله
هند :- ما تخلص انت لسه هتوقف تتكلم
بهاء :- دى عايزه حش رقابتها وربنا عن اذنك وذهب بأتجاه هند
اميره :- يخربيت عقلك يا هند مبهدله الراجل خالص الله يكون فى عونك منها والله وصعدت السياره وذهبت بها
بهاء :- أشار إلى التاكسى ووقف لهم ونظر إلى هند وقال اركبى
هند :- عقدة يدها عند صدرها وقالت افتح الباب
بهاء :- نعم يا اختى وانتى اتشليتى
هند :- انشالله انت واللى بيكرهنى افتح الباب اخلص
بهاء :- زفر بضيق وفتح الباب الخلفى وقال اركبى ركبك جن يعفرتك يا بعيده
هند :- نظرة له بأشمئزاز وصعدت السياره وقالت اقفل الباب بقى
بهاء :- نظر لها بغيظ ودفع الباب وصعد فى المقعد الامامى بجوار السواق وقال اسف عطلناك اتفضل امشى وتحرك التاكسى وذهب بهم الحاره

فى الحاره

صعدت حوريه إلى شقة يحيى وطرقت على الباب وانتظرت أحد يفتح لها الباب وبعد ثوانى معدودة اتفتح الباب ونظرت لها اعتماد بأستغراب اقتربت منها حوريه وسلمت عليها وقبلتها وقالت

حوريه :- مش عرفانى ولا ايه يا اما انا الست الحوريه اللى رحبت بيكم فى أول يوم جيته هنا
اعتماد :- عرفاكى طبعآ يا بنتى اللى ما يعرفك يجهلك اتفضلى يا بنتى ادخلى
حوريه :- دخلت وقالت أنا كنت ناويه اجى أرحب بيكم تانى يوم بس حصل اللى حصل ومعرفتش اجى اقوم معاكم بالواجب بس جبت ليكم اكل وبنتك مرضتش تخده منى
اعتماد :- معلش يا بنتى اصل احنا مش متعودين ناخد حاجه من حد علشان كده هند بنتى رفضت تاخد منك حاجه
حوريه :- حصل خير انا مش زعلانه خلاص بس مش ناويه تشربينى حاجه ولا ايه يا امى
اعتماد :- يوه يقطعنى يا بنتى الكلام اخدنى ونسيت اسألك تشربى ايه
حوريه :- واحد عصير ساقع كده من ايديك واهم حاجه تشربى معايا انا مش بعرف اشرب العصير لوحدى
اعتماد :- من عينيا يا بنتى ثوانى وهكون عندك البيت بيتك وتركتها وذهبت
حوريه :-انتظرت اعتماد وبعد وقت جاءت اعتماد وهى تحمل الصينيه وبها المشروب
نهضت حوريه تناولتها من يدها وقالت معلش يا امى شوية ميه سقعه من ايديكى الحلوين دول
اعتماد :- اتفضلى اقعدى يا بنتى وانا هروح اجبلك تشربى وذهبت وتركتها
حوريه :- وضعت الصينيه سريعآ على الطاوله واخذت حبوب المنوم من الحقيبه الخاصه بها ووضعتها فى المشروب الخاص بأعتماد واعتدلت سريعآ على الأريكة
اعتماد :- جاءت واعطت كأس الماء لحوريه وقالت اتفضلى يا بنتى
حوريه :- أخذت من يدها الماء ورشفت منها عدة رشفات ووضعتها على الطاوله واخذت المشروب الموضوع به المنوم وقالت اتفضلى يا امى اشربى
اعتماد :- اخذت من يدها المشروب وقالت من يد ما نعدمها يا بنتى وخدى اشربى انتى كمان
حوريه :- اخذت المشروب الخاص بها ورشفت منه رشفه قائله بأعجاب تسلم ايديك يا امى
اعتماد :- مطرح ما يسرى يمرى يا حبيبتى اشربى
حوريه :- انا بشرب اشربى انتى كمان
اعتماد :- تناولة العصير سريعآ ونظرت لحوريه وقالت منوره يا بنتى
حوريه :- بنورك يا امى وترقبة مفعول المخدر يظهر عليها وبعد عدة دقائق بدأ تظهر اعراض المنوم علي اعتماد وأغلقت عينها وذهبت فى نوم عميق اقتربت حوريه منها وقالت امى يا امى انتى نمتى امى وبعد ما اتأكدت أن حبوب المنوم اشتغل مفعولها نهضت سريعآ واخذت الحقيبه الخاصه بها وركضت إلى خارج الشقه وتركت الباب مفتوح حتى تسهل عليهم الدخول وبعد وقت وصل بهاء ومعه هند ونزلوا من التاكسى وحاسب بهاء السائق وذهب ونظر إلى هند وقال
بهاء :- اطلعى يا اختى خلينى اوصلك لحد الباب وأمشى
هند :- على فكره ممكن تغور من دلوقتى انا مش هتوه على السلم يعنى
بهاء :- اطلعى يا بت وبلاش لماضه يخربيت كده يا شيخه أمته اخوكى يطلع علشان استريح من ام قرفك ده
هند :- قرف لما يقرفك انا مش عارفه انت عامل عليا واصى ليه ما تسيبنى فى حالى بقى
بهاء :- أنا بعمل كده علشان صاحبى اللى هو اكتر من اخويا موصينى اخد بالى عليكم واتفضلى بقى امشى وبطلى لك
هند :- زفرت بضيق وصعدت على الدرج بعصبيه وصعد خلفها بهاء وهو ينظر فى الأرض حتى لا يرى جسد هند وهى تصعد إلى الأعلى ولكن الاثنين شعروا بيد بها قطعة قماش توضع على فمهم ولم يشعروا بأى شئ اخر

فى شقة يحيى

بدأت هند تفتح عيناها بصعوبه شديده ووضعت يدها على رأسها بألم وبعد عدة ثوانى بدأت الصوره توضح أمام عين هند نظرت للغرفه وقالت

هند :- ايه ده هو انا نمت فى اوضى أمته وازاى وتحركت ولكنها شعرت بشئ غريب بجوارها نظرت بصدمه وقالت ب.ب.بهاء ده بيعمل ايه هنا ونظرت إلى جسدها وجدت نفسها بالملابس الداخليه فقط ونفس الشيء بهاء
بهاء :- فتح عينه بألم شديد ونظر إلى الغرفه بأستغراب وقال ايه ده انا فين ونظر بجواره وجد هند تبكى وهى بالملابس الداخليه نظر الاتجاه الآخر بصدمه وقال ا.ا.انا جيت هنا ازاى وازاى احنا كده على السرير أنا مش فاهم حاجه
هند :- وضعت الغطاء على جسدها وقالت بدموع انت عملت فيا ايه هى دى الامانه اللى اخويا مأمنك عليها
بهاء :- نهض سريعآ من على السرير و حاول أن يدارى جسده بيده وقال انا معملتش حاجه ومش فاهم ايه اللى حصل ولا فاكر انا جيت هنا ازاى لو انتى فاكره حاجه فكرينى انا والله العظيم ما فاكر أن عملت حاجه حتى مش عارف هدومى راحت فين وازاى احنا بالوضع ده
هند :- نظرت الاتجاه الاخر ونهضت من على السرير وهى توضع فرش السرير على جسدها وقالت ولا انا فاكره حاجه اخر حاجه فكراها واحنا طالعين السلم ومش فاكره ايه اللى حصل بعد كده طيب فين ماما اطلع شوفها بره يمكن نقدر نفهم حاجه
بهاء :- هطلع كده ازاى اطلعى انتى حاطه حاجه على جسمك
هند :- بدموع م.م.ماشى واتجهت إلى الباب وهى تحاول أن لا تلتفت بنظرها إلى بهاء وفتحت الباب واتفاجئت بدخول عدد كبير من الأشخاص عليهم الغرفه ركضت بخوف خلف بهاء وظلت تبكى
بهاء :- وهو بيحاول أن يخفى جسده قال انتوا مين ودخلتوا هنا ازاى
اللمبى :- بقى انتوا جاين هنا المكان علشان تختفوا وسط أهالى الحاره وتعملوا الو**** دى هنا لاء ده انتوا هتتقطعوا النهارده يا انج*** واحده اخوها حرامى ومرمى فى الحبس وهى مقضيها فى الحرام مع صاحبه شايفين بعينيكم يا رجاله
بهاء :- انت ايه التخاريف اللى بتقولها دى تلاقيها لعبه منكم علشان تكملوا بقيت انتقامكم من يحيى علشان رفض يعتذر لست اللى بتشغلكم وراها زى الخرفان
اللمبى :- وليك عين تتكلم كمان يا وس**** ونظر للرجال وقال شوفوا شغلكم خليهم يعرفوا اخرت اللى بيعملوا ده ايه
هند :- مسكت فى بهاء بخوف وظلت تبكى
بهاء :- اللى هيقرب منها هقتله فاهمين دى مراتى
الجميع نظروا إلى بعض بأستغراب
اللمبى :- كداب فين عقد الجواز
بهاء :- ل.ل لسه عند المأذون اصل احنا لسه متجوزين قبل ما نيجى الحاره هنا بيومين بس كان كتب كتاب بس من غير فرح
اللمبى :- هات اى إثبات على كلامك ده واحنا نسيبك ونسيبها
بهاء :- نظر لهند واعاد النظر لهم مره اخرى وقال الصبح هيكون عندكم اصل الوصل مع اخوها فى القسم
اللمبى :- الصبح مش بعيد بس لازم يتعلم عليك انت والحلوه دى علشان تعرفوا انكم عايشين وسط ناس محترمين
هند :- مسكت فى بهاء أكثر بخوف
بهاء :- اقسم بالله اللى هيفكر يقرب منها مش هرحمه
وفى ذلك الوقت دخلت اعتماد ونظرت بصدمه وقالت
اعتماد :- ايه ده فيه ايه وانتوا مين ونظرت لابنتها وقالت وانتى كده ليه وانت يا بهاء فين هدومكم عريانين كده ليه ما حد يرد عليا
اللمبى :- بنتك بتستغفلك يا حاجه وعايشه حياتها مع الراجل ده فى اوضتها وانتى نايمه فى العسل واحنا الصراحه بقى رجاله ومش هنقبل بكده فى الحاره بتاعتنا
اعتماد :- اخرس ايه الكلام اللى انت بتقوله ده انا بنتى اشرف من الشرف
اللمبى :- ابتسم بتهكم وقال اه ما هو واضح الشرف عليها اهو بمنظرها ده
اعتماد :- اتكلمى يا هند ايه اللى حصل وايه جاب بهاء بالشكل ده عندك فى الأوضه
هند :- لطمت على وجهها وقالت معرفش والله العظيم ما اعرف يا ماما
بهاء :- والله العظيم ما فيه حاجه حصلت ما بينا يا امى احنا اصلا مش فاكرين جينا هنا ازاى وفين هدومنا
اللمبى :- هاتوهم فى الحاره يا رجاله بمنظرهم ده علشان يبقوا عبره للى يفكر يعمل كده
بهاء :- قولتلك دى مراتى ومش هسمح لحد يمد ايده عليها
اعتماد :- مراتك
اللمبى :- نظر للرجال وقال انتوا واقفين ليه ما تعملوا اللى قولتلكم عليه
الرجال اقتربوا من بهاء وهند واخذوهم بالقوه
بهاء :- ابعدوا عنها بقولكم سيبوها
هند :- الحقينى يا ماما ارجوكى يا ماما الحقينى
اعتماد :- ركضت خلفهم وقالت سيبوا بنتى
احد الرجال دفع اعتماد بقوه سقطت على الأرض وشعرت بدوار شديد برأسها وبدأت تسود الدنيا أمام عينها ولم تشعر بشئ اخر وفقدت الوعى
وأخذوا هند وبهاء بوضعهم المخل بالحاره وذهبوا عند مقهى حوريه والقوهم بالارض تحت قدم حوريه
اللمبى :- اهم يا ست حوريه
حوريه :- نهضت ونظرت لهم بأشمئزاز وبصقت عليهم وقالت اوعوا تكونوا مفكرين أن احنا هنا مغفلين ونايمين على ودنا لاء فوقوا دى حارة حوريه اللى الناس فيها ماشين زى الألف ومش هسمح بالو**** دى تحصل فى الحاره بتاعتى المرادى هكتفى بعلقه ليكم قدام الناس كلها علشان تفكروا مليون مره قبل ما تعملوا حاجه زى دى تانى
بهاء :- انتى عارفه ومتأكده أننا معملناش كده ودى لعبه وس** منك علشان تنتقمى لكبريائك اللى اهانه يحيى لما كسر كلمتك ورفض يعتذر ليكى انا وهند اشرف منك ومن عشره زيك ودلوقتى أنا عرفت يحيى بيعمل معاكى كده ليه وانا بعد ما كنت ضده هبقى معاه يا حوريه
حوريه :- ضغطت على اسنانها قائله وانا بقى هعرفكم مقامكم ونظرت للرجال الخاصه بها
هند :- كانت تبكى بحرقه وماسكه فى بهاء بخوف
اقترب الرجال من بهاء وبرحوا ضربآ حتى سال الدماء من جميع جسده
واقتربوا من هند نهض سريعآ بهاء من الارض وسقط أمامها وقال بألم
بهاء :- محدش يلمسها
نظرت حوريه للرجال أن تترك هند ويذهبوا ونظرت للحاره قائله بصوت مرتفع
حوريه :- دى اخرت اللى يفكر يمشى المشى الو*** فى الحاره هنا مش هسمح ده يحصل فاهمين ونظرت إلى هند بشماته وقالت خدى يا حلوه واطلعى واسترى نفسك كويس واقتربت منها وقالت ابقى خلى لسانك وعجرفتك ينفعوكى وابتعدت عنها وابتسمت لها
هند :- نهضت من على الأرض وقامت بمساعدة بهاء حتى يستطيع أن ينهض وقامت بمساندته وصعدت به إلى الاعلى وجدت والدتها ملقاه على الأرض ركضت إليها ورقدت على ركبتيها فى الأرض وقالت بدموع ماما ردى عليا الحق ماما يا بهاء مش بترد عليا
بهاء :- أتجه إليها بصعوبه وطرق بيده على وجهها عدة طرقات وقال امى ردى عليا امى يا امى ونظر إلى هند ووجه يسير منه الدماء وقال اتصلى بالاسعاف بسرعه
هند :- بدموع حاضر وركضت إلى غرفتها لم تجد حقيبة يدها خرجت إلى الخارج مره اخرى وجدت الحقيبه على الأريكة بجوار ملابس بهاء اخذت الهاتف من الحقيبه وقامت بالاتصال بالاسعاف وقالت لهم العنوان وأغلقت السكه واخذت ملابس بهاء وقالت بدموع هدومك اهى
بهاء :- حاول أن يأخذ منها الملابس ولكن صعب عليه الأمر
هند :- بدموع اقتربت من بهاء وقامت بمساعدته فى ارتداء الملابس وذهبت ارتدت ملابسها هى الآخر وبعد وقت جاءت سيارة الإسعاف وأخذوا الاثنين بهاء بعد أن فقد دماء كثير وفقد الوعى وأخذوا اعتماد وهى فاقده الوعى لا تشعر بشئ وصعدت معهم هند وذهبوا إلى المشفى
يتبع الفصل السابع 7 اضغط هنا
reaction:

تعليقات