القائمة الرئيسية

الصفحات

رواية حارة حورية الفصل الخامس 5

 رواية حارة حورية الفصل الخامس 5 بقلم دودو محمد

رواية حارة حورية كاملة

رواية حارة حورية الفصل الخامس 5

انتهى يحيى من نقل العزال فى الشقه بعد وقت طويل وحاسب العمال واغلق الباب والقى نفسه على الأريكة بتعب ونظر لوالدته وقال
يحيى :- ياااااا معرفش أن النقل صعب اوى كده الواحد اتهد حيله مع الرجاله اوى
اعتماد :- معلش يا ابنى هو متعب شويه بس المهم أن قلبك استريح
يحيى :- تنهد بحزن وقال انا عمرى ما هنساها يا امى حبها لسه فى قلبى بس بعد علشان مش قادر اشوفها مع غيرى
اعتماد :- ربنا يريح قلبك يا حبيبى
يحيى :- بتردد ايه رأيك فى الشقه
اعتماد :- تنهدت وقالت حلوه يا ابنى
يحيى :- هى مش عجباكى ولا ايه
اعتماد :- لاء عجبانى بس يعنى
يحيى :- وهو يعلم ماذا ستقول قال بتسأل بس ايه
اعتماد :- بس يعنى الحاره شعبيه اوى والست اللى اسمها حوريه دى مش مرتاحه ليها
يحيى :- يا حبيبتى احنا مالنا بيها هى فى حالها واحنا فى حالنا ولو خايفه على هند يعنى أنا هوديها واجبها كل يوم الجامعه معلش يا امى هى دى الشقه الوحيده اللى لاقيتها على قد فلوسنا وكمان جمب المدرسه بتاعتى علطول
اعتماد :- ولا يهمك يا ابنى بكره نتعود على المكان ونتأقلم عليه
خرجت هند من الغرفه الخاصه بها بعصبيه وقالت
هند :- قولى بقى هنتخمد ازاى فى ام الدوشه اللى فى الشارع دى يعنى احنا سيبنا شقتنا والمنطقة الهاديه اللى كنا قاعدين فيها ونسكن فى حاره زى دى وربنا ما مسمحاكم على اللى انتوا عملتوا فيا ده
يحيى :- بعصبيه ادخلى جوه وحطى لسانك جوه بؤقك بدل ما اقوم اقطعهولك يا هند مش ناقصه لسانك على اخر اليوم
هند :- بعصبيه يوووووه بقى ربنا يخدنى علشان ارتاح من العيشه القرف دى ودلفت غرفتها
اعتماد :- لا حولا ولا قوة الا بالله قوم يا ابنى نام الوقت أتأخر الصباح رباح
يحيى :- نهض وقال ماشى يا امى تصبحى على خير
اعتماد :- وانت من أهله يا حبيبى
يحيى :- دلف غرفته ووضع جسده على الأريكة وتنهد بحزن وافتكر حبيبته السابقه دمعه فرت من عينه مسحها بيده سريعآ واغلق عينه وبعد عدة دقائق ذهب فى نوم عميق

فى شقة حوريه

جلست حوريه على الأريكة الموضوعه بجوار الشرفه بغرفتها ونظرت إلى الحاره بأهتمام وترقب تنتظر شئ ما ونظرت بالساعه بقلق وسمعت صوت اذان الفجر تنهدت ورأت سياره تظهر بالحاره ابتسمت بأنتصار وجلست تشاهد والإبتسامة ترتسم على صدغها وقالت

حوريه :- هو ده الكلام علشان تبقى عبره لاى حد يفكر يرفع عينه فيا خلى عندك وكبريائك ينفعك لما نشوف هتعمل ايه يا حلو وجلست تراقب بأهتمام

فى شقة يحيى

سمع صوت طرق على الباب قام نهض من على الأريكة وخرج يركض من الغرفه وجد والدته واخته يخرجون من غرفهم والزعر مرسوم على وجههم

اعتماد :- بزعر فيه ايه يا ابن مين بيخبط علينا كده فى وقت زى ده
يحيى :- مش عارف يا ماما
هند :- مسكت فى والدتها وقالت أنا خايفه اوى يا ماما
اعتماد :- ربتت عليها بحنان وقالت متخافيش يا بنتى ونظرت ليحيى وقالت شوف مين يا يحيى
يحيى :- بقلق حاضر يا ماما واتجه إلى الباب وفتحه ونظر لهم بصدمه وقال خير يا حضرت الظابط
الضابط :- نظر له وقال انت صاحب الشقه دى
يحيى :- ا.ا ايوه حضرتك احنا لسه اول يوم لينا فيها
الضابط :- ادخلوا فتشوا الشقه
يحيى :- بأستغراب ليه حضرتك بقولك احنا لسه اول يوم لينا فى الشقه
الضابط :- هتعرف كل حاجه دلوقتى ودلفوا العساكر إلى الشقه وقاموا بالبحث داخلها وبعد عدة دقائق خرج إحدى العساكر من الغرفه وقال
العسكرى :- انا لاقيت الشنطه دى فى الاوضه دى يا فندم
الضابط :- اخذ الحقيبه ونظر بداخلها وجد أموال كثيره نظر إلى يحيى وقال الاوضه دى بتاعة مين
يحيى :- اوضى بس ايه الشنطه دى انا معرفهاش
الضابط :- أشار إلى العساكر بيده وقال هاتوا واخذ الحقيبه ونزل إلى الأسفل
العساكر أمسكوا يحيى من ذراعه واخذوا إلى الأسفل
يحيى :- وهو يحاول أن يفهم ماذا يحصل قال طيب فهمونى فيه ايه وواخدنى بالشكل ده ليه ما حد يرد عليا
اعتماد :- نزلت تركض خلفهم بدموع وقالت ابوس رجلك يا حضرت الظابط سيب ابنى ابنى مظلوم معملش حاجه
الضابط :- يا امى متقوليش كده ده شغلى وبقوم بيه احسن حاجه هاتوا ليه محامى وبلاش تضيعوا وقت وصعد السياره والعساكر وضعوا يحيى فى السياره من الخلف وصعدوا ووقفوا أمامه فى بوكس السياره وتحركت وذهبوا إلى قسم الشرطه
حوريه :- ضحكت بأنتصار ودخلت نامت على السرير وهى تشعر بلذة الانتصار وأغلقت عيناها وبعد عدة دقائق ذهبت فى نوم عميق
اعتماد :- صعدت تركض إلى الشقه بدموع ونظرت إلى هند وقالت معاكى رقم بهاء
هند :- لاء مش معايا هعمل بيه ايه الرقم
اعتماد :- طيب وايه العمل دلوقتى احنا محتاجين نوصل ليه بسرعه علشان يجيب محامى لاخوكى
هند :- صح الفون بتاع يحيى هنا اكيد فى اوضه
اعتماد :- طيب بسرعه ادخلى هاتيه
هند :- ركضت إلى غرفة يحيى واخذت الهاتف وعادت مره اخرى إلى والدتها وقالت اهو
اعتماد :- طيب اتصلى بيه بسرعه
هند :- حاضر وبحثت فى هاتف يحيى ووجدت رقم بهاء قامت بالاتصال بيه وانتظرت الرد
بهاء :- بصوت ناعس انت اتجننت يا ابنى فيه حد يتصل بحد فى وقت زى ده عايز ايه انا مش لسه سايبك من كام ساعه
هند :- بغيظ ابلع ريقك شويه خلينى اتكلم
بهاء :- بأستغراب هند فيه ايه
هند :- الشرطه جات اخدت يحيى
بهاء :- بصدمه نعم اخدت يحيى ليه ايه اللى حصل
هند :- معرفش هما فتشوا الشقه ولاقوه شنطه اخدوها واخدوه معاهم وماما بتقولك تعالى بسرعه علشان تشوف محامى ليه
بهاء :- نص ساعه بالكتير واكون عندكم اقفلوا الباب عليكم كويس ومتفتحوش لحد فاهمه
هند :- ماشى
بهاء :- سلام واغلق السكه
هند :- نظرت إلى والدتها وقالت نص ساعه وهيكون هنا
اعتماد :- جلست على الأريكة ببكاء وقالت يا ترى يا ابنى يا حبيبى ايه مستخبى ليك بس
هند :- شقه فقر من اول يوم فيها
اعتماد :- لا حولا ولا قوه الا بالله اللهم لا أسألك رد القضاء ولكن أسألك اللطف فيه وجلست تنتظر وصول بهاء لهم

اشرقت شمس صباح يوم جديد بنورها الساطع فى سماء الاسكندريه لتبدء حوريه بفتح عيناها وتململت على فراشها بأرتياح شديد ونهضت جلست على السرير واخذت الهاتف الخاص بها واجرت أتصال وانتظرت الرد

اللمبى :- صباح الفل يا ست حوريه
حوريه :- صباح النور يا لمبى
اللمبى :- شكلك مزاجك عالى اوى النهارده
حوريه :- بأبتسامه عالى اوى اوى يا ولا
اللمبى :- بيبقى عجبك الشغل صح
حوريه :- ايوه تسلم ايدك انا كنت واثقه فيك انك قدها وقدود ويعتمد عليك
اللمبى :- عيب يا معلمه ده انا رقابتى علشانك اول ما قولتيلى على الخطه روحت كلمة الراجل أنه يوافق على بيع الشقه ودخلت الشقه واخد الشنطه وبصيت فى الاوض واتوقعت أنه هيختار الأوضه اللى على الشارع علشان هيخاف على أخته وامه يناموا فيها حطيت فيها الشنطه وفهمت الراجل هيقول ايه لما يسألوه عليها وبلغت الشرطه عليه
حوريه :- الله ينور عليك ابقى تعالى كمان شويه خد المكافئه بتاعتك
اللمبى :- خيرك سابق يا ست حوريه
حوريه :- اصيل يا لمبى علشان كده بعتمد عليك فى كل حاجه يلا سلام وأغلقت السكه ونهضت من على السرير وخرجت من الغرفه وقالت رضا بت يا رضا
رضا :- جاءت تركض وقالت صباح الخير يا ست البنات
حوريه :- بأبتسامه صباح النور يا رضا حضرى صنية اكل بس تكون معتبره وخديها وديها للجيران الجداد وقوليلهم ست حوريه باعتها ليكم
رضا :- من عينيا يا ست الكل ودخلت غرفة الطبيخ
حوريه :- دلفت إلى الغرفه وبدلت ملابسها ودخلت المرحاض وبعد وقت خرجت من الغرفه وجلست على المقعد الخشبى أمام الطاوله تنتظر عودة رضا وبعد وقت عادة رضا وقالت
رضا :- مش راضين يخدوها يا ست حوريه
حوريه :- كنت متوقعه أنهم هيعملوا كده هاتيها وتعالى ورايا
رضا :- من عينيا وذهبت خلفها إلى بيت يحيى وطرقت حوريه على الباب وانتظرت الرد
هند :- فتحت الباب وقالت يا فتاح يا عليم يا رزاق يا كريم خير عايزه ايه
حوريه :- اوعى يا شاطره من وشى نادى امك
هند :- امى مش هنا وانا أسمى هند مش شاطره وسبق وقولت للخدامه بتاعتك مش عايزين حاجه من حد وياريت تخليكى فى حالك وأبعدى عن سكتنا
حوريه :- لسانك عايز قطعه وعلى ايدى قريب اوى ان شاءالله
هند :- لا انتى ولا عشره زيك يقدر يقرب منى وأعلى ما فى خيلك اركبيه ويلا بقى من غير مطرود وخدى أكلك معاكى احنا مش محتاجين حاجه من حد
حوريه :- نظرت لها نظره مطوله وقالت بصوت مرتفع رضا تعالى ورايا ونظرت لها مره اخرى وقالت انتى واخوكى حسابكم معايا تقل اوى ونظرت لها بقرف وتركتها وذهبت
هند :- دفعت الباب بقوه خلفها وقالت داهيه تخدك وانتى شبه البومه كده
حوريه :- روحى انتى على البيت
رضا :- طيب مش هتيحى تفطرى الاول طيب
حوريه :- بعصبيه مش هطفح وتركتها وذهبت إلى المقهى الخاص بها وجلست على المقعد الخشبى وقالت بصوت عالى ولا يا بندق انت يا زفت
بندق :- ركض إليها وقال اؤمرى يا ست الكل
حوريه :- هات واحد قهوه بسرعه وشوف الزفت اللمبى جه ولا لسه
بندق :- من عيونى يا ست حوريه وتركها وذهب
حوريه :- بغيظ انا مش عارفه العيله دى شايفه نفسها اوى كده ليه مبقاش انا الست حوريه لو مكنتش كسرت عجرفتهم دى وعرفتهم مين حوريه
وفى ذلك الوقت جاء اللمبى يركض إليها قائلا
اللمبى :- خير يا ست حوريه الولا بندق بيقولى انك بتسألى عليا
حوريه :- بعصبيه انت كنت فى اى داهيه
اللمبى :- ك.ك.كنت يعنى ك.ك.كنت
حوريه :- بعصبيه ما تزفت وانطق انت علقت ولا ايه
اللمبى :- نظر إلى الارض وقال كنت عند البت رضا بصبح عليها
حوريه :- حد قالك أن انا فتحها على البحرى يا روح امك طول ما انا مش فى البيت رجلك متروحش هناك فاهم
اللمبى :- ف.ف.فاهم أهدى بس انتى يا ست البنات واللى حرق دمك اوعدك هعرفه مقامه البت رضا قالت ليا على كل حاجه وانا وحياتك عندى هكسرك رقابتها اللى رافعها فى السما دى
حوريه :- انا عايزه اديهم درس يحلفوا بيه العمر كله يعرفوا يتعاملوا ازاى مع أسيادهم
اللمبى :- اعتبري حصل وهخليهم يجوا يبوسوا رجلك علشان تسامحيهم
حوريه :- لما نشوف
اللمبى :- هتشوفى بس اهم حاجه متعصبيش نفسك يا ست الكل
حوريه :- كلام اللمبى جعلها تهدء قليل وقالت ماشى روح شوف شغلك يلا
اللمبى :- ماشى عن اذنك يا ست البنات
حوريه :- استنى
اللمبى :- نعم
حوريه :- فتحت الدرج الخاص بالمكتب واخذت منه بعض النقود وقالت خد دول
اللمبى :- خيرك سابق يا ست حوريه
حوريه :- بعصبيه خد وبلاش كلام كتير
اللمبى :- أخذهم منها وقال من يد ما نعدمها يارب
حوريه :- روح يلا وقول لزفت الطين بندق يجيب القهوه كل ده بيعملها
اللمبى :- حاضر وذهب وتركها
حوريه :- نظرت إلى الفراغ وقالت بتوعد هعرفكم مين حوريه وازاى تتعاملوا مع أسيادكم صح وجاءت القهوه وبدأت تتناولها وهى تشعر بنار بداخلها

فى قسم الشرطه

دخل بهاء ومعه المحامى إلى غرفة الضابط وقابل يحيى وتركهم الضابط وخرج من الغرفه نظر بهاء إلى يحيى وقال

بهاء :- تفتكر مين عمل معاك كده
يحيى :- ابتسم بتهكم وقال تفتكر مين متغاظ من وجودنا فى الحاره وبدأت معانا بدرى
بهاء :- تقصد تقول إن اللى عمل فيك كده الست اللى اسمها حوريه
يحيى :- ايوه هى هددتنى بنفسها امبارح
بهاء :- طيب والعمل الست دى شرانيه وشكلها مش ناويه على خير أبدآ
يحيى :- مش عارف يا بهاء
بهاء :- دلوقتى مش عارف كان هيحصل ايه لو سمعت كلامى ومروحتش سكنت فى الحاره دى عندك ده اللى هيوديك فى ستين داهيه
يحيى :- سيبك من الكلام ده دلوقتى المهم عايزك تخلى بالك على امى واختى لحد ما اخرج ليهم من هنا
بهاء :- انت هتستعبط بتوصينى على اهلى
يحيى :- عارف والله انك راجل ويعتمد عليك بس بأكد عليك مش اكتر
بهاء :- امك بره بس العسكرى رفض يدخلنا احنا التلاته
يحيى :- بلاش تخليها تتبهدل وتيجى القسم تانى يا بهاء طمنها عليا وقولها يحيى بيقولك متجيش تانى القسم
بهاء :- ماشى وأنا هحاول اروح لست دى اكلمها
المحامى :- وهو ينظر فى الأوراق قال هو انت دفعت المبلغ كله لصاحب الشقه ولا نص المبلغ
يحيى :- بأستغراب كل المبلغ
المحامى :- بس هنا صاحب الشقه قايل انك دفعت ليه نص المبلغ وواعده انك هتدفع ليه النص التانى النهارده واللى هو كان موجود فى الشقه عندك
بهاء :-الراجل ده كداب يحيى دافع الفلوس كلها قصاد عينى
المحامى :- يبقى حد دافع ليه فلوس علشان يقول كده القضيه معقده جدآ حتى صاحبة البلاغ رافضه أنها تيجى بنفسها باعته الصبى بتاعها هو اللى بلغ
يحيى :- صاحبة البلاغ اللى هى مين
المحامى :-...
يتبع الفصل السادس 6 اضغط هنا
reaction:

تعليقات