Ads by Google X

القائمة الرئيسية

الصفحات

رواية في عرين الحرب الفصل الثاني 2 - شامة وتالا عباس

 رواية في عرين الحرب الفصل الثاني - شامة وتالا عباس

رواية في عرين الحرب الفصل الثاني

منرجع لعند ينار اللي استغل انشغال أخوه بالعشاء واتصل بخطيبتو ..
نطر جزء من الدقيقة حتى سمع صوتها عم تقلو

سناء : عاش من حظي بكرمك واتصلت فيه

ينار : ههههه يقبرني المعصب بتعرفيني عندي شغل كتير

سناء : بعرف حبيبي بس والله عم اشتقلك

ينار : وانا كمان كتييير عم اشتقلك

سناء : فيك شي ينار حاسة انك مو على بعضك ..

ينار : دائما بتعرفيني حتى لو مانك شايفتيني..

سناء : اكيد حبيبي نحنا واحد روحك ساكنة بقلبي وبحس فيك..
هلأ خبرني شو اللي شاغلك

ينار : أخي رجع فتح موضوع السفر معي وبيني وبينك كتير محتار ..
منو مافيني اترك البلد ومنو أخي كتير متدايق من الوضع هون... وبتعرفي ابي وامي الله يرحمهن موصيني فيه ..

سناء : وأنا كيف رح تتركني هون وتسافر ؟

ينار : أنا اتصلت فيكي مشان هيك شو رأيك تسافري معي ..

سناء : حكينا كتير ب هالموضوع وانت بتعرف أهلي كيف بفكرو ماحيقبلو أني سافر ..

ينار : طيب وشو يعني مافي غيرنا تركنا البلد مااكتر الناس طلعت وهجت انا تعبت هون بشتغل ليل نهار مابلحق لك كلشي صار عالبطاقة الذكية
..
بقي يعملو التنفس عليها..
لك هي غير غلا الأسعار اذا بتشتهي اكلة لازم تصمدي مشان تاكليها شي سنة كاملة لتقدري تعمليها لك أقل مقومات الحياة انعدمت ..

سناء : بس عالاقل انت ساكن ببلدك بين اهلك وناسك مع ناس تقاليدن متل تقاليدك وعيشتن متل عيشتك ..

ينار : أنو ناس عم تحكي عنها ليش الناس ضلت ع حالها كلو نافشلك ريشو متل الطاووس ومحاوط حالو بهالة شوك متل الصبار اذا بتقربي منو بينخزك

سناء : حتى لو

ينار : يعني شو ....مابدك تسافري معي

سناء : اها يعني قررت تسافر فضّلت اخوك عني... طيب اذا هيك انا مافيني اترك اهلي وسافر معك واعتبر اللي بيننا انتهى وبكرة خاتمك وهداياك بكونو عندك ..

وسكرت الهاتف بوجهو

يمان : شبك أخي ليش هيك وجهك مابيتفسر

ينار : مافي شي

يمان : تخانقت انت وسناء ؟؟

ينار : هز براسو بمعنى أي ومشي رايح ع غرفتو

يمان : وين رايح والعشا

ينار : كول انت انا مو جوعان

■□■□■□■□■

بالمشفى تحديدا عند سالي وعمر

سالي : الله يخليلي ياك وما يحرمني منك .. انت اطلع من هون بخير وسلامة وبكون انا ضبيت كل شي بدنا ياه ومنطلع فورا ما منستنى شي ..

عمر : اااخ شو صعبة .. الواحد يترك بلده وارضه يلي ربي وكبر فيها ..

سالي بغصة : شو بدنا نعمل .. نصيبنا من الدنيا .. بعدين .. بلكي اذا طلعنا ع ألمانيا .. حطت ايدا ع بطنا ..بلكي بكون النا حظ ومنتعالج وبصير عنا بيبي ..

عمر : ان شاء الله يارب ... المهم انت تكوني مبسوطة ..

سالي : ضمته سالي بحب لوقت صرخ من وجع كتفه..

سالي : آسفة .. ورجيني .. يي كتفك عم ينزف ..

طلعت قبل ما يحكي عمر ولا كلمة نادت للدكتور ..

فات الدكتور لعنده وكشف على كتفه ..: مافي شي عرضية اجا ضغط عالجرح لهيك انفكت قطبة منه ...

اطلعت سالي بعمر بخجل انه بسببها وهو ابتسملها وهزلها راسه بمعنى لا ..

طلعت لبرا ليشوفو شغلهن واتصلت برفيقتا الوحيدة نارين لتحكيلا كل شي ..

نارين : أ أ لو

سالي : ناري شبو صوتك ؟

بلشت نارين تبكي بهستيريا وسالي ما قدرت تاخد منها لاحق ولا باطل .. بحثت عن موقعها ولاقت انه بنفس المكان يلي هي متواجدة فيه ..

سالي : بالمشفى ! شو الها شغل بالمشفى ..
نزلت لتحت بسرعة لاحقة الاشارة لوقت ودتها الاشارة على غرفة من الغرف .. فاتت لجوا شوي شوي ولمحت نارين مسطحة عالتخت وهي عم تبكي ..

سالي ركضت لعندا : ناري ..

نارين قعدت وفتحت ايديها لتستقبل الحضن الدافي يلي بقيلها بعد اهلها ..

نارين : راحو .. راحوا كلن يا سالي راحووا .. راحوا الغوالي وتركوني لحاليييي...

سالي : ناري شو عم تحكيي .. ش ش شو يعني راحوا ، كيف ..

نارين : قتلوهن .. قدام عيوني قتلوهن .. وقعوا كلن ابي وو و امي و اخواتي ..

شهقت سالي وحطت ايدها على وجهها لتمنع دموعها تنزل.. بس دموعها كانو اسرع منها ...

ضمت سالي نارين وبلشو يبكو سوا ليفرغوا عن بعض ..
ووقت هديو ..

سالي : الله يرحمن .. والله ما كنت بعرف .. ما كنت بعرف والا كنت اجيتك من الاول ...

نارين : اصلا انا ما كنت صاحية .. كل ما كنت فيق يضربوني ابرة وينيموني .. بس خلص .. ما بقيلي مكان هون .. رح سافر ..

سالي : لوين!!!

نارين : الدكتور اقنعني اطلع تهريب .. وانا وافقت ..

ساالي : اي دكتور ..

نارين : دكتوري اسمو .. شو كان اسمو ؟

سالي : جابر ؟

نارين : اي يمكن

سالي : يعني بطّلع تهريب ؟

نارين : مو هو واحد بيعرفه ..

سالي ابتسمت : ونحنا كمان بدنا نطلع .. اخيرا اقنعته لعمر ..

نارين : عنجددد

سالي : ايي

نارين : يعني مارح تتركيني

سالي ضمتها : ابدااا ابدا

نارين : صح ما سألتك وقت حكيتيني فورا اجيت كاينة بهالأماكن ؟

سالي بحزن : كنت فوقك ..

نارين : فوقي .. شو الك شغل بالمشفى؟

سالي : عمر

نارين : شبو عمر !!!

سالي : عمري تصاوب يا ناري .. تصاوب اهئ اهئ ...

نارين : شوو كيف وايمتا وكيفه هلأ

سالي : منيح هلأ احسن .. صرله تلات ايام ما كان يصحى .. اليوم لصحي وفورا اقنعته نسافر ..

نارين : الحمد لله عسلامته .. ووافق ؟

سالي : وافق .. الحمد لله

نارين : لكن طلعتنا سوا ؟

سالي : سوا بإذن الله 🤝🏻

•~~•~~•~~•~~•~~•
الجزء الرابع

كانت عم تضب غراضها لما فاتت أختا لعندا

تيما: قومي سمعي هالخبر ..

تغريد : شوفي ليش فايتة هيك متل شرطة المخابرات شو صاير ..

تيما :لك وطي صوتك شو شرطة مخابرات ما شرطة مخابرات ..المهم مو كنتي خايفة تسافري لحالك ؟

تغريد : اييييي

تيما : جارتنا رواء عنا وعم تقول أنو هنن كمان رح يسافرو

تغريد : نطت فورا وقالتلا عنجد انا رح شوفا

طلعت لبرا وقبل ما تسلم قالت
تغريد : عنجد رواء رح تسافري كمان ..

رواء : هههههه يالطيف شو متحمسة اي بدنا نسافر بس لنبيع قطعة الأرض ونأمن المصاري ..

تغريد : واو جد انبسطت وايمت رح تبيعوها ماتقوليلي بتطولو !

رواء : هههه لا اطمني في واحد قايلو عليها لطاهر مارح تطول بيعتا ان شاء الله... شو جاهزة امورك انتي وغمزتا ؟

تغريد : اي طبعا عم جهز كلشي من هلأ مشان وقت يجي موعد السفر ماكون نسيت شي

رواء : اي خير ان شاء الله انا صار لازم روح حضر

يتبع الفصل الثالث اضغط هنا 



reaction:

تعليقات