القائمة الرئيسية

الصفحات

رواية انتقام مزدوج الفصل الخامس عشر 15 - ياسمين الشام

 رواية انتقام مزدوج الفصل الخامس عشر - ياسمين الشام

رواية انتقام مزدوج الفصل الخامس عشر

نارين:- اتسللت خيوط الشمس لغرفتها فتحت عيونها ابتسمت ابتسامة عريضة لما شافت ستها قدامها وبتلعب بشعرها

ستي:- صباح الخير حفيدتي المشاغبة قومي عملتلك احلى فطور هون مومتل المدينة اللي اجيتي منها لازم تفيقي بكير وتخلصي كل شغلك قبل الضهر

نارين:- صبااح الورد والعنبر تكرم عينك سلطانة نارين كل طلباتك اوامر اذا كل يوم بدي اتصبح بهالوش الحلوو بشتغل عن كل اهل الضيعة ازابدك

ستي:- هههههههه اسمعي خليكي عاقلة ولاتتمشكلي مع اهل الضيعة بكفي عملتيلي مشكلة من اول يوم وطيرتي واجهة الشب المسكين

نارين:- لما اتذكرت الموقف صارت تضحك بصوت عالي ههههههههههه لك شوبعرفني انو اسمك نارين وامي سمتني ع اسمك انتي كنتي بالمطبخ وهو دق الباب فتحتلو بقلي ماشاء الله ياحجة نارين شوعم تاكلي لحتا رجعتي بنت عشرين: وانا ماشفت حالي الا وسافقتو كف بنص خلقتو فكرتو بيتمسخر علي وياخجلتي منو ياستي لما عرفت انو الحجة نارين هي انتي

ستي:- طيب وعمران شوقصتو كمان

نارين:- هههههههه لك والله ياتيتة اهل هالضيعة نهفة لك هاد عمران بضل يلحقني من مكان لمكان وبدو ياني البس متل لبس الضيعة لا وبغار علي كمان لك بس افهم هوشو وجعو شودخلو ليكون زوجي ومابعرف يعني

ستي:- ههههه والله ماحدا نهفة غيرك انتي وفصولك الناقصة عادي بنتي لاتشغلي بالك اهل الضيعة قلبهن طيب و حبابين ومابيزعلو ابدا يالله خلينا نفطر وننزل عالبستان نقطف الفواكه

نارين:- اتحممت وفطرت مع ستي وطلعنا عالبستان كان متل الجنة كلشي خضار ومليان شجر فواكه كنت لابسة افرول جينز ورافعة شعري كعكة طلعت فوق الشجرة وصرت اقطف حبات الفاكهة واجمعها بالسلة واقضي كل وقتي اركض بهالبستان اتعرفت ع بنات الضيعة وحبيتن كتيير وصرت فيق كل يوم بكير لحتا اطلع عالبستان وقضي وقت حلو مع البنات صح كنت فرحانة كتير ورجعتلي ضحكتي اللي خسرتها من سنين بس قلبي من جوا كان عم يحترق بنار الشوق كنت شوفو واتخيلو بكل مكان بالضيعة اتمنيت لوكنا عايشين سوا انا وياه بالضيعة طول عمرنا اتمنيت عيش هالحياة البسيطة والسعيدة معو هو كنت دائما حس بالنقص وضل فكر فيه وهيك لحتى مر اول شهر ع وجودي عند ستي وهالشهر عندها كان كفيل يعوضني عن حرمان وحنان اهلي اللي ماتو قدام عيوني واللي لحد اليوم بفيق بالليل وانا ببكي لأني بشوف نفس المشهد ع شكل كابوس

نارين:- حطيت راسي عالمخدة وصرت راقب النجوم من الشباك اتذكرت امير نزلت دمعتي طلعت صورتو اللي كنت مخبيها تحت المخدة ضميتها لصدري وغفيت ودمعتي عالقة بطرف عيني

امير:- كان الوقت متأخر كتير لما رجع عالبيت كالعادة كان بمهمة دخل ع غرفتو كانت ميرا نايمة عمل دوش ورجع قعد عالتخت فتح تلفونو وصار يتطلع ع صور الو ولنارين مع بعض ويصفن بضحكتها اللي اشتقلها كتيير كان كلما بيشتقلها بيتطلع ع صورها هالصور الشي الوحيد اللي بقيلو منها غمض عيونو واستسلم للنوم من التعب وضل التليفون بايديه

ميرا:- فاقت لحتا تشرب مي وشافتو نايم والتلفون بايديه ابتسمت بحب وغطتو منيح وطبعت بوسة ع جبينو حملت التلفون من ايديه وفتحتو لحتا تشوف اذا فيه شحن لحتا تشحنو بس انصدمت لما شافت صورة نارين فضولها دفعها لحتا تتنقل بين الصور وشافت صور كتيرة بيجمعهن مع بعض نزلت دمعة حرقت خدودها حطت التلفون عالشاحن ورجعت قعدت جنبو وهي صافنة فيه كانت بتسمع صوت ضميرها : ليش عم تبكي ياميرا انتي بتستاهلي هالعذاب اللي انتي فيه انتي اخترتي تتخلي عن كرامتك وترضي بالعيشة معو رغم معرفتك انو بيعشق غيرك وانو بعمرو مارح يكون زوج لالك

ميرا: بس كل اللي عملتو لأني بحبو كتير وماقدرت عيش بدونو لك انا حتى لما عرفت بمرضي فرحت بدل ماازعل بس لأنو كان وسيلة لأجتمع فيه وكون قريبة منو وهالشي بكفيني

صوت ضميرها: بس هاي تاني مرة بتشوفي بعيونك وبتتأكدي من حبو لنارين قبل هلا سمعتيه باذنك بيحكي لسامر انو بحبها واليوم شفتي صورها ورح يضل يحبها ويفكر فيها مارح تقدري تغيري هالحقيقة ولا مرضك رح يشفعلك لحتا يحبك اصحي ياميرا وحاج تضيعي حالك وتضيعي امير معك حاج تظلميه وتستغليه بمرضك وتعيشي باوهام مارح تصير ابدا بالوقت اللي هو شفق عليكي ورضخ لأمر اهلو ووقف جنبك وماتركك ابدا بس مابحبك ياميرا اصحي انتي شفيتي وزال الخطر عن حياتك عيشي حياتك وخلي امير كمان يعيش حياتو امير مابحبك ولا رح يحبك بحياتو كلها امير بحب نارين وبس

ميرا: مسكت راسها وركضت عالحمام قعدت عالارض وهي لسا ماسكة راسها من الوجع وصارت تبكي بحرقة

امير:- فاق الصبح وهو مرتاح بعد يوم متعب من الشغل بس اتفاجأ لما شاف ميرا قاعدة بالغرفة ومجهزة حالها وجنبها شنتة كبيرة : مييراا شوفي لشو هي الشنتة

ميرا:- اتطلعت عليه بعيون دبلانة ومورمة من البكة: صباح الخير امير غسل وشك وتعال بدي احكي معك موضوع مهم

امير:- قام من محلو وهو موعارف شوعم بصير غسل وشو وطلع قعد جنبها : احكي ميرا شغلتي بالي شوعم بصير هون ولشو هالشنتة شوصايرر

ميرا:- ضليت طول الليل عم فكر واخدت قرار مهم بتخص حياتنا ومستقبلي

امير:- قرار؟ وشوهو هالقرار ميرا

ميرا:- حاجتنا عم نمثل ع بعض وع غيرنا امير نحنا بعمرنا ماكنا زوجين ولا رح نصير ضليت اركض ورا انانيتي وما اهتميت لشي ولا فكرت بالعواقب اللي رح تصير انا كسرت قلبي وكسرت قلبك وخليتك تبعد عن البنت اللي بتحبها استغليت مرضي وتعاطفك معي انا كنت انانية كتير امير بتعرف هداك اليوم اللي تعبت فيه ووقعت عند الدرج بيومها سمعت كل حديثك انت وسامر وعرفت اديش عم تعاني بسببي

امير:- مييراا انا

ميرا:- بترجاك امير خليني كمل كلامي ولاتقاطعني ومبارح كمان شفت الصور بتلفونك واتاكدت اكتر انو مستحيل تنساها امير ونحنا مستحيل نستمر بهالعلاقة انا اتحسنت هلا وصرت منيحة وزال الخطر عن حياتي مانك متطر تضحي اكتر من هيك خلينا كل واحد منا يشوف حياتو ويعيشها متل مابدو انا ماعد وقف حاجز بطريقك امير طلقني

امير:- ميرا انا وعدتك ضل جنبك ع طول

ميرا:- هاد كان بوقت مرضي بس هلا اختلف الوضع

امير:- كان مصدوم من كلامها: ميرا انتي متأكدة من الحكي اللي عم تقوليه هاد طلاق مو سهل انتي هلا تعباني ارتاحي وبنحكي بعدها

ميرا:- متاكدة كتير امير اكتر من اي قرار اخدتو من قبل صدقني هالشي لصالحنا نحنا التنين انا رح سافر ع لندن لعند خالتي وبكفي علاجي هنيك اكتر من مرا عرضت علي روح اشتغل معها بالشركة هنيك لاني دارسة ادارة اعمال بس انا كنت ارفض ع طول بس هلا متاكدة من قراري بدي استقر هنيك وافتح صفحة جديدة بحياتي اللي الله كتبلي اني عيشها بعد ماكنت فاقدة الامل منها وبتشكرك كتيير ع كلشي عملتو معي وبعتزرر كتيير كمان ع كل اذى سببتلك ياه وبعتزر من نارين كمان لاتتركها امير الحق حبك وين ماكان بتمنالكن السعادة نزلت دمعة من عيونها

امير:- قرب لعندها ومسح دموعها وضمها لصدرو كان زعلان عليها كتير لانو رح تتعذب كتير لحتا تنساه وفرح بنفس الوقت لانو هاد هو الحل الانسب للطرفين لحتا يشوفو حياتن ويرجع حبو اللي ضاع منو وكمان مشان مستقبل ميرا
نزلت ميرا مع امير بعد ماجمعت اهلها مع اهلو لامير وحكت للكل عن قرارها وانو هالزواج من اساسو موحقيقي وكان عالورق والكل ايدها بهالقرار لأنو هاد الافضل للكل بعد يومين خلصو اجرائات الطلاق صار وقت سفر ميرا وصلها امير عالمطار
ميرا:- اتطلعت بأمير نظرة طويلة كلها حب:- بتسمحلي ضمك اخر مرة امير
امير:- سحبها لحضنو ومسح ع شعرها بحنان انتبهي ع حالك وطمنيني عنك اول ماتوصلي وميرا سافرت ع لندن لعند خالتها
وامير صار لازم يلاقي نارين ويرجعها لحياتها ولقلبو وخبر اهلو عن نارين وقصتها وعن حبهم
ابو امير:- معقول ابني كل هالشي صار معك وماخبرتنا
امير:- كنت بدي طالعها بالاول من هداك المكان وبعدها بحكيلكن بس اكتشفت مرض ميرا واتغير كلشي
ام امير:- بس ابني بدي اسالك سؤال البنت كل الوقت كانت بهيك مكان الناس رح تحكي علينا اذا خطبتها
امير:- معقول امي ماهمك وجع قلبي والعذاب اللي مرت البنت فيه وانتقامي ووقفتي ع حكي الناس البنت اشرف من الشرف وماحدا استرجى يقرب منها
ام امير:- اسفة يا ابني والله مستعدة روح واخطبلك ياها حتى لوكانت بآخر الدنيا انت وحيدي ومابهون علي زعلك
ابوامير:- اعرف عنوان البنت ابني وبوعدك مارح تكون الا الك
امير:- الله لايحرمني منكن يارب طلع من البيت يدور عليها وماكان عندو حل غير انو يروح ع بيت البنات لحتا يعرف عنوانها لانها مابترد ع اتصالاتو ابدا

امير:- وقف ع باب بيتن ودق كم دقة فتحتلو سلمى الباب وضلت صافنة لفترة من الزمن: مرحبا سلمى كيفك رح ضل واقف عالباب كتير

سلمى:- اه اسفة اهلا امير اتفضل بس اتفاجئت بزيارتك لانو نارين موهون ومسافرة

امير:- قعد بالصالون: بعرف سافرت عالضيعة لعند ستها بس انا هون لحتا اعرف عنوانها مشان رجعها

سلمى:- ترجعها وليش واثق من حالك هيك مستحيل ترجع معك امير اساسا سافرت لتهرب منك ونحنا خسرنا صديقتنا بسببك شوبدك منها لسا انت اتزوجت واسست حياتك بترجاك امير اتركها تشوف حياتها كمان

امير:- انا وميرا اتطلقنا

سلمى:- شووو

امير:- متل ماسمعتي اتطلقنا وميرا سافرت لبرا البلد وانا لازم لاقي نارين باسرع وقت ماعد بدي ضيع وقت اكتر من هيك ارجوكي ساعديني

مها: - دخلت لعندهم وبحضنها آدم: انا رح ساعدك امير سمعت كلشي حكيتو هلا ومصدقتك مشان هيك رح احكيلك عن عنوانها

امير: - طلع من البيت وهو طاير من الفرح بعد مااخد العنوان من البنات وطلع عالضيعة تاني يوم الصبح بكير وهو متلهف لحتا يشوفها وبعد كم ساعة نزل بالضيعة وانصدم بجمال الطبيعة فيها صار يسال الناس على عنوانها وضل يدور بين البيوت وعيونو بتدور عليها بكل مكان وصل ع بيت ستها بعد ما عرف العنوان دق الباب وبعد شوي فتحت ستها الباب

ستي:- اهلا وسهلا ابني مين بتريد

امير:- متلبك: لوسمحتي هون بيت نارين؟

ستي:- اي هون وصلت بشوفيني اخدمك ابني

امير:- لوسمحتي حابب احكي معها

ستي:- تفضل احكي انا نارين

امير:- عفواا 😳

ستي:- هههههههههههه اسفة ابني بعرف انت بدك حفيدتي نارين وانا كمان اسمي الحجة نارين بس حبيت العب بأعصابك لأنك زعلت حفيدتي كتير

امير:- ستي انتي من وين بتعرفيني

ستي:- شفت صورتك تحت مخدت نارين وعرفتك اول ماشفتك

امير:- ستي اسمحيلي احكي معك شوي بترجاكي ساعديني

ستي:- طيب ابني اتفضل نحكي جوا نارين هلا بالبستان مارح ترجع لبعد ساعتين
_____________

نارين:- كانت واقفة مع البنات بالارض ولابسة متل اهل الضيعة ولافة شال ع راسها وشعرها نازل من تحت الشال كانت حلوة كتير وهالتياب لبقو عليها

سحر:- يابنتي انتي صرتي سيرة كل اهل الضيعة الكل بيحكي بجمالك والشباب بيتمنو نظرة منك وخاصتا محمود اللي اكل كف منك اول يوم اجيتي فيه

نارين:- هههههههههه لك اسكتي كل مابتذكر هداك اليوم بفرط من الضحك ولا التاني بدو يتحكم بلبسي وكانو ولي امري اختفت ضحكتها فجاة لما لمحتو بيتطلع فيها من بعيد وصارت تحكي بقلبها: شبك نارين رجعتي تتخيليه وتشوفيه بكل مكان لك انتي ايمتى رح تنسيه وتعيشي حياتك بقى
سحر:- هيييي ناريين كانت بتلوح بايديها قدام عيونها: لوين رحتي يابنت

نارين:- انا رايحة اقطف تفاح ستي عم تستناني بشوفكن المسا تركتون ومشيت وهي بعدها صافنة حملت سلتها وطلعت عالشجرة وصارت تقطف التفاح وهي بتاخد تفاحة من فوق زحلط رجلها عن الشجرة ووقعت لتحت مع سلتها بس انصدمت لما وقعت بحضنو

امير:- كان واقف تحت الشجرة وبيتطلع عليها كيف بتقطف التفاح ولماشافها وقعت مسكها قبل ماتوقع ضلو فترة طويلة صافنين بعيون بعض وقلوبهن دقاتها مليوون ونظراتهن بتفضح الشوق اللي بقلوبن

نارين:- امييير!!!!"

امير:- عيونو وقلبو لأمير

نارين:- اميير انت شوعم تساوي هون نزلني
امير:- جاي اخد حبيبتي
نارين: انا موحبيبة حدا بعدت ايدو عنها ونزلت وصارت تمشي بسرعة بدون ماتتطلع وراها وهي بتبكي بحرقة

(الصورة من بعيد أحلى ، الناس من بعيد أحلى ، البِدايات دايماً أحلى ، الكلام ب الأول أحلى ..

- لما منقرب شوي كلشي بيخرب .. !!)

امير:- لحقها ومسك ايديها بقوة وسحبها لعندو قلوبن صارت دقاتها مليون: - نارين اسمعيني خلينا نحكي لاتروحي وتتركيني مرة تانية بترجاكي عطيني مجال لاحكي

نارين:- مافي شي نحكيه امير اتركني بقى ليش لحقتني لهون كمان عملت المستحيل لحتى انساك كنت شوفك بكل مكان بهالضيعة وين ماروح بلاقيك خيالك ملاحئني وموراضي يرحمني ليش عم تعذبني هيك ليش بتلحئني ع طول وانت بتعرف نحنا مولبعض ليش بتحب تكسر قلبي وتجرحني

امير:- لأنو ممنوع تنسيني وممنوع تبعدي عني ولانو نحنا لبعض ع طول ومارح اسمحلك تبعدي مرة تانية عم تسمعي انتي الي وانا الك نارين
تارين:- نحنا مولبعض امير وحاج نضحك ع بعض
امير:- نحنا لبعض وانتي مارح تكوني لغيري ولو على جثتي

يتبع الفصل السادس عشر والاخير اضغط هنا 



reaction:

تعليقات