القائمة الرئيسية

الصفحات

رواية فصليتى القوية الفصل الخامس عشر 15 - ريناد رينو

 رواية فصليتى القوية الفصل الخامس عشر  - ريناد رينو


رواية فصليتى القوية الفصل الخامس عشر

عند مهاب فى البلد
مهاب :بت ياقمر الارض وحشتنى قوى ومش قادر ابعد عنها اكتر من اكده

قمر :الارض بس اللى اتوحشتها
مهاب فهم قصدها وابتسم :ايوه الارض بس امال يعنى هتوحش مين تانى

قمر :طب وهى الارض برضو اللى مخلياك كل شويه اكده تفشخ خشمك وتتبسم لحالك كيف المهبل

مهاب :اتلمى ياقمر
قمر :طيب متتصل بيها مش هى معاها مبايل
مهاب :هى مين
قمر غمزتله :الارض ياولد ابوى
مهاب ابتسم :حداييش رقمها
قمر :يبوى عالغباء فيه حد ميبقاش معاه نمرة ارضه 😆

مهاب :مجاش فبالى اخدها عشان مكنتش بتبعد عنى

قمر :خلاص هات نمرتها من رعد مش حداك رقمه
مهاب :ايوه صوح ...تصدقى طلعتى عتفهمى هَبابه
قمر:له دنا اعجبك قوى فى الحته دى بس اقولك لو معرفتش تكلمك متزعلش
مهاب :ومهتعرفش تكلمنى ليه يعنى

قمر :اصل الارض معندهاش صباع تدوس على الزرار هههههههعههع

مهاب :طب اختفى ياقمر من قدامى
قمر :طيب ماشيه مهى خلصت حاجتى من جارتى هاروح حدى سلمى هننزلو نشترو شوية حجات ناقصاها

مهاب :هتشتروها من فين
قمر :من حدى ام حمزه ف دارها عتجيب حجات حلوه قوى علونها مغلوانيه وبت جزمه بس حجتها حلوه

مهاب :وفين دار ام حمزه دى
قمر :قصاد دار سومه المهوووسه اللى عتموت العيال بالطوب فاكرها اللى كانت عتاخدنا بالطوب انا وحسن لما كنا نعدو من قدام دارها

مهاب :ايوه عارفها المره الفقريه دى طب خدو بالكم الا تفتح نفوخكم وسلمى عروسه مينفعش تتجوز وهى مبطوحه

قمر :له متخافش هنجو قدام دارها ونرمحو
مهاب :طب يلا روحو ومتتأخروش وخدو بالكم من نفسكم
قمر :يبوووى احنا عيال صغيره يعنى

مهاب :يبت عخاف عليكم انا ليا مين غيركم

قمر :ربنا يخليك لينا يااحن اخ فى الدنيا بحالها

مهاب كلم رعد واخد نمرة ريناد منه لكنه اتردد يكلمها عشان مش عارف يقول ايه ولا يبدا ازاى طب يقولها وحشتينى ولا يقولها حاسس نفسى تايه زى العيل الصغير اللى ساب ايد امه فوسط الزحمه ولا يقولها انه مش عارف يتنفس فى البراح دا كله من هوا
هى مش بتتنفس منه هيقول ايه ويبدا من فين

طب وهى مالو عتحبنى صوح زى ماعتقول كانت كلمتنى كانت سألت على .
ولا تكونش رجعت لعيشتها القديمه ونسيت مهاب والارض والحلم وكل حاجه لما لقيت الاحسن ؟
ولا تكونش عتعيد حسباتها من تانى
على العموم الحمد لله انه محصلتش حاجه بينا تأثر على قرارها اللى هتاخده
ايا كان قرارها انا راضى بيه وهتفضل ريناد
بالنسبالى احلى نسمة هوا بارده عدت على قلبى وطرت على روحى

************
عند ريناد فى المركز
ريناد :تعبت ياجويل كفايه حرام عليكى

جويل :خلاص حياتى ماباقى غير كم شغله
ونخلوص اصلا انا يلى تعبت عن جد انتى
كأننا بنعيد تكوين جسمك من اول وجديد
لكن لوك ات يو

ومسكت ايدها ولففتها حوالين نفسها معقول انتى رينو يلى جابتك رهف المصرى من كم يوم اتطلعى لحالك بالمرايه

ريناد بصت لنفسها وابتسمت وابتدت تلمس جسمها ووشها وشعرها

جويل :بس عندى شغله تانيه بدى انحت جسمك شوى من عند الوسط بالابره الالمانيه وبدى احقن بالدهون يلى راح ندوبها مناطق الانوثه عندك شو رأيك هاى الشغله كلها بتنعمل فى ساعات بسيطه وتطلعى تمارسى حياتك طبيعى جدا هاه شو قلتى

ريناد :انتى اللى تعرفيه اعمليه انا معرفش انا تحت ايدك وبصراحه بعد ماشفت النتيجه دى انا مسلمالك وبصمالك بالعشره

جويل :اوكى لتس جو
ريناد :😭ليتس جو يختى

ريناد مش فاضيه تكلم مهاب لكن فى نفس الوقت زعلانه انه مش بيسأل عنها معقوله
يعنى بُعدها عنه مش فارق معاه كده طيب موحشتهوش زى ماهو وحشها مسكت التليفون واتصلت برعد

رعد :الووو ايه العزل الصحى لسه مخلصش
من عندك ولا ايه

ريناد :لسه شويه
رعد :يبنتى انا متأكد ان تعبك هيروح عالفاضى ومش هيقدرو يعملو فيكى حاجه

ريناد بضحكه :معلش ادينا بنحاول
رعد :يلا يكفيكى شرف المحاوله

ريناد :رعد بتروح الارض
رعد :ايوه دايما بروح وبتطمن عليها والزرع زى الفل
ريناد :...........
رعد :على فكره هو سأل عليكى واخد رقمك منى
ريناد نطت من مكانها :بجد سال عليا واخد الرقم طيب مكلمنيش ليه طب قلك ايه طب هو عامل ايه

جويل :ياامى بسم الله هدى حياتى شوبك والله خرعتينى

رعد :بت انتى اقفلى عندى تدريب ولما تقابليه ابقى اسأليه كل الاسئله دى هو راجع الارض بعد ٣ ايام
ريناد :لا ٣ ايام مش هيكفو وبصت لجويل هيكفو ٣ ايام

جويل :اصلا مابدنا غيرهم هاال٣ ايام
ريناد :خلاص يلا يارعد سلام وقفلت السكه
يلا ياجويل اشتغلى بسرعه بسرعه

جويل :ماما ع كيفك لسا عندنا وقت خلى الشغل يطلع ظابط

ريناد قعدت وغمضت عنيها وعلى وشها احلى ابتسامه واستسلمت لجويل تماماً

************
بعد يومين
فرح سلمى فى اليوم التالى و التجهيزات للفرح بتم على اكمل وجه وسلمى فرحانه جدا ومحمود كمان هيطير من السعاده واهله كلهم فرحانين بسلمى اللى الكل بيحبها

مهاب شايف الفرحه فى عيون سلمى وافتكر ريناد لما كانت جايه اول يوم وباين عليها الانكسار والحزن وانها معاشتش الفرحه دى
ولا عيونها لمعت اللمعه اللى شايفها فى عيون سلمى واتنهد وحلف بينه وبين نفسه
لو ريناد رجعتله من تانى بنفسها وبتحبه بنفس قوة الحب اللى كانت فقلبها ومش
مغصوبه عليه ولا بتحاول تتعايش فى وضع
اتحطت فيه غصب عنها انه هيخلى دايما عنيها تلمع بلمعة السعاده دى وانه هيديها كل
الحب اللى شايله من سنين جوا قلبه
ومستنى الانسانه المناسبه اللى يديهولها

**********
عند حمد فى السرايا
مروان :سمعت ان قمر اتخطبت للواد الظابط اخو مرت مهاب
حمد :ربنا يوفق
مروان :وكمان سمعتها هى وسلمى عيقولو ان مرته ابوها اشترالها ٦٠ فدان جمب ارض مهاب وزرعتهم كلهم

حمد :ربنا يخضر

مروان :اهى الارض دى كلها المفروض ليا انى والبت كمان ليا انى لو كنت سيبتنى بس اخدها منه مش كان زمانى انا اللى عتمرضغ فى العز ديه

حمد :ربنا يعوض

مروان نفخ بقوه وبصوت عالى :مالك ياحمد
مترد عليا زين ياخى

حمد :ارد اقولك ايه منتا متأكد انك مكنتش هتقدر تاخد حاجه من مهاب هو قال هاخدها

عشان مهاب لما بيسيب حاجه لحد بيبقى بمزاجه وكمان الفلوس كانت هتطير مننا لو كنت ركبت راسك الفلوس اللى كبرنا بيها شغلنا وداخلين على شغل كبيرقوى قوى
وعاوز رجاله تقفله مش راجل يقعد يولول
زى الحريم على حتة عيله مطلهاش

وبعدين فيها ايه مختلف اللى حداها حدى غيرها فيها ايه يخليك مريل عليها اكده
طب دى حتى جسمها مقرف والكلب ميقدر
ياكلها بطل عك ياشيخ

مروان :طب اسكت انتا اصلك غشيم فى صنف الحريم ومجربتش كتير عشان تعرف ان كل وحده ليها طعم مختلف عن التانيه

حمد :مختلف ؟ ليه يعنى فيه وحده بطعم الفراوله ووحده اناناس ووحده جوافه

مروان :بالظبط اكده
حمد :والله لو الحكايه اكده يبقا بت احمد المصرى بطعم الكاكا
مروان :له وانتا الصادق دى كوكتيل فيها من كل طعم فيها طعم العفيه والحلوه واللينه والناشفه انتا تعرف احساسك ايه لما وحده بالقوه دى وتبقا خاضعالك وتحت رجلك وانتا تعمل فيها كيف منتا عاوز تعرف مجرد التفكير فى الحته دى عتجننى

حمد :ربنا يعينك على بلوتك ياولد ابوى

مروان :يبوووى ياحمد هى مره وحده بس ادوقها وبعد اكده لو الدنيا خربت مهيهمنيش

حمد :طب ماتروح على اكده واهو مهاب اهنه وبعد الفرح نشوفولو حجه نعطلوه يومين تروح انتا تدوق وتفت وتلهط وترجع
ههههعهعهع
مروان :دا يبقا جميل العمر ياولد ابوى والله

حمد :ولا جميل ولا حاجه وبعدين انتا
هتموت شهيد هقدمك للشهاده بيدى متغلاش عليك
مروان :كيف ده
حمد :مهاب هيدبحك وتموت قتيل والقتيل شهيد يعنى فى الجنه . امال فكرك مهاب هيسيبك تتنفس بعد ماتعمل اكده فمرته
انتا متعرفش اللى يتعدى على حاجه غاليه على مهاب ولا تخصه عيعمل فيه ايه ؟

انا كحمد عخاف منه واعمله الف حساب وععرف ميته اهبش منه وميته ارمح من قدامه

مروان بلع ريقه بصعوبه
حمد :قوم ياولد ابوى شوف وراك ايه قوم
وخليك عايش العمر مش ربه هتخضر كل ماتشيلها قوم ربنا يهديك

مروان قام ومشى لكن مش قادر يسيطر على رغبته فى ريناد اللى كل مابتيجى سيرتها نار الرغبه فى قلبه تزيد اكتر

*تانى يوم كان يوم الفرح وسلمى جهزت ومهاب راحلها ومسك ايدها زى ماوعدها
ووداها لبيت محمود وسلمها لمحمود بنفسه

محمود بفرحه :تعرف لو ادهانى حمد ولا مروان مكنت هتلفاها من يدهم كنت هقولهم معاوزهاش

سلمى :اكده ياحوده زعلانه منك
محمود :له له له انا مقدرش على زعل القلب ودقاتو طب دنا لو زعلتى منى تزعل منى روحى وتفارقنى

سلمى :بعد الشر عنك ياحبة القلب
محمود :طب مش كفايه كلام وندخلو فى المفيد ولا ايه 😉 واخدها وراح على اوضتهم سوا وقمر ماسكه ديل الفستان وداخله معاهم

محمود مسكها من هدومها من وره وعلقها :
داخله فين انتى ؟
قمر :معاكم اصلى لازمن اقف مع سلمى فيوم زى ديه

محمود :تقفى معاها لغايه متوصليها باب اوضتها مش توقفى معاها جوه

قمر :😢 انتا معتحبنيش ليه يا جوز اختى

محمود :مين قال اكده
قمر :منتا عتطردنى من اوضتك اهه
محمود هزها جامد خلاها تروح وتيجى :تعرفى ياقمر يامخبله لو ممشتيش من قدامى دلوك انا هربطك فحبل وادلدلك من البلكونه واخلى العيال تنشن عليكى بالطوب

قمر : خلاص وعلى ايه ادينى ماشيه ومشيت خطوتين ورجعتلهم تانى ":
طب هقعد ساكته ومش هتسمعولى صوت كأنى مقعداش ايييه رأيكم

محمود نفخ وكور ايده وقبل ماينزل عليها مهاب جرى وخطفها من قدامه :تعالى ياوكلاهم محمود هيفجرك لو قعدتى كمان شويه وزقها لتحت نزلها

مهاب رجع تانى لمحمود اللى بيطلع شرار من عنيه وسلمى فطسانه ضحك

محمود :بيدخل هو وسلمى ومهاب مسك الفستان من وره وداخل معاهم

محمود بزعيق :نعم يامهاب انتا كمان رايح فين

مهاب بصله وابتسم :😁هقعد ساكت ومش هعمل صوت

محمود بغضب بيدور على حاجه يضرب بيها

هى سيما ياولاد الجزمه ؟ مهاب مسك جلابيته بخشمه ونزل بسرعه على السلم
وهو بيضحك

محمود بص لقمر اللى بتضحك اوووى :
وانتى كمان خشى قدامى عازمالى اخواتك على دخلتك ؟
سلمى ضحكت اكتر
محمود :اييييه هنعملو دخله شو ياك عزمتى حد تانى ولا دول بس ؟

سلمى ضحكت بصوت عالى

محمود بغضب :طب على اكده بعتى التزكره على كام اوعى يكون ضحكو عليكى وبعتى كله بتمن واحد اصل تزكرة اللى هيقعد جمبنا عالسرير غير اللى هيبص من بعيد
وخدى بالك ده عرض اول

سلمى كل مالها بتزيد فى الضحك
محمود :ادخلى يختى ادخلى بهبل اهلك ده

سلمى ومحمود دخلو ومحمود قفل الباب و 🙈🙉🙊

رعد كلم مهاب وعرف انه هيركب بكره الصبح ويروح البلد وطلب منه انه يكلم قمر وفهمها انها تصر على انها تفضل كام يوم عند بيت عمها بناء على خطة رهف ... وقمر وافقت علطول
رعد :مع انك وحشتينى
قمر :معلش لازم نضحى عشان سعادة الغير
رعد :بحبك يافدائى انتا
قمر :بس عاد عتكسف
رعد :وربنا كذابه دنا بتكسف اكتر منك
قمر :اكده طب يلا مع السلامه
رعد :باى يامجنونة قلبى

رعد قفل السكه وكلم رهف مامته عرفها بميعاد رجوع مهاب ورهف كلمت المركز
وعرفت ان ريناد جهزت خلاص وطلبت من
جويل تنقيلها فستان على زوقها من مجموعة
العرض بتاعتها وهى هتحاسبها عليه
جويل نقت فستان بسيط وسيمبل لريناد
احمر حرير فوق الركبه مفتوح على الركبه ومفتوح من الصدر جامد وتحته توب ابيض
بحمالات وديق من الوسط وصندل رقيق دهبى بكعب عالى

ريناد :لا مش هلبس كعب عالى مبرتحش فيه
جويل :ياامى الكعب العالى بيعطى انوثه وصوت طقطقة الكعب على الارض بتجنن الرجال معناته ان فيه انثى ان ذا راوند

ومع كل طقه قلبه بيدق معها صدقينى
وبعدين الوحده منا مالازم تكون مرتاحه باللبس لو بدها تظهر انوثتها

طيب مكل الستات مابترتاح بالبرا وبرضو بيلبسوها
وكمان العدسات مانها مريحه لكن بتنلبس
وكمان السويت والوكس مانهم شى محبوب للمره بالمره لكن مافى غنا عنهم حياتى لتكونى جميله لازم تتحملى وهلا فرجينى
الانوثه كيف بتكون البسى الكعب وابرمى قدامى كم برمه

ريناد لبست الكعب ومشيت بيه لكن بحزر وخوف
جويل مسكت حاجه جمبها وحدفتها على ريناد على اساس ريناد تجرى من قدامها بالكعب لكن اتفاجأت بريناد صدتها بايدها كسرتها على حتت صغيره

جويل :😨يي شو هاد يخرب عقلك شو سويتى
ريناد :صديتها
جويل :رينو حياتى اذا زوجك هيك ضربك بمخده مثلا شو بتساوى

ريناد :اصدها واضربه بيها انا

جويل :ياالله دخليك تعى حبيبى قعدى جمبى هون
ريناد راحت قعدت جمبها

جويل :حياتى رينو اى وحده عندها عنف ودفاع عن النفس لكن مش قدام زوجها
يعنى اذا ضربك بمخده هى ما بتأذى لكن
انتى تجرى وتصرخى هيك بضحك كأنك خايفه منه وتبرمى وهو يبرم خلفك وهيك يبقى فيه مناغشه بينكم

لكن انتى لو صديتى المخده راح يقعد الرجال وما راح يسوى شي تانى راح ينبط

ريناد :😞معرفش امثل انا وبعدين هو عارفنى مش بخاف يعنى هبقى مفقوسه

جويل :لا ماراح تكونى مبقوسه او هو راح يحسك سخيفه راح يحس ان هاى دعوه منك إله ليكمل ضحك ولعب معك يعنى هيك بتشجعيه

يعنى متل مثلا زلمه بيضرب مرته ضربه خفيفه هيك يعنى بيجاكرها بحب وهى تصرخ وتضحك وتقوله راح موت بتكون فعلا راح تموت

ريناد :لا بتكون مايصه

جويل :وهاى يلى بيحبها الرجال بيعشقوها
يلى بتمثل قدامه الضعف وهى احيانا بتكون اقوى منه يعنى مثلا اذا سدحته كف بتجيبه الارض فهمتى رينو

ريناد هزت دماغها :فهمت

جويل :وكمان بدى ياكى تكونى من يلى بيقولو علين يتمنعن وهن الراغبات يعنى
ترفضيه وتتغلى عليه وانتى بتكونى روحك
راح تطق عليه فهمتى عليا بس لاتزيديها ها
ترى نفسه تنسد منك ويعتبرك عم تكرهيه

ريناد :تمام
جويل :وهلا يلا بدك تنامى لتصحى من بكرة الصبح وعيونك يكونو مرتاحات لنعمل الميكب وآخر الرتوش لتسافرى لزوجك وتبدى حياتك لجديده وتزكرى ريناد القديمه
نحن قشرناها وطلعنا من تحتها رينووجديده
ارق واجمل وانعم فهمتى عليا وبدى
ياكى تكلمينى بأستمرار تطمنينى عاحالك
اتفقنا رينووو
ريناد حضنتها بحب :اتفقنا يااحلى جويل فى الدنيا

*ريناد نامت وصحيت الصبح الساعه ٥ وجويل عملتلها الميكب ولبستها الفستان
وحطتلها العدسات ازول جراى
وركبتلها اكستنشن فى شعرها ورموش دايمه
بتفضل ٦ شهور
ريناد بصت فى المرايه لقت وحده غريبه عنها وحده من بطلات هوليوود البشره والجسم واللبس وكل حاجه حتى الملامح اختلفت
رعد وصل عشان ياخدها يوصلها ورن عليها

ريناد :اطلعلى فوق لسه قدامى شويه
رعد :لا هستنى فى العربيه
ريناد اطلع عشان عاوزاك تشوفنى بمنظر مش هينفع اطلع بيه فى الشارع يازفت

رعد :😳 مينفعش تطلعى بيه الشارع ؟
طب متأكده انا ينفع اشوفه

ريناد :ايوه ينفع اطلع
رعد طلع ووصل لفوق فى المركز جات عليه
وحده زى الممثلات بفستانها الاحمر القصير
وبتمشى بخفه وتمايل زى عارضين الازياء

رعد :اهى هى دى الاشكال اللى تيجى هنا مش اختى طب والله انا هتكسف استلمها قدام دول وهما تلاقى اكتر حاجه عملوهالها
شحمولها ودانها

ريناد جات عليه وحضنته مره وحده وباسته من خده
رعد :الله ايه المركز الجميل ده :لو سمحتى
كنت عاوز اسأل عن وحده ....وحده كده

بصى هى وحده بس مش وحده
يعنى هى اءاءااا بصى هى اسمها ريناد ممكن تدوريلى عليها

ريناد ابتسمت جامد :يلا ياهبل
رعد :لا عيب هو انتى عشان حلوه هتغلطى
عيب علفكره انا ظابط كبير كبير اووى

ريناد :طب ايه رأيك فى التعديل
رعد :استنى استنى دا صوت ريناد اختى
وابتسم وشاورلها بصباعه يعنى فهم😁 وراح يتسحب وينط ورا كل حاجه يفتش

ريناد :بتعمل ايه
رعد :اطلعى يازفته هنتاخر
ريناد :اطلع منين
رعد بصلها :استنى لو سمحتى عاوز اعرف هى مستخبيه فين عشان دا مش وقت هزار وبعدين حضرتك فاضيه اوى عشان تيجى تمثلى انك هى وتحركى شفايفك وهى تتكلم
هتغش مين العبيطه دى اطلعى يابت اتأخرنا

ريناد ابتسمت لجويل اللى جات عليها :هاه
رينو خلاص بدك تمشى
ريناد :ايوه خلاص اخويا جا ياخدنى.. انا
متشكره جدا ياجوجو وهتوحشينى بجد
جويل :العفو ولو سلامى لرهوفه

ريناد :يوصل حبيبتى
جويل :برضو مصممه تلبسى عبايه فوق الفستان والله حرام تدارى هيك جمال

ريناد :معلش بس الجمال ده خاص بشخص واحد بس من حقه هو بس يبصله

جويل :هنيالو بيكى وربى يسعدكم
ريناد :امين يارب

رعد متابع الحوار كله وواقف مبلم
ريناد :هاه ايه رأيك بقا
رعد :حزين عليكى على فكره
ريناد :😨ليه
رعد :😢مكنتش اتوقع منك كده مش علشان واحد تبيعى روحك للشيطان وتقايضيه عشان يخليكى جميله فى عيون الناس
قدمتيله ايه ياريناد فى المقابل دبحتى
اطفال ولا اتخليتى عن إيمانك ؟

ريناد :يلا يازفت مفيش وقت
رعد :يلا اساسا انا دلوقتى بس عرفت جويل دى بتغير الناس ازاى وده اساسا مركز للشياطين وهى ساحره

جويل كانت لسه واقفه وسامعه ومبتسمه لكن لما قال ساحره اتخضت 😨
يي ساحره ..انا ؟

رعد :ايوه ولف ريناد قدامها وقلد صوت خالتى نوسه ..ساحره ولا مش ساحره

جويل ضحكت بصوتها كله وقربت لرعد ومسكت خده هزته برقه :شوو مهضووم
ومشيت ورعد فضل متابعها بعنيه وفاتح بوقه

رعد :بت ياريناد انا لازم اجيب قمر هنا يظبطولها تاكيهات ويعملولها عمره كامله زيك كده اذا كان انتى طلعتى كده قمر هتطلع ازاى 😍

ريناد طب يلا بينا ولبست العبايه وخرجت
ورعد جرى وراها استنى يابت همشى جمبك
ريناد ضحكت وهى بتمشى ورعد باصص لها
من ورا وبيمشى وراها وهو فاتح بقه بزهول

رعد وريناد عدو على رهف وريناد اول مادخلت قلعت العبايه واتمشت قدام رهف بدلال
رهف :كنت متأكده مافى غير جويل راح تقدر تسويها وجريت عليها حضنتها

رهف بعدتها عنها وبصتلها واتنهدت :
وهلا جاهزه لحياتك لجديده بنيتى

ريناد هزتلها دماغها
رهف دخلت جرتلها شنطه
ريناد ":انا ملبستش اللى عندى
رهف :لا هاى اشيا غيير راح تحتاجيهن 😉

ريناد طلعت سلمت على بباها اللى اتصدم اول ماشافها
احمد :على فكره مش خساره الفلوس اللى خلتنى امك اكعها على النتيجه دى هنيالو
مهاب

ريناد ضحكت بخفه وودعت بباها ببوسه على خده ونزلت ودعت رهف وطلعت مع رعد وهى كتلة حماس وبتتخيل كذا سيناريو
لرد فعل مهاب لما يشوفها وبعدين قالت لنفسها مش هتوقع ولا هتخيل لان دا محدش يتوقع ردود افعاله

رعد وصل ريناد ونزل معاها الحاجه وغمزلها ومشى دخلت ريناد البيت اللى كان واحشها بغباء وكانت جايبه اكل جاهز معاها وتورته وشموع عطريه ورتبت كل حاجه
ودخلت اوضة النوم وقعدت على السرير فى انتظار مهاب اللى كلمه رعد وعرف ميعاد وصوله وفاضل تقريبا ربع ساعه على الميعاد

وفضلت تفرك اديها فبعض

بعد شويه سمعت صوت عربيه وقفت بصت من الشباك لقت مهاب نزل منها وقعدت على السرير وقلبها هينط من مكانه من كتر مابيدق بعنف

مهاب فتح الباب وبص لقى تورته واكل على السفره ولقى شموع فى كل مكان والبيت ريحته تجنن
مهاب بص يمين وشمال بخوف واتقدم بحزر على الشموع اللى مرصوصه على الصفين
لغايه اوضة النوم ومسك الاكره ولفها بشويش وهنا اخر ثبات عند ريناد انهارت
وغمضت عنيها بشوق ...اخيرا بعد طول انتظار هتشوفه وتشم ريحته هما اه كام يوم لكن بالنسبالها كانو عمر بحاله

مهاب فتح الباب واتفاجئ باللى قدامه وفتح بوقه بزهول وسند على الباب وريناد قامت
بدلع اتمشت عليه لغاية ماوقفت قدامه



وطلع الصباح ووقفت ريناد عن الكلام المباح وكوكوكوكو 🐓🐓🐓 ونكمل بكره

بقلم /ريناد :رينووو 


يتبع الفصل السادس عشر اضغط هنا 

reaction:

تعليقات